തൂഫാൻ 2.0 നെന്മാറ ഗ്രാമപഞ്ചായത്ത് പ്രസിഡന്റ് സി.സി. സുനിൽ ഉദ്ഘാടനം ചെയ്യുന്നു.
നെന്മാറ: ഓപ്പറേഷൻ തൂഫാൻ രണ്ടാംഘട്ട പ്രവർത്തനങ്ങളുടെ ഭാഗമായി സംഘടിപ്പിക്കുന്ന ‘തൂഫാൻ തദ്ദേശം 2.0’ പഞ്ചായത്ത് തല പ്രചാരണങ്ങൾക്ക് നെന്മാറ ഗ്രാമപഞ്ചായത്തിൽ തുടക്കമായി. ഗ്രാമപഞ്ചായത്ത് പ്രസിഡന്റ് സി.സി. സുനിൽ ഉദ്ഘാടനം ചെയ്തു.
വൈസ് പ്രസിഡന്റ് പ്രവിത ജയൻ അധ്യക്ഷത വഹിച്ചു. നെന്മാറ പൊലിസ് സബ് ഇൻസ്പെക്ടർ സുഭാഷ്, എക്സൈസ് ഓഫീസർ പോൾ, സ്റ്റാൻഡിംഗ് കമ്മിറ്റി ചെയർമാൻമാരായ എം.ആർ. നാരായണൻ, എൻ. ഗോകുൽദാസ്, സൗമ്യ വിജയ്, പ്രകാശൻ, ഡോക്ടർ സിംജ, അസിസ്റ്റന്റ് സെക്രട്ടറി കെ.ജി. നിജേഷ്, സിവിൽ പൊലിസ് ഓഫീസർ രാഗേഷ് എന്നിവർ പ്രസംഗിച്ചു. തുടർന്ന് തൂഫാൻ പ്രതിജ്ഞ നടന്നു.
ലഹരിവിരുദ്ധ പ്രവർത്തനങ്ങളിൽ സജീവമായി പങ്കാളികളാകുന്നതിന്റെ ഭാഗമായി തൂഫാൻ കമാൻഡോ ബാഡ്ജ് വിതരണവും നടത്തി. ഗ്രാമപഞ്ചായത്ത് പ്രസിഡന്റ് സി.സി. സുനിലിന് നെന്മാറ പൊലിസ് സബ് ഇൻസ്പെക്ടർ സുഭാഷ് തൂഫാൻ കമാൻഡോ ബാഡ്ജ് അണിയിച്ചു.
Tags : NattuVishesham DistrictNews