കൊല്ലങ്കോട്: കാളികുളമ്പിൽ രണ്ടുദിവസംമുൻപ് പുലിയെ കണ്ട സ്ഥലത്തിനുസമീപം ഇന്നലെ കാൽപ്പാദ അടയാളങ്ങളും നാട്ടുകാർ കണ്ടെത്തി. സംഭവസ്ഥലത്തെത്തിയ വനംവകുപ്പ് അധികൃതർ കാൽപ്പാദ അടയാളം പുലിയുടേതാണെന്നു സ്ഥിരികരിച്ചു സംഭവസ്ഥലത്ത് നിരീക്ഷണ കാമറകളും ഇന്നലെ സ്ഥാപിച്ചിട്ടുണ്ട്.
ഇന്നു കാമറയിൽ പുലിസാന്നിധ്യം കണ്ടാൽ മേലധികാരികളുമായി ചർച്ചചെയ്തു കൂട് സ്ഥാപിക്കാനും തീരുമാനിച്ചു. പുലിസാന്നിധ്യം സ്ഥിരീകരിച്ചതോടെ കാളികുളമ്പിലെയും സമീപ പ്രദേശങ്ങളിലെയും താമസക്കാർ പരിഭാന്ത്രിയിലായിരിക്കുകയാണ്.
തനിച്ച് രാത്രിസഞ്ചാരം ഒഴിവാക്കാൻ വനംവകുപ്പ് നിർദേശിച്ചിട്ടുണ്ട്. പ്രദേശത്തെ വളർത്തുനായകളെ കാണാതായാൽ ഉടൻ വിവരം അറിയിക്കാനും ഫോറസ്റ്റ് അധികൃതർ നിർദ്ദേശിച്ചു. ആർആർടി ടീം സജീവമായി പ്രദേശത്ത് നിരീക്ഷണം നടത്തിവരികയാണ്.