ശു​ദ്ധീ​ക​ര​ണം
അ​ത്യ​സാ​ധാ​ര​ണ​മാ​യ ഒ​രു ശു​ദ്ധീ​ക​ര​ണ​രം​ഗ​ത്ത​ിന് ആ ​ദേ​വാ​ല​യം വേ​ദി​യാ​യി. വി​ശു​ദ്ധീ​ക​ര​ണ​ത്തി​ലൂ​ടെ സ​ക​ല​വും വീ​ണ്ടെ​ടു​ക്കാ​നു​ള്ള നി​യോ​ഗ​വു​മാ​യി​ട്ടാ​ണ് അ​വ​ൻ വാ​ഴ്‌വി​ലേ​ക്ക് വ​ന്ന​ത്. വി​ശു​ദ്ധി​യെ​ന്ന ത​ന്‍റെ സ്വ​ഭാ​വ​സ​വി​ശേ​ഷ​ത​യി​ലേ​ക്ക് സൃ​ഷ്ട​പ്ര​പ​ഞ്ച​ത്തെ മു​ഴു​വ​ൻ കൊ​ണ്ടു​പോ​വു​ക എ​ന്ന​താ​യി​രു​ന്നു അ​വ​ന്‍റെ ല​ക്ഷ്യം. അ​തി​നു മു​ന്നോ​ടി​യാ​യി ചി​ല​യി​ട​ങ്ങ​ളെ​യൊ​ക്കെ പ്ര​തീ​കാ​ത്മ​ക​മാ​യി അ​വ​ൻ ശു​ദ്ധീ​ക​രി​ച്ചു. തു​ട​ക്കം ഒ​രു ദേ​വാ​ല​യ​ത്തി​ൽ​നി​ന്നു ത​ന്നെ​യാ​യി​രു​ന്നു. ദൈ​വാ​ല​യം ദൈ​വം വ​സി​ക്കു​ന്ന സ്ഥ​ല​മാ​ണ്.

എ​ന്നാ​ൽ ത​ന്‍റെ മ​നു​ഷ്യാ​വ​താ​ര​ത്തോ​ടേ മാ​ന​വ​ഹൃ​ദ​യ​ങ്ങ​ളെ അ​വ​ൻ ദൈ​വാ​ല​യ​ങ്ങ​ളാ​ക്കി മാ​റ്റി. അ​തു​കൊ​ണ്ടു​ത​ന്നെ ജ​റു​സ​ലം ദൈ​വാ​ല​യ​ത്തി​ന്‍റെ ശു​ചീ​ക​ര​ണ​ത്തി​ലൂ​ടെ മ​നു​ഷ്യ​ഹൃ​ദ​യ​ങ്ങ​ളി​ലേ​ക്കാ​ണ് അ​വ​ൻ കൈ​യി​ൽ കെ​ട്ടി​യു​ണ്ടാ​ക്കി​യ ക​യ​ർ​ച​മ്മ​ട്ടി​യു​മാ​യി ക​ട​ന്ന​ത്. അ​വ​യു​ടെ സ​മൂ​ല​മാ​യ പ​രി​വ​ർ​ത്ത​ന​വും, സ​മ​ഗ്ര​മാ​യ പ​രി​ശു​ദ്ധി​യു​മാ​ണ് അ​വ​ൻ ആ​ഗ്ര​ഹി​ച്ച​ത്. അ​വ​യി​ലു​ള്ള മ്ലേ​ച്ഛ​ത​യു​ടെ മേ​ശ​ക​ളാ​ണ് അ​വ​ൻ ത​ട്ടി​യി​ട്ട​ത്. അ​ന്നൊ​രി​ക്ക​ൽ സം​ഭ​വി​ച്ച്, ഇ​ന്ന് വേ​ദ​ഗ്ര​ന്ഥ​ത്തി​ന്‍റെ ഏ​ടു​ക​ളി​ൽ മാ​ത്രം ഒ​തു​ങ്ങി​നി​ല്ക്കേ​ണ്ട ഒ​ന്ന​ല്ല ആ ​വി​ശു​ദ്ധീ​ക​ര​ണ​ക​ർ​മ​ത്തി​ന്‍റെ അ​ധ്യാ​യം. മ​റി​ച്ച്, ന​മ്മു​ടെ അ​നു​ദി​ന​വി​ശ്വാ​സ​ജീ​വി​ത​ത്തി​ൽ സ്വ​ന്ത​മാ​ക്കേ​ണ്ട ആ​ത്മീ​യ​ന​വീ​ക​ര​ണ​ത്തി​ന്‍റെ ഒ​ര​നു​ഭ​വ​മാ​ണ​ത്.

ക​ല്ലും, മ​ണ്ണും, മ​ര​ത്ത​ടി​യും കൊ​ണ്ടു​ള്ള​ത​ല്ല, മ​ജ്ജ​യും മാം​സ​വും ചോ​ര​യും നീ​രു​മൊ​ക്കെ കൂ​ടി​യു​ള്ള ന​മ്മു​ടെ ഹൃ​ദ​യ​കോ​വി​ലു​ക​ളി​ലാ​ണ് ദൈ​വം ഇ​ന്ന് കു​ടി​കൊ​ള്ളാ​ൻ കൊ​തി​ക്കു​ന്ന​ത്. അ​പ്പോ​ൾ അ​വ​ന്‍റെ വാ​സ​ഗേ​ഹ​മാ​യ ന​മ്മു​ടെ ഉ​ള്ള​മ​ല്ലേ യ​ഥാ​ർ​ഥ​ത്തി​ൽ വി​ശു​ദ്ധീ​ക​രി​ക്ക​പ്പെ​ടേ​ണ്ട​ത്? ഹൃ​ദ​യ​മാ​ണ് എ​ല്ലാ​റ്റി​ന്‍റെ​യും ഉ​റ​വി​ടം. അ​തി​ൽ​നി​ന്നു വ​രു​ന്ന​വ​യാ​ണ് ന​മു​ക്കു വി​ശു​ദ്ധി​യോ, അ​ശു​ദ്ധി​യോ ന​ൽ​കു​ന്ന​ത്. ഉ​ള്ളം ക​ള്ള​മി​ല്ലാ​ത്ത​തെ​ങ്കി​ൽ നാം ​തെ​ളി​വെ​ള്ളം പോ​ലെ സു​താ​ര്യ​രും സം​ശു​ദ്ധ​രു​മാ​യി​രി​ക്കും. അ​തു​കൊ​ണ്ടാ​ണ് അ​വ​ന്‍റെ ദൃ​ഷ്ടി​ക​ൾ മ​നു​ഷ്യ​ന്‍റെ ബാ​ഹ്യ​രൂ​പ​ത്തി​ന്മേ​ൽ നി​ന്നും അ​ന്ത​രം​ഗ​ത്തി​ലേ​ക്ക് ആ​ഴ്ന്നി​റ​ങ്ങി​യ​തും.


നോ​ന്പി​ന്‍റെ നാ​ളു​ക​ൾ ന​മ്മു​ടെ ഹൃ​ദ​യ​പ​രി​വ​ർ​ത്ത​ന​ത്തി​ന്‍റെ ദി​ന​ങ്ങ​ളാ​ക​ട്ടെ. ന​മ്മു​ടെ മ​നോ​വ്യാ​പ​ര​ങ്ങ​ളെ മ​ന​നം ചെ​യ്യാം. മ​ന​സ്‌​സാ​കു​ന്ന മു​റി​യി​ൽ ഒ​രു അ​ടി​ച്ചു​വാ​ര​ലി​ന്‍റെ ആ​വ​ശ്യ​ക​ത​യു​ണ്ടാ​വും. അ​തി​നു​ള്ളി​ലെ മാ​ലി​ന്യ​ങ്ങ​ളെ​യാ​കെ തൂ​ത്തു​വാ​രി​യെ​ടു​ത്ത് പ​ശ്ചാ​ത്താ​പ​ത്തോ​ടെ കു​ന്പ​സാ​ര​മാ​കു​ന്ന ക​രു​ണ​യു​ടെ കൂ​ടാ​ര​ത്തി​ൽ നി​ക്ഷേ​പി​ക്കാ​നും, അ​വി​ടെ​നി​ന്ന് കൃ​പ​യും പൊ​റു​തി​യും നേ​ടാ​നും സ​ന്ന​ദ്ധ​രാ​കാം. ഒ​രു​ക്ക​ത്തോ​ടെ അ​ടു​പ്പി​ച്ചു​ള്ള അ​നു​ര​ഞ്ജ​ന​ക്കൂ​ദാ​ശാ സ്വീ​ക​ര​ണം വ​ഴി ന​മ്മു​ടെ ഹൃ​ദ​യ​മാ​ന​സ​ങ്ങ​ൾ വെ​ടി​പ്പും വെ​ണ്മ​യു​മു​ള്ള​വ​യാ​ക​ട്ടെ. അ​വ​യു​ടെ പ്ര​ഭ ന​മ്മു​ടെ മു​ഖ​ങ്ങ​ളി​ൽ പ്ര​കാ​ശി​ക്ക​ട്ടെ. വാ​ങ്ങു​ന്ന​വ​യൊ​ക്കെ ശു​ദ്ധ​മാ​യി​രി​ക്ക​ണ​മെ​ന്നു​ള്ള വാ​ശി സ്വ​ഭാ​വ​ശു​ദ്ധി​യി​ലും വേ​ണം. ന​മ്മു​ടെ ഹൃ​ദ​യം വി​ശു​ദ്ധീ​ക​രി​ക്ക​പ്പെ​ടു​ന്പോ​ൾ നാ​മും നാം ​വ​സി​ക്കു​ന്ന ഇ​ട​വും, ന​മു​ക്കു ചു​റ്റു​മു​ള്ള​വ​യും താ​നേ പ​വി​ത്രീ​ക​രി​ക്ക​പ്പെ​ടും. അ​പ്പോ​ൾ സ്വ​ർ​ഗം സ്വ​പ്നം കാ​ണു​ന്ന രാ​ജ്യം ന​മ്മി​ലൂ​ടെ മ​ണ്ണി​ൽ യാ​ഥാ​ർ​ഥ്യ​മാ​കും. ഒ​പ്പം, ആ​രു​ടെ​യും ഹൃ​ദ​യം മ​ലി​ന​മാ​കാ​ൻ നാം ​നി​മി​ത്ത​മാ​കാ​തി​രി​ക്കാം. അ​ഖി​ല​രു​ടെ​യും ഹൃ​ദ​യ​നാ​ഥ​നാ​കാ​ൻ ആ​ശി​ക്കു​ന്ന​വ​നാ​ണ് ന​മ്മു​ടെ ദൈ​വം.

ഫാ. ​തോ​മ​സ് പാ​ട്ട​ത്തി​ൽ​ചി​റ സി​എം​എ​ഫ്

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.