ഇനി ജമ്മു കാഷ്മീരിന് പ്രത്യേക പദവി ഇല്ല: ആർട്ടിക്കിൾ 370 റദ്ദാക്കി : Deepika.com Special News

ഇതു രക്ഷാകർത്താക്കൾ വായിക്കാതെ പോവരുത്! ഒരു വയസാകും മുൻപേ കുരുന്നുകൈകളിൽ മൊബൈൽ ഫോണോ ടാബ്‌ലെറ്റോ കൊടുക്കുന്നവരാണ് ഇന്നു നല്ലൊരു ശതമാനം മാതാപിതാക്കളും. കരച്ചിലടക്കുക, പഠിപ്പിക്കുക, ഭക്ഷണം കഴിപ്പിക്കുക തുടങ്ങി കുട്ടികളെ വളയ്ക്കുന്നതിനുള്ള ഒറ്റമൂലിയായാണ് രക്ഷിതാക്കൾ പലപ്പോഴും മൊബൈൽ ഫോണിനെ കാണുന്നത്. ആദ്യം തമാശയ്ക്കു കൊടുക്കുന്ന ഇത്തരം ഡിജിറ്റൽ സ്ക്രീനുകൾ പിന്നീട് കുട്ടികളുടെ കൈയിൽ നിന്നു തിരികെ വാങ്ങാനാകാത്ത സ്ഥിതി വരുന്നു. മയക്കുമരുന്നുകൾ പോലെ ഒഴിവാക്കാനാകാത്ത ഒന്നായി ഈ സ്ക്രീനുകൾ മാറുന്ന കാഴ്ചയാണ് ഇന്നുള്ളത്. തുടർച്ചയായ ഡിജിറ്റൽ സ്ക്രീനുകളുടെ ഉപയോഗം കുട്ടികളിൽ ഗുരുതരമായ ആരോഗ്യപ്രശ്നങ്ങളുണ്ടാക്കുമെന്നു പഠനങ്ങൾ തെളിയിക്കുന്നു. മൊബൈൽ ഫോണ്‍ കൊടുത്തുള്ള സ്നേഹപ്രകടനം അവരോടുചെയ്യുന്ന ഏറ്റവും വലിയ അപരാധമായി മാറും. ഡിജിറ്റൽ സ്ക്രീനുകൾക്ക് അടിമകളായ കുട്ടികൾ അതു ലഭിക്കാതെ വരുമ്പോൾ ഒരു പ്രത്യേക മാനസികാവസ്ഥയിലേക്ക് എത്തുന്നു

ഇനി ജമ്മു കാഷ്മീരിന് പ്രത്യേക പദവി ഇല്ല: ആർട്ടിക്കിൾ 370 റദ്ദാക്കി

ജമ്മു കാഷ്മീരിന് പ്രത്യേക പദവി നൽകുന്ന ആർട്ടിക്കിൾ 370 റദ്ദാക്കി. രാജ്യസഭയിൽ കേന്ദ്ര ആഭ്യന്തരമന്ത്രി അമിത്ഷായാണ് ഇതുസംബന്ധിച്ച് നിർണായക ബിൽ അവതരിപ്പിച്ചത്. രാഷ്ട്രപതി രാംനാഥ് കോവിന്ദ് ഉത്തരവിൽ ഒപ്പുവയ്ക്കുകയും ചെയ്തു. രാഷ്ട്രപതിയുടെ പ്രത്യേക അധികാരം ഉപയോഗിച്ചായിരുന്നു ബില്ലിൽ ഒപ്പുവച്ചത്.

ശക്തമായ പ്രതിപക്ഷ ബഹളത്തിനിടെയാണ് അമിത്ഷാ നിർണായക തീരുമാനം പ്രഖ്യാപിച്ചത്. ജമ്മു കാഷ്മീരിനെ സംബന്ധിച്ച് മൂന്ന് സുപ്രധാന ബില്ലുകളാണ് അമിത്ഷാ രാജ്യസഭയിൽ കൊണ്ടുവന്നത്. ആർട്ടിക്കിൾ 370 റദ്ദാക്കുക, ഭരണഘടനയിലെ ആർട്ടിക്കിൾ 35എയിൽ നൽകിയിരിക്കുന്ന ആനുകൂല്യങ്ങൾ റദ്ദാക്കുക. ജമ്മു കാഷ്മീരിനെ പുനഃസംഘടിപ്പിക്കുക തുടങ്ങിയവയാണ് അത്.

അമിത്ഷായുടെ പ്രഖ്യാപനം വന്ന് നിമിഷങ്ങള്‍ക്കുള്ളിലാണ് ആർട്ടിക്കിൾ 370 സംബന്ധിച്ച് രാഷ്ട്രപതിയുടെ ഉത്തരവും പുറത്തിറങ്ങിയത്. 1950ൽ ഭരണഘടന നിലവിൽ വന്നതു മുതലുള്ള ചരിത്ര ബിൽ തിരുത്തിയെഴുതുകയാണ് ഇപ്പോഴുണ്ടായിരിക്കുന്നത്. 370-ാം വകുപ്പിനെ എതിർത്തുപോന്ന നയമാണു ബിജെപി നിലനിർത്തിയിരുന്നത്. പ്രകടന പത്രികയിലും അവർ ഇക്കാര്യം വ്യക്തമാക്കിയിരുന്നു.

രണ്ടു മേഖലകളായി കാഷ്മീരിനെ വിഭജിക്കാനുമാണ് ബില്ലിലെ മറ്റൊരു തീരുമാനം. ജമ്മു കാഷ്മീർ, ലഡാക്ക് എന്നിങ്ങനെ രണ്ടു കേന്ദ്ര ഭരണ പ്രദേശങ്ങളായാണ് വിഭജനം. ജമ്മു കാഷ്മീർ ഡൽഹി മാതൃകയിൽ കേന്ദ്ര ഭരണപ്രദേശമായി മാറ്റും. നിയമസഭയുള്ള കേന്ദ്ര ഭരണപ്രദേശമായിരിക്കും ഇത്. ഈ ബില്ലിൻ മേൽ രാജ്യസഭയിൽ ഇപ്പോൾ ചർച്ച നടക്കുകയാണ്.

അതേസമയം, ബിജെപി ഭരണഘടനയുടെ അന്ത്യം കുറിച്ചുവെന്ന് കോൺഗ്രസ് നേതാവ് ഗുലാം നബി ആസാദ് രാജ്യസഭയിൽ പറഞ്ഞു. ഭരണഘടന കീറിയെറിഞ്ഞ രണ്ടു പിഡിപി അംഗങ്ങളെ രാജ്യസഭയിൽനിന്ന് പുറത്താക്കുകയും ചെയ്തു.

നേരത്തേ, ഉപരാഷ്ട്രപതിക്കുള്ള വിവേചനാധികാരം ഉപയോഗിച്ചാണ് രാജ്യസഭയിൽ ബില്‍ അവതരിപ്പിക്കാൻ അനുമതി നൽകിയത്. കാഷ്മീരിന്‍റെ പ്രത്യേക പദവി പിന്‍വലിച്ചേക്കുമെന്ന അഭ്യൂഹങ്ങൾ കഴിഞ്ഞ കുറച്ചു ദിവസമായി നിലനിന്നിരുന്നു. ഇതിന്‍റെ ഭാഗമായി കാഷ്മീരിലെ സുരക്ഷാസംവിധാനങ്ങൾ ശക്തമാക്കിയിരുന്നു.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.