നീ​തി വൈ​കു​ന്ന​തു നീ​തി നി​ഷേ​ധി​ക്ക​പ്പെ​ടു​ന്ന​തി​നു തു​ല്യ​മാ​ണെ​ന്ന അ​ർ​ഥ​​ത്തി​ൽ ഇം​ഗ്ലീ​ഷി​ൽ വി​ഖ്യാ​ത​മാ​യൊ​രു ചൊ​ല്ലു​ണ്ട്. നി​യ​മ​ന​ട​പ​ടി​ക​ൾ വ​ള​രെ​യ​ധി​കം സ​മ​യ​മെ​ടു​ക്കു​ന്പോ​ൾ, ആ​ത്യ​ന്തി​ക​മാ​യി ഫ​ലം അ​നു​കൂ​ല​മാ​ണെ​ങ്കി​ൽ​പോ​ലും, നീ​തി തേ​ടു​ന്ന​യാ​ൾ​ക്ക് അ​തി​ന്‍റെ മൂ​ല്യ​വും അ​ർ​ഥ​വും ന​ഷ്ട​പ്പെ​ടു​ന്നു​വെ​ന്നു ചു​രു​ക്കം. പ്ര​ശ്ന​ങ്ങ​ൾ പ​രി​ഹ​രി​ക്കു​ന്ന​തി​ലെ വ​ലി​യ കാ​ല​താ​മ​സം നീ​തി​യു​ടെ പൂ​ർ​ണ​മാ​യ നി​ഷേ​ധം പോ​ലെ ദോ​ഷ​ക​ര​മാ​യി​രി​ക്കും. മു​ൻ ബ്രി​ട്ടീ​ഷ് പ്ര​ധാ​ന​മ​ന്ത്രി വി​ല്യം ഗ്ലാ​ഡ്സ്റ്റോ​ണ്‍ 1800ക​ളി​ൽ പ​റ​ഞ്ഞ കാ​ര്യം ഇ​പ്പോ​ഴും പ്ര​സ​ക്ത​മാ​ണ്.

വൈ​കി​യെ​ങ്കി​ലും സ്വാ​ഗ​താ​ർ​ഹം

പ്ര​ധാ​ന​മ​ന്ത്രി ന​രേ​ന്ദ്ര മോ​ദി ഇ​ന്നു മ​ണി​പ്പു​ർ സ​ന്ദ​ർ​ശി​ക്കു​ക​യാ​ണ്. 2023 മേ​യ് മൂ​ന്നി​ന് മ​ണി​പ്പു​രി​ൽ ക​ലാ​പം തു​ട​ങ്ങി​യ​ശേ​ഷം പ്ര​ധാ​ന​മ​ന്ത്രി​യു​ടെ ആ​ദ്യ സ​ന്ദ​ർ​ശ​നം. വെ​റും മൂ​ന്നു മ​ണി​ക്കൂ​റാ​ണ് മോ​ദി​യു​ടെ മ​ണി​പ്പു​രി​ലെ സ​ന്ദ​ർ​ശ​നം. മൂ​ന്നൂ​റി​ലേ​റെ പേ​ർ കൊ​ല്ല​പ്പെ​ടു​ക​യും ആ​യി​ര​ങ്ങ​ൾ​ക്കു പ​രി​ക്കേ​ൽ​ക്കു​ക​യും 70,000ലേ​റെ പേ​ർ ഭ​വ​ന​ര​ഹി​ത​രാ​വു​ക​യും ചെ​യ്ത ക​ലാ​പം തു​ട​ങ്ങി 27 മാ​സ​ങ്ങ​ൾ​ക്കു​ശേ​ഷ​മു​ള്ള പ്ര​ധാ​ന​മ​ന്ത്രി​യു​ടെ സ​ന്ദ​ർ​ശ​നം വ​ള​രെ വൈ​കി. എ​ങ്കി​ലും സ​മാ​ധാ​ന​ത്തി​ലേ​ക്കു​ള്ള ഏ​തൊ​രു നീ​ക്ക​വും സു​പ്ര​ധാ​ന​മാ​കും. ര​ണ്ടേ​കാ​ൽ വ​ർ​ഷ​ത്തി​ലേ​റെ​യാ​യി തു​ട​രു​ന്ന അ​ശാ​ന്തി​ക്ക് ഇ​നി​യെ​ങ്കി​ലും പ​രി​ഹാ​രം ഉ​ണ്ടാ​ക്കു​ക​യാ​ണു പ്ര​ധാ​നം.

ഇ​ന്ത്യ​യു​ടെ ഭ​ര​ണ​ത്ത​ല​വ​ന്‍റെ മ​ണി​പ്പു​ർ സ​ന്ദ​ർ​ശ​നം പ​ല​തു​കൊ​ണ്ടും സ്വാ​ഗ​താ​ർ​ഹ​മാ​ണ്. പ്ര​തി​പ​ക്ഷ നേ​താ​വ് രാ​ഹു​ൽ ഗാ​ന്ധി​യും മ​ണി​പ്പു​രി​ലെ കു​ക്കി സം​ഘ​ട​ന​ക​ളും മോ​ദി​യു​ടെ മ​ണി​പ്പു​ർ സ​ന്ദ​ർ​ശ​ന​ത്തെ സ്വാ​ഗ​തം ചെ​യ്തി​ട്ടു​മു​ണ്ട്.

കു​ന്നു​ക​ളി​ലും താ​ഴ്‌വ​ര​യി​ലും

സം​സ്ഥാ​ന ത​ല​സ്ഥാ​ന​വും മെ​യ്തെ​യ്ക​ളു​ടെ കേ​ന്ദ്ര​വു​മാ​യ ഇം​ഫാ​ലി​ലും കു​ക്കി ഗോ​ത്ര വി​ഭാ​ഗ​ങ്ങ​ളു​ടെ കേ​ന്ദ്ര​മാ​യ ചു​രാ​ച​ന്ദ്പു​രി​ലും പ്ര​ധാ​ന​മ​ന്ത്രി സ​ന്ദ​ർ​ശി​ക്കു​ന്ന​തു ന​ല്ല കാ​ര്യ​മാ​ണ്. ദു​രി​താ​ശ്വാ​സ ക്യാ​ന്പു​ക​ളി​ൽ ക​ഴി​യു​ന്ന ഇ​രു​പ​ക്ഷ​ത്തെ​യും ക​ലാ​പ​ബാ​ധി​ത​രെ മോ​ദി സ​ന്ദ​ർ​ശി​ക്കും. ചു​രാ​ച​ന്ദ്പു​രി​ലെ പീ​സ് ഗ്രൗ​ണ്ടി​ലും ഇം​ഫാ​ലി​ലെ കാം​ഗ്ല കോ​ട്ട​യി​ലും പ്ര​ധാ​ന​മ​ന്ത്രി പ്ര​സം​ഗി​ക്കും.

മ​ണി​പ്പു​രി​ലെ വി​വി​ധ​ജി​ല്ല​ക​ളി​ലാ​യു​ള്ള 280ല​ധി​കം ദു​രി​താ​ശ്വാ​സ ക്യാ​ന്പു​ക​ളി​ലാ​യി ഏ​ക​ദേ​ശം 57,000 ആ​ളു​ക​ൾ ഇ​പ്പോ​ഴും താ​മ​സി​ക്കു​ന്നു​വെ​ന്നാ​ണു സ​ർ​ക്കാ​ർ ക​ണ​ക്ക്. ദു​രി​ത​ബാ​ധി​ത​രി​ൽ മ​ഹാ​ഭൂ​രി​പ​ക്ഷ​വും കു​ക്കി സോ ​വം​ശ​ജ​രാ​ണ്. ദു​രി​താ​ശ്വാ​സ ക്യാ​ന്പു​ക​ളും കൂ​ടു​ത​ൽ മെ​യ്തെ​യ് കു​ന്നു​ക​ളി​ലാ​ണ്. ഭൂ​രി​പ​ക്ഷ മെ​യ്തെ​യ്ക​ളി​ലും ഇ​ര​ക​ളേ​റെ​യു​ണ്ട്. മെ​യ്തെ​യ്ക​ൾ​ക്കു സ​ർ​ക്കാ​രി​ന്‍റെ​യും പോ​ലീ​സി​ന്‍റെ​യും പി​ന്തു​ണ ഉ​ണ്ടാ​യെ​ന്ന​തു വ​ലി​യ ര​ഹ​സ്യ​മ​ല്ല.

മൂ​ന്നു മ​ണി​ക്കൂ​റി​നു നീ​ള​മേ​റെ

അ​യ​ൽ​സം​സ്ഥാ​ന​മാ​യ മി​സോ​റാ​മി​ന്‍റെ ത​ല​സ്ഥാ​ന​മാ​യ ഐ​സ്വാ​ളി​ൽ​നി​ന്ന് ഉ​ച്ച​യ്ക്ക് 12.30ന് ​കു​ക്കി സോ ​ഭൂ​രി​പ​ക്ഷ ജി​ല്ല​യാ​യ ചു​രാ​ച​ന്ദ്പു​രി​ലേ​ക്കാ​ണ് പ്ര​ധാ​ന​മ​ന്ത്രി ആ​ദ്യ​മെ​ത്തു​ക. ചു​രാ​ച​ന്ദ്പു​രി​ൽ​നി​ന്നു ഹെ​ലി​കോ​പ്റ്റ​റി​ൽ ത​ല​സ്ഥാ​ന​മാ​യ ഇം​ഫാ​ലി​ലേ​ക്കു പോ​കു​ന്ന പ്ര​ധാ​ന​മ​ന്ത്രി അ​വി​ടെ മെ​യ്തെ​യ്ക​ളു​ടെ ദു​രി​താ​ശ്വാ​സ ക്യാ​ന്പ് സ​ന്ദ​ർ​ശി​ക്കും. ഇം​ഫാ​ലി​ൽ 1,200 കോ​ടി രൂ​പ​യു​ടെ പ​ദ്ധ​തി​ക​ൾ പ്ര​ധാ​ന​മ​ന്ത്രി ഉ​ദ്ഘാ​ട​നം ചെ​യ്യു​ക​യും 7,300 കോ​ടി രൂ​പ​യു​ടെ പ​ദ്ധ​തി​ക​ൾ​ക്കു ത​റ​ക്ക​ല്ലി​ടു​ക​യും ചെ​യ്യു​മെ​ന്നാ​ണ് മ​ണി​പ്പു​ർ ചീ​ഫ് സെ​ക്ര​ട്ട​റി പു​നീ​ത് കു​മാ​ർ ഗോ​യ​ൽ അ​റി​യി​ച്ച​ത്. കു​ക്കി, മെ​യ്തെ​യ് വി​ഭാ​ഗ​ങ്ങ​ൾ​ക്കു പ്ര​ത്യേ​ക സാ​ന്പ​ത്തി​ക പാ​ക്കേ​ജ് പ്ര​ധാ​ന​മ​ന്ത്രി പ്ര​ഖ്യാ​പി​ക്കു​മോ​യെ​ന്ന​താ​ണ് മ​ണി​പ്പു​രി​ക​ൾ ഉ​റ്റു​നോ​ക്കു​ന്ന​ത്.

രാ​ഷ്‌​ട്ര​പ​തി ഭ​ര​ണം പാ​ഴാ​ക​രു​ത്

ക​ഴി​ഞ്ഞ ഫെ​ബ്രു​വ​രി 13 മു​ത​ൽ രാ​ഷ്‌​ട്ര​പ​തി ഭ​ര​ണ​ത്തി​ലു​ള്ള മ​ണി​പ്പു​രി​ൽ കേ​ന്ദ്രം നേ​രി​ട്ടാ​ണു ഭ​ര​ണം ന​ട​ത്തു​ന്ന​ത്. രാ​ഷ്‌​ട്ര​പ​തി ഭ​ര​ണം നി​ല​വി​ൽ​വ​ന്ന ശേ​ഷ​വും മ​ണി​പ്പു​രി​ൽ സ​മാ​ധാ​നം പു​നഃ​സ്ഥാ​പി​ക്കാ​നാ​യി​ട്ടി​ല്ലെ​ന്ന​താ​ണു ഖേ​ദ​ക​രം. ബി​രേ​ൻ സിം​ഗി​ന്‍റെ റി​മോ​ട്ട് ക​ണ്‍​ട്രോ​ളാ​ണു പ്ര​ശ്ന​മെ​ന്നു കു​ക്കി​ക​ൾ ആ​രോ​പി​ക്കു​ന്നു.

ഈ ​വ​ർ​ഷാ​വ​സാ​ന​ത്തോ​ടെ സം​സ്ഥാ​ന​ത്തെ എ​ല്ലാ ദു​രി​താ​ശ്വാ​സ ക്യാ​ന്പു​ക​ളും അ​ട​ച്ചു​പൂ​ട്ടു​മെ​ന്നും ഇ​തി​നാ​യി മൂ​ന്നു ഘ​ട്ട​ങ്ങ​ളി​ലു​ള്ള പു​ന​ര​ധി​വാ​സ പ​ദ്ധ​തി ന​ട​പ്പാ​ക്കു​മെ​ന്നും ക​ഴി​ഞ്ഞ ജൂ​ലൈ​യി​ൽ അ​ന്ന​ത്തെ ചീ​ഫ് സെ​ക്ര​ട്ട​റി പി.​കെ. സിം​ഗ് പ്ര​ഖ്യാ​പി​ച്ചി​രു​ന്നു. പ്ര​ഖ്യാ​പ​ന​മ​ല്ലാ​തെ ഇ​ക്കാ​ര്യ​ത്തി​ൽ കാ​ര്യ​മാ​യ പു​രോ​ഗ​തി ഇ​നി​യു​മു​ണ്ടാ​യി​ട്ടി​ല്ലെ​ന്ന് മെ​യ്തെ​യ്ക​ളും കു​ക്കി​ക​ളും ഒ​രു​പോ​ലെ പ​റ​യു​ന്നു. ഇ​ട​യ്ക്കെ​ങ്കി​ലും അ​ക്ര​മ​ങ്ങ​ൾ ഇ​പ്പോ​ഴും ഉ​ണ്ടാ​കു​ന്നു​ണ്ട്.


മു​റി​വു​ണ​ക്കു​ക പ​ര​മ​പ്ര​ധാ​നം

മെ​യ്തെ​യ്ക​ളും കു​ക്കി​ക​ളും ത​മ്മി​ലു​ണ്ടാ​യ വേ​ർ​തി​രി​വി​ന്‍റെ ആ​ഴം കു​റ​യ്ക്കാ​നും പ​ര​സ്പ​ര വി​ശ്വാ​സം പു​നഃ​സ്ഥാ​പി​ക്കാ​നും ഇ​നി​യും സ​ർ​ക്കാ​രി​നു ക​ഴി​ഞ്ഞി​ട്ടി​ല്ല. മ​ല​യോ​ര​ങ്ങ​ളും താ​ഴ‌്‌വാ​ര​ങ്ങ​ളും ര​ണ്ടു വ്യ​ത്യ​സ്ത രാ​ജ്യ​ങ്ങ​ൾ പോ​ലെ​യാ​ണ് ഇ​പ്പോ​ഴും പ്ര​വ​ർ​ത്തി​ക്കു​ന്ന​ത്. കു​ക്കി സോ ​ഗോ​ത്ര വി​ഭാ​ഗ​ങ്ങ​ൾ​ക്കു ഭൂ​രി​പ​ക്ഷ​മു​ള്ള മ​ല​ന്പ്ര​ദേ​ശ ജി​ല്ല​ക​ൾ​ക്കാ​യി നി​യ​മ​സ​ഭ​യോ​ടു കൂ​ടി​യ കേ​ന്ദ്ര​ഭ​ര​ണ പ്ര​ദേ​ശം വേ​ണ​മെ​ന്നാ​ണു കു​ക്കി​ക​ളു​ടെ ആ​വ​ശ്യം. ചു​രു​ങ്ങി​യ​തു പ്ര​ത്യേ​ക സ്വ​യം​ഭ​ര​ണ സം​വി​ധാ​ന​മെ​ങ്കി​ലും വേ​ണ​മെ​ന്ന ആ​വ​ശ്യ​ത്തി​ൽ​ഗോ​ത്ര​ജ​ന​ത ഉ​റ​ച്ചു​നി​ൽ​ക്കു​ക​യാ​ണ്.

ഇ​ന്ത്യ​ൻ ഭ​ര​ണ​ഘ​ട​ന​യ്ക്കു​ള്ളി​ൽ​നി​ന്നു​കൊ​ണ്ടു​ത​ന്നെ സ്വ​ത​ന്ത്ര ഭ​ര​ണ​സം​വി​ധാ​നം അ​നു​വ​ദി​ച്ചി​ല്ലെ​ങ്കി​ൽ ദീ​ർ​ഘ​കാ​ല സ​മാ​ധാ​നം കൈ​വ​രി​ല്ലെ​ന്ന് മ​ണി​പ്പു​രി​ലെ സെ​യ്ത്തു മ​ണ്ഡ​ല​ത്തി​ൽ​നി​ന്നു​ള്ള കു​ക്കി എം​എ​ൽ​എ ഹാ​ക്കോ​ല​ത്ത് കി​പ്ഗെ​ൻ പ​റ​ഞ്ഞു. ഭ​ര​ണ​ഘ​ട​ന​യു​ടെ ആ​റാം ഷെ​ഡ്യൂ​ളി​ൽ ഇ​തി​നു വ​കു​പ്പു​ണ്ടെ​ന്നു മ​റ്റു കു​ക്കി എം​എ​ൽ​എ​മാ​രും പ​റ​യു​ന്നു. മെ​യ്തെ​യ്ക​ളു​ടെ ഭ​ര​ണ​ത്തി​ൽ കീ​ഴി​ൽ ഗോ​ത്ര​ജ​ന​ത​യ്ക്ക് വി​ശ്വാ​സ​മി​ല്ല. മ​ണി​പ്പു​ർ സം​സ്ഥാ​ന​ത്തി​നു​ള്ളി​ൽ കേ​ന്ദ്ര​ഭ​ര​ണ പ്ര​ദേ​ശ​മോ, പ്ര​ത്യേ​ക സ്വ​യം​ഭ​ര​ണ കൗ​ണ്‍​സി​ലോ അ​നു​വ​ദി​ക്കാ​നാ​കി​ല്ലെ​ന്നു ബി​ജെ​പി നേ​താ​ക്ക​ളും മെ​യ്തെ​യ് സം​ഘ​ട​ന​ക​ളും ത​റ​പ്പി​ച്ചു പ​റ​യു​ന്നു.

എ​സ്ഒ​ഒ ക​രാ​ർ ചെ​റു​മീ​ന​ല്ല

കു​ക്കി-​സോ സാ​യു​ധ ഗ്രൂ​പ്പു​ക​ളു​മാ​യു​ള്ള സ​സ്പെ​ൻ​ഷ​ൻ ഓ​ഫ് ഓ​പ്പ​റേ​ഷ​ൻ​സ് (എ​സ്ഒ​ഒ) ക​രാ​ർ അ​ടു​ത്തി​ടെ കേ​ന്ദ്ര ആ​ഭ്യ​ന്ത​ര മ​ന്ത്രാ​ല​യം നീ​ട്ടി​യ​തു സ​മാ​ധാ​ന​ത്തി​ലേ​ക്കു​ള്ള ഒ​രു ചു​വ​ടാ​കും. മെ​യ്തെ​യ്ക​ളു​ടെ ശ​ക്ത​മാ​യ എ​തി​ർ​പ്പി​നെ അ​വ​ഗ​ണി​ച്ചാ​ണു സെ​പ്റ്റം​ബ​ർ ര​ണ്ടി​നു വി​മ​ത കു​ക്കി ഗ്രൂ​പ്പു​ക​ളു​മാ​യി സ​ർ​ക്കാ​ർ എ​സ്ഒ​ഒ ക​രാ​ർ ഒ​പ്പു​വ​ച്ച​ത്.

സ​ങ്കീ​ർ​ണ​ത​ക​ളു​ടെ മ​ണി​പ്പു​ർ

ഗോ​ത്ര​ജ​ന​ത​യു​ടെ ഭൂ​മി​യി​ലും തൊ​ഴി​ൽ, വി​ദ്യാ​ഭ്യാ​സ സം​വ​ര​ണ അ​വ​കാ​ശ​ങ്ങ​ളി​ലും ക​ട​ന്നു​ക​യ​റാ​നു​ള്ള ഭൂ​രി​പ​ക്ഷ മെ​യ്തെ​യ്ക​ളു​ടെ അ​തി​മോ​ഹം തു​ട​ങ്ങി​വ​ച്ച ക​ലാ​പ​ത്തി​നു​ള്ള പ​രി​ഹാ​രം സ​മ​ഗ്ര​മാ​ക​ണം. അ​തി​നു മു​ന്നോ​ടി​യാ​യി മ​ണി​പ്പു​രി​നു രാ​ഷ്‌​ട്രീ​യ പ​രി​ഹാ​രം ആ​വ​ശ്യ​മാ​ണ്.

കു​ക്കി-​സോ പ്ര​ദേ​ശ​ങ്ങ​ൾ​ക്കു നി​യ​മ​സ​ഭ​യോ​ടു​കൂ​ടി​യ കേ​ന്ദ്ര​ഭ​ര​ണ പ്ര​ദേ​ശം വേ​ണ​മെ​ന്ന ആ​വ​ശ്യ​ത്തി​ൽ ഭാ​വി ച​ർ​ച്ച​ക​ൾ ശ്ര​ദ്ധ കേ​ന്ദ്രീ​ക​രി​ക്കു​മെ​ന്നാ​യി​രു​ന്നു എ​സ്ഒ​ഒ ക​രാ​റി​നെ തു​ട​ർ​ന്നു സാ​യു​ധ ഗ്രൂ​പ്പു​ക​ളും സ​ർ​ക്കാ​ർ പ്ര​തി​നി​ധി​ക​ളും സ​മ്മ​തി​ച്ച​തെ​ന്നു കു​ക്കി സം​ഘ​ട​ന​ക​ൾ അ​വ​കാ​ശ​പ്പെ​ട്ടു. ഇ​തി​ൽ​നി​ന്നു വ്യ​തി​ച​ലി​ക്കു​ന്ന​താ​ണു കേ​ന്ദ്ര​സ​ർ​ക്കാ​രി​ന്‍റെ പ​ത്ര​ക്കു​റി​പ്പെ​ന്നാ​ണ് കു​ക്കി വി​മ​ത ഗ്രൂ​പ്പു​ക​ളു​ടെ വാ​ദം. സ​ർ​ക്കാ​രി​ന്‍റെ വ്യ​തി​ച​ല​നം കു​ക്കി സോ ​ഗോ​ത്ര​ങ്ങ​ളു​ടെ വി​കാ​ര​ങ്ങ​ളെ ഗു​രു​ത​ര​മാ​യി അ​സ്വ​സ്ഥ​മാ​ക്കി​യി​ട്ടു​ണ്ടെ​ന്ന് കു​ക്കി നാ​ഷ​ണ​ൽ ഓ​ർ​ഗ​നൈ​സേ​ഷ​ൻ (കെ​എ​ൻ​ഒ), യു​ണൈ​റ്റ​ഡ് പീ​പ്പി​ൾ​സ് ഫ്ര​ണ്ട് (യു​പി​എ​ഫ്) എ​ന്നീ ഗ്രൂ​പ്പു​ക​ൾ പ്ര​സ്താ​വ​ന​യി​ൽ മു​ന്ന​റി​യി​പ്പു ന​ൽ​കി​യ​തു വെ​റു​തെ​യാ​കി​ല്ല.

ച​ർ​ച്ച​ക​ളി​ലൂ​ടെ വ​ര​ട്ടെ, സ​മാ​ധാ​നം

മ​ണി​പ്പു​ർ നേ​രി​ടു​ന്ന രാ​ഷ്‌​ട്രീ​യ​പ്ര​ശ്ന​ത്തി​നു​ള്ള പ​രി​ഹാ​ര​മാ​കും പു​തി​യൊ​രു ജ​നാ​ധി​പ​ത്യ സ​ർ​ക്കാ​ർ. ബി​രേ​ൻ സിം​ഗി​നെ പോ​ലെ​യൊ​രു മു​ഖ്യ​മ​ന്ത്രി​യെ കു​ക്കി​ക​ളും മെ​യ്തെ​യ്ക​ളി​ലെ മി​ത​വാ​ദി​ക​ളും അം​ഗീ​ക​രി​ക്കി​ല്ല. എ​ല്ലാ​വി​ഭാ​ഗ​ങ്ങ​ളെ​യും വി​ശ്വാ​സ​ത്തി​ലെ​ടു​ക്കു​ന്ന​താ​ക​ണം പു​തി​യ സ​ർ​ക്കാ​ർ. സ​മാ​ധാ​ന​ത്തി​നു​ള്ള ആ​ദ്യ​പ​ടി​യെ​ന്ന നി​ല​യി​ൽ ക​ലാ​പ​ബാ​ധി​ത​രാ​യ കു​ക്കി, മെ​യ്തെ​യ് ജ​ന​ത​ക​ൾ​ക്കാ​യി പ്ര​ത്യേ​ക സാ​ന്പ​ത്തി​ക പാ​ക്കേ​ജ് പ്ര​ധാ​ന​മ​ന്ത്രി പ്ര​ഖ്യാ​പി​ക്കു​മെ​ന്നു പ്ര​തീ​ക്ഷി​ക്കാം. മ​ണി​പ്പു​രി​ൽ എ​ത്ര​യും​വേ​ഗം പൊ​തു​സ്വീ​കാ​ര്യ​നാ​യ മു​ഖ്യ​മ​ന്ത്രി​യു​ടെ നേ​തൃ​ത്വ​ത്തി​ൽ ജ​ന​കീ​യ സ​ർ​ക്കാ​ർ സ്ഥാ​പി​ക്കു​ക എ​ന്ന​തും പ​രി​ഹാ​ര​ങ്ങ​ളി​ലൊ​ന്നാ​കും. പ്ര​ധാ​ന​മ​ന്ത്രി മോ​ദി​യു​ടെ മ​ണി​പ്പു​ർ സ​ന്ദ​ർ​ശ​നം ശു​ഭ​ക​ര​മാ​യ പു​തി​യ തു​ട​ക്ക​മാ​ക​ട്ടെ.