കാഞ്ചി വലിക്കുന്ന കാലത്ത്... കണ്ണിൽ കരടാകരുത് നീതി
ഡൽഹി ഡയറി/ ജോ​ർ​ജ് ക​ള്ളി​വ​യ​ലി​ൽ

ഹൈ​ദ​രാ​ബാ​ദി​ൽ യു​വ വെ​റ്റ​റി​ന​റി ഡോ​ക്ട​റെ മാ​ന​ഭം​ഗ​പ്പെ​ടു​ത്തി​യ​ശേ​ഷം ക​ത്തി​ച്ചു കൊ​ല​പ്പെ​ടു​ത്തി​യ കേ​സി​ലെ നാ​ലു പ്ര​തി​ക​ളെ​യും പോ​ലീ​സ് വെ​ടി​വ​ച്ചു​കൊ​ന്ന വാ​ർ​ത്ത​യോ​ടെ​യാ​ണു രാ​ജ്യം ഇ​ന്ന​ലെ പു​ല​ർ​ന്ന​ത്. പാ​ർ​ല​മെ​ന്‍റി​ൽ മു​ത​ൽ സ​മൂ​ഹ​മാ​ധ്യ​മ​ങ്ങ​ളി​ൽ വ​രെ സ്വാ​ഭാ​വി​ക​മാ​യ ആ​ഘോ​ഷ​വും സ​ന്തോ​ഷ​വും ഞെ​ട്ട​ലും ഉ​ണ്ടാ​യി. പോ​ലീ​സി​നെ അ​ഭി​ന​ന്ദി​ച്ച് ആ​ഹ്ളാ​ദ പ്ര​ക​ട​ന​വും മ​ധു​ര​പ​ല​ഹാ​ര വി​ത​ര​ണ​വും പ​ല​യി​ട​ത്തും ന​ട​ന്നു.

വെ​ടി​വ​യ്പി​നെ ഏ​റെ പേ​രും അപ്പോ​ഴും പ​ക്വ​മ​തി​ക​ളാ​യ ചി​ല​രെ​ങ്കി​ലും ക​രു​ത​ലോ​ടെ​യാ​ണു പ്ര​തി​ക​രി​ച്ച​ത്. നീ​തി​ന്യാ​യ സം​വി​ധാ​ന​ത്തെ മ​റി​ക​ട​ന്നു​ള്ള ശി​ക്ഷ ന​ട​പ്പാ​ക്ക​ലി​ലെ അ​പ​ക​ട​ങ്ങ​ളെ​ക്കു​റി​ച്ചു​ള്ള ആ​ശ​ങ്ക​ക​ളും നി​ര​വ​ധി പേ​ർ പ​ങ്കു​വ​ച്ചു. പ​രി​ഷ്കൃ​ത സ​മൂ​ഹ​ത്തി​നു യോ​ജി​ക്കാ​ത്ത തെ​റ്റു​ക​ളെ തി​രു​ത്താ​ൻ ദീ​ർ​ഘ​വീ​ക്ഷ​ണ​ത്തോ​ടെ​യു​ള്ള പ്രാ​യോ​ഗി​ക​വും സ​മ​ഗ്ര​വു​മാ​യ ന​ട​പ​ടി​ക​ളും ബോ​ധ​വ​ത്ക​ര​ണ​വും അ​നി​വാ​ര്യ​മാ​ണ്.

കോ​ട​തി​ക​ളി​ലും നീ​തി​ന്യാ​യ സം​വി​ധാ​ന​ങ്ങ​ളി​ലും സ​ർ​ക്കാ​രു​ക​ളി​ലും ഉ​ള്ള വി​ശ്വാ​സം ചോ​രു​ന്ന​തി​ന്‍റെ വ്യ​ക്ത​മാ​യ സൂ​ച​ന​യാ​യാ​ണു നി​യ​മ​വ്യ​വ​സ്ഥ​യെ മ​റി​ക​ട​ന്നു കാ​ട്ടു​നീ​തി ന​ട​പ്പാ​ക്കു​ന്ന​തി​നു ല​ഭി​ക്കു​ന്ന വ​ലി​യ പി​ന്തു​ണ. രാ​ജ്യ​മ​നഃ​സാ​ക്ഷി​യെ മു​റി​പ്പെ​ടു​ത്തു​ന്ന വ​ലി​യ തെ​റ്റു​ക​ൾ പ​തി​വാ​കു​ന്പോ​ൾ പൗ​ര​ന്മാ​രു​ടെ പ്ര​തി​ക​ര​ണം പ​തി​വു​രീ​തി​ക​ളി​ലാ​കി​ല്ല. എ​ങ്കി​ലും ക​ണ്ണി​നു പ​ക​രം ക​ണ്ണെ​ന്ന ത​ര​ത്തി​ലേ​ക്കു നീ​ങ്ങി​യാ​ൽ നീ​തി എ​ന്ന​തു ക​ണ്ണി​ലെ ക​ര​ടാ​യി മാ​റു​ന്ന കാ​ല​മാ​കും വ​ന്നു ചേ​രു​ക.

ശി​ശു​രോ​ദ​ന​ങ്ങ​ൾ​ക്കു മാ​പ്പി​ല്ല

കു​ട്ടി​ക​ളെ മാ​ന​ഭം​ഗ​പ്പെ​ടു​ത്തി കൊ​ല​പ്പെ​ടു​ത്തു​ന്ന​വ​ർ​ക്കു മാ​പ്പി​ല്ലെ​ന്നു രാ​ഷ്‌ട്രപ​തി രാം​നാ​ഥ് കോ​വി​ന്ദ് പ​ര​സ്യ​മായി പ്ര​സ്താ​വിച്ചു. വളരെ അവധാനപൂർവം നടത്തേണ്ടതാണ് ഇത്തരം ഭേദഗതികൾ. പിന്നീട് തിരുത്താനാവാത്തതാ ണല്ലോ വധശിക്ഷ നടപ്പാക്കൽ. പോ​ക്സോ നി​യ​മ​ത്തി​നു കീ​ഴി​ൽ വ​രു​ന്ന പ്ര​തി​ക​ളു​ടെ വ​ധ​ശി​ക്ഷ​യി​ൽ ദ​യാ​ഹ​ർ​ജി ന​ൽ​കാ​നു​ള്ള വ്യ​വ​സ്ഥ​യി​ൽ പാ​ർ​ല​മെ​ന്‍റ് മാ​റ്റം​വ​രു​ത്ത​ണ​മെ​ന്നു കൂ​ടി രാ​ജ​സ്ഥാ​നി​ലെ സി​രോ​ഹ​യി​ൽ ന​ട​ത്തി​യ പ്ര​സം​ഗ​ത്തി​ൽ രാഷ്‌ട്രപ​​തി പറഞ്ഞു.

ഇ​ത്ത​ര​ത്തി​ലു​ള്ള മാ​ന​ഭം​ഗ കേ​സ് പ്ര​തി​ക​ളു​ടെ ദ​യാ​ഹ​ർ​ജി എ​ന്തി​നു പ​രി​ഗ​ണി​ക്ക​ണ​മെ​ന്ന് ഉ​പ​രാ​ഷ്‌ട്രപ​​തി വെ​ങ്ക​യ്യ നാ​യി​ഡു​വും ക​ഴി​ഞ്ഞ ദി​വ​സം ചോ​ദി​ച്ചി​രു​ന്നു. രാ​ഷ്‌ട്രപ​തി​യു​ടെ ഇ​ന്ന​ല​ത്തെ പ​ര​സ്യ നി​ല​പാ​ടി​ന് അ​നു​കൂ​ല​മാ​യ നി​യ​മ​നി​ർ​മാ​ണ​ത്തി​നു വൈ​കാ​തെ പാ​ർ​ല​മെ​ന്‍റ് ത​യാ​റാ​യേ​ക്കും. സ്ത്രീ​സു​ര​ക്ഷ കൂ​ടു​ത​ൽ ഗൗ​ര​വ​മു​ള്ള കാ​ര്യ​മാ​ണെ​ന്നു മ​ന​സി​ലാ​ക്കി​യു​ള്ള ന​ട​പ​ടി​ക​ൾ​ക്കു നി​യ​മ​നി​ർ​മാ​ണ സ​ഭ​ക​ളും സ​ർ​ക്കാ​രു​ക​ളും ന​ട​പ​ടി സ്വീ​ക​രി​ക്കേ​ണ്ട​തു​ണ്ട്.

ലോ​ക​ത്തെ ന​ടു​ക്കി​യ ഡ​ൽ​ഹി​യി​ലെ നി​ർ​ഭ​യ​യു​ടെ മാ​ന​ഭം​ഗ​ത്തി​നും മ​ര​ണ​ത്തി​നും ശേ​ഷം ഏ​ഴു വ​ർ​ഷ​മാ​യി​ട്ടും പ്ര​തി​ക​ളു​ടെ ശി​ക്ഷ ന​ട​പ്പാ​യി​ട്ടി​ല്ലെ​ന്ന​തു സം​വി​ധാ​ന​ത്തി​ലെ പോ​രാ​യ്മ വെ​ളി​പ്പെ​ടു​ത്തു​ന്നു. പ്ര​തി​ക​ളു​ടെ ദ​യാ​ഹാ​ർ​ജി ത​ള്ളു​ന്ന​തി​നു​ള്ള ന​ട​പ​ടി​ക​ൾ​ക്കു തു​ട​ക്ക​മി​ട്ട​തു പോ​ലും ഹൈ​ദ​രാ​ബാ​ദ് സം​ഭ​വ​ത്തി​ന്‍റെ ചൂ​ടി​ലാ​ണ്. രാ​ഷ്‌ട്രപ​തി​യു​ടെ അ​ന്തി​മ തീ​രു​മാ​നം വ​ന്ന​ശേ​ഷം വ​ധ​ശി​ക്ഷ ന​ട​പ്പാ​ക്കു​ന്ന​തി​ന് ഇ​നി​യെ​ങ്കി​ലും കാ​ല​താ​മ​സം ഉ​ണ്ടാ​ക​രു​തെ​ന്ന് നി​ർ​ഭ​യ​യു​ടെ മാ​താ​പി​താ​ക്ക​ൾ ആ​വ​ശ്യ​പ്പെ​ടു​ന്നു. ഹൈ​ദ​രാ​ബാ​ദി​ലെ പ്ര​തി​ക​ളെ പോ​ലീ​സ് വെ​ടി​വ​ച്ചു കൊ​ന്ന​തി​ൽ നി​ർ​ഭ​യ​യു​ടെ അ​മ്മ ആ​ഹ്ളാ​ദം പ്ര​ക​ടി​പ്പി​ച്ച വി​കാ​രം വ്യ​ക്ത​മാ​ണ്.

നീ​തി​യി​ല്ലാ​തെ നി​ർ​ഭ​യ സ്മൃ​തി

ഡ​ൽ​ഹി​യി​ലെ നി​ർ​ഭ​യ​യെ മാ​ന​ഭം​ഗ​പ്പെ​ടു​ത്തി​യ ശേ​ഷം നി​ഷ്ഠു​ര​മാ​യി കൊ​ല​പ്പെ​ടു​ത്തി​യ പ്ര​തി വി​ന​യ് ശ​ർ​മ​യു​ടെ ദ​യാ​ഹ​ർ​ജി ത​ള്ള​ണ​മെ​ന്ന കേ​ന്ദ്ര ആ​ഭ്യ​ന്ത​ര മ​ന്ത്രാ​ല​യ​ത്തി​ന്‍റെ ശി​പാ​ർ​ശ​യും ഇ​തോ​ടൊ​പ്പം ഇ​ന്ന​ലെ​ത്ത​ന്നെ ഉ​ണ്ടാ​യ​തും തീ​ർ​ത്തും യാ​ദൃ​ച്ഛി​ക​മാ​കി​ല്ല. ഡ​ൽ​ഹി കേ​സി​ൽ വ​ധ​ശി​ക്ഷ കാ​ത്തു​ക​ഴി​യു​ന്ന നാ​ലു പ്ര​തി​ക​ളി​ൽ വി​ന​യ് മാ​ത്ര​മാ​ണു ദ​യാ​ഹ​ർ​ജി ന​ൽ​കി​യ​ത്. രാ​ഷ്‌ട്രപ​തി​യു​ടെ നി​ല​പാ​ട് വ്യ​ക്ത​മാ​യ​തോ​ടെ നാ​ലു പ്ര​തി​ക​ളു​ടെ​യും വ​ധ​ശി​ക്ഷ ഉ​ട​നെ ന​ട​പ്പാ​യേ​ക്കു​മെ​ന്നാ​ണു ക​രു​തു​ന്ന​ത്.

യു​പി​യി​ലെ ഉ​ന്നാ​വോ​യി​ൽ മാ​ന​ഭം​ഗ​ത്തി​നി​ര​യാ​യ പെ​ണ്‍കു​ട്ടി​യെ തീ​കൊ​ളു​ത്തി കൊ​ല്ലാ​ൻ ശ്ര​മി​ച്ച സം​ഭ​വ​ത്തി​ന്‍റെ ന​ടു​ക്ക​വും വി​ട്ടു​മാ​റി​യി​ട്ടി​ല്ല. ഡ​ൽ​ഹി​യി​ലെ സ​ഫ്ദ​ർ​ജം​ഗ് ആ​ശു​പ​ത്രി​യി​ൽ ചി​കി​ൽ​സ​യി​ലു​ള്ള ഈ ​പെ​ണ്‍കു​ട്ടി​യു​ടെ നി​ല അ​തീ​വ ഗു​രു​ത​ര​വു​മാ​ണ്. കു​ട്ടി​യു​ടെ ആ​രോ​ഗ്യ​നി​ല അ​തീ​വ ഗു​രു​ത​ര​മാ​യി തു​ട​രു​ക​യാ​ണെ​ന്നാ​ണ് മെ​ഡി​ക്ക​ൽ ബോ​ർ​ഡ് യോ​ഗ​ത്തി​നു ശേ​ഷം ആ​ശു​പ​ത്രി അ​ധി​കൃ​ത​ർ ഇ​ന്ന​ലെ അ​റി​യി​ച്ച​ത്.

ഡ​ൽ​ഹി​ക്കും ഹൈ​ദ​രാ​ബാ​ദി​നും പി​ന്നാ​ലെ ഉ​ന്നാ​വോ​യി​ലെ നി​ര​പ​രാ​ധി​യാ​യ പെ​ണ്‍കു​ട്ടി​യു​ടെ വേ​ദ​ന കൂ​ടി മു​ഴു​വ​ൻ ഇ​ന്ത്യ​ക്കാ​രും ഹൃ​ദ​യ​ത്തി​ൽ പേ​റു​ക​യാ​ണ്. കേ​ര​ള​ത്തി​ലെ വാ​ള​യാ​റി​ൽ സ​ഹോ​ദ​രി​ക​ളാ​യ ര​ണ്ടു പെ​ണ്‍കു​ട്ടി​ക​ൾ മാ​ന​ഭം​ഗ​ത്തി​നി​ര​യാ​യ ശേ​ഷം മ​ര​ണം വ​രി​ച്ച സം​ഭ​വ​ത്തി​ന്‍റെ ന​ടു​ക്ക​വും ഉ​ട​ൻ മാ​റി​ല്ല. വ​ലി​യ ച​ർ​ച്ച​യാ​കാ​തെ പോ​യ എ​ത്ര​യോ മാ​ന​ഭം​ഗ​ക്കേ​സു​ക​ളും കൊ​ല​പാ​ത​ക​ങ്ങ​ളു​മാ​ണു രാ​ജ്യ​ത്തു ന​ട​ക്കു​ന്ന​ത്.! മാ​ന​ഭം​ഗ​ത്തി​ന് ഇ​ര​യാ​ക്ക​പ്പെ​ടു​ന്ന പെ​ണ്‍കു​ട്ടി​ക​ളെ ക​ത്തി​ച്ചു കൊ​ല്ലാ​ൻ കൂ​ടി ശ്ര​മി​ക്കു​ന്ന ക്രൂ​ര​രാ​യ പ്ര​തി​ക​ൾ ദ​യ അ​ർ​ഹി​ക്കു​ന്നി​ല്ലെ​ന്ന​തി​ൽ ആ​ർ​ക്കും സം​ശ​യ​മി​ല്ല.

വീ​ഴ്ച​ക​ൾ​ക്കു മീ​തെ വി​കാ​ര​ങ്ങ​ൾ

കൂ​ട്ട മാ​ന​ഭം​ഗ​ക്കേ​സി​ലെ നാ​ലു പ്ര​തി​ക​ളെ പോ​ലീ​സ് വെ​ടി​വ​ച്ചു കൊ​ന്ന​തി​ന്‍റെ ശ​രി തെറ്റുകളോടൊപ്പം, ഈ ​ന​ട​പ​ടി​ക്കു രാ​ജ്യ​ത്താ​കെ കൈ​യ​ടി കി​ട്ടി​യ​തി​ന്‍റെ കാ​ര​ണ​വും അ​ന്വേ​ഷി​ക്കേ​ണ്ട​താണ്. അ​നേ​കം നി​രാ​ലം​ബ​ർ​ക്കു നീ​തി നി​ഷേ​ധി​ക്ക​പ്പെ​ടു​ന്ന​തും നീ​തി വൈ​കു​ന്ന​തും കു​റ്റ​വാ​ളി​ക​ൾ ര​ക്ഷ​പെ​ടു​ന്ന​തും മു​ത​ൽ നി​തീ​ന്യാ​യ സം​വി​ധാ​ന​ത്തി​ന്‍റെ പോ​രാ​യ്മ​ക​ളും കോ​ട​തി​ക​ളു​ടെ വി​ശ്വാ​സ്യ​ത​യി​ലു​ണ്ടാ​കു​ന്ന വീ​ഴ്ച​ക​ളും മു​ത​ൽ സ​ർ​ക്കാ​രു​ക​ൾ​ക്കെ​തി​രേ​യു​ള്ള ജ​ന​വി​കാ​രം വ​രെ പ​ല​തും ഈ ​കൈ​യ​ടി​ക​ൾ​ക്കു പി​ന്നി​ലു​ണ്ട്.

‘ജ​സ്റ്റീ​സ് ഡി​ലെ​യ്ഡ് ഈ​സ് ജ​സ്റ്റീ​സ് ഡി​നൈ​ഡ്’ എ​ന്ന അ​ഭി​പ്രാ​യം വ്യാ​പ​ക​മാ​ണ്. നീ​തി നി​ഷേ​ധി​ക്ക​പ്പെ​ടു​ന്ന​തി​നു തു​ല്യ​മാ​ണു നീ​തി വൈ​കു​ന്ന​ത്. കോ​ട​തി​ക​ളി​ൽ കെ​ട്ടി​ക്കി​ട​ക്കു​ന്ന ല​ക്ഷ​ക്ക​ണ​ക്കി​നു കേ​സു​ക​ൾ വേ​ഗം തീ​ർ​പ്പാ​ക്ക​ണ​മെ​ന്ന ആ​വ​ശ്യ​ത്തി​നും വ​ർ​ഷ​ങ്ങ​ളു​ടെ പ​ഴ​ക്ക​മു​ണ്ട്. കോ​ട​തി​ച്ചെ​ല​വു​ക​ൾ സാ​ധാ​ര​ണ​ക്കാ​ർ​ക്കും പാ​വ​ങ്ങ​ൾ​ക്കും താ​ങ്ങാ​നാ​കാ​ത്ത നി​ല​യി​ലേ​ക്കു​യ​രു​ന്ന​തും ആ​ർ​ക്കും അ​റി​യാ​ഞ്ഞി​ട്ട​ല്ല. ക​ക്ഷി​ക​ളി​ൽ നി​ന്നു ദ​യ​യി​ല്ലാ​തെ വ​ക്കീ​ല​ന്മാ​ർ നി​യ​ന്ത്ര​ണ​മി​ല്ലാ​തെ ഫീ​സ് ഈ​ടാ​ക്കു​ന്ന​തി​നെ​തി​രേ​യും ഏ​റെ പ​രാ​തി​ക​ളു​ണ്ട്.


അ​തി​ക്രൂ​ര​മാ​യ പീ​ഡ​ന​ങ്ങ​ൾ പ​തി​വാ​കു​ന്പോ​ൾ സ​ർ​ക്കാ​രു​ക​ളി​ലും കോ​ട​തി​ക​ളി​ലും ഉ​ള്ള വി​ശ്വാ​സം ന​ഷ്ട​മാ​കു​ന്ന​തി​നു ജ​ന​ങ്ങ​ളെ കു​റ്റം പ​റ​യാ​നാ​കി​ല്ല. കു​ഞ്ഞു​ങ്ങ​ളും സ്ത്രീ​ക​ളും അ​ട​ക്ക​മു​ള്ള നി​രാ​ലം​ബ​ർ, സാ​ധാ​ര​ണ​ക്കാ​ർ തു​ട​ങ്ങി ഓ​രോ പൗ​ര​നും നീ​തി​യും സം​ര​ക്ഷ​ണ​വും ഉ​റ​പ്പാ​ക്കാ​ൻ കേ​ന്ദ്ര, സം​സ്ഥാ​ന സ​ർ​ക്കാ​രു​ക​ൾ​ക്കും കോ​ട​തി​ക​ൾ​ക്കും പോ​ലീ​സി​നും ക​ട​മ​യും ഉ​ത്ത​ര​വാ​ദി​ത്വ​വു​മു​ണ്ട്. ഹൈ​ദ​രാ​ബാ​ദി​ലെ പോ​ലീ​സ് ന​ട​പ​ടി​ക്കു വ​ലി​യ ജ​ന​കീ​യ പി​ന്തു​ണ കി​ട്ടി​യെ​ങ്കി​ൽ അ​തി​നു​ത്ത​ര​വാ​ദി​ക​ൾ രാ​ജ്യ​ത്തെ ഭ​ര​ണാ​ധി​കാ​രി​ക​ളും ന്യാ​യാ​ധി​പ​രു​മാ​ണ്.

കാ​ക്കി​യെ ക​ണ്ണ​ട​ച്ചു വി​ശ്വാ​സ​മി​ല്ല

ഹൈ​ദ​രാ​ബാ​ദി​ൽ യു​വ വെ​റ്റ​റി​ന​റി ഡോ​ക്ട​റെ കൂ​ട്ട​മാ​ന​ഭം​ഗ​ത്തി​നി​ര​യാ​ക്കി​യ​ശേ​ഷം ക​ത്തി​ച്ചു കൊ​ന്ന അ​തേ സ്ഥ​ല​ത്തു ത​ന്നെ നാ​ലു പ്ര​തി​ക​ളെ​യും രാ​ത്രി​യു​ടെ മ​റ​വി​ൽ പോ​ലീ​സ് വെ​ടി​വ​ച്ചു കൊ​ന്ന​തി​നു രാ​ജ്യ​ത്താ​കെ കി​ട്ടി​യ വ​ലി​യ കൈ​യ​ടി​യും പ്രോ​ത്​സാ​ഹ​ന​വും അ​ധി​കാ​രി​ക​ളു​ടെ ക​ണ്ണു തു​റ​പ്പി​ക്കേ​ണ്ട​താ​ണ്.

ഇ​രു​ളി​ന്‍റെ മ​റ​വി​ൽ തെ​ളി​വെ​ടു​ക്കാ​ൻ ചെ​ന്ന​പ്പോ​ൾ നി​രാ​യു​ധ​രാ​യ പ്ര​തി​ക​ൾ പോ​ലീ​സി​ന്‍റെ തോ​ക്കു ത​ട്ടി​യെ​ടു​ത്ത് അ​ക്ര​മി​ച്ച​പ്പോ​ൾ തി​രി​കെ വെ​ടി​വ​ച്ച​താ​ണെ​ന്ന പോ​ലീ​സ് ഭാ​ഷ്യം ക​ണ്ണ​ട​ച്ചു വി​ഴു​ങ്ങു​ക പ്ര​യാ​സ​മാ​ണ്. നി​യ​മം ക​ട​മ ചെ​യ്തു​വെ​ന്ന ഹൈ​ദ​രാ​ബാ​ദ് പോ​ലീ​സ് ക​മ്മീ​ഷ​ണ​ർ വി.​സി. സജ​്ജ​നാ​റി​ന്‍റെ വാ​ക്കു​ക​ളി​ൽ ത​ന്നെ സ​ത്യം പ​തി​യി​രു​പ്പു​ണ്ട്. പോ​ലീ​സു​കാ​ർ വെ​ടി​വ​ച്ചു കൊ​ന്ന​വ​ർ ത​ന്നെ​യാ​കും യ​ഥാ​ർ​ഥ പ്ര​തി​ക​ളെ​ന്ന​തി​ൽ ഒ​റ്റ​നോ​ട്ട​ത്തി​ൽ സം​ശ​യ​വു​മി​ല്ല. പ​ക്ഷേ പോ​ലീ​സ് കൃ​ത്യ​മാ​യി ക​ണ്ടെ​ത്തി ശി​ക്ഷി​ക്ക​പ്പെ​ട്ട​വ​ർ പോ​ലും നി​ര​പ​രാ​ധി​ക​ളാ​യി മാ​റി​യ ച​രി​ത്രം പ​ല​തു​ണ്ട്.

യു​വ​ഡോ​ക്ട​റു​ടെ മ​ര​ണ​ത്തി​ൽ ക​ലാ​ശി​ച്ച അ​തി​ക്രൂ​ര​മാ​യ കു​റ്റ​ത്തി​നു പ്ര​തി​ക​ളാ​രും ഒ​രു​വി​ധ​ത്തി​ലു​മു​ള്ള ദ​യ​യും അ​ർ​ഹി​ക്കു​ന്നി​ല്ല. പ​ക്ഷേ പ്ര​തി​ക​ളെ അ​ന്തി​മ​മാ​യി തീ​രു​മാ​നി​ക്കേ​ണ്ട​തും വ​ധ​ശി​ക്ഷ വി​ധി​ക്കേ​ണ്ട​തും ഇ​ന്ത്യ​ൻ നി​യ​മ​മ​നു​സ​രി​ച്ചു കോ​ട​തി​യാ​ണ്.

കാ​ട്ടു​നീ​തി​ക്കു പി​ന്നി​ലെ ക​രി​നി​ഴ​ൽ

കോ​ട​തി​ക​ളു​ടെ അ​ധി​കാ​രം പോ​ലീ​സ് നേ​രി​ട്ടു നി​ർ​വ​ഹി​ക്കാ​ൻ തു​ട​ങ്ങി​യാ​ൽ രാ​ജ്യ​ത്തെ നി​യ​മ​വ്യ​വ​സ്ഥ​യാ​കും പാ​ടേ ത​ക​രു​ക. വി​ചാ​ര​ണ പോ​ലു​മി​ല്ലാ​തെ നാ​ലു പേ​രെ പോ​ലീ​സ് വെ​ടി​വ​ച്ചു കൊ​ന്ന​തി​ലെ അ​പ​ക​ടം കാ​ണാ​തെ പോ​ലീ​സി​നെ ജ​നം വാ​ഴ്ത്തി​പ്പാ​ടി​യ​തു നല്ല പ്രവ ണതയല്ല. നാ​ട്ടു​കാ​രു​ടെ നി​ല​യ്ക്കാ​ത്ത കൈ​യ​ടി​ക​ൾ​ക്കു ന​ടു​വി​ലൂ​ടെ ഇ​ന്ത്യ​യെ ബ​നാ​ന റി​പ്പ​ബ്ലി​ക് ആ​ക്കാ​നു​ള്ള ശ്ര​മ​ങ്ങ​ളും ചെ​റു​ക്ക​പ്പെ​ടേ​ണ്ട​തു​ണ്ട്.

ഗു​ജ​റാ​ത്തി​ൽ മ​ല​യാ​ളി​യാ​യ പ്രാ​ണേ​ഷ് കു​മാ​റി​നെ​യും ഭാ​ര്യ​യെ​യും വ്യാ​ജ ഏ​റ്റു​മു​ട്ട​ലി​ലൂ​ടെ പോ​ലീ​സ് കൊ​ല​പ്പെ​ടു​ത്തി​യ​ത് മ​റ​ക്കാ​റാ​യി​ട്ടി​ല്ല. സൊ​ഹ്റാ​ബു​ദ്ദീ​ൻ ഷെ​യ്ഖ് വ്യാ​ജ ഏ​റ്റു​മു​ട്ട​ൽ കേ​സും വാ​ർ​ത്ത​ക​ളി​ൽ നി​റ​ഞ്ഞി​രു​ന്നു. കേ​ര​ള​ത്തി​ൽ മാ​വോ​യി​സ്റ്റ് വേ​ട്ട​യു​ടെ മ​റ​വി​ൽ നാ​ലു പേ​രെ അ​ട്ട​പ്പാ​ടി​ക്ക​ടു​ത്തു വെ​ടി​വ​ച്ചു കൊ​ന്ന​തി​ന്‍റെ ന​ടു​ക്ക​വും മാ​റി​യി​ട്ടി​ല്ല. ജ​മ്മു കാ​ഷ്മീ​രി​ലും വ​ട​ക്കു കി​ഴ​ക്ക​ൻ സം​സ്ഥാ​ന​ങ്ങ​ളി​ലും മാ​വോ​യി​സ്റ്റ് കേ​ന്ദ്രീ​കൃ​ത സം​സ്ഥാ​ന​ങ്ങ​ളി​ലും അ​ട​ക്കം ന​ട​ക്കു​ന്ന വെ​ടി​വ​യ്പു​ക​ളി​ൽ ചി​ല​തി​നെ​ങ്കി​ലും എ​തി​രേ മ​നു​ഷ്യാ​വ​കാ​ശ പ്ര​വ​ർ​ത്ത​ക​ർ ചോ​ദ്യ​ങ്ങ​ളു​യ​ർ​ത്തു​ന്ന​തും പു​തി​യ​ത​ല്ല.

മും​ബൈ ഭീ​ക​രാ​ക്ര​ണ കേ​സി​ലെ പ്ര​തി അ​ജ്മ​ൽ ക​സ​ബി​നെ​യും പാ​ർ​ല​മെ​ന്‍റ് ആ​ക്ര​മ​ണ കേ​സി​ലെ പ്ര​തി അ​ഫ്സ​ൽ ഗു​രു​വി​നെ​യും പോ​ലും വി​ചാ​ര​ണ​യ്ക്കു ശേ​ഷ​മാ​ണു തൂ​ക്കി​ലേ​റ്റി​യ​തെ​ന്നു മ​റ​ക്ക​രു​ത്. ര​ണ്ടു പേ​രും തോ​ക്കു​ക​ളു​മാ​യി വ​ന്നു അ​നേ​ക​രെ വെ​ടി​വ​ച്ചു വീ​ഴ്ത്തു​ന്ന ദൃ​ശ്യ​ങ്ങ​ൾ പ​ല​ത​വ​ണ ക​ണ്ടി​ട്ടും തെ​ളി​വു​ക​ൾ ശ​ക്ത​മാ​യി​രു​ന്നി​ട്ടും ന​ട​പ​ടി​ക്ര​മ​ങ്ങ​ൾ പാ​ലി​ച്ച​താ​ണ് ഇ​ന്ത്യ​യു​ടെ യ​ശ​സ് ഉ​യ​ർ​ത്തി​യ​ത്.

നി​യ​മ സം​വി​ധാ​ന​മു​ള്ള പ​രി​ഷ്കൃ​ത രാ​ജ്യ​ത്ത് കോ​ട​തി​ക​ളെ​യെ​ല്ലാം മ​റി​ക​ട​ന്നു പോ​ലീ​സു​കാ​രോ ജ​ന​ക്കൂ​ട്ട​മോ കാ​ട്ടു​നീ​തി ന​ട​പ്പാ​ക്കു​ന്ന​തി​ൽ വ​ലി​യ അ​പ​ക​ടം പ​തി​യി​രു​പ്പു​ണ്ട്. ഹൈ​ദരാ​ബാ​ദി​ൽ പോ​ലീ​സു​കാ​രാ​ണ് കു​റ്റ​വാ​ളി​ക​ളെ​ന്നു അ​വ​ർ ക​ണ്ടെ​ത്തി​യ​വ​രെ ആ​ൾ​ക്കൂ​ട്ട കൊ​ല​യി​ലൂ​ടെ ഇ​ല്ലാ​യ്മ ചെ​യ്ത​ത്. എ​ന്നാ​ൽ, രാ​ജ്യ​ത്തു ന​ട​ന്ന നി​ര​വ​ധി​യാ​യ ആ​ൾ​ക്കൂ​ട്ട കൊ​ല​പാ​ത​ക​ങ്ങ​ളി​ൽ കൊ​ല്ല​പ്പെ​ട്ട​വ​രി​ൽ പ​ല​രും നി​ര​പ​രാ​ധി​ക​ളാ​യ ദ​ളി​ത​രും ആ​ദി​വാ​സി​ക​ളും ന്യൂ​ന​പ​ക്ഷ സ​മു​ദാ​യ​ക്കാ​രു​മാ​ണ്.

മൂ​ല്യ​ബോ​ധ​മു​ള്ള ത​ല​മു​റ വ​ള​ര​ട്ടെ

ഡ​ൽ​ഹി​യും ക​ഠു​വ​യും വാ​ള​യാ​റും ഉ​ന്നാ​വോ​യും ഹൈ​ദ​രാ​ബാ​ദു​മെ​ല്ലാം ഇ​ന്ത്യ​യ്ക്കു നേ​രെ ഉ​യ​രു​ന്ന ചൂ​ണ്ടു​വി​ര​ലു​ക​ളാ​ണ്. ഇ​നി​യൊ​രു പെ​ണ്‍കു​ട്ടി​ക്കും ഇ​വ​ർ​ക്കു​ണ്ടാ​യ ദു​ര​ന്തം ആ​വ​ർ​ത്തി​ക്കാ​ൻ അ​നു​വ​ദി​ക്ക​രു​ത്. ക​ടു​ത്ത ശി​ക്ഷ​ക​ൾ തെ​റ്റു​ക​ളി​ലേ​ക്കു പോ​കാ​തി​രി​ക്കാ​നു​ള്ള മു​ന്ന​റി​യി​പ്പു​ക​ളാ​ണ്. പ​ക്ഷേ ശി​ക്ഷ കൊ​ണ്ടു മാ​ത്രം ഏ​തെ​ങ്കി​ലും കു​റ്റം ഇ​ല്ലാ​താ​ക്കാ​ൻ ക​ഴി​യു​മെ​ന്ന​തു മൗ​ഢ്യ​മാ​കും.

ഓ​രോ മ​നു​ഷ്യ​ന്‍റെ​യും സ​മൂ​ഹ​ത്തി​ന്‍റെ​യും കാ​ഴ്ച​പ്പാ​ടു​ക​ളി​ലും സ​മീ​പ​ന​ങ്ങ​ളി​ലും പെ​രു​മാ​റ്റ​രീ​തി​ക​ളി​ലും എ​ല്ലാം ന​ല്ല മാ​റ്റം വ​രേ​ണ്ട​തു​ണ്ട്. ഓ​രോ വ്യ​ക്തി​യു​ടെ​യും കു​ട്ടി​ക്കാ​ല​ത്തെ സ്വ​ഭാ​വ രൂ​പ​വ​ത്ക​ര​ണം മു​ത​ൽ കൂ​ടു​ത​ൽ ശ്ര​ദ്ധി​ക്കേ​ണ്ട​തു​ണ്ട്. കു​ഞ്ഞു​ങ്ങ​ളോ​ടും സ്ത്രീ​ക​ളോ​ടും മാ​താ​പി​താ​ക്ക​ളോ​ടും അ​ധ്യാ​പ​ക​രോ​ടും ആ​ദ​ര​വും സ്നേ​ഹ​വും ശീ​ല​മാ​ക​ണം.

മൂ​ല്യ​ബോ​ധ​മു​ള്ള ഒ​രു ത​ല​മു​റ​യ്ക്കു മാ​ത്ര​മേ സ്വ​ന്തം അ​മ്മ​യോ, സ​ഹോ​ദ​രി​യോ, മ​ക​ളോ ആ​യി ക​ണ്ട് അ​ന്യ​രെ​യും സ്നേ​ഹി​ക്കാ​നും ബ​ഹു​മാ​നി​ക്കാ​നും സ​ഹാ​യി​ക്കാ​നും ക​ഴി​യൂ. ഓ​രോ കു​ടും​ബ​ത്തി​ലും വി​ദ്യാ​ല​യ​ങ്ങ​ളി​ലും പൊ​തു​സ​മൂ​ഹ​ത്തി​ലും ന​ല്ല മാ​റ്റ​ങ്ങ​ൾ​ക്കാ​യു​ള്ള പ​ഠ​ന​വും പ​രി​ശീ​ല​ന​വും ഉ​റ​പ്പാ​ക്ക​ട്ടെ. പ​ണ​വും പ​ദ​വി​ക​ളും നേ​ടു​ന്ന​തി​നു​ള്ള നെ​ട്ടോ​ട്ട​ത്തി​ൽ ന​ല്ല മൂ​ല്യ​ങ്ങ​ൾ കു​ട്ടി​ക​ളി​ൽ വ​ള​ർ​ത്തി​യെ​ടു​ക്കാ​ൻ മ​റ​ക്കാ​തി​രി​ക്ക​ട്ടെ. ന​ശി​ക്ക​ണം തി​ന്മ. വ​ള​ര​ട്ടെ ന​ന്മ.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.