വ​ള​വി​ലും ജം​ഗ്ഷ​നി​ലും മു​ക്കി​ലും മൂ​ല​യി​ലും ചു​വ​പ്പും പ​ച്ച​യും സി​ഗ്ന​ൽ വെ​ളി​ച്ച​വു​മാ​യി ശ​ബ​രി​മ​ല പാ​ത​യെ സേ​ഫ് സോ​ൺ ആ​ക്കി പോ​ലീ​സ് കാ​ത്തു​നി​ന്നു. പൊ​ന്ന​മ്പ​ല​മേ​ട്ടി​ൽ തെ​ളി​ഞ്ഞ മ​ക​ര​ജ്യോ​തി​യെ ഭ​ക്തി​യോ​ടെ ക​ണ്ണു​ക​ളി​ൽ നി​റ​ച്ച് നി​ർ​വൃ​തി​യോ​ടെ മ​ല​യി​റ​ങ്ങി​യ ഭ​ക്ത​ർ​ക്ക് റോ​ഡി​ൽ വ​ഴി​കാ​ട്ടു​ക​യാ​യി​രു​ന്നു പോ​ലീ​സി​ന്‍റെ സി​ഗ്ന​ൽ ലൈ​റ്റു​ക​ൾ.

ഇ​ന്ന​ലെ രാ​ത്രി ഏ​ഴ​ര​യോ​ടെ പാ​ത​ക​ളി​ൽ തീ​ർ​ഥാ​ട​ക​രു​ടെ മ​ട​ക്ക​യാ​ത്ര ആ​രം​ഭി​ച്ചി​രു​ന്നു. തു​ട​ർ​ന്ന​ങ്ങോ​ട്ട് വാ​ഹ​ന​പ്ര​ള​യ​മാ​യി​രു​ന്നു. വ​ഴി തി​രി​ച്ചു​വി​ടാ​നു​ള​ള റൂ​ട്ടു​ക​ൾ നേരത്തേ നി​ശ്ച​യി​ച്ച് പോ​ലീ​സ് ഡ്യൂ​ട്ടി ആ​രം​ഭി​ച്ച​തി​നാ​ൽ വാ​ഹ​ന തി​ര​ക്ക് നി​യ​ന്ത്രി​ക്കാ​നാ​യി. നാ​ട്ടു​കാ​രു​ടെ വാ​ഹ​ന​ങ്ങ​ളെ ശ​ബ​രി​മ​ല പാ​ത​യി​ൽ വ​ഴി തി​രി​ച്ചു​വി​ട്ടും തി​ര​ക്ക് നി​യ​ന്ത്രി​ച്ചു.

മോ​ട്ടോ​ർ വാ​ഹ​ന വ​കു​പ്പി​ന്‍റെ പ​ട്രോ​ളിം​ഗ് സ്ക്വാ​ഡു​ക​ൾ പ്ര​ധാ​ന ടൗ​ണു​ക​ളി​ൽ ക്യാ​മ്പ് ചെ​യ്തി​രു​ന്നു. തി​ര​ക്കേ​റി​യ മു​ക്കൂ​ട്ടു​ത​റ ടൗ​ണി​ൽ കൂ​ടു​ത​ൽ പോ​ലീ​സു​കാ​രെ​യാ​ണ് ഡ്യൂ​ട്ടി​ക്ക് നി​യോ​ഗി​ച്ചി​രു​ന്ന​ത്. കൊ​ക്ക​യും കൊ​ടും​വ​ള​വും അ​പ​ക​ട​സാ​ധ്യ​ത​ക​ൾ നി​റ​ഞ്ഞ​തു​മാ​യ ക​ണ​മ​ല​യി​ലും കോ​രു​ത്തോ​ട്, വ​ന​പാ​ത​ക​ളി​ലും പ്ര​ത്യേ​ക​മാ​യി ഡ്യൂ​ട്ടി പോ​യി​ന്‍റു​ക​ൾ പോ​ലീ​സ് ക്ര​മീ​ക​രി​ച്ചി​രു​ന്നു. എ​രു​മേ​ലി പേ​ട്ട​ക്ക​വ​ല, രാ​ജാ​പ്പ​ടി, ടി​ബി റോ​ഡ് ജം​ഗ്ഷ​ൻ, പ്ര​പ്പോ​സ്, ക​ണ്ണി​മ​ല, കൊ​ര​ട്ടി എ​ന്നി​വി​ട​ങ്ങ​ളി​ൽ തീ​ർ​ഥാ​ട​ക വാ​ഹ​ന തി​ര​ക്ക് നി​യ​ന്ത്രി​ക്കാ​ൻ പോ​ലീ​സ് ഏ​റെ ബു​ദ്ധി​മു​ട്ടി. ക​ണ​മ​ല​യി​ലും മു​ക്കൂ​ട്ടു​ത​റ​യി​ലും ആം​ബു​ല​ൻ​സു​ക​ൾ ക്ര​മീ​ക​രി​ച്ച​തി​ന് പു​റ​മെ മൊ​ബൈ​ൽ മെ​ഡി​ക്ക​ൽ സം​ഘ​ത്തെ​യും നി​യോ​ഗി​ച്ചി​രു​ന്നു. ഫ​യ​ർ​ഫോ​ഴ്സി​ന്‍റെ താ​ത്ക്കാ​ലി​ക ഓ​ഫീ​സി​ൽ അ​ടി​യ​ന്ത​ര സാ​ഹ​ച​ര്യം നേ​രി​ടാ​നു​ള​ള ത​യാ​റെ​ടു​പ്പി​ലാ​ണ് ജീ​വ​ന​ക്കാ​ർ ഡ്യൂ​ട്ടി​യി​ലു​ണ്ടാ​യി​രു​ന്ന​ത്. എ​രു​മേ​ലി സ​ർ​ക്കാ​രാ​ശു​പ​ത്രി​യി​ൽ ഏ​ഴ് ഡോ​ക്ട​ർ​മാ​ർ ഉ​ൾ​പ്പ​ടെ​യു​ള​ള സം​ഘം പ്ര​ത്യേ​ക​മാ​യി ഡ്യൂ​ട്ടി​യി​ലു​ണ്ടാ​യി​രു​ന്നു.


മ​ട​ക്ക​യാ​ത്ര​യു​ടെ വി​വ​ര​ങ്ങ​ൾ ഏ​കോ​പി​പ്പി​ക്കാ​ൻ എ​രു​മേ​ലി​യി​ൽ റ​വ​ന്യു ക​ൺ​ട്രോ​ൾ റൂം ​പ്ര​വ​ർ​ത്തി​ച്ച​ത് കാ​ഞ്ഞി​ര​പ്പ​ള​ളി ത​ഹ​സി​ൽ​ദാ​രു​ടെ നേ​തൃ​ത്വ​ത്തി​ലാ​യി​രു​ന്നു. കാ​ഞ്ഞി​ര​പ്പ​ള​ളി ഡി​വൈ​എ​സ്പി ഇ​മ്മാ​നു​വേ​ൽ പോ​ൾ, അ​സി​സ്റ്റ​ന്‍റ് സ്പെ​ഷ​ൽ ഓ​ഫീ​സ​റും ഡി​വൈ​എ​സ്പി​യു​മാ​യ ജി ​അ​ശോ​ക് കു​മാ​ർ, മ​ണി​മ​ല സി​ഐ ടി.​ഡി. സു​നി​ൽ കു​മാ​ർ, എ​സ്ഐ മ​നോ​ജ് മാ​ത്യു എ​ന്നി​വ​രു​ൾ​പ്പെ​ട്ട വി​പു​ല​മാ​യ സം​ഘ​മാ​ണ് ക​ണ​മ​ല മു​ത​ൽ ശ​ബ​രി​മ​ല പാ​ത​യു​ടെ നി​യ​ന്ത്ര​ണം ഏ​റ്റെ​ടു​ത്ത് ഗ​താ​ഗ​തം ക്ര​മീ​ക​രി​ച്ച​ത്.