നെല്ലിയാമ്പതി: പാടിക്കു സമീപം കാട്ടുപന്നിയുടെ ആക്രമണത്തിൽ തോട്ടംതൊഴിലാളിക്കു പരിക്കേറ്റു. ചന്ദ്രാമല എസ്റ്റേറ്റിലെ തൊഴിലാളിയായ ബംഗാൾ സ്വദേശി ഹരൻ മുണ്ടേ (34) യ്ക്കാണ് പരിക്കേറ്റത്. ഇന്നലെ വൈകുന്നേരം ആറിനാണു സംഭവം.
പന്നി കുത്തിയതിനെ തുടർന്ന് കൈയ്യിലും മുഖത്തും പരിക്കേറ്റ ഇദ്ദേഹത്തെ ആദ്യം എസ്റ്റേറ്റ് ആശുപത്രിയിലും പിന്നീട് നെന്മാറ സാമൂഹിക ആരോഗ്യ കേന്ദ്രത്തിലും പ്രവേശിപ്പിച്ചു. തുടർന്ന് വിദഗ്ധ ചികിത്സക്കായി ജില്ലാ ആശുപത്രിയിലേക്കു മാറ്റി.