മ​ണ്ണാ​ർ​ക്കാ​ട്: പാ​ല​ക്കാ​ട് ജി​ല്ല​യി​ലെ അ​ട്ട​പ്പാ​ടി മേ​ഖ​ല​യി​ലെ​യും മ​ണ്ണാ​ർ​ക്കാ​ട് താ​ലൂ​ക്കി​ലെ​യും വൈ​ദ്യു​തി പ്ര​സ​ര​ണ ശൃം​ഖ​ല ശ​ക്തി​പ്പെ​ടു​ത്തു​ന്ന​തി​നും ഉ​പ​ഭോ​ക്താ​ക്ക​ൾ​ക്ക് ഗു​ണ​മേ​ന്മ​യു​ള്ള​തും ത​ട​സ​ര​ഹി​ത​വു​മാ​യ വൈ​ദ്യു​തി ല​ഭ്യ​മാ​ക്കു​ന്ന​തി​നു​മാ​യി കേ​ര​ള സ്റ്റേ​റ്റ് ഇ​ല​ക്ട്രി​സി​റ്റി ബോ​ർ​ഡ് ലി​മി​റ്റ​ഡ് ന​ട​പ്പാ​ക്കു​ന്ന അ​ട്ട​പ്പാ​ടി ഗ്രീ​ൻ എ​ന​ർ​ജി കോ​റി​ഡോ​ർ പ​ദ്ധ​തി​യു​ടെ ഭാ​ഗ​മാ​യി നി​ർ​മി​ക്കു​ന്ന മ​ണ്ണാ​ർ​ക്കാ​ട്, അ​ഗ​ളി 220 കെ​വി ഗ്യാ​സ് ഇ​ൻ​സു​ലേ​റ്റ​ഡ് സ​ബ്സ്റ്റേ​ഷ​നു​ക​ളു​ടെ നി​ർ​മാ​ണ പ്ര​വ​ർ​ത്ത​ന​ങ്ങ​ൾ​ക്ക് തു​ട​ക്ക​മാ​യി. ഇ​ന്ന​ലെ മ​ണ്ണാ​ർ​ക്കാ​ട് നെ​ല്ലി​പ്പു​ഴ​യി​ലെ പാ​ലാ​ട്ട് റെ​സി​ഡ​ൻ​സി​യി​ൽ ന​ട​ന്ന ച​ട​ങ്ങി​ൽ മ​ന്ത്രി എ​ൻ. ഷം​സു​ദ്ദീ​ൻ നി​ർ​മാ​ണോ​ദ്ഘാ​ട​നം നി​ർ​വ​ഹി​ച്ചു. ബ്ലോ​ക്ക് പ​ഞ്ചാ​യ​ത്ത് പ്ര​സി​ഡ​ന്‍റ് എം. ​നീ​തു ശ​ങ്ക​ർ അ​ധ്യ​ക്ഷ​ത വ​ഹി​ച്ചു. വി.​കെ. ശ്രീ​ക​ണ്ഠ​ൻ എം​പി മു​ഖ്യാ​തി​ഥി​യാ​യി.

അ​ട്ട​പ്പാ​ടി ഗ്രീ​ൻ എ​ന​ർ​ജി കോ​റി​ഡോ​ർ പ​ദ്ധ​തി യാ​ഥാ​ർ​ഥ്യ​മാ​കു​ന്ന​തോ​ടെ പാ​ല​ക്കാ​ട് മേ​ഖ​ല​യി​ലെ വൈ​ദ്യു​തി പ്ര​തി​സ​ന്ധി​ക്ക് പ​രി​ഹാ​ര​മാ​കു​മെ​ന്ന് ഉ​ദ്ഘാ​ട​ന പ്ര​സം​ഗ​ത്തി​ൽ മ​ന്ത്രി വ്യ​ക്ത​മാ​ക്കി. പാ​രി​സ്ഥി​തി​ക പ്ര​ശ്ന​ങ്ങ​ൾ കാ​ര​ണം പ​ല ജ​ല​വൈ​ദ്യു​തി പ​ദ്ധ​തി​ക​ളും മു​ട​ങ്ങു​ന്ന സാ​ഹ​ച​ര്യ​ത്തി​ൽ ഇ​ത്ത​രം ബ​ദ​ൽ സം​വി​ധാ​ന​ങ്ങ​ൾ ക​ണ്ടെ​ത്തേ​ണ്ട​ത് അ​നി​വാ​ര്യ​മാ​ണ്. സം​സ്ഥാ​ന​ത്തി​ന്‍റെ ഊ​ർ​ജ സ്വ​യം​പ​ര്യാ​പ്ത​ത​യി​ലേ​ക്കു​ള്ള സു​പ്ര​ധാ​ന ചു​വ​ടു​വെ​പ്പാ​ണ് ഈ ​പ​ദ്ധ​തി​യെ​ന്ന് അ​ദ്ദേ​ഹം അ​ഭി​പ്രാ​യ​പ്പെ​ട്ടു.

സ​ർ​ക്കാ​രി​ന്‍റെ 100 ദി​ന ക​ർ​മപ​ദ്ധ​തി​യി​ൽ ഉ​ൾ​പ്പെ​ടു​ത്തി​യി​ട്ടു​ള്ള​താ​ണ് ഈ ​പ​ദ്ധ​തി. പ​ദ്ധ​തി പൂ​ർ​ത്തി​യാ​കു​ന്ന​തോ​ടെ മ​ണ്ണാ​ർ​ക്കാ​ട്, അ​ഗ​ളി, അ​ട്ട​പ്പാ​ടി, ഷോ​ള​യൂ​ർ, അ​ല​ന​ല്ലൂ​ർ, കാ​ഞ്ഞി​ര​പ്പു​ഴ, തെ​ങ്ക​ര തു​ട​ങ്ങി​യ പ്ര​ദേ​ശ​ങ്ങ​ളി​ലെ വൈ​ദ്യു​തി പ്ര​സ​ര​ണ ശൃം​ഖ​ല കൂ​ടു​ത​ൽ ശ​ക്തി​പ്പെ​ടു​ക​യും നി​ല​വി​ലു​ള്ള വോ​ൾ​ട്ടേ​ജ് ക്ഷാ​മ​ത്തി​ന് പ​രി​ഹാ​ര​മാ​കു​ക​യും ചെ​യ്യും. പ്ര​സ​ര​ണ ഉ​പ​ഭോ​ക്താ​ക്ക​ൾ​ക്ക് കൂ​ടു​ത​ൽ വി​ശ്വാ​സ്യ​ത​യോ​ടെ​യും വൈ​ദ്യു​തി ല​ഭ്യ​മാ​ക്കു​ന്ന​തി​നും പ​ദ്ധ​തി സ​ഹാ​യ​ക​മാ​കും. കൂ​ടാ​തെ, അ​ട്ട​പ്പാ​ടി മേ​ഖ​ല​യി​ലെ കാ​റ്റാ​ടി, സൗ​രോ​ർ​ജം തു​ട​ങ്ങി​യ പു​ന​രു​പ​യോ​ഗ ഊ​ർ​ജസ്രോ​ത​സു​ക​ളി​ൽ നി​ന്ന് ഉ​ത്പാ​ദി​പ്പി​ക്കു​ന്ന 200 മെ​ഗാ​വാ​ട്ട് വൈ​ദ്യു​തി കു​റ​ഞ്ഞ പ്ര​സ​ര​ണ ന​ഷ്ട​ത്തോ​ടെ ഗ്രി​ഡി​ലേ​ക്ക് എ​ത്തി​ക്കു​ന്ന​തി​നും പു​തി​യ വൈ​ദ്യു​തി പ്ര​സ​ര​ണ ഇ​ട​നാ​ഴി വ​ഴി​യൊ​രു​ക്കും. ജി​ല്ല​യി​ലെ വൈ​ദ്യു​തി മേ​ഖ​ല​യി​ലെ അ​ടി​സ്ഥാ​ന സൗ​ക​ര്യ വി​ക​സ​ന​ത്തി​നും സം​സ്ഥാ​ന​ത്തി​ന്‍റെ പു​ന​രു​പ​യോ​ഗ ഊ​ർ​ജ വി​ക​സ​ന​ത്തി​നും പ​ദ്ധ​തി നി​ർ​ണാ​യ​ക മു​ന്നേ​റ്റ​മാ​കും.

മ​ണ്ണാ​ർ​ക്കാ​ട് ന​ഗ​ര​സ​ഭ ചെ​യ​ർ​പേ​ഴ്സ​ൺ കെ. ​സ​ജ്ന, ജ​ന​റേ​ഷ​ൻ ഇ​ല​ക്ട്രി​ക്ക​ൽ, സൗ​ര ഡ​യ​റ​ക്ട​ർ എം.​പി. രാ​ജ​ൻ, ട്രാ​ൻ​സ്ഗ്രി​ഡ് ചീ​ഫ് എ​ൻ​ജി​നി​യ​ർ വി. ​സു​രേ​ഷ്, ഡെ​പ്യൂ​ട്ടി ചീ​ഫ് എ​ൻ​ജി​നീ​യ​ർ പി.​കെ. സ​ന്തോ​ഷ് തു​ട​ങ്ങി​യ​വ​ർ പ​ങ്കെ​ടു​ത്തു.

Tags : NattuVishesham.DistricteNews