കൊ​ല്ല​ങ്കോ​ട്: കാ​ലംതെ​റ്റി പെ​യ്ത മ​ഴ താ​ലൂ​ക്കി​ൽ കൊ​യ്ത്ത് ന​ട​ത്തി​യ​വ​ർ​ക്ക് കൂ​ടു​ത​ൽ ദു​രി​ത​മാ​യി. മി​ക്ക ക​ർ​ഷ​ക​രും വീ​ടു​ക​ൾ​ക്കു മു​ന്നി​ലാ​ണ് ചാ​ക്കു​ക​ളി​ൽ നെ​ല്ല് സൂ​ക്ഷി​ച്ചി​രി​ക്കു​ന്ന​ത്. തൊ​ഴി​ലാ​ളി​ക​ളെ ഉ​പ​യോ​ഗി​ച്ചാ​ണ് നെ​ല്ല് ഉ​ണ​ക്കി ചാ​ക്കി​ലാ​ക്കി​യി​രി​ക്കു​ന്ന​ത്.

മ​ഴ ചെ​യ്ത​തോ​ടെ നെ​ല്ലി​ന് വീ​ണ്ടും ഈ​ർ​പ്പം ത​ട്ടു​ക​യും വീ​ണ്ടും തൊ​ഴി​ലാ​ളി​ക​ളെ ഉ​പ​യോ​ഗി​ച്ച് ഉ​ണ​ക്ക​ൽ ജോ​ലി ന​ട​ത്തേ​ണ്ട അ​വ​സ്ഥ​യാ​ണ്. ക​റ്റ​ക്ക​ള​ങ്ങ​ളി​ല്ലാ​ത്ത​തി​നാ​ൽ റോ​ഡു​ക​ളി​ൽ നെ​ല്ല് വി​രി​ച്ചാ​ണ് ഉ​ണ​ക്ക​ൽ ന​ട​ത്തു​ന്ന​ത്.
നെ​ല്ല് സം​ഭ​ര​ണം ഇ​നി​യും ആ​രം​ഭി​ക്കാ​ത്ത​തി​നാ​ൽ ക​ർ​ഷ​ക​ർ സൂ​ക്ഷി​ച്ചു​വെ​ക്കാ​ൻ പെ​ടാ​പ്പാ​ടു​പെ​ടു​ക​യാ​ണ്. വ​ലി​യ വാ​ഹ​ന​ങ്ങ​ൾ ക​യ​റി​യാ​ൽ ട​റോ​ഡി​ൽ നെ​ൽ​മ​ണി​ക​ൾ ഒ​ട്ടി​പ്പി​ടി​ക്കു​ന്ന​തും അ​ള​വി​ൽ ഗ​ണ്യ​മാ​യി കു​റ​യു​ന്ന​താ​യും ക​ർ​ഷ​ക​ർ പ​റ​യു​ന്നു.

നാ​മ​മാ​ത്ര​മാ​യ ക​ർ​ഷ​ക​ർ​ക്ക് മാ​ത്ര​മാ​ണ് ക​ള​പ്പു​ര​യും ക​റ്റ​ക്ക​ള​ങ്ങ​ളും ഉ​ള്ള​ത്. കൊ​യ്യാ​റാ​യ ക​ർ​ഷ​ക​രു​ടെ ദു​രി​തം ഇ​തി​ലും വ​ലു​താ​ണ്. ര​ണ്ടുത​വ​ണ പെ​യ്ത മ​ഴ​യി​ൽ നെ​ൽ​ച്ചെ​ടി​ക​ൾ വ്യാ​പ​ക​മാ​യി വ​യ​ലി​ലെ വെ​ള്ള​ത്തി​ൽ വീ​ണു​കി​ട​പ്പാ​ണ്.

ഇ​ത്ത​രം വ​യ​ലു​ക​ളി​ൽ യ​ന്ത്ര​കൊ​യ്ത്തും അ​സാ​ധ്യ​മാ​ണ്. തൊ​ഴി​ലാ​ളി​ക​ളെ ഉ​പ​യോ​ഗി​ച്ച് കൊ​യ്ത്ത് ന​ട​ത്തി​യാ​ലും അ​ള​വി​ൽ കു​റ​വ് വ​രു​മെ​ന്ന​തും ക​ർ​ഷ​ക​ർ​ക്ക് ന​ഷ്‌​ട​ക്ക​ച്ച​വ​ട​മാ​യി​രി​ക്കു​ക​യാ​ണ്. കൂ​ടാ​തെ വൈ​ക്കോ​ൽ ല​ഭി​ക്കാ​ത്ത​തി​നാ​ൽ ഇ​തി​ലൂ​ടെ​യു​ള്ള വ​രു​മാ​ന​വും നി​ല​ച്ചി​ട്ടു​ണ്ട്.
ക​നാ​ൽ വെ​ള്ളം ല​ഭി​ക്കാ​തെ കു​ഴ​ൽ​കി​ണ​ർ, കൊ​ക്ക​ർ​ണി ജ​ല​ത്തി​ൽ ഏ​റെ പ്ര​യ​ത്നി​ച്ച് വ​ള​ർ​ത്തി​യ നെ​ൽ​ച്ചെ​ടി​ക​ൾ ക​തി​രി​ട്ട് കൊ​യ്യാ​റാ​യ​പ്പോ​ഴാ​ണ് മ​ഴ എ​ത്തി​യ​ത്.

Tags : NattuVishesham.DistricteNews