ദൈ​വ​മ​നു​ഷ്യ​ബ​ന്ധ​ത്തി​ന്‍റെ ഒ​റ്റ​വാ​ക്കാ​ണ് സ​ഹ​ന​ട​ത്തം (സി​ന​ഡാ​ലി​റ്റി). ദൈ​വം മ​നു​ഷ്യ​ന്‍റെ കൂ​ടെ ന​ട​ന്ന​തി​ന്‍റെ​യും ഒ​രി​ക്ക​ലും പി​രി​യാ​ത്ത കൂ​ട്ട് അ​വ​നു സ​മ്മാ​നി​ച്ച​തി​ന്‍റെ​യും സ്മ​ര​ണ​കൂ​ടി​യാ​ണ് നോ​ന്പ്.

ഈ ​ഓ​ർ​മ​ക​ളി​ൽ പ്ര​ത്യാ​ശ​യു​ടെ തീ​ർ​ഥാ​ട​ക​രാ​യി ഹൃ​ദ​യ​ത്തെ​യും ഹൃ​ദ​യ​ഭാ​വ​ങ്ങ​ളെ​യും വീ​ണ്ടെ​ടു​ക്കാ​നു​ള്ള ആ​ഹ്വാ​ന​മാ​ണ് സ​ഭ ഇ​ന്നു ന​മു​ക്കു ന​ൽ​കു​ന്ന​ത്. ഒ​പ്പം ന​ട​ക്കു​ന്ന സ​ഭ​യും സ​മൂ​ഹ​വു​മാ​ണ് വേ​ദ​പു​സ്ത​ക​ത്തി​ന്‍റെ പൊ​രു​ൾ. "യേ​ശു​വും അ​ടു​ത്തെ​ത്തി അ​വ​രോ​ടൊ​പ്പം യാ​ത്ര ചെ​യ്തു.' (ലൂ​ക്കാ 24:15)

സൃ​ഷ്ടി​യി​ലും ഇ​സ്ര​യേ​ലി​ന്‍റെ പു​റ​പ്പാ​ടി​ലും ഈ​ശോ​യു​ടെ മ​നു​ഷ്യാ​വ​താ​ര​ത്തി​ലും അ​വി​ടു​ത്തെ സ​ഹ​ന​മ​ര​ണോ​ത്ഥാ​ന​ങ്ങ​ളി​ലു​മെ​ല്ലാം നി​റ​ഞ്ഞു​തു​ളു​ന്പു​ന്ന​ത് ഈ ​ഒ​റ്റ​വാ​ക്കി​ന്‍റെ സ​ഹി​ത​സൗ​ര​ഭ്യ​മാ​ണ്. അ​തു​കൊ​ണ്ടാ​ണ് സ​ഭാ​പി​താ​വാ​യ ക്രി​സോ​സ്തോം "സ​ഹ​ന​ട​ത്ത​ത്തി​ന്‍റെ പേ​രാ​ണ് സ​ഭ'​യെ​ന്നു പ​റ​യു​ന്ന​ത്.

ഒ​പ്പം ന​ട​ക്കാം

ഒ​പ്പം ന​ട​ക്കു​ന്ന മാ​താ​പി​താ​ക്ക​ളും ഒ​രു​മി​ച്ചി​രു​ന്നു ഭ​ക്ഷ​ണം ക​ഴി​ക്കു​ന്ന കു​ടും​ബാം​ഗ​ങ്ങ​ളും ഒ​ന്നി​ച്ചു പ്രാ​ർ​ഥി​ക്കു​ന്ന ശീ​ല​വും വീ​ണ്ടെ​ടു​ത്താ​ൽ ഇ​ന്ന​ത്തെ സ​ക​ല പ്ര​ശ്ന​ങ്ങ​ൾ​ക്കും പ​രി​ഹാ​ര​മാ​കു​മെ​ന്ന​താ​ണ് വാ​സ്ത​വം. ഒ​പ്പം ന​ട​ന്ന​വ​രു​ടെ കാ​ലം മാ​റി. എ​ല്ലാ​വ​ർ​ക്കും അ​വ​ന​വ​ന്‍റെ വ​ഴി​യേ പോ​ക​ണം. ഒ​റ്റ​യ്ക്കു ന​ട​ക്കു​ന്ന​വ​ർ പെ​രു​കി. സാ​മൂ​ഹി​ക​ജീ​വി എ​ന്ന അ​ടി​സ്ഥാ​ന ബോ​ധ്യം പോ​ലും ന​ഷ്ട​പ്പെ​ട്ട മ​നു​ഷ്യ​ർ​ക്കി​ട​യി​ൽ സ​ഹ​ന​ട​ത്തം ഒ​രു പ്ര​തി​സം​സ്കാ​രം സൃ​ഷ്ടി​ക്കു​ന്നു​ണ്ട്.


കൂ​ടെ​ന​ട​ക്കു​ന്ന ഉ​ത്ഥി​ത​നെ തി​രി​ച്ച​റി​യു​ന്ന​താ​ണ് നോ​ന്പ്. ജീ​വി​താ​നു​ഭ​വ​ങ്ങ​ളു​ടെ ഇ​രു​ളു​വീ​ണ വ​ഴി​ക​ളി​ൽ നി​രാ​ശ​രാ​യി നീ​ങ്ങു​ന്ന ശി​ഷ്യ​രോ​ടൊ​പ്പ​മാ​ണ് അ​വ​ൻ യാ​ത്ര ചെ​യ്യു​ന്ന​ത്. പി​ന്നീ​ട് അ​വ​ർ​ക്കു പ​റ​യാ​നു​ള്ള​ത് ശ്ര​ദ്ധാ​പൂ​ർ​വം ശ്ര​വി​ച്ചു. എ​ന്നി​ട്ട് അ​വ​രു​മാ​യി സം​ഭാ​ഷ​ണ​ത്തി​ലേ​ർ​പ്പെ​ട്ടു.

അ​ങ്ങ​നെ അ​വ​ർ അ​വ​നെ തി​രി​ച്ച​റി​ഞ്ഞു. പി​ന്നീ​ട് അ​വ​ർ അ​പ്പം മു​റി​ച്ച്, ഒ​രു​മി​ച്ചു പ​ങ്കി​ടു​ക​യാ​ണ്. സ​ഭ​യു​ടെ സ​ഹ​ന​ട​ത്ത​ത്തി​ന്‍റെ സ​ർ​ഗാ​ത്മ​ക​മാ​യ പ​ഞ്ച​മാ​ർ​ഗ​മാ​ണ് ഇ​ത്. കൂ​ടെ ന​ട​ക്കു​ക, ശ്ര​വി​ക്കു​ക, സം​ഭാ​ഷ​ണം ചെ​യ്യു​ക, തി​രി​ച്ച​റി​യു​ക, ബ​ലി​യാ​കു​ക. നോ​ന്പു​കാ​ലം ന​മ്മെ ക്ഷ​ണി​ക്കു​ന്ന​തും ഇ​തി​ലേ​ക്കാ​ണ്.

കൂ​ടെ​ന​ട​ന്നി​രു​ന്നെ​ങ്കി​ൽ ന​മ്മ​ൾ കു​റ​ച്ചു​കൂ​ടി മെ​ച്ച​പ്പെ​ട്ട ഒ​രു സ​മൂ​ഹ​മാ​യേ​നെ. പ​റ​യാ​നു​ള്ള തി​ടു​ക്ക​ത്തേ​ക്കാ​ൾ മ​റ്റു​ള്ള​വ​രെ ശ്ര​വി​ക്കാ​നാ​യി​രു​ന്നെ​ങ്കി​ൽ ന​ല്ലൊ​രു മ​നു​ഷ്യ​ൻ എ​ന്നി​ൽ രൂ​പ​പ്പെ​ട്ടേ​നെ. സ്നേ​ഹ​സം​ഭാ​ഷ​ണ​ങ്ങ​ൾ ന​മ്മെ കു​റ​ച്ചു​കൂ​ടി സ്വാ​ത​ന്ത്ര്യ​ത്തി​ലേ​ക്കു ന​യി​ക്കു​മാ​യി​രു​ന്നി​ല്ലേ? തി​രി​ച്ച​റി​വു​ക​ൾ നേ​ർ​വ​ഴി​ക​ളി​ൽ ന​മ്മ​ളെ പു​നഃ​പ്ര​തി​ഷ്ഠി​ച്ചേ​നെ. ഒ​പ്പം​ന​ട​ക്ക​ലി​ന്‍റെ പാ​ഠ​ങ്ങ​ൾ ന​മ്മി​ൽ ജീ​വ​നും പ്ര​ത്യാ​ശ​യും നി​റ​യ്ക്കു​മാ​യി​രു​ന്നി​ല്ലേ?