അ​ച്ഛ​ൻ പ്ര​സം​ഗി​ച്ച അ​യ്യ​ങ്കാ​വി​ൽ പ്രി​യ​ങ്ക​യെ​ത്തി; ച​രി​ത്ര​മാ​യി...
ക്വി​റ്റ് ഇ​ന്ത്യ സ​മ​ര​ത്തി​ൽ പ​ങ്കെ​ടു​ത്ത ധീ​ര​ദേ​ശാ​ഭി​മാ​നി​ക​ൾ ദേ​ശീ​യ പ​താ​ക ഉ​യ​ർ​ത്തി​യ, നി​ര​വ​ധി സ​മ​ര​ങ്ങ​ളി​ലൂ​ടെ ച​രി​ത്ര​ത്തി​ൽ ഇ​ടംനേ​ടി​യ അ​യ്യ​ങ്കാ​വ് മൈ​താ​നം ഒ​രി​ക്ക​ൽ​കൂ​ടി ച​രി​ത്ര​നി​മി​ഷ​ത്തി​നു സാ​ക്ഷി​യാ​യി. 1987ൽ ​പി​താ​വ് രാ​ജീ​വ് ഗാ​ന്ധി പ്ര​സം​ഗി​ച്ച അ​തേ വേ​ദി​യി​ൽ മ​ക​ൾ പ്രി​യ​ങ്ക​യെ​ത്തി​യ​പ്പോ​ൾ ആ​യി​ര​ങ്ങ​ൾ ആ​ര​വം​മു​ഴ​ക്കി "പ്രി​യ​ങ്ക​ഗാ​ന്ധി സി​ന്ദാ​ബാദ്; ഇ​ന്ത്യ​ൻ നാ​ഷ​ണ​ൽ കോ​ൺ​ഗ്ര​സ് സി​ന്ദാ​ബാ​ദ്'.

ചാ​ല​ക്കു​ടി​യി​ൽ​നി​ന്നും റോ​ഡ് മാ​ർ​ഗം ഇ​രി​ങ്ങാ​ല​ക്കു​ട​യി​ൽ പ്രി​യ​ങ്ക​യെ​ത്തി​യ​പ്പോ​ഴേ​ക്കും ഒ​രു​മ​ണി​യോ​ട​ടു​ത്തി​രു​ന്നു. മീ​ന​ച്ചൂ​ടി​നെ അ​വ​ഗ​ണി​ച്ച് ആ​യി​ര​ങ്ങ​ൾ കാ​ത്തു​നി​ന്നു. പൈ​ല​റ്റ് വാ​ഹ​ന​ങ്ങ​ൾ മൈ​താ​ന​വ​ഴി​യി​ലേ​ക്കു തി​രി​ഞ്ഞ​തോ​ടെ "ഇ​ന്ത്യ​ൻ രാ​ഷ്ട്രീ​യ​ത്തി​ലെ പു​ത്ത​ൻ സൂ​ര്യ​തേ​ജ​സ്... എ​ഐ​സി​സി ജ​ന​റ​ൽ സെ​ക്ര​ട്ട​റി പ്രി​യ​ങ്ക ഗാ​ന്ധി ഇ​താ അ​യ്യ​ങ്കാ​വ് മൈ​താ​നി​യി​ലേ​ക്ക്...' എ​ന്ന അ​നൗ​ൺ​സ്മെ​ന്‍റ് അ​ന്ത​രീ​ക്ഷ​ത്തി​ലു​യ​ർ​ന്നു. കൈ​ക​ൾ വീ​ശി, നി​റപു​ഞ്ചി​രി​യോ​ടെ വേ​ദി​യി​ലെ​ത്തി​യ പ്രി​യ നേ​താ​വി​നെ ആ​ർ​പ്പു​വി​ളി​ക​ളോ​ടെ​യാ​ണ് പ്ര​വ​ർ​ത്ത​ക​ർ എ​തി​രേ​റ്റ​ത്. ഒ​പ്പം നേ​താ​ക്ക​ൾ ഷാ​ളു​ക​ളും അ​ണി​യി​ക്കു​ന്നു​ണ്ടാ​യി​രു​ന്നു.

യു​ഡി​എ​ഫ് സ്ഥാ​നാ​ർ​ഥി​ക​ളാ​യ തോ​മ​സ് ഉ​ണ്ണി​യാ​ട​നും (ഇ​രി​ങ്ങാ​ല​ക്കു​ട), ശോ​ഭ സു​ബി​നും (ക​യ്പ​മം​ഗ​ലം) വോ​ട്ട​ഭ്യ​ർ​ഥി​ക്കാ​നാ​ണ് ഇ​വി​ടെ എ​ത്തി​യ​തെ​ന്ന​തി​ൽ സ​ന്തോ​ഷ​മു​ണ്ട്. നി​ങ്ങ​ളെ കാ​ണാ​ൻ ക​ഴി​ഞ്ഞ​തി​നാ​ലും എ​ന്‍റെ മ​ക​ൾ​ക്കു കോ​ള​ജ് അ​ഡ്മി​ഷ​ൻ ഇ​ന്നു ല​ഭി​ച്ച​തി​നാ​ലും ഇ​ന്ന​ത്തെ​ ദി​നം വ​ള​രെ ന​ല്ല​താ​ണെ​ന്നു പ​റ​ഞ്ഞുതു​ട​ങ്ങി​യ ഇ​ന്ദി​ര​യു​ടെ ചെ​റു​മ​ക​ൾ നി​മി​ഷ​ങ്ങ​ൾ​ക്കു​ള്ളി​ൽ സ​ദ​സി​നെ കൈ​യി​ലെ​ടു​ത്തു.

"സ്ഥാ​നാ​ർ​ഥി ശോ​ഭ സു​ഭി​ൻ ഇ​ളം പ്രാ​യ​ത്തി​ലേ ത​നി​ക്കു ന​ഷ്ട​പ്പെ​ട്ട അ​മ്മ ശോ​ഭ​യു​ടെ പേ​ര് ത​ന്‍റെ പേ​രി​നോ​ടുകൂ​ട്ടി​ച്ചേ​ർ​ത്ത​ത് കേ​ര​ള​ത്തി​ൽ സ്ത്രീ​ക​ൾ​ക്കു ല​ഭി​ക്കു​ന്ന ബ​ഹു​മാ​ന​ത്തി​ന്‍റെ പ്ര​തീ​ക​മാ​ണ്. കേ​ര​ള​ത്തെ​ക്കു​റി​ച്ച് ഇ​വി​ടത്തെ ജ​ന​ങ്ങ​ളെ​ക്കു​റി​ച്ച്, സം​സ്കാ​ര​ത്തെ​ക്കു​റി​ച്ച് ഞാ​ൻ ആ​ദ്യം അ​റി​യു​ന്ന​ത് എ​ന്‍റെ എ​ൽ​പി സ്കൂ​ൾ കാ​ല​ത്താ​ണ്.


അ​ന്ന് എ​ന്നെ പ​ഠി​പ്പി​ച്ച ക​ന്യാ​സ്ത്രീ ഒ​രു മ​ല​യാ​ളി​യാ​യി​രു​ന്നു. പി​ന്നീ​ട് മു​ത്ത​ശ്ശി ഇ​ന്ദി​രാ​ജി​യു​ടെ അ​കാ​ല​വി​യോ​ഗം ഞ​ങ്ങ​ളെ ആ​കെ ത​ള​ർ​ത്തി. ഞ​ങ്ങ​ളു​ടെ സ്കൂ​ൾ വി​ദ്യാ​ഭ്യാ​സം വീ​ട്ടി​ൽ ഏ​കാം​ഗ അ​ധ്യാ​പി​ക​യി​ലേ​ക്കൊ​തു​ങ്ങി. അ​വ​രെ​നി​ക്ക് ടീ​ച്ച​റാ​യി​രു​ന്നി​ല്ല, അ​മ്മ​യെ​പ്പോ​ലെ​യാ​യി​രു​ന്നു.

ആ ​അ​മ്മ​യും ഒ​രു മ​ല​യാ​ളി​യാ​യി​രു​ന്നു. അ​വ​രാ​ണ് സ​ത്യ​ത്തി​ന്‍റെ വ​ഴി ബു​ദ്ധി​മു​ട്ടു​ള്ള​തും മു​ള്ളു​ക​ൾ നി​റ​ഞ്ഞ​തു​മാ​ണെ​ന്ന് എ​ന്നെ പ​ഠി​പ്പി​ച്ച​ത്. തെ​റ്റി​ന്‍റെ വ​ഴി സു​ഖ​മു​ള്ള​താ​ണ്. എ​ത്ര​മാ​ത്രം സ​ഹ​ന​ങ്ങ​ളെ അ​ഭി​മു​ഖീ​ക​രി​ക്കേ​ണ്ടി​വ​ന്നാ​ലും നാം ​സ​ത്യ​ത്തി​ന്‍റെ​യും ന​ന്മ​യു​ടെ​യും വ​ഴി പി​ൻ​തു​ട​ര​ണ​മെ​ന്ന നി​ശ്ച​യ​ദാ​ർ​ഢ്യം എ​ന്‍റെ മ​ന​സി​ൽ അ​ങ്കു​രി​പ്പി​ച്ച​ത് ഈ ​ടീ​ച്ച​റ​മ്മ​യാ​ണ്.

ഇ​വി​ട​ത്തെ മ​ത​ങ്ങ​ൾ, ആ​ഘോ​ഷ​ങ്ങ​ൾ, ഭൂ​മി, പൈ​തൃ​കം, സം​സ്കാ​രം, വ്യ​വ​സാ​യം എ​ന്നി​വ​യെ​ക്കു​റി​ച്ചെ​ല്ലാം അ​ങ്ങ​നെ​യാ​ണു ഞാ​ൻ കേ​ട്ട​റി​ഞ്ഞ​തും പ​ഠി​ച്ച​തും. മ​ല​യാ​ളി​യു​ടെ ത​നി​മ​യെ​ന്ന​തു സ്വ​ഭാ​വ​മ​ഹി​മ​യാ​ണ്. ക​ഠി​നാ​ധ്വാ​നം, നി​ശ്ച​യ​ദാ​ർ​ഢ്യം, വി​ശ്വസ് ത​ത, വി​വേ​കം, ബു​ദ്ധി, അ​തി​ലു​പ​രി ന​ന്മ​യു​ടെ വ​ഴി​യി​ലൂ​ടെ പോ​കാ​നു​ള്ള പ്ര​തി​ബ​ദ്ധ​ത എ​ന്നി​വ ഇ​ന്ത്യാ മ​ഹാരാ​ജ്യ​ത്തി​ലെ മു​ഴു​വ​ൻ സം​സ്ഥാ​ന​ങ്ങ​ൾ​ക്കും മാ​തൃ​ക​യാ​ണ്'.

സ്ത്രീ ശ​ക്തീ​ക​ര​ണ​ത്തി​നു​ത​കു​ന്ന നി​ര​വ​ധി പ​ദ്ധ​തി​ക​ൾ യു​ഡി​എ​ഫ് പ്ര​ക​ട​ന​പ​ത്രി​ക​യി​ലു​ണ്ടെ​ന്ന് ഓ​രോ​ന്നും എ​ടു​ത്തു​പ​റ​ഞ്ഞാ​ണ് അ​വ​രു​ടെ പ്ര​സം​ഗം ക​ത്തി​ക്ക​യ​റി​യ​ത്. കേ​ന്ദ്ര സം​സ്ഥാ​ന സ​ർ​ക്കാ​രു​ക​ളു​ടെ അ​ഴി​മ​തി​യും പൊ​ള്ള​ത്ത​ര​വും തു​റ​ന്നു​കാ​ട്ടാ​നും അ​വ​ർ മ​റ​ന്നി​ല്ല.

കൈ​ക​ൾ വീ​ശി വേ​ദിയി​ൽ നി​ന്നി​റ​ങ്ങി കാ​റി​ൽ ക​യ​റി അ​വ​ർ യാ​ത്ര​യാകു​ന്പോ​ൾ ത്രി​വ​ർ​ണ സാ​രി​യു​ടു​ത്ത വ​യോ​ധി​ക​രാ​യ പ്ര​വ​ർ​ത്ത​ക​ർ പ​റ​യു​ന്നതു ​കേ​ട്ടു: ഇ​ന്ദി​രാ​ഗാ​ന്ധി​യെ നേ​രി​ട്ടു​ക​ണ്ട​പോ​ലെ.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.