കൊല്ലം: എക്സൈസ് ഓപ്പറേഷന് തണ്ടറിന്റെ ഭാഗമായി നടത്തിയ റെയ്ഡില് 11 ഗ്രാം എംഡിഎംഎയുമായി യുവാവിനെ അറസ്റ്റ് ചെയ്തു. കൊല്ലം എക്സൈസ് റേഞ്ച് ഇന്സ്പെക്ടര് അഭിരാജിന്റെ നേതൃത്വത്തില് കൊല്ലം കൊറ്റങ്കര കുട്ടിച്ചിറ ദേശത്ത് നടത്തിയ പരിശോധനയിലായിരുന്നു അറസ്റ്റ് ചെയ്തത്.
കൊറ്റംകര കിളികൊല്ലൂര് കല്ലുംതാഴം റോയല് നഗര് തറയില് വീട്ടില് നിഷാദ്(35 )ആണ് 11 ഗ്രാം മയക്കുമരുന്നു മായി പിടിയിലായത്. അസിസ്റ്റന്റ് എക്സൈസ് ഇന്സ്പെക്ടര് ഗ്രേഡ് ശ്രീകുമാര്, പ്രിവന്റീവ് ഓഫിസര് ദിലീപ് കുമാര്, പ്രിവന്റീവ് ഓഫിസര് ഗ്രേഡ് ഷെഫീക്ക്, അഖില്, സിവില് എക്സൈസ് ഓഫിസര് ജൂലിയന് ക്രൂസ്, വനിത സിവില് എക്സൈസ് ഓഫിസര് ബീന, എക്സൈസ് ഡ്രൈവര് സന്തോഷ് കുമാര് എന്നിവര് പങ്കെടുത്തു.
Tags : with MDMA Nattuvishesham Districtnews