എ​ന്നും പു​ല​ര്‍​ച്ചെ മൂ​ന്ന​ര​യ്ക്ക് പീ​ച്ചി​യി​ലെ കാ​ന​ന പാ​ത​യി​ലൂ​ടെ സൈ​ക്കി​ള്‍ ച​വി​ട്ടു​മ്പോ​ള്‍ ഡോ. ​ക​ണ്ണ​ന്‍ സി.​എ​സ്. വാ​ര്യ​രു​ടെ മ​ന​സി​ലേ​ക്ക് മ​നോ​ഹ​ര​മാ​യ ഈ​ണ​ങ്ങ​ള്‍ ക​ട​ന്നെ​ത്തും. പി​ന്നീ​ട​ത് സുന്ദര ഗാ​ന​ങ്ങ​ളാ​യി പി​റ​വി​യെ​ടു​ക്കും.

അ​തേ, ഡോ. ​ക​ണ്ണ​ന്‍ സി.​എ​സ്. വാ​ര്യ​ര്‍​ക്ക് കാ​ടും സം​ഗീ​ത​വും ഒ​രു​പോ​ലെ​യാ​ണ്. ഏ​തി​നോ​ടാ​ണ് ഇ​ഷ്ടം അ​ല്‍​പം കൂ​ടു​ത​ലെ​ന്നു ചോ​ദി​ച്ചാ​ല്‍ ര​ണ്ടും ഒ​രു​പോ​ലെ​യാ​ണെ​ന്ന മ​റു​പ​ടി​യാ​ണ് ഡോ. ​ക​ണ്ണ​നു​ള്ള​ത്.

കേ​ര​ള ഫോ​റ​സ്റ്റ് റി​സ​ര്‍​ച്ച് ഇ​ന്‍​സ്റ്റി​റ്റ്യൂട്ട് ഡ​യ​റ​ക്ട​റാ​യ ഡോ. ​ക​ണ്ണ​ന്‍ സി.​എ​സ്. വാ​ര്യ​രു​ടെ ഹ​രി​താ​ഭ നി​റ​ഞ്ഞ സം​ഗീ​ത ജീ​വി​ത​ത്തെ​ക്കു​റി​ച്ച് അ​റി​യാം...

അ​മ്മ​യി​ല്‍നി​ന്ന് കേ​ട്ട​റി​ഞ്ഞ സം​ഗീ​തം

ഹ​രി​പ്പാ​ട് തൃ​പ്പ​ക്കു​ട​ത്ത് വാ​ര്യ​ത്ത് പ്ര​ഫ.​ എ​ന്‍.​എം.​സി. വാ​ര്യ​രു​ടെ​യും ശ്രീ​ദേ​വി വാ​ര്യ​രു​ടെ​യും മൂ​ത്ത മ​ക​നാ​യ ക​ണ്ണ​ന്‍ കു​ട്ടി​ക്കാ​ലം മു​ത​ല്‍ അ​മ്മ പാ​ടു​ന്ന അ​ഷ്ട​പ​ദി ഗാ​ന​ങ്ങ​ള്‍ കേ​ട്ടാ​ണ് വ​ള​ര്‍​ന്ന​ത്. ഏ​ഴു വ​യ​സു​മു​ത​ല്‍ ശ്രീ​ദേ​വി വാ​ര്യ​രാ​ണ് മ​ക​നെ സം​ഗീ​തം പ​ഠി​പ്പി​ച്ചു തു​ട​ങ്ങി​യ​ത്.​

സ്‌​കൂ​ള്‍ ക​ലോ​ത്സ​വ​ങ്ങ​ളി​ല്‍ അ​മ്മ പ​ഠി​പ്പി​ച്ച് വി​ട്ട ക​വി​ത​ക​ള്‍ ചൊ​ല്ലി ക​ണ്ണ​ന്‍ നി​ര​വ​ധി സ​മ്മാ​ന​ങ്ങ​ളും നേ​ടി​യി​ട്ടു​ണ്ട്. അ​ഷ്ട​പ​ദി ഗാ​യി​ക ര​ത്‌​നം കീ​ര്‍​ത്തി നേ​ടി​യ ശ്രീ​ദേ​വി വാ​ര്യ​ര്‍ ല​ളി​ത​ഗാ​ന​ങ്ങ​ളും ആ​ല​പി​ച്ചി​രു​ന്നു.

ഹ​രി​പ്പാ​ട് ബോ​യ്‌​സ് ഹൈ​സ്‌​കൂ​ളി​ല്‍ എ​ട്ടാം ക്ലാ​സി​ല്‍ പ​ഠി​ക്കു​മ്പോ​ള്‍ മാ​താ അ​മൃ​താ​ന​ന്ദ​മ​യി​യു​ടെ ജ​ന്മ​ദി​ന​ത്തി​ല്‍ ഗാ​നം കം​പോ​സ് ചെ​യ്ത് അ​വ​ത​രി​പ്പി​ച്ച് ക​ണ്ണ​ന്‍ കൈയ​ടി നേ​ടി.

തു​ട​ര്‍​ന്ന് ഹ​രി​പ്പാ​ട് മീ​നാ​ക്ഷി​യ​മ്മ ടീ​ച്ച​ര്‍, പ​ത്തി​യൂ​ര്‍ ഭാ​സ്‌​ക്ക​ര കു​റു​പ്പ് മാ​ഷ് എ​ന്നി​വ​രു​ടെ കീ​ഴി​ല്‍ ശാ​സ്ത്രീ​യ സം​ഗീ​തം പ​ഠി​ച്ചു. മാ​വേ​ലി​ക്ക​ര രാ​ധാ​കൃ​ഷ്ണ​ന്‍, ഹ​രി​പ്പാ​ട് എം,​എ​സ് രാ​ജു എ​ന്നി​വ​രു​ടെ കീ​ഴി​ല്‍ മൃ​ദം​ഗ വാ​യ​ന​യും അ​ഭ്യ​സി​ച്ചു.

മ​റ്റ് വാ​ദ്യോ​പ​ക​ര​ണ​ങ്ങ​ള്‍ വാ​യി​ക്കാ​ന്‍ സ്വ​ന്ത​മാ​യി പ​ഠി​ച്ചെ​ടു​ത്തു. 1988 ല്‍ ​ന​ങ്ങ്യാ​ര്‍​കു​ള​ങ്ങ​ര ടി.​കെ.​എം .എം ​കോ​ള​ജി​ല്‍ പ്രീ​ഡി​ഗ്രി​ക്ക് പ​ഠി​ക്കു​ന്ന സ​മ​യ​ത്ത് ഡ​ല്‍​ഹി​യി​ല്‍ ന​ട​ന്ന റി​പ്ല​ബ്ലി​ക് ദി​ന ക്യാ​മ്പി​ല്‍ കേ​ര​ള​ത്തെ പ്ര​തി​നി​ധീ​ക​രി​ച്ച് വൃ​ന്ദ​വാ​ദ്യ​ത്തി​ന് ദേ​ശീ​യ​ത​ല​ത്തി​ല്‍ മൂ​ന്നാം സ്ഥാ​നം നേ​ടി​യി​രു​ന്നു.

ഇ​ല​ക്‌ട്രിക് ഗി​റ്റാ​റാ​ണ് അ​ന്ന് ഉ​പ​യോ​ഗി​ച്ച​ത്. ക​ല​യ്‌​ക്കൊ​പ്പം പ​ഠ​ന​ത്തി​ലും സ​മ​ര്‍​ഥ​നാ​യി​രു​ന്നു ക​ണ്ണ​ന്‍. കേ​ര​ള കാ​ര്‍​ഷി​ക സ​ര്‍​വ​ക​ലാ​ശാ​ല​യു​ടെ വെ​ള്ളാ​നി​ക്ക​ര ഫോ​റ​സ്ട്രി കോ​ള​ജ് വി​ദ്യാ​ര്‍​ഥി​യാ​യി​രി​ക്കേ ബി​എ​സ്‌​സി, എം​എ​സ്‌സി ​പ​രീ​ക്ഷ​ക​ളി​ല്‍ ഒ​ന്നാം റാ​ങ്ക് നേ​ടി​യാ​ണ് ക​ണ്ണ​ന്‍ വി​ജ​യി​ച്ച​ത്.

ഈ ​അ​ഞ്ചു വ​ര്‍​ഷ​ക്കാ​ലം സ​ര്‍​ക​ലാ​ശാ​ല ക​ലോ​ത്സ​വ​ത്തി​ല്‍ ക​ലാ​പ്ര​തി​ഭ​യാ​യി​രു​ന്നു. മോ​ണോ​ആ​ക്ട്, വെ​സ്‌​റ്റേ​ണ്‍ മ്യൂ​സിക്, മി​മി​ക്രി, വാ​ദ്യോ​പ​ക​ര​ണ​ങ്ങ​ളാ​യ ഗി​റ്റാ​ര്‍, മൃ​ദം​ഗം, ഹാ​ര്‍​മോ​ണി​യം, ഹാ​ര്‍​മോ​ണി​ക്ക എ​ന്നി​വ​യി​ലെ​ല്ലാം ക​ണ്ണ​ന്‍ നി​ര​വ​ധി സ​മ്മാ​ന​ങ്ങ​ള്‍ നേ​ടി.

സ്വ​ന്ത​മാ​യു​ള്ള​ത് 317 പ്ര​ബ​ന്ധ​ങ്ങ​ളും ഒ​രു പേ​റ്റ​ന്‍റും

1997 ല്‍ ഇ​ന്‍​സ്റ്റി​റ്റ്യൂട്ട് ഓ​ഫ് ഫോ​റ​സ്റ്റ് ജ​നി​റ്റി​ക്‌​സ് ആ​ന്‍​ഡ് ട്രീ ​ബ്രീ​ഡിം​ഗി​ല്‍ ശാ​സ്ത്ര​ജ്ഞ​നാ​യി ക​ണ്ണ​ന്‍ ജോ​ലി​യി​ല്‍ പ്ര​വേ​ശി​പ്പി​ച്ചു. ഏ​റെ​ക്കാ​ലം കോ​യ​മ്പ​ത്തൂ​ര്‍ ഇ​ന്‍​സ്റ്റി​റ്റ്യൂട്ട് ഓ​ഫ് ഫോ​റ​സ്റ്റ് ജെ​നി​റ്റി​ക്‌​സ് ആ​ന്‍​ഡ് ട്രീ ​ബ്രീ​ഡിം​ഗ് എ​ന്ന കേ​ന്ദ്ര വ​നം പ​രി​സ്ഥി​തി മ​ന്ത്രാ​ല​യ​ത്തി​ന്‍റെ വ​ന​ഗ​വേ​ഷ​ണ കേ​ന്ദ്രം ചീ​ഫ് സ​യ​ന്‍റി​സ്റ്റാ​യി​രു​ന്നു.

ഇ​പ്പോ​ള്‍ ഡെ​പ്യൂ​ട്ടേ​ഷ​നി​ല്‍ കേ​ര​ള ഫോ​റ​സ്റ്റ് റി​സ​ര്‍​ച്ച് ഇ​ന്‍​സ്റ്റി​റ്റ്യൂട്ട് ഡ​യ​റ​ക്ട​റാ​യി പ്ര​വ​ര്‍​ത്തി​ക്കു​ക​യാ​ണ് ഡോ. ​ക​ണ്ണ​ന്‍ സി.​എ​സ്. വാ​ര്യ​ര്‍. വ​ന​ശാ​സ്ത്ര മേ​ഖ​ല​യി​ല്‍ ഇ​ന്ത്യ​യി​ലെ പ​ര​മോ​ന്ന​ത സ​മി​തി​യാ​യ ഇ​ന്ത്യ​ന്‍ കൗ​ണ്‍​സി​ല്‍ ഓ​ഫ് ഫോ​റ​സ്ട്രി റി​സ​ര്‍​ച്ച് ആ​ന്‍​ഡ് എ​ജ്യു​ക്കേ​ഷ​ന്‍റെ (ഐ​സി​എ​ഫ്ആ​ര്‍​ഇ) മി​ക​ച്ച ഗ​വേ​ഷ​ക​നു​ള്ള ദേ​ശീ​യ പു​ര​സ്‌​കാ​ര ജേ​താ​വാ​ണ് ഇ​ദ്ദേ​ഹം.


ഉ​പ്പു​ര​സ​മേ​റി​യ മ​ണ്ണി​നു യോ​ജി​ച്ച കാ​റ്റാ​ടി​മ​ര​ങ്ങ​ളു​ടെ മൂ​ന്നു ക്ലോ​ണു​ക​ളെ രാ​ജ്യ​ത്താ​ദ്യ​മാ​യി വി​ക​സി​പ്പി​ച്ച​ത് ഡോ. ​ക​ണ്ണ​ന്‍ വാ​ര്യ​രാ​ണ്. കേ​ര​ള​ത്തി​ല്‍ കാ​ടി​ല്ലാ​ത്ത ഏ​ക ജി​ല്ല​യാ​യ ആ​ല​പ്പു​ഴ​യി​ലെ കാ​വു​ക​ളെപ്പ​റ്റി​യു​ള്ള സ​മ​ഗ്ര​പ​ഠ​ന​ത്തി​നു ജൈ​വ​വൈ​വി​ധ്യ മേ​ഖ​ല​യി​ലെ ഇ​ന്ത്യ​യി​ലെ മി​ക​ച്ച ഗ​വേ​ഷ​ക​നു​ള്ള റോ​ള എ​സ്.​ റാ​വു ദേ​ശീ​യ പു​ര​സ്‌​കാ​ര​വും 2010 ല്‍ ​ഇ​ദ്ദേ​ഹം നേ​ടി.

യു​നൈ​റ്റ​ഡ് സ്റ്റേറ്റ്‌​സ് ഫോ​റ​സ്റ്റ് സ​ര്‍​വീ​സ് യു​എ​സി​ല്‍ ന​ട​ത്തി​യ വ​ന ജ​നി​ത​ക പ്ര​ജ​ന​ന പ​ര്യ​വേ​ക്ഷ​ണ പ​രി​പാ​ടി​യി​ല്‍ പ​ങ്കെ​ടു​ത്ത ഏ​ക മ​ല​യാ​ളി​യാ​ണ്. എ​ഫ്എ​ഒ ഏ​കോ​പി​പ്പി​ച്ച ആ​ഗോ​ള വ​ന ജ​നി​ത​ക വി​ഭ​വ സം​ര​ക്ഷ​ണ പ​രി​പാ​ടി​യി​ലും അം​ഗ​മാ​യി​രു​ന്നു.

യു​നെ​സ്‌​കോ രാ​ജ്യാ​ന്ത​ര ത​ല​ത്തി​ല്‍ വി​ക​സി​പ്പി​ച്ച ഡേ​റ്റാ അ​നാ​ലി​സി​സ് ആ​ന്‍​ഡ് മാ​നേ​ജ്‌​മെ​ന്‍റ് സി​സ്റ്റ​ത്തി​ല്‍ പ​രി​ശീ​ല​നം നേ​ടി​യി​ട്ടു​ണ്ട്. ഡി​ജി​റ്റ​ല്‍ ചി​ത്രം ഉ​പ​യോ​ഗി​ച്ചു വ​ന​ത്തോ​ട്ട​ങ്ങ​ളു​ടെ വി​ള​വ് നി​ര്‍​ണ​യി​ക്കു​ന്ന സാ​ങ്കേ​തി​ക വി​ദ്യ​യി​ല്‍ സ​ഹ​പ്ര​വ​ര്‍​ത്ത​ക​ര്‍​ക്കൊ​പ്പം പേ​റ്റ​ന്‍റ് നേ​ടി.

ഉ​യ​ര്‍​ന്ന വി​ള​വ് ല​ഭി​ക്കു​ന്ന ക്ലോ​ണ​ല്‍ തോ​ട്ട​ങ്ങ​ള്‍ വ​ള​ര്‍​ത്തു​ന്ന​തി​നാ​യി വി​വി​ധ വ​ന വി​ക​സ​ന കോ​ര്‍​പ​റേ​ഷ​നു​ക​ളു​ടെ ക​ണ്‍​സ​ള്‍​ട്ട​ന്‍റ് അം​ഗ​മാ​യി. 2020ല്‍ ​ഇ​ന്ത്യ​യി​ലെ മി​ക​ച്ച വ​ന ഗ​വേ​ഷ​ക​നു​ള്ള പു​ര​സ്‌​കാ​രം ല​ഭി​ച്ചു. 317 പ്ര​ബ​ന്ധ​ങ്ങ​ളും ഇ​ദ്ദേ​ഹ​ത്തി​ന്‍റെ പേ​രി​ലു​ണ്ട്.

കേ​ന്ദ്ര വ​നം പ​രി​സ്ഥി​തി മ​ന്ത്രാ​ല​യ​ത്തി​നു വേ​ണ്ടി പ​രി​സ്ഥി​തി ദി​ന​ത്തി​ല്‍ യ​ജു​ര്‍​വേ​ദ​ത്തെ ആ​സ്പ​ദ​മാ​ക്കി പ്ര​കൃ​തി​വ​ന്ദ​നം എ​ന്ന ഗാ​നം സം​ഗീ​തം ന​ല്‍​കി ആ​ല​പി​ച്ചു. വ​ന​മ​ഹോ​ത്സ​വ​ത്തി​ല്‍ ഹി​റ്റാ​യി മാ​റി​യ കേ​ര​ള സം​സ്ഥാ​ന വ​നം വ​കു​പ്പി​ന്‍റെ തീം ​സോംഗ്, പി. ​ജ​യ​ച​ന്ദ്ര​ന്‍ ആ​ല​പി​ച്ച "കാ​ട​റി​വി'​ന് സം​ഗീ​തം ന​ല്‍​കി​യ​ത് ഡോ. ​ക​ണ്ണ​ന്‍ വാ​ര്യ​രാ​ണ്.

ഐ​ക്യ​രാ​ഷ്‌ട്ര സ​ഭ​യു​ടെ 2022ലെ ​രാ​ജ്യ​ന്ത​ര വ​ന​ദി​ന​ത്തി​ന്‍റെ ഭാ​ഗ​മാ​യി ബാ​ങ്കോ​ക്കി​ല്‍ ന​ട​ത്തി​യ ബോ​ധ​വ​ല്‍​ക്ക​ര​ണ സം​രം​ഭ​ത്തി​ല്‍ "ത​ടി​യി​ല്‍​നി​ന്നും സം​ഗീ​തം' എ​ന്ന സം​ഗീ​ത പ​രി​പാ​ടി മ​ക​ന്‍ അ​മൃ​ത് വാ​ര്യ​ര്‍​ക്കൊ​പ്പം അ​വ​ത​രി​പ്പി​ച്ചു.

2025 ജ​നു​വ​രി 30 ന് ​സം​സ്ഥാ​ന വ​നം വ​കു​പ്പ് പു​റ​ത്തി​റ​ക്കി​യ തീം ​സോം​ഗാ​യ വ​ന​നീ​രി​ന് സം​ഗീ​തം ന​ല്‍​കി. കേ​ന്ദ്ര വ​നം മ​ന്ത്രാ​ല​യ​ത്തി​നു​വേ​ണ്ടി മൂ​ന്നു വ​നം പ​രി​സ്ഥി​തി ബോ​ധ​വ​ത്ക​ര​ണ ഗാ​ന​ങ്ങ​ളും ഇ​ദ്ദേ​ഹം പു​റ​ത്തി​റ​ക്കു​ക​യു​ണ്ടാ​യി.

ശാ​സ്ത്ര​ജ്ഞ​നും സം​ഗീ​ത​ജ്ഞ​നും ശാ​സ്ത്ര​വും സം​ഗീ​ത​വും ഒ​രു​പോ​ലെ കൊ​ണ്ടു​പോ​കാ​നാ​ണ് ത​നി​ക്കി​ഷ്ട​മെ​ന്ന് ഡോ. ​ക​ണ്ണ​ന്‍ വാ​ര്യ​ര്‍ പ​റ​യു​ന്നു. സ്വ​ന്ത​മാ​യി ഈ​ണം ന​ല്‍​കി പാ​ടി​യ "ദ​ശ​പു​ഷ്പം' എ​ന്ന ഭ​ക്തി​ഗാ​ന ആ​ല്‍​ബ​ത്തി​ന് പു​റ​മെ "ല​ളി​തം' എ​ന്ന ക​ര്‍​ണാ​ട​ക സം​ഗീ​ത ആ​ല്‍​ബ​വും പു​റ​ത്തി​റ​ക്കി​യി​ട്ടു​ണ്ട്.

ക​ണ്ണ​ന്‍ വാ​ര്യ​ര്‍ എ​ന്ന യു​ട്യൂ​ബ് ചാ​ന​ലി​ല്‍ ഇ​ദ്ദേ​ഹം ത​ന്നെ സം​ഗീ​തം ന​ല്‍​കി ആ​ല​പി​ച്ച നൂറോ​ളം ഗാ​ന​ങ്ങ​ളു​മു​ണ്ട്. ഓ​ര്‍​മച്ചെ​പ്പ് എ​ന്ന ഫേ​സ്ബു​ക്ക് പം​ക്തി​യി​ലൂ​ടെ എ​ല്ലാ വെ​ള്ളി​യാ​ഴ്ച​ക​ളി​ലും ത​ന്‍റെ ബാ​ല്യ​കാ​ല, സ്‌​കൂ​ള്‍, കോ​ള​ജ് അ​നു​ഭ​വ​ങ്ങ​ളാ​ണ് ഡോ. ​ക​ണ്ണ​ന്‍ വാ​ര്യ​ര്‍ പ​ങ്കു​വ​യ്ക്കു​ന്ന​ത്.

ഐ​എ​ഫ്ജി​ടി​ബി​യി​ല്‍ ചീ​ഫ് സ​യ​ന്‍റിസ്റ്റാ​യ ഭാ​ര്യ രേ​ഖാ വാ​ര്യ​രും ഗാ​യ​ക​രും ഉ​പ​ക​ര​ണ സം​ഗീ​തം വാ​യി​ക്കു​ന്ന​വ​രു​മാ​യ ഇ​ര​ട്ട​ക്കു​ട്ടി​ക​ള്‍ അ​മൃ​ത് കെ. ​വാ​ര്യ​രും അ​നി​രു​ദ്ധ്.​കെ. വാ​ര്യ​രും ഡോ. ​ക​ണ്ണ​ന്‍ വാ​ര്യ​ര്‍​ക്ക് പി​ന്തു​ണ​യു​മാ​യി എ​പ്പോ​ഴും കൂ​ടെ​യു​ണ്ട്.