കാ​റും ലോ​റി​യു​മൊ​ക്കെ ക​ളി​പ്പാ​ട്ട​മാ​യി കി​ട്ടു​ന്ന കു​ട്ടി​ക്കാ​ല​ത്ത് യോ​ഹ​യു​ടെ അ​മ്മ ടീ​മ അ​വ​ന് സ​മ്മാ​നി​ച്ച​ത് ഹാ​ന്‍​ഡ്‌​ ബോ​ളു​ക​ളാ​യി​രു​ന്നു. ന​ന്നേ കു​ട്ടി​യാ​യി​രി​ക്കു​മ്പോ​ള്‍ അ​വ​ന്‍ ആ ​പ​ന്തു​ക​ള്‍ എ​റി​ഞ്ഞാ​ണ് ക​ളി​ച്ചു ന​ട​ന്ന​ത്.

മ​ക​ന്‍ പ​ന്തു​ക​ള്‍ എ​റി​യു​ന്ന​ത് കാ​ണു​മ്പോ​ള്‍ മു​ന്‍ സം​സ്ഥാ​ന ഹാ​ന്‍​ഡ് ബോ​ള്‍ താ​ര​മാ​യ അ​മ്മ ടീ​മ മ​ക​നെ നി​റ​ഞ്ഞ കൈ​യ​ടി​യോ​ടെ പ്രോ​ത്സാ​ഹി​പ്പി​ക്കു​മാ​യി​രു​ന്നു. അ​മ്മ​യെ റോ​ള്‍ മോ​ഡ​ലാ​ക്കി​യ ആ ​മ​ക​ന്‍ ഇ​ന്ന് ഇ​ന്ത്യ​യു​ടെ ജേഴ്‌​സി​യ​ണി​ഞ്ഞ് പാ​രീ​സ് വേ​ള്‍​ഡ് ഗെ​യിം​സ് ഹാ​ന്‍​ഡ് ബോ​ളി​ല്‍ മി​ന്നു​ന്ന പ്ര​ക​ട​ന​മാ​ണ് കാ​ഴ്ച​വ​ച്ച​ത്.

ക​ളി​ക്ക​ള​മി​ല്ലെ​ങ്കി​ലും...

എ​റ​ണാ​കു​ളം കു​മ്പ​ള​ങ്ങി തോ​ലാ​ട്ട് വീ​ട്ടി​ല്‍ ജി​ബി​ന്‍-​ടീ​മ ദ​മ്പ​തി​ക​ളു​ടെ മ​ക​നാ​ണ് യോ​ഹ. യോ​ഹ​യു​ടെ സ്വ​ന്തം നാ​ട്ടി​ല്‍ ഒ​രു ക​ളി​സ്ഥ​ലം പോ​ലു​മി​ല്ല. പ​ക്ഷേ ക​ഠി​ന​പ്ര​യ​ത്‌​ന​ത്തി​ല്‍ ഈ ​പ​ത്താം ക്ലാ​സു​കാ​ര​ന്‍ ഇ​ക്ക​ഴി​ഞ്ഞ പാ​രീ​സ് വേ​ള്‍​ഡ് ഗെ​യിം​സ് ഹാ​ന്‍​ഡ് ബോ​ളി​ല്‍ അ​ഞ്ചു ഗോ​ളി​ന്‍റെ പി​ന്‍​ബ​ല​ത്തി​ല്‍ തി​ള​ക്ക​ത്തി​ന്‍റെ ക​ഥ പ​റ​യു​ക​യാ​ണ്.

2025 ജൂ​ലൈ 7 മു​ത​ല്‍ 12 വ​രെ ഫ്രാ​ന്‍​സി​ലാ​ണ് പാ​രീ​സ് വേ​ള്‍​ഡ് ഗെ​യിം​സ് ഹാ​ന്‍​ഡ് ബോ​ള്‍ മ​ല്‍​സ​രം ന​ട​ന്ന​ത്. 15 രാ​ജ്യ​ങ്ങ​ളി​ല്‍ നി​ന്നാ​യി 65 ടീ​മു​ക​ളാ​ണ് മ​ത്സ​ര​ത്തി​ല്‍ മാ​റ്റു​ര​ച്ച​ത്. 9 വ​യ​സി​നും 19 വ​യ​സി​നു​മി​ട​യി​ലു​ള്ള​വ​ര്‍​ക്കു​ള്ള വി​ഭാ​ഗ​ത്തി​ല്‍ അ​ഞ്ചു മ​ത്സ​ര​ങ്ങ​ളി​ല്‍ യോ​ഹ ക​ള​ത്തി​ലി​റ​ങ്ങി.

ഇ​തി​ല്‍ കെ​നി​യ​യു​മാ​യു​ള്ള മ​ത്സ​ര​ത്തി​ല്‍ അ​ഞ്ചു ഗോ​ളു​ക​ളും ഡെ​ന്മാ​ര്‍​ക്കു​മാ​യു​ള്ള മ​ത്സ​ര​ത്തി​ല്‍ ര​ണ്ട് ഗോ​ളു​ക​ളും നേ​ടി​യ​തി​നൊ​പ്പം ക​ളി​യി​ല്‍ ഏ​വ​രു​ടെ​യും ശ്ര​ദ്ധാ​കേ​ന്ദ്ര​വു​മാ​യി. മ​ത്സ​ര​ത്തി​ല്‍ ഡെ​ന്മാ​ര്‍​ക്ക് ചാ​മ്പ്യ​ന്മാ​രാ​യി.




അ​മ്മ എ​ന്ന റോ​ള്‍ മോ​ഡ​ല്‍

ഹാ​ന്‍​ഡ് ബോ​ളി​ന്‍റെ ആ​ര​വം യോ​ഹ​യു​ടെ മ​ന​സി​ല്‍ തു​ടികൊ​ട്ടിത്തുട​ങ്ങു​ന്ന​ത് മു​ന്‍ സം​സ്ഥാ​ന ഹാ​ന്‍​ഡ് ബോ​ള്‍ താ​ര​മാ​യ ത​ന്‍റെ അ​മ്മ ടീ​മ​യി​ല്‍ നി​ന്നാ​ണ്. ടീ​മ ത​ന്‍റെ മ​ക​നെ അ​ന്നും ഇ​ന്നും ഹാ​ന്‍​ഡ് ബോ​ൾ കോ​ര്‍​ട്ടി​ലെ​ത്തി​ച്ച് ക​ഠി​ന പ​രി​ശീ​ല​നം നൽകുന്നു.

"എ​ന്‍റെ അ​മ്മ​യാ​ണ് എ​ന്‍റെ റോ​ള്‍ മോ​ഡ​ല്‍. അ​മ്മ എ​നി​ക്കും ഹാ​ന്‍​ഡ്‌​ബോ​ള്‍ താ​ര​മാ​യ സ​ഹോ​ദ​രി ഡോ​വ​യ്ക്കും ക​ഠി​ന പ​രി​ശീ​ല​ന​മാ​ണ് ന​ല്‍​കി​യ​ത്. ഹാ​ന്‍​ഡ് ബോ​ളി​ന്‍റെ ബാ​ല​പാ​ഠ​ങ്ങ​ള്‍ അ​മ്മ​യി​ല്‍​നി​ന്നാ​ണ് ഞാ​ന്‍ പ​ഠി​ച്ച​തും ക​ളി ശ്ര​ദ്ധി​ച്ചു തു​ട​ങ്ങി​യ​തും.'- യോ​ഹ പ​റ​ഞ്ഞു.

"രാ​വി​ലെ​യും വൈ​കു​ന്നേ​ര​വും ക​ഠി​ന പ​രി​ശീ​ല​നം ന​ട​ത്തും. അ​പ്പോ​ഴെ​ല്ലാം അ​മ്മ എ​നി​ക്കൊ​പ്പം ഉ​ണ്ടാ​കും. കൂ​ടെ കോ​ള​ജ് അ​ക്കാ​ദ​മി​യി​ലെ കോ​ച്ച് ആ​ന്‍റ​ണി മ​ത്താ​യി സാ​റും മി​ക​ച്ച പ​രി​ശീ​ല​നം ന​ല്‍​കി. ഈ ​വ​ര്‍​ഷം പ​ത്താം ക്ലാ​സി​ലാ​ണെ​ങ്കി​ലും ഞാ​ന്‍ ക​ളി മാ​റ്റി​വ​യ്ക്കു​ന്നി​ല്ല.

ഏ​വ​രു​ടെ​യും അ​ഭി​മാ​ന​മാ​യി മാ​റാ​ന്‍ ഞാ​ന്‍ ക​ഠി​ന​മാ​യി പ​രി​ശ്ര​മി​ക്കും, വ​ലി​യ ഉ​ത്സാ​ഹ​ത്തോ​ടെ പ​രി​ശീ​ല​ന​ത്തി​നി​റ​ങ്ങും. ഇ​ന്ത്യ​യു​ടെ ജേ​ഴ്‌​സി അ​ണി​യാ​ന്‍ ക​ഴി​ഞ്ഞ​തി​ല്‍ എ​ന്‍റെ മാ​താ​പി​താ​ക്ക​ള്‍​ക്കും ടീ​മി​നു​മൊ​പ്പം ഞാ​നും അ​ഭി​മാ​നി​ക്കു​ന്നു.'- തേ​വ​ര സേ​ക്ര​ട്ട് ഹാ​ർ​ട്ട് സ്കൂ​ൾ വി​ദ്യാ​ർ​ഥി​കൂ​ടി​യാ​യ യോ​ഹ​യു​ടെ വാ​ക്കു​ക​ളി​ല്‍ അ​ഭി​മാ​നം നി​റ​യു​ന്നു.