ചെറുപുഴ: ചെറുപുഴ പഞ്ചായത്തിൽ കാട്ടാനശല്യം വീണ്ടും രൂക്ഷമായി. എട്ടാം വാർഡിലെ രാജഗിരി നഗറിൽ കഴിഞ്ഞദിവസം രാത്രി ഇറങ്ങിയ കാട്ടാനക്കൂട്ടം വ്യാപകമായി കൃഷി നശിപ്പിച്ചു. വയലുങ്കൽ മോഹനൻദാസ്, കാണിക്കാരൻ ചന്തു, തറയിൽ തോമസ് തുടങ്ങിയവരുടെ കൃഷികളാണു കാട്ടാനകൾ നശിപ്പിച്ചത്.
കവുങ്ങ്, തെങ്ങ് തുടങ്ങിയ കൃഷികൾ കാട്ടാനകൾ കുത്തിമറിച്ചിട്ടു തിന്നു. കൃഷി നശിപ്പിക്കുന്നത് തടയാൻ മോഹൻദാസ് സ്വന്തം ചെലവിൽ നിർമിച്ച സോളാർവേലി തകർത്താണു കാട്ടാനകൾ കൃഷിയിടത്തിൽ എത്തിയത്. ഏതാനും മാസങ്ങൾക്ക് മുന്പു നശിപ്പിച്ച വേലി ഈയിടെയാണു നന്നാക്കിയത്. ഇതാണു കഴിഞ്ഞദിവസം കാട്ടാനകൾ വീണ്ടും തകർത്തത്. നേരത്തെയും കാട്ടാനകൾ പ്രദേശത്ത് വ്യാപക നാശം വിതച്ചിരുന്നു.
Tags : nattu vishesham Wildfires destroyed