മു​പ്പ​തു കൊ​ല്ലം യു​എ​സ് സു​പ്രീം​കോ​ട​തി​യി​ല്‍ ജ​ഡ്ജി​യാ​യി​രു​ന്നു ഒ​ലി​വ​ര്‍ വെ​ന്‍​ഡ​ല്‍ ഹോം​സ്. സ​മാ​ദ​ര​ണീ​യ​നാ​യ ആ ​ന്യാ​യാ​ധി​പ​ന്‍ വാ​ര്‍​ധ​ക്യ​ത്തി​ന്‍റെ അ​വ​ശ​ത​യി​ലും ഓ​ര്‍​മ​ക്കു​റ​വി​ലും തീ​വ​ണ്ടി​യി​ല്‍ യാ​ത്ര ചെ​യ്തി​രു​ന്നു. ഒ​രി​ക്ക​ല്‍ പ​രി​ശോ​ധ​ക​നെ​ത്തി​യ​പ്പോ​ള്‍ അ​ദ്ദേ​ഹ​ത്തി​നു പോ​ക്ക​റ്റി​ല്‍​നി​ന്ന് ടി​ക്ക​റ്റ് ക​ണ്ടെ​ടു​ക്കാ​നാ​യി​ല്ല. പ്ര​സി​ദ്ധ​നാ​യ ന്യാ​യാ​ധി​പ​നെ തി​രി​ച്ച​റി​ഞ്ഞ പ​രി​ശോ​ധ​ക​ന്‍ ഭ​വ്യ​ത​യോ​ടെ പ​റ​ഞ്ഞു: “അ​തു കാ​ര്യ​മാ​ക്കേ​ണ്ട. അ​ങ്ങ​യു​ടെ ഈ ​യാ​ത്ര ഞ​ങ്ങ​ളു​ടെ അ​ഭി​മാ​ന​മാ​ണ്.”

ഇ​തി​നു ജ​ഡ്ജി​യു​ടെ മ​റു​പ​ടി ഇ​ങ്ങ​നെ​യാ​യി​രു​ന്നു: “പ​ക്ഷേ എ​ന്‍റെ പ്ര​ശ്‌​നം അ​ത​ല്ല. ഞാ​ന്‍ എ​ങ്ങോ​ട്ടു​ പോ​കു​ന്നു​വെ​ന്നാ​ണ് എ​നി​ക്ക​റി​യേ​ണ്ട​ത്.”

സ്വാ​ത​ന്ത്ര്യ​പ്രാ​പ്തി​യു​ടെ വാ​ര്‍​ഷി​ക​ദി​ന​ത്തി​ല്‍ ഭ​ര​ണ​വും ഭ​ര​ണ​ഘ​ട​ന​യും സൂ​ക്ഷ്മ​മാ​യി നി​രീ​ക്ഷി​ക്കു​ന്ന​വ​രു​ടെ മു​ന്നി​ലു​ള്ള ചോ​ദ്യ​വും ഇ​താ​ണ്. എ​ങ്ങോ​ട്ടാ​ണു ന​മ്മ​ള്‍ അ​തി​വേ​ഗം പൊ​യ്‌​ക്കൊ​ണ്ടി​രി​ക്കു​ന്ന​ത്?

സ്ഥൂ​ല​വും ഗു​ണ​ഭോ​ക്താ​ക്ക​ള്‍​ക്കു​ത​ന്നെ ഇ​പ്പോ​ള്‍ ദു​ര്‍​വ​ഹ​മാ​യി തോ​ന്നു​ന്ന​തു​മാ​യ ഭ​ര​ണ​ഘ​ട​ന​യു​മാ​യി ഇ​ന്ത്യ​ന്‍ റി​പ്പ​ബ്ലി​ക് യാ​ത്ര​യാ​രം​ഭി​ച്ചി​ട്ട് വ​ര്‍​ഷം 75 ക​ഴി​ഞ്ഞു. പാ​ള​ങ്ങ​ള്‍ സു​സ്ഥി​ര​വും ല​ക്ഷ്യം സു​വ്യ​ക്ത​വു​മാ​ണ്. അ​തേ​സ​മ​യം, പാ​ള​ങ്ങ​ള്‍ ഇ​ള​കു​ക​യും മ​ണ്ണ് ഇ​ടി​യു​ക​യും ചെ​യ്യു​ന്നു​വോ എ​ന്ന സം​ശ​യം ബ​ല​പ്പെ​ടു​ന്നു.

താ​ത്പ​ര്യ​ങ്ങ​ളു​ടെ സ​മ്മ​ര്‍​ദ​ത്തി​ല്‍ മേ​ദ​സ് വ​ര്‍​ധി​ക്കു​ന്ന ഭ​ര​ണ​ഘ​ട​ന എ​ല്ലാ പ്ര​ശ്‌​ന​ങ്ങ​ള്‍​ക്കും തൃ​പ്തി​ക​ര​മാ​യ വി​ശ​ദീ​ക​ര​ണം ന​ല്‍​കു​ക​യോ പ​രി​ഹാ​രം നി​ര്‍​ദേ​ശി​ക്കു​ക​യോ ചെ​യ്യു​ന്നി​ല്ല. അം​ബേ​ദ്ക​റു​ടെ ര​ച​നാ​കൗ​ശ​ല​ത്തി​ല്‍ ബോ​ധ​പൂ​ര്‍​വം സു​ഷ്ടി​ക്ക​പ്പെ​ട്ടി​രി​ക്കു​ന്ന അ​വ്യ​ക്ത​ത ന​ല്‍​കു​ന്ന സാ​ധ്യ​ത​ക​ള്‍ സ്വ​ന്തം താ​ത്പ​ര്യ​ങ്ങ​ള്‍​ക്ക​നു​സൃ​ത​മാ​യി പ്ര​യോ​ജ​ന​പ്പെ​ടു​ത്താ​നാ​ണ് ഭ​ര​ണ​സം​വി​ധാ​ന​ങ്ങ​ള്‍ പ​രി​ശ്ര​മി​ക്കു​ന്ന​ത്.

ചെ​ത്തി​മി​നു​ക്ക​ലി​ന്‍റെ ആ​ലോ​ച​ന

ക​പ്പ​ല്‍​ച്ചേ​തം ഒ​ഴി​വാ​ക്കാ​ന്‍ ച​ര​ക്ക് ക​ട​ലി​ലെ​റി​ഞ്ഞു ഭാ​രം കു​റ​യ്ക്കു​ന്ന​തു​പോ​ലെ ഭ​ര​ണ​ഘ​ട​ന​യി​ല്‍​നി​ന്ന് ക​ന​പ്പെ​ട്ട ചി​ല വാ​ക്കു​ക​ള്‍ കു​റ​യ്ക്ക​ണ​മെ​ന്ന ആ​വ​ശ്യ​മു​ണ്ട്. ആ​മു​ഖ​ത്തി​ല്‍ കൂ​ട്ടി​ച്ചേ​ര്‍​ത്ത് ഭ​ര​ണ​ഘ​ട​ന​യു​ടെ ഭാ​രം വ​ര്‍​ധി​പ്പി​ച്ച ര​ണ്ടു വാ​ക്കു​ക​ളി​ല്‍​നി​ന്നാ​ണ് ചെ​ത്തി​മി​നു​ക്ക​ലി​ന്‍റെ ആ​ലോ​ച​ന​യു​ടെ തു​ട​ക്കം. അ​തു സാ​ധ്യ​മാ​യാ​ല്‍ അ​തി​ന​നു​സൃ​ത​മാ​യ ഭാ​ര​മൊ​ഴി​ക്ക​ല്‍ തു​ട​ര്‍​ന്നും ന​ട​ത്താം. ഭ​ര​ണ​ഘ​ട​ന​യി​ല്‍ മാ​ത്ര​മ​ല്ല, അ​നു​ബ​ന്ധ​മാ​യി പ​ലേ​ട​ത്തും അ​വ​രു​ടെ നോ​ട്ട​ത്തി​ല്‍ പ്ര​യോ​ജ​ന​ര​ഹി​ത​മാ​യി വ​ഴി മു​ട​ക്കാ​ന്‍ വ​ച്ചി​രി​ക്കു​ന്ന ചി​ല സാ​ധ​ന​ങ്ങ​ളു​ണ്ട്. കേ​ശ​വാ​ന​ന്ദ ഭാ​ര​തി തു​ട​ങ്ങി എ​ടു​ത്താ​ല്‍ പൊ​ങ്ങാ​ത്ത ചി​ല സാ​ധ​ന​ങ്ങ​ളും അ​ക്കൂ​ട്ട​ത്തി​ലു​ണ്ട്.

അ​സൗ​ക​ര്യ​ത്തി​ന്‍റെ പാ​ര​മ്യ​ത്തി​ല്‍ ഭ​ര​ണ​ഘ​ട​ന​യെ​ത്ത​ന്നെ ക​ട​ലി​ലെ​റി​ഞ്ഞ ക​ഥ​യാ​ണ് അ​ടി​യ​ന്ത​രാ​വ​സ്ഥ. മൂ​ന്നു രാ​വും മൂ​ന്നു പ​ക​ലും കൂ​റ്റ​ന്‍ മ​ത്സ്യ​ത്തി​ന്‍റെ ഉ​ദ​ര​ത്തി​ല്‍ ക​ഴി​ഞ്ഞ യോ​നാ​യെ​പ്പോ​ലെ​യാ​യി ഭ​ര​ണ​ഘ​ട​ന​യു​ടെ അ​വ​സ്ഥ. അ​ട​ക്ക​പ്പെ​ടു​ന്ന​വ​നോ​ടു​കൂ​ടി അ​വ​സാ​നി​ക്കു​ന്ന​ത​ല്ല സ്വാ​ത​ന്ത്ര്യ​ത്തി​ന്‍റെ ച​രി​ത്രം. മ​ണ്ണി​ല്‍ താ​ഴ്ത്ത​പ്പെ​ട്ട വി​ത്ത് സ്വാ​ത​ന്ത്ര്യ​പ്പോ​രാ​ളി​ക​ളു​ടെ ര​ക്തം വീ​ഴു​മ്പോ​ള്‍ കി​ളി​ര്‍​ത്തു​വ​രും. ഇ​ന്ത്യ​ന്‍ സ്വാ​ത​ന്ത്ര്യ​സ​മ​ര​ത്തി​ന്‍റെ അ​ര്‍​ഥ​വും ച​രി​ത്ര​വും അ​താ​ണ്.

സ്വാ​ത​ന്ത്ര്യ​പ്രാ​പ്തി​ക്കു​ ശേ​ഷ​മാ​ണ് ഇ​ന്ത്യ​യി​ല്‍ ര​ക്ത​ച്ചൊ​രി​ച്ചി​ലി​ന്‍റെ കാ​ലം ആ​രം​ഭി​ച്ച​തെ​ന്ന​തു മ​റ്റൊ​രു കാ​ര്യം. വി​ഭ​ജ​ന​ത്തി​ല്‍ വീ​ണൊ​ഴു​കി​യ ര​ക്ത​മാ​യി​രു​ന്നു അ​ത്. സ്വാ​ത​ന്ത്ര്യ​ത്തി​ന്‍റെ ദി​നം വി​ഭ​ന​ത്തി​ന്‍റെ ദി​നംകൂ​ടി​യാ​യി. ഇം​ഗ്ല​ണ്ടി​ലെ പ്ര​സി​ദ്ധ​മാ​യ ര​ക്ത​ര​ഹി​ത വി​പ്ല​വം​പോ​ലെ ര​ക്ത​ര​ഹി​ത​വി​ഭ​ജ​നം ന​മു​ക്കു സാ​ധ്യ​മാ​യി​ല്ല. ഗാ​ന്ധി​ജി​യു​ടെ കാ​ര്‍​മി​ക​ത്വം ഉ​ണ്ടാ​യി​രു​ന്നെ​ങ്കി​ലും ഇ​ന്ത്യ​ന്‍ സ്വാ​ത​ന്ത്ര്യസ​മ​ര​ത്തി​ന്‍റെ​യും സ്വാ​ത​ന്ത്ര്യ​പ്രാ​പ്തി​യു​ടെ​യും ച​രി​ത്രം പൂ​ര്‍​ണ​മാ​യും അ​ഹിം​സ​യി​ല്‍ അ​ധി​ഷ്ഠി​ത​മാ​യി​രു​ന്നി​ല്ല.

പേ​ക്കി​നാ​വു​ക​ള്‍ മ​റ​ക്കാ​നു​ള്ള​തും അ​തു ന​ല്‍​കു​ന്ന പാ​ഠ​ങ്ങ​ള്‍ സൂ​ക്ഷി​ക്കാ​നു​ള്ള​തു​മാ​ണ്. ചി​ല കാ​ര്യ​ങ്ങ​ള്‍ ഓ​ര്‍​മ​യി​ല്‍ സൂ​ക്ഷി​ക്കു​ന്ന​ത് ആ​വ​ര്‍​ത്ത​ന​ത്തി​ന്‍റെ അ​പ​ക​ടം ഒ​ഴി​വാ​ക്കാ​നാ​ണ്. ഒ​രേ ക​ല്ലി​ല്‍​ത്ത​ട്ടി ര​ണ്ടു പ്രാ​വ​ശ്യം വീ​ഴു​ന്ന​ത് നാ​ണ​ക്കേ​ടാ​ണെ​ന്ന് സി​സെ​റോ പ​റ​ഞ്ഞു. അ​ടി​യ​ന്ത​രാ​വ​സ്ഥ​യെ​ന്ന ക​ല്ല് വീ​ണ്ടും മാ​ര്‍​ഗ​മ​ധ്യേ പ്ര​ത്യ​ക്ഷ​പ്പെ​ട്ടാ​ല്‍ തി​രി​ച്ച​റി​യു​ന്ന​തി​നു​വേ​ണ്ടി​യാ​ണ് ആ ​ദു​ര്‍​ഭ​ഗ​സ്മ​ര​ണ അ​മ്പ​താം വ​ര്‍​ഷം പു​തു​ക്കു​ന്ന​ത്. മ​റ​ക്കാ​ന്‍ ശ്ര​മി​ക്കേ​ണ്ട​തും മ​റ​ക്കേ​ണ്ട​തു​മാ​യ കാ​ര്യ​ങ്ങ​ള്‍ തെ​ളി​മ​യോ​ടെ മ​ന​സി​ല്‍ സൂ​ക്ഷി​ക്കു​ന്ന ഭീ​ക​ര​ജീ​വി​യാ​ണു ഫാ​സി​സം. അ​ത് ഒ​ന്നും മ​റ​ക്കു​ന്നി​ല്ല. അ​തി​ന്‍റെ ഭാ​ഗ​മാ​യാ​ണു വി​ഭ​ജ​ന​ഭീ​തി പു​നഃ​സൃ​ഷ്‌​ടി​ക്കു​ന്ന ച​രി​ത്ര​ത്തി​ന്‍റെ പു​ന​ര്‍​നി​ര്‍​മി​തി​യി​ല്‍ ഗ​വ​ര്‍​ണ​ര്‍ ഏ​ര്‍​പ്പെ​ട്ട​ത്. മ​ന്ത്രി​സ​ഭ​യു​ടെ ഉ​പ​ദേ​ശ​വും നി​ര്‍​ദേ​ശ​വും അ​നു​സ​രി​ച്ച് രാ​ജ്ഭ​വ​നി​ല്‍ അ​ട​ങ്ങി​യൊ​തു​ങ്ങി ക​ഴി​യേ​ണ്ട ഗ​വ​ര്‍​ണ​ര്‍ ക​ള​ത്തി​ലി​റ​ങ്ങി ക​ളി​ക്കാ​ന്‍ ശ്ര​മി​ക്കു​ന്ന​ത് അ​പ​ക​ട​മാ​ണ്. ജ​നം അ​നു​വ​ദി​ക്കാ​ത്ത​ത് ഗ​വ​ര്‍​ണ​ര്‍ ഏ​റ്റെ​ടു​ക്കു​ന്നു. രാ​ജ്ഭ​വ​നി​ലെ ആ​ര്‍​ഭാ​ട​ത്തി​നു​ള്ള പ​ണം സം​സ്ഥാ​ന​ സ​ര്‍​ക്കാ​ര്‍ ഉ​ദാ​ര​മാ​യി ന​ല്‍​കു​ന്നു​ണ്ട്. ചോ​റും തി​ന്നു, ഗൃ​ഹ​നാ​ഥ​യെ ക​ടി​ക്കു​ക​യും ചെ​യ്തു; എ​ന്നി​ട്ടും നാ​യ മു​റു​മു​റു​ത്താ​ല്‍ അ​ത് മ​റ്റു ചി​ല​തി​ന്‍റെ സൂ​ച​ന​യാ​ണ്.


അ​പ​ക​ട​ത്തി​ന്‍റെ വ്യാ​പ്തി​യും സാ​ധ്യ​ത​യും ആ​ദ്യ​സൂ​ച​ന​ക​ളി​ല്‍ വെ​ളി​വാ​ക​ണ​മെ​ന്നി​ല്ല. ടൈ​റ്റാ​നി​ക്കി​നെ ത​ക​ര്‍​ത്ത ഹി​മാ​നി​യു​ടെ വ​ലി​പ്പം സു​ര​ക്ഷാ​ നി​രീ​ക്ഷ​ക​ന്‍റെ ക​ണ്ണി​ല്‍​പ്പെ​ടു​ന്ന​തി​നു​മു​മ്പ് അ​പ​ക​ടം സം​ഭ​വി​ച്ചു. ഗോ​ള്‍​വാ​ള്‍​ക്ക​ര്‍ പ്ര​ബോ​ധ​ക​നും വി​ചാ​ര​ധാ​ര മാ​നി​ഫെ​സ്റ്റോ​യു​മാ​യി പ്ര​വ​ര്‍​ത്തി​ക്കു​ന്ന പ്ര​സ്ഥാ​ന​ത്തി​ന്‍റെ നി​യ​ന്ത്ര​ണ​ത്തി​ലു​ള്ള പാ​ര്‍​ട്ടി ഏതു വിധവും ഭൂ​രി​പ​ക്ഷം ക​ര​സ്ഥ​മാ​ക്കി രാ​ജ്യം ഭ​രി​ക്കു​മ്പോ​ള്‍ നീ​ക്ക​ങ്ങ​ള്‍ ആ​ശ​ങ്ക​ക​ള്‍​ക്കു കാ​ര​ണ​മാ​കു​ന്നു. സം​ശു​ദ്ധ​വും വി​ശ്വ​സ​നീ​യ​വു​മാ​യി​രി​ക്കേ​ണ്ട തെ​ര​ഞ്ഞെ​ടു​പ്പ് മാ​യം മാ​ത്ര​മ​ല്ല, മ​റി​മാ​യം കൂ​ടി​യാ​കു​ന്നു. സി​ഗ്‌​ന​ലു​ക​ള്‍ തെ​റ്റി​യോ​ടു​ന്ന വ​ണ്ടി​യു​ടെ യാ​ത്ര അ​പ​ക​ട​ത്തി​ലേ​ക്കാ​ണ്. ജ​നാ​ധി​പ​ത്യ​ത്തി​ന്‍റെ മ​ന്ദി​ര​ത്തി​ല്‍ ഫാ​സി​സ​ത്തി​ന് ഒ​രു മു​റി​യു​ണ്ടെ​ന്നു പ​റ​യു​ന്ന​തി​ന്‍റെ അ​ര്‍​ഥം സ്വാ​ത​ന്ത്ര്യ​ത്തി​ന്‍റെ വ​ര്‍​ഷ​ങ്ങ​ളി​ല്‍ നാം ​പൂ​ര്‍​ണ​മാ​യും മ​ന​സി​ലാ​ക്കി​ക്കൊ​ണ്ടി​രി​ക്കു​ന്നു. ക്വ​ട്ടേ​ഷ​ന്‍ ന​ട​പ്പാ​ക്കും​മു​മ്പ് ഇ​ര​യെ മാ​ര്‍​ക്ക് ചെ​യ്യു​ന്ന രീ​തി ഗു​ണ്ടാ​സം​ഘ​ങ്ങ​ള്‍​ക്കു​ണ്ട്. അ​ധി​കാ​ര​മു​ണ്ടെ​ങ്കി​ലും ഇ​ല്ലെ​ങ്കി​ലും അ​തു സം​ഭ​വി​ച്ചു​കൊ​ണ്ടി​രി​ക്കും. മ​ധ്യ​പ്ര​ദേ​ശി​ലെ ജാ​ബു​വ​യി​ല്‍ ക​ന്യാ​സ്ത്രീ​ക​ള്‍ ആ​ക്ര​മി​ക്ക​പ്പെ​ട്ട​പ്പോ​ള്‍ എം.​എ. ബേ​ബി​ക്കൊ​പ്പം അ​വി​ടെ​യെ​ത്തി​യ​തു ഞാ​നോ​ര്‍​ക്കു​ന്നു. അ​ക്കാ​ല​ത്തു​ത​ന്നെ​യാ​ണ് സി​സ്റ്റ​ര്‍ റാ​ണി മ​രി​യ​യു​ടെ കൊ​ല​പാ​ത​കം ന​ട​ന്ന​ത്. ഗ്ര​ഹാം സ്റ്റെ​യി​ന്‍​സ് മു​ത​ല്‍ സ്റ്റാ​ന്‍ സ്വാ​മി വ​രെ ഒ​രു​നി​ര വേ​റെ​യു​ണ്ട്. ഛത്തീ​സ്ഗ​ഡും ഒ​റ്റ​പ്പെ​ട്ട അ​പ​ഭ്രം​ശ​മ​ല്ല. ഒ​ന്നും യാ​ദൃ​ച്ഛി​ക​മ​ല്ല. സം​ഭ​വി​ക്കു​ന്ന​തി​നൊ​ക്കെ​യും പ്ലാ​നും പ​ദ്ധ​തി​യു​മു​ണ്ട്. മ​താ​ധി​ഷ്ഠി​ത രാ​ഷ്‌​ട്ര​ത്തി​നു​വേ​ണ്ടി പ്ര​വ​ര്‍​ത്തി​ക്കു​ന്ന​വ​ര്‍ മ​താ​ടി​സ്ഥാ​ന​ത്തി​ലു​ള്ള ധ്രു​വീ​ക​ര​ണ​ത്തി​ലൂ​ടെ ഛിദ്ര​വാ​സ​ന​ക​ളെ ശ​ക്തി​പ്പെ​ടു​ത്തു​ന്നു.

മു​റി​ഞ്ഞ​ത് മു​റി​ഞ്ഞു​ത​ന്നെ

രാ​ഷ്‌​ട്ര​ങ്ങ​ളു​ടെ വി​ഭ​ജ​ന​വും ഏ​കീ​ക​ര​ണ​വും ച​രി​ത്ര​ത്തി​ല്‍ സ​മൃ​ദ്ധ​മാ​യി സം​ഭ​വി​ച്ചി​ട്ടു​ണ്ട്. മു​റി​ഞ്ഞ​ത് മു​റി​ഞ്ഞു​ത​ന്നെ കി​ട​ക്കു​ന്ന​തി​ന് ഉ​ദാ​ഹ​ര​ണ​മാ​ണു കൊ​റി​യ. ര​ണ്ടാ​യ​ത് ഒ​രു​മി​ച്ച​തി​ന് ഉ​ദാ​ഹ​ര​ണ​മാ​ണു ജ​ര്‍​മ​നി​യും വി​യ​റ്റ്‌​നാ​മും. ഇ​ന്ത്യ​യെ ര​ണ്ടാ​യി വി​ഭ​ജി​ച്ചു​കൊ​ണ്ടാ​ണ് ര​ണ്ടി​ട​ത്താ​യി മ​ണി​ക്കൂ​റു​ക​ളു​ടെ വ്യ​ത്യാ​സ​ത്തി​ല്‍ ബ്രി​ട്ട​ന്‍ അ​ധി​കാ​രം കൈ​മാ​റി​യ​ത്. വി​ഭ​ജ​ന​ത്തി​ന്‍റെ പൂ​ര്‍​ണ​മാ​യ ഉ​ത്ത​ര​വാ​ദി​ത്വം ജി​ന്ന​യ്‌​ക്കോ മു​സ്‌​ലിം​ക​ള്‍​ക്കോ ആ​യി​രു​ന്നി​ല്ല. വി​ഭ​ജ​ന​മ​ല്ല, വി​ഭ​ജ​ന​ത്തെ​ത്തു​ട​ര്‍​ന്ന് അ​ങ്ങോ​ട്ടും ഇ​ങ്ങോ​ട്ടു​മു​ണ്ടാ​യ അ​ഭ​യാ​ര്‍​ഥി​ക​ളു​ടെ ഒ​ഴു​ക്കും ര​ക്ത​ച്ചൊ​രി​ച്ചി​ലു​മാ​ണ് രാ​ഷ്‌​ട്ര​ത്തി​ന്‍റെ വേ​ദ​ന​യാ​യി മാ​റി​യ​ത്. ആ ​സാ​ഹ​ച​ര്യം ആ​വ​ര്‍​ത്തി​ക്കാ​ന്‍ വി​ദൂ​ര​മാ​യ സാ​ധ്യ​ത​പോ​ലു​മി​ല്ല. വ​ര്‍​ഗീ​യ​ക​ലാ​പ​മോ മ​ത​ല​ഹ​ള​യോ ഉ​ണ്ടാ​കാ​തെ ജ​ന​ത്തെ​യും രാ​ജ്യ​ത്തെ​യും സം​ര​ക്ഷി​ക്കേ​ണ്ട​തു രാ​ജ്യം ഭ​രി​ക്കു​ന്ന​വ​രു​ടെ ചു​മ​ത​ല​യാ​ണ്. ചു​മ​ത​ല​യു​ള്ള​വ​ര്‍ അ​തു നി​ര്‍​വ​ഹി​ക്കാ​തെ വി​ഭ​ജ​ന​ത്തെ​ക്കു​റി​ച്ചു സാ​ങ്ക​ല്പി​ക ഭീ​തി സൃ​ഷ്‌​ടി​ച്ച് മ​ത​സ്പ​ര്‍​ധ​യും ന്യൂ​ന​പ​ക്ഷ വേ​ട്ട​യും ന​ട​ത്തു​ന്ന​ത് സ്വാ​ത​ന്ത്ര്യ​ത്തി​ന്‍റെ ചൈ​ത​ന്യ​ത്തി​നു നി​ര​ക്കാ​ത്ത ഗ​ര്‍​ഹ​ണീ​യ​ത​യാ​ണ്.

ഉ​ന്മൂ​ല​നം ചെ​യ്യ​പ്പെ​ടേ​ണ്ട ആ​ഭ്യ​ന്ത​ര​ശ​ത്രു​ക്ക​ളെ നേ​ര​ത്തേ അ​ട​യാ​ള​പ്പെ​ടു​ത്തി​യി​ട്ടു​ണ്ട്. പ​ര​സ്പ​ര​ ബ​ന്ധ​മി​ല്ലെ​ങ്കി​ലും പ​ര​സ്പ​ര​സ​ഹാ​യം സ്വ​ര​ക്ഷ​യ്ക്കു സ​ഹാ​യ​ക​മാ​കു​മെ​ന്ന പ​ഴ​ങ്ക​ഥ പ​ണ്ടേ ന​മ്മ​ള്‍ പ​ഠി​ച്ചി​ട്ടു​ണ്ട്. കാ​റ്റും മ​ഴ​യും ഒ​രു​മി​ച്ചു വ​ന്നാ​ല്‍ ക​രി​യി​ല​യു​ടെ ര​ക്ഷ മ​ണ്ണാ​ങ്ക​ട്ട​യ്‌​ക്കോ മ​ണ്ണാ​ങ്ക​ട്ട​യു​ടെ സു​ര​ക്ഷ ക​രി​യി​ല​യ്‌​ക്കോ ഉ​റ​പ്പാ​ക്കാ​നാ​കി​ല്ല. കാ​റ്റും മ​ഴ​യും ഒ​രു​മി​ച്ചു വ​രു​ന്ന​തി​ന്‍റെ സൂ​ച​ന​ക​ള്‍ കാ​ണു​ന്നു​ണ്ട്. യൂ​റോ​പ്യ​ന്‍ ഭ​ര​ണം ഇ​ന്ത്യ​യി​ല്‍ ശ​ക്ത​മാ​യി നി​ല​നി​ല്‍​ക്കു​മ്പോ​ള്‍ ഇ​ന്ത്യ​യി​ല്‍ ക്രി​സ്ത്യാ​നി​ക​ളെ ആ​ഭ്യ​ന്ത​ര​ശ​ത്രു​വാ​യി പ്ര​ഖ്യാ​പി​ക്കു​ന്ന​തി​നു​ള്ള ഔ​ദ്ധ​ത്യം കാ​ണി​ച്ച​വ​ര്‍ ഇ​ന്ന​ത്തെ ഇ​ന്ത്യ​യി​ല്‍ എ​ന്തും ചെ​യ്യാ​ന്‍ മ​ടി​ക്കി​ല്ല. ആ​രും ആ​രു​ടെ​യും ര​ക്ഷ​യ്ക്കു​ണ്ടാ​കി​ല്ലെ​ന്ന് ഗാ​സ മാ​ത്ര​മ​ല്ല, യു​ക്രെ​യ്‌​നും ന​മ്മെ പ​ഠി​പ്പി​ക്കു​ന്നു.

സ്വാ​ത​ന്ത്ര്യ​ത്തി​ന്‍റെ വി​ല നി​താ​ന്ത​മാ​യ ജാ​ഗ്ര​ത​യാ​ണെ​ന്ന തോ​മ​സ് ജ​ഫേ​ഴ്‌​സ​ന്‍റെ ഓ​ര്‍​മ​പ്പെ​ടു​ത്ത​ല്‍ ന​മു​ക്കു​വേ​ണ്ടി​ക്കൂ​ടി​യു​ള്ള​താ​ണ്. അ​ടി​യ​ന്ത​രാ​വ​സ്ഥ​യു​ടെ അ​മ്പ​താം വ​ര്‍​ഷ​ത്തി​ലെ സ്വാ​ത​ന്ത്ര്യ​ദി​നം എ​ന്ന​ നി​ല​യി​ല്‍ ഈ ​ഓ​ര്‍​മ​പ്പെ​ടു​ത്ത​ലി​ന് ച​രി​ത്ര​പ​ര​മാ​യ പ്രാ​ധാ​ന്യ​മു​ണ്ട്. ടി​ക്ക​റ്റ് ഉ​ണ്ടോ ഇ​ല്ല​യോ എ​ന്ന​ത​ല്ല പ്ര​ശ്‌​നം. എ​ങ്ങോ​ട്ടാ​ണു പൊ​യ്‌​ക്കൊ​ണ്ടി​രി​ക്കു​ന്ന​തെ​ന്ന് അ​റി​യാ​തെ​യു​ള്ള യാ​ത്ര​യാ​ണു പ്ര​ശ്‌​നം. ജ​സ്റ്റീ​സ് ഹോം​സി​നെ​പ്പോ​ലെ ഈ ​സ്വാ​ത​ന്ത്ര്യ​ദി​ന​ത്തി​ല്‍ ന​മ്മ​ളും അ​നു​ഭ​വി​ക്കു​ന്ന പ്ര​തി​സ​ന്ധി ഇ​താ​ണ്.