വൈഎംസിഎ സംസ്ഥാന നഴ്സറി കലോത്സവത്തിൽ ജേതാക്കളായ ബത്തേരി ഡബ്ല്യുഎംഒ ഇംഗ്ലീഷ് സ്കൂൾ.
സുൽത്താൻ ബത്തേരി: വൈഎംസിഎ യുടെ ആഭിമുഖ്യത്തിൽ 21-ാമത് ഫാ. മത്തായി നൂറനാൽ മെമ്മോറിയൽ ട്രോഫിക്ക് വേണ്ടിയുള്ള സംസ്ഥാന നഴ്സറി കലോത്സവത്തിൽ ബത്തേരി ഡബ്ല്യുഎംഒ ഇംഗ്ലീഷ് സ്കൂൾ 401 പോയിന്റുകളോടു കൂടി ജേതാക്കളായി.
മേപ്പാടി ഡബ്ല്യുഎംഒ ഇംഗ്ലീഷ് സ്കൂൾ രണ്ടാം സ്ഥാനവും ബത്തേരി ലിറ്റിൽ ഫ്ളവർ നഴ്സറി സ്കൂൾ മൂന്നാം സ്ഥാനവും കരസ്ഥമാക്കി.
ആദവ് ആനിക്കോട് (മീനങ്ങാടി സെന്റ് പീറ്റേഴ്സ് ആൻഡ് സെന്റ് പോൾസ് ഇംഗ്ലീഷ് സ്കൂൾ), പി.എൻ. മുഹമ്മദ് റസാൻ (ബത്തേരി ഡബ്ല്യുഎംഒ ഇംഗ്ലീഷ് സ്കൂൾ), നെവിൻ ജെയ്സണ് (ബത്തേരി ലിറ്റിൽ ഫ്ളവർ നഴ്സറി സ്കൂൾ) എന്നിവർ കലാ പ്രതിഭയായും അലിസി കദീജ (ബത്തേരി ജീനിയസ് ഇന്റർനാഷണൽ സ്കൂൾ) കലാതിലകമായും തെരഞ്ഞെടുക്കപ്പെട്ടു. 13 വേദികളിലായി 2000പരം കുരുന്നു പ്രതിഭകൾ മത്സരത്തിൽ പങ്കെടുത്തു.
ബത്തേരി മുനിസിപ്പൽ ഡെപ്യൂട്ടി ചെയർപേഴ്സണ് എം.ജി. ഇന്ദ്രജിത്ത്, ബത്തേരി മുനിസിപ്പൽ കൗണ്സിലർ ഷംഷാദ്, സെന്റ് മേരീസ് കോളജ് മുൻ റസിഡന്റ് മാനേജർ പ്രഫ. ജോണ് മത്തായി നൂറനാൽ, പ്രസിഡന്റ് സി.ഇ. ഫിലിപ്പ് എന്നിവർ സമ്മാനങ്ങൾ വിതരണം ചെയ്തു.
സെക്രട്ടറി ഡോ. ബ്രിജിത് ജോസഫ്, കണ്വീനർ രാജൻ തോമസ്, റോയ് വര്ഗീസ്, പ്രഫ. തോമസ് പോൾ, ഒ.കെ. മത്തായി, എം.സി. വിപിൻ എന്നിവർ പ്രസംഗിച്ചു. എൻ.വി. ബേബി, കെ.ജെ. ജോണി, ഇ.ജെ. ജോയ്, ടി.പി. ഏലിയാസ്, എം.ജെ. മത്തായി, വി.പി. തോമസ്, ജോസ് പി. കുന്നത്ത്, സുബിൻ വി. മാത്യു, ബെന്നി പോൾ, സന്ധ്യ ഫിലിപ്പ്, എൻ.വി. വർക്കി, തോമസ് രാജൻ, എൽദോസ് ഏലിയാസ്, എബിൻ മാത്യു, ഡെയ്സി ജോയ്, റസ്ലിൻ റോയ്, അനസ് എന്നിവർ നേതൃത്വം നൽകി.
Tags : Local News Nattuvishesham Wayanad YMCA