കൊല്ലം: നിയമസഭ തെരഞ്ഞെടുപ്പിൽ ജില്ലയിൽ ആകെയുള്ളത് 20,84,011 സമ്മതിദായകർ. ജില്ലയിലെ 11 നിയോജകമണ്ഡലങ്ങളിലായി 9,96,263 പുരുഷ വോട്ടർമാരും 10,87,727 സ്ത്രീ വോട്ടർമാരും 21 ട്രാൻസ്ജെൻഡർ വോട്ടർമാരും ഉൾപ്പെടെയാണ് 20,84,011 വോട്ടർമാരാണുള്ളതെന്ന് കളക്ടർ എൻ. ദേവിദാസ് പത്രസമ്മേളനത്തിൽ പറഞ്ഞു.
26,451 യുവ വോട്ടർമാരാണ് ജില്ലയിലുള്ളത്. വയോജനങ്ങളിൽ 16, 024 വോട്ടർമാരും ഭിന്നശേഷിക്കാരിൽ 18,904 വോട്ടർമാരുമുണ്ട്. ജില്ലയിൽ ആകെ 11 മണ്ഡലങ്ങളിൽ 1094 സ്ഥലങ്ങളിലായി 2256 പോളിംഗ് സ്റ്റേഷനുകൾ ആണ് നിയമസഭ തെരഞ്ഞെടുപ്പിനുള്ളത്.440 പോളിംഗ് സ്റ്റേഷനുകൾ ഗ്രാമപ്രദേശങ്ങളിലാണ്. 1816 എണ്ണം നഗരപ്രദേശങ്ങളിലും.
55 മാതൃകാ പോളിംഗ് സ്റ്റേഷനുകളും 11 പിങ്ക് പോളിംഗ് സ്റ്റേഷനുകളും ക്രമീകരിക്കുന്നതിന് തീരുമാനിച്ചതായി കളക്ടർ അറിയിച്ചു. ജില്ലയിൽ ആകെ 180 പ്രശ്ന ബാധിത പോളിംഗ് സ്റ്റേഷനുകളാണ് നിലവിലുള്ളത്.
ജില്ലയിലെ നിയോജക മണ്ഡലങ്ങളുടെ പേര്, പോളിംഗ്സ്റ്റേഷനുകൾ, പുരുഷ, സ്ത്രീ, ട്രാൻസ്ജെൻഡർ,ആകെ എന്നിങ്ങനെ യഥാക്രമം: കരുനാഗപ്പള്ളി - 214, 104221, 110031, 2, 214254. ചവറ - 188, 86924, 91537, 2 ,178463. കുന്നത്തൂർ -227, 97993, 107386, 2, 205381. കൊട്ടാരക്കര - 204, 91414 ,101461, 0 ,192875. പത്തനാപുരം - 196, 85090 ,94401, 1, 179492. പുനലൂർ - 220, 93759, 103325, 2 ,197086. ചടയമംഗലം - 204, 95610, 105933, 1, 201544. കുണ്ടറ - 226, 98547, 107411, 4 , 205962. കൊല്ലം - 190, 79028, 84999, 2, 164029. ഇരവിപുരം 191, 80994, 87293, 3, 168290. ചാത്തന്നൂർ 196, 82683, 93950, 2, 176635. ആകെ 2256, 996263, 1087727, 21, 2084011-
Tags : nattu vishesham voters