തികഞ്ഞ മനുഷ്യസ്നേഹി: ഡോ. സൂസപാക്യം : Deepika.com Special News

ഇതു രക്ഷാകർത്താക്കൾ വായിക്കാതെ പോവരുത്! ഒരു വയസാകും മുൻപേ കുരുന്നുകൈകളിൽ മൊബൈൽ ഫോണോ ടാബ്‌ലെറ്റോ കൊടുക്കുന്നവരാണ് ഇന്നു നല്ലൊരു ശതമാനം മാതാപിതാക്കളും. കരച്ചിലടക്കുക, പഠിപ്പിക്കുക, ഭക്ഷണം കഴിപ്പിക്കുക തുടങ്ങി കുട്ടികളെ വളയ്ക്കുന്നതിനുള്ള ഒറ്റമൂലിയായാണ് രക്ഷിതാക്കൾ പലപ്പോഴും മൊബൈൽ ഫോണിനെ കാണുന്നത്. ആദ്യം തമാശയ്ക്കു കൊടുക്കുന്ന ഇത്തരം ഡിജിറ്റൽ സ്ക്രീനുകൾ പിന്നീട് കുട്ടികളുടെ കൈയിൽ നിന്നു തിരികെ വാങ്ങാനാകാത്ത സ്ഥിതി വരുന്നു. മയക്കുമരുന്നുകൾ പോലെ ഒഴിവാക്കാനാകാത്ത ഒന്നായി ഈ സ്ക്രീനുകൾ മാറുന്ന കാഴ്ചയാണ് ഇന്നുള്ളത്. തുടർച്ചയായ ഡിജിറ്റൽ സ്ക്രീനുകളുടെ ഉപയോഗം കുട്ടികളിൽ ഗുരുതരമായ ആരോഗ്യപ്രശ്നങ്ങളുണ്ടാക്കുമെന്നു പഠനങ്ങൾ തെളിയിക്കുന്നു. മൊബൈൽ ഫോണ്‍ കൊടുത്തുള്ള സ്നേഹപ്രകടനം അവരോടുചെയ്യുന്ന ഏറ്റവും വലിയ അപരാധമായി മാറും. ഡിജിറ്റൽ സ്ക്രീനുകൾക്ക് അടിമകളായ കുട്ടികൾ അതു ലഭിക്കാതെ വരുമ്പോൾ ഒരു പ്രത്യേക മാനസികാവസ്ഥയിലേക്ക് എത്തുന്നു

തികഞ്ഞ മനുഷ്യസ്നേഹി: ഡോ. സൂസപാക്യം

തിരുവനന്തപുരം: മതേതരമൂല്യങ്ങൾക്കു വേണ്ടി നിലകൊണ്ട സമാനതകളില്ലാത്ത നേതാവും തികഞ്ഞ മനുഷ്യസ്നേഹിയുമായിരുന്നു കെ.എം. മാണിയെന്ന് തിരുവനന്തപുരം ലത്തീൻ അതിരൂപത അധ്യക്ഷൻ ആർച്ച്ബിഷപ് ഡോ. സൂസപാക്യം. ഈശ്വരവിശ്വാസിയും സഭാസ്നേഹിയും എല്ലാവർക്കും സ്വീകാര്യനുമായ ഒരു സഹോദരനെയാണു മാണിയുടെ നിര്യാണത്തിലൂടെ രാഷ്‌ട്രീയകേരളത്തിന് നഷ്ടമായിരിക്കുന്നതെന്ന് ആർച്ച്ബിഷപ് അനുശോചന സന്ദേശത്തിൽ പറഞ്ഞു.

കേരള രാഷ്‌ട്രീയത്തിലെ യുഗപുരുഷന്‍: ബെന്നി ബഹനാന്‍

കൊച്ചി: കേരള രാഷ്‌ട്രീയത്തി ലെ യുഗപുരുഷനായിരുന്നു കെ.എം.മാണിയെന്ന് യുഡിഎഫ് കണ്‍വീനര്‍ ബെന്നി ബഹനാന്‍ അനുസ്മരിച്ചു. സാര്‍ എന്ന ബഹുമതി അംഗീകരിച്ചു കിട്ടിയിട്ടുള്ള ഏക നേതാവാണ് അദ്ദേഹം. ബെന്നി ബഹനാന്‍ പറഞ്ഞു.

നഷ്ടമായത് രാഷ്‌ട്രീയത്തിലെ അതികായനെ: എം.പി. വീരേന്ദ്രകുമാർ

കോഴിക്കോട്: കെ.എം. മാണിയുടെ വിയോഗത്തിലൂടെ നഷ്ടമായത് കേരളരാഷ്ട്രീയത്തിലെ അതികായനെയാണെന്ന് എം.പി. വീരേന്ദ്രകുമാര്‍ എംപി. അദ്ദേഹം ഭരണരംഗത്ത് കഴിവും പ്രാഗത്ഭ്യവും തെളിയിച്ചു. വീരേന്ദ്രകുമാർ പറഞ്ഞു.

എതിരാളികള്‍ പോലും ബഹുമാനിച്ചിരുന്ന വ്യക്തിത്വം: ജോണി നെല്ലൂര്‍

കൊച്ചി: എതിരാളികള്‍ പോലും ബഹുമാനിക്കുകയും ആദരിക്കുകയും ചെയ്തിരുന്ന വ്യക്തിയായിരുന്നു കെ.എം. മാണിയെന്നു കേരള കോണ്‍ഗ്രസ്-ജേക്കബ് ചെയര്‍മാന്‍ ജോണി നെല്ലൂര്‍ അനുസ് മരിച്ചു. അദ്ദേഹത്തിന്‍റെ വിയോഗം കേരളത്തിനു തീരാനഷ്ടമാണെന്നും ജോണി നെല്ലൂര്‍ പറഞ്ഞു.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.