എ​ല്ലാ​വ​രും തു​ല്യ​ർ; എങ്കിലും ചി​ല​ർ മ​റ്റു​ള്ള​വ​രെ​ക്കാ​ൾ കൂടുതൽ തു​ല്യ​ർ!
ഉള്ളതു പറഞ്ഞാൽ / കെ. ​ഗോ​പാ​ല​കൃ​ഷ്ണ​ൻ

എ​ല്ലാം ശ​രി​യാ​ക്കാ​മെ​ന്നു​ള്ള ഇ​ട​തു​പ​ക്ഷ ജ​നാ​ധി​പ​ത്യ​മു​ന്ന​ണി​യു​ടെ വാ​ഗ്ദാ​ന​ത്തോ​ട് ക​ഴി​ഞ്ഞ നി​യ​മ​സ​ഭാ തെ​ര​ഞ്ഞെടുപ്പി​ൽ ഏ​റെ പ്ര​തീ​ക്ഷ​ക​ളോ​ടെ ജ​നം അ​നു​കൂ​ല​മാ​യി പ്ര​തി​ക​രി​ച്ചു. ഓ​രോ തെ​ര​ഞ്ഞെ​ടു​പ്പി​ലും ഭ​ര​ണ​ത്തി​ലു​ള്ള​വ​ർരെ വോ​ട്ടു ചെ​യ്ത് അ​ധി​കാ​ര​ത്തി​ൽ​നി​ന്നു പു​റ​ത്താ​ക്കു​ന്ന കേ​ര​ളീ​യ​രു​ടെ പ്ര​വ​ണ​ത എല്ലാവർക്കും അ​റി​യാ​വു​ന്ന​താ​ണ്. ഒ​രു വി​ഭാ​ഗം അ​ത്ത​രം ഭ​ര​ണ​വി​രു​ദ്ധ വി​കാ​ര​ത്തി​ലും വോ​ട്ടു ചെ​യ്തു.

ആ​ദ്യ​ത്തെ ചി​ല മാ​സ​ങ്ങളിൽ​ പ്ര​തീ​ക്ഷ​ക​ൾ വാ​നോ​ള​മു​യ​ർ​ന്നു. അ​ധി​കാ​ര കേ​ന്ദ്ര​ങ്ങ​ളു​മാ​യി അ​ടു​ത്ത​വ​രെ​ന്ന് അ​വ​കാ​ശ​പ്പെ​ട്ട് ചി​ല അ​വ​താ​ര​ങ്ങ​ൾ ഉ​യ​ർ​ന്നു​വ​രു​മെ​ന്ന് മു​ഖ്യ​മ​ന്ത്രി പി​ണ​റാ​യി വി​ജ​യ​ൻ ആ​ദ്യ പ്ര​സ്താ​വ​ന​യി​ൽ​ത​ന്നെ ജ​ന​ങ്ങ​ൾ​ക്കു മു​ന്ന​റി​യി​പ്പു ന​ല്കി​യി​രു​ന്നു. അ​ധി​കാ​ര​ത്തി​ന്‍റെ ഇ​ട​നാ​ഴി​ക​ളി​ൽ​നി​ന്ന് അ​ത്ത​ര​ക്കാ​രെ അ​ക​റ്റി​നി​ർ​ത്തു​മെ​ന്ന് വാ​ഗ്ദാ​ന​വും ചെ​യ്തി​രു​ന്നു. ക​ർ​ക്ക​ശ​ക്കാ​ര​നാ​യി അ​റി​യ​പ്പെ​ട്ടി​രു​ന്ന​തി​നാ​ൽ അ​ദ്ദേ​ഹ​ത്തി​ൽ​നി​ന്നു ജ​ന​ങ്ങ​ൾ അ​ത്ഭു​ത​ങ്ങ​ൾ പ്ര​തീ​ക്ഷി​ച്ചു. ആ​ദ്യ​വ​ർ​ഷ​ങ്ങ​ൾ താ​ര​ത​മ്യേ​ന കു​ഴ​പ്പ​മി​ല്ലാ​തെ പോ​യി. പ​ക്ഷേ ഭ​ര​ണം നാ​ല​ര​വ​ർ​ഷ​ത്തോ​ട​ടു​ത്ത​പ്പോ​ൾ കാ​ര്യ​ങ്ങ​ൾ അ​ത്ര ശ​രി​യാ​യി​ട്ട​ല്ല പോ​കു​ന്ന​ത് എന്നുകാണാം.
സ​ർ​ക്കാ​ർ നി​ര​വ​ധി ആ​രോ​പ​ണ​ങ്ങ​ളെ നേ​രി​ടു​ക​യും അ​ധി​കാ​ര​ത്തി​ന്‍റെ ഇ​ട​നാ​ഴി​ക​ളി​ൽ​നി​ന്ന് അ​ക​റ്റി​നി​ർ​ത്ത​പ്പെ​ടു​മെ​ന്നു പ​റ​ഞ്ഞ അ​വ​താ​ര​ങ്ങ​ൾ സെ​ക്ര​ട്ടേ​റി​യ​റ്റി​ലെ നി​ര​വ​ധി മു​റി​ക​ളി​ൽ ക​യ​റി​പ്പ​റ്റു​ക​യും ചെ​യ്തു. ഈ ​വ​ർ​ഷം ആ​ദ്യം മു​ത​ൽ ആ​ഴ്ച​തോ​റു​മെ​ന്ന​പോ​ലെ പ്ര​തി​പ​ക്ഷം ആ​രോ​പ​ണ​ങ്ങ​ളു​യ​ർ​ത്തു​ക​യും കാ​ര്യ​ങ്ങ​ൾ വ​ഷ​ളാ​കു​ക​യും ചെ​യ്തു. പു​റ​ത്താ​ക്ക​പ്പെ​ട്ട പ്രൻസിപ്പൽ സെ​ക്ര​ട്ട​റിയും ​ഇ​ത്ത​രം അ​വ​താ​ര​ങ്ങ​ളി​ൽ പെ​ടു​ന്നു.

അതിജീവിച്ച വെല്ലുവിളികൾ

ഉ​ള്ള​തു പ​റ​ഞ്ഞാ​ൽ സം​സ്ഥാ​ന​സ​ർ​ക്കാ​രി​ന് നി​ര​വ​ധി വെ​ല്ലു​വി​ളി​ക​ൾ നേ​രി​ടേ​ണ്ടി വ​ന്നി​ട്ടു​ണ്ട്. ഏ​റെ സ്വ​ത്തു​നാ​ശ​മു​ണ്ടാ​ക്കു​ക​യും നി​ര​വ​ധി ജീ​വ​നു​ക​ൾ ന​ഷ്ട​പ്പെ​ടു​ത്തു​ക​യും ചെ​യ്ത തു​ട​ർ​ച്ച​യാ​യ ര​ണ്ടു പ്ര​ള​യ​ങ്ങ​ളും സാ​ർ​സ്, നി​പ്പ, ഇ​പ്പോ​ൾ കോ​വി​ഡ് 19 എ​ന്നി​ങ്ങ​നെ മാ​ര​ക​മാ​യ മ​ഹാ​മാ​രി​ക​ളു​ടെ ആ​വ​ർ​ത്ത​ന​വും ഇ​തി​നൊ​ക്കെ പു​റ​മേ മ​ഴ​ക്കാ​ല​ത്ത് പ​തി​വു​ള്ള സാം​ക്ര​മി​ക രോ​ഗ​ങ്ങ​ളു​മൊ​ക്കെ വ​ലി​യ പ്ര​ശ്ന​ങ്ങ​ൾ​ക്കു കാ​ര​ണ​മാ​യി. ഈ ​അ​ത്യാ​ഹി​ത​ങ്ങ​ളെ​യൊ​ക്കെ നേ​രി​ടു​ന്ന​ത് നി​സാ​ര​കാ​ര്യ​മ​ല്ല. അ​ഭി​ന​ന്ദ​നാ​ർ​ഹ​മാ​യ സേ​വ​നം കാ​ഴ്ച്ച​വ​ച്ച മ​ത്സ്യ​ത്തൊ​ഴി​ലാ​ളി​ക​ൾ, രാ​ജ്യ​ത്തി​ന​ക​ത്തും പു​റ​ത്തു​നി​ന്നു​മു​ള്ള സാ​ങ്കേ​തി​ക​സ​ഹാ​യ​ങ്ങ​ൾ, ദു​രി​താ​ശ്വാ​സ​ത്തി​നും പു​ന​ര​ധി​വാ​സ​ത്തി​നു​മാ​യി ഉ​ള്ള​വ​രും ഇ​ല്ലാ​ത്ത​വ​രും ന​ല്കി​യ സം​ഭാ​വ​ന​ക​ളു​ടെ പ്ര​വാ​ഹം എ​ന്നീ സ​ഹാ​യ​ങ്ങ​ളാ​ൽ സ​ർ​ക്കാ​രി​നു സാ​ഹ​ച​ര്യ​ങ്ങ​ളെ നേ​രി​ടാ​നാ​യി. താ​ത്കാ​ലി​ക ഷെ​ഡു​ക​ളി​ൽ ക​ഴി​യേ​ണ്ടി​വ​ന്ന ല​ക്ഷ​ങ്ങ​ൾ​ക്ക് ഭ​ക്ഷ​ണ​വും വ​സ്ത്ര​വും വൈ​ദ്യ​സ​ഹാ​യ​വും ന​ല്കു​ക എ​ന്ന​തു​ൾ​പ്പെ​ടെ​യു​ള്ള ദൗ​ത്യ​ങ്ങ​ൾ നി​സാ​ര​മാ​യി​രു​ന്നി​ല്ലെ​ന്നു തെ​ളി​ഞ്ഞു. ചെ​റി​യ കു​റ്റ​ങ്ങ​ളും കു​റ​വു​ക​ളും അ​മാ​ന്ത​വും അ​ധി​കാ​ര​ദു​ർ​വി​നി​യോ​ഗ​വും ഉ​ണ്ടാ​യി​ട്ടു​ണ്ടെ​ങ്കി​ലും ഈ ​ദു​ർ​വി​ധി​ക​ളെ​യും പ്ര​കൃ​തി​ക്ഷോ​ഭ​ങ്ങ​ളെ​യു​മൊ​ക്കെ വി​ജ​യ​ക​ര​മാ​യി​ത്ത​ന്നെ അ​തി​ജീ​വി​ക്കാ​നാ​യി.

സ​ർ​ക്കാ​രി​ന്‍റെ പ്ര​വ​ർ​ത്ത​ന​ങ്ങ​ളെ​ക്കു​റി​ച്ച് വ്യ​ത്യ​സ്തമാ​യ കാ​ഴ്ച​പ്പാ​ടു​ക​ളാ​ണു​ള്ള​ത്. മു​ഖ്യ​മ​ന്ത്രി​യു​ടെ അ​ഭി​പ്രാ​യ​ത്തി​ൽ ക​ഴി​ഞ്ഞ നി​യ​മ​സ​ഭാ​തെ​ര​ഞ്ഞെ​ടു​പ്പി​ലെ പ്ര​ക​ട​നപ​ത്രി​ക​യി​ലെ മി​ക്ക വാ​ഗ്ദാ​ന​ങ്ങ​ളും സ​ർ​ക്കാ​ർ ഇ​തി​നോ​ട​കം ന​ട​പ്പാ​ക്കി​ക്ക​ഴി​ഞ്ഞു. പ്ര​തി​പ​ക്ഷ​നേ​താ​ക്ക​ൾ വ്യ​ത്യ​സ്തമാ​യ അ​ഭി​പ്രാ​യ​ങ്ങ​ൾ ഉ​യ​ർ​ത്തു​ന്നു​ണ്ട്. ഇ​ത്ത​രം വ്യ​ത്യ​സ്ത കാ​ഴ്ച​പ്പാ​ടു​ക​ൾ​ക്കും സു​താ​ര്യ​ത​യി​ല്ലാ​യ്മ​യ്ക്കും ജ​ന​സ​ന്പ​ർ​ക്ക പ​രി​പാ​ടി​ക​ൾ​ക്കു​മി​ടെ സ​ത്യം ക​ണ്ടു​പി​ടി​ക്കു​ന്ന​ത് എ​ളു​പ്പ​മ​ല്ല.

അഴിമതി

പ്ര​തി​പ​ക്ഷം ഉ​ന്ന​യി​ക്കു​ന്ന വി​ഷ​യ​ങ്ങ​ളി​ലൊ​ന്ന് അ​ഴി​മ​തി​യാ​ണ്. നി​ര​വ​ധി ആ​രോ​പ​ണ​ങ്ങ​ളു​ണ്ട്. കു​റ​ച്ചു കേ​സു​ക​ളി​ൽ തെ​ളി​വു​ക​ളു​ണ്ടെ​ങ്കി​ലും കോ​ട​തി​വി​ധി ഉ​ണ്ടാ​യി​ട്ടി​ല്ല. ഇ​ന്ത്യ​ൻ രാ​ഷ്‌​ട്രീ​യ​ത്തി​ൽ അ​ഴി​മ​തി പു​തി​യ കാ​ര്യ​മ​ല്ല. ന​മ്മു​ടെ പ്ര​ഥ​മ പ്ര​ധാ​ന​മ​ന്ത്രി ജ​വ​ഹ​ർ​ലാ​ൽ നെ​ഹ്റു വാ​ഗ്ദാ​നം ചെ​യ്ത​ത് അ​ഴി​മ​തി​ക്കാ​രെ തൊ​ട്ട​ടു​ത്ത വി​ള​ക്കു​കാ​ലി​ൽ കെ​ട്ടി​ത്തൂ​ക്കു​മെ​ന്നാ​ണ്. പ​ക്ഷേ, ഈ ​അ​ത്യാ​ഹി​ത​ത്തെ ത​ട​യാ​ൻ അ​ദ്ദേ​ഹ​ത്തി​നാ​യി​ല്ല. പ​ക്ഷേ, അ​ന്നി​തു മ​ഹാ​മാ​രി​പോ​ലെ​യോ ഇ​ത്ര മാ​ര​ക​മോ ആ​യി​രു​ന്നി​ല്ല. വ്യാ​പ​ക​മാ​കാ​തെ താ​ര​ത​മ്യേ​ന ചെ​റി​യ കേ​സു​ക​ളി​ൽ ഒ​തു​ങ്ങി​യി​രു​ന്നു. ക്ര​മാ​നു​ഗ​ത​മാ​യി അ​തു വ​ള​ർ​ന്നു.

അ​ഴി​മ​തി​യാ​രോ​പ​ണ​ങ്ങ​ൾ കു​ന്നു​കൂ​ടി​യ​പ്പോ​ൾ, ഒ​രു മു​ൻ ഉ​പ​പ്ര​ധാ​ന​മ​ന്ത്രി, പ​രേ​ത​നാ​യ ഹേ​മ​വ​തി ന​ന്ദ​ൻ ബ​ഹു​ഗു​ണ ഈ ​ലേ​ഖ​ക​നോ​ടു പ​റ​ഞ്ഞ​ത് "അ​ഴി​മ​തി വാ​ഴു​ന്നു' എ​ന്നാ​ണ്. കോ​ൺ​ഗ്ര​സി​ലെ ഈ ​പ്ര​തി​ഭാ​സ​ത്തെ​ക്കു​റി​ച്ച് അ​ദ്ദേഹം ര​സ​ക​ര​മാ​യ ശൈ​ലി​യി​ൽ വി​ശ​ദീ​ക​രി​ച്ചു. അ​ദ്ദേ​ഹ​ത്തി​ന്‍റെ അ​ഭി​പ്രാ​യ​ത്തി​ൽ കോ​ൺ​ഗ്ര​സി​ൽ ജ​ന​ങ്ങ​ളി​ൽ​നി​ന്നോ മ​റ്റോ 100 രൂ​പ പി​രി​ച്ചി​ട്ട് 80 രൂ​പ പാ​ർ​ട്ടി​ക്കു ന​ല്കി​യ​ശേ​ഷം 20 രൂ​പ കൈ​ക്ക​ലാ​ക്കി​യാ​ൽ അ​യാ​ളെ സ​ത്യ​സ​ന്ധ​നാ​യ കോ​ൺ​ഗ്ര​സു​കാ​ര​നാ​യി ക​ണ​ക്കാ​ക്കും.100 പി​രി​ച്ചി​ട്ട് 60 പാ​ർ​ട്ടി​ക്കു ന​ല്കു​ക​യും 40 കൈ​ക്ക​ലാ​ക്കു​ക​യും ചെ​യ്താ​ൽ ന​ല്ല പാ​ർ​ട്ടി​ക്കാ​ര​ൻ. 100ൽ 60 ​കൈ​ക്ക​ലാ​ക്കു​ന്ന​യാ​ൾ സാ​ധാ​ര​ണ പാ​ർ​ട്ടി​ക്കാ​ര​ൻ. 20 പാ​ർ​ട്ടി​ക്കു കൊ​ടു​ക്കു​ക​യും 80 കൈ​ക്ക​ലാ​ക്കു​ക​യും ചെ​യ്യു​ന്ന​യാ​ളാ​ണെ​ങ്കി​ൽ അ​യാ​ൾ അ​ഴി​മ​തി​ക്കാ​ര​നാ​യ കോ​ൺ​ഗ്ര​സു​കാ​ര​നാ​യി ക​ണ​ക്കാ​ക്കും.

പ​ഴ​യ ന​ല്ല കാ​ല​ത്ത് കോ​ൺ​ഗ്ര​സു​കാ​ർ അ​ഴി​മ​തി​ക്കാ​രാ​ണെ​ന്ന് ആ​രും പ​റ​ഞ്ഞി​രു​ന്നി​ല്ല. കാ​ര്യ​ങ്ങ​ളൊ​ക്കെ മാ​റി. അ​തു​പോ​ലെ ഇ​എം​എ​സ്, എ​കെ​ജി, ബ​സ​വ​പു​ന്ന​യ്യ, ര​ണ​ദി​വെ, പ്ര​ഫ. ഹി​രേ​ൻ മു​ഖ​ർ​ജി, സി. ​അ​ച്യു​തമേ​നോ​ൻ, വി.​എ​സ്. അ​ച്യു​താ​ന​ന്ദ​ൻ എ​ന്നി​വ​ർ​ക്കെ​തി​രേ ആ​രെ​ങ്കി​ലും എ​ന്നെ​ങ്കി​ലും പേ​രി​നെ​ങ്കി​ലും അ​ഴി​മ​തി​യാ​രോ​പ​ണം ഉ​ന്ന​യി​ച്ചി​ട്ടു​ണ്ടോ? ആ ​പ​ട്ടി​ക​യി​ൽ പ​റ​യാ​ൻ നി​ര​വ​ധി​പ്പേ​രു​ണ്ട്. പ​ക്ഷേ, ഇ​ന്ന​ത്തെ സാ​ഹ​ച​ര്യം അ​ത​ല്ല. ഇ​ന്ന​ത്തെ വി​പ്ല​വ​പാ​ർ​ട്ടി നേ​താ​ക്ക​ളെ​പ്പോ​ലും അ​ഴി​മ​തി​ക്കാ​ര്യ​ത്തി​ൽ ബ​ഹു​ഗു​ണാ​ജി നി​ർ​വ​ചി​ച്ച​തു​പോ​ലെ ത​രം​തി​രി​ച്ചാ​ലും ആ​രും അ​തി​ശ​യി​ക്കേ​ണ്ട​തി​ല്ല. പ​ക്ഷേ, അ​ഴി​മ​തി​യെ​ന്ന​ത് പൊ​തു​ജ​ന​ങ്ങ​ൾ​ക്കി​ട​യി​ലും അ​ത്ര​വ​ലി​യ സം​ഭ​വ​മൊ​ന്നു​മ​ല്ല. കോ​വി​ഡ് 19നൊ​പ്പം എ​ന്ന​തു​പോ​ലെ അ​ഴി​മ​തി​ക​ൾ​ക്കൊ​പ്പം ജീ​വി​ക്കേ​ണ്ട​തെ​ങ്ങ​നെ​യെ​ന്ന് അ​വ​ർ പ​ഠി​ക്കു​ക​യാ​ണ്.


താത്കാലികം മാർഗമാക്കി

പ​ക്ഷേ, സാ​വ​ധാ​നം ഉ​ത്ക​ണ്ഠാ​ജ​ന​ക​മാ​യി വ​ള​രു​ന്ന പ്ര​ശ്നം, ഭ​ര​ണ​ഘ​ട​നാ മാ​ർ​ഗ​നി​ർ​ദേ​ശ​ങ്ങ​ളെ പ്ര​ത്യേ​കി​ച്ച് മൗ​ലി​കാ​വ​കാ​ശ​ങ്ങ​ളെ മാ​നി​ക്കാ​തെ​യു​ള്ള സ​ർ​ക്കാ​രി​ന്‍റെ പ്ര​വ​ർ​ത്ത​ന​ങ്ങ​ളാ​ണ്. തു​ല്യ​ത എ​ന്ന​ത് ഒ​രു പ്ര​ധാ​ന അ​വ​കാ​ശ​മാ​ണ്. പ​ക്ഷേ, കേ​ര​ള​ത്തി​ൽ അ​തു സാ​വ​കാ​ശം മ​ങ്ങു​ക​യാ​ണ്. ഒ​ന്നാ​മ​ത് തൊ​ഴി​ല​വ​സ​ര​ത്തി​ന്‍റെ കാ​ര്യ​മെ​ടു​ക്കു​ക. സ​ർ​ക്കാ​ർ ഉ​ദ്യോ​ഗ​ങ്ങ​ളു​ടെ കാ​ര്യ​ത്തി​ൽ നി​ല​നി​ല്ക്കു​ന്ന കീ​ഴ്‌​വ​ഴ​ക്ക​ങ്ങ​ളു​ണ്ട്. യോ​ഗ്യ​ത​യ​നു​സ​രി​ച്ച് ഉ​ദ്യോ​ഗാ​ർ​ഥി​ക​ളെ തെ​ര​ഞ്ഞെ​ടു​ക്കാ​നാ​ണ് പി​എ​സ്‌​സി​യും എം​പ്ലോ​യ്മെ​ന്‍റ് എ​ക്സ​ചേ​ഞ്ചു​മൊ​ക്ക നി​യോ​ഗി​ക്ക​പ്പെ​ട്ടി​രി​ക്കു​ന്ന​ത്. ജീ​വ​ന​ക്കാ​രെ താ​ത്കാ​ലി​കാ​ടി​സ്ഥാ​ന​ത്തി​ൽ നി​യ​മി​ക്കു​ന്ന പ്ര​വ​ണ​ത കു​റെ​ക്കാ​ല​മാ​യി ക​ണ്ടു​വ​രു​ന്നു. കു​റ​ച്ചു​ക​ഴി​യു​ന്പോ​ൾ പി​എ​സ്‌​സി റാ​ങ്ക് ലി​സ്റ്റി​ലു​ള്ള​വ​രു​ടെ സാ​ധ്യ​ത ഇ​ല്ലാ​താ​ക്കി​ക്കൊ​ണ്ട് താ​ത്കാ​ലി​ക​ക്കാ​രെ സ്ഥി​ര​പ്പെ​ടു​ത്തു​ന്നു.

ഭ​ര​ണ​ക​ക്ഷി​യു​ടെ വേ​ണ്ട​പ്പെ​ട്ട​വ​രാ​ണ് ഇ​ങ്ങ​നെ താ​ത്കാ​ലി​കാ​ടി​സ്ഥാ​ന​ത്തി​ൽ ക​യ​റു​ക​യും സ്ഥി​രം നി​യ​മ​നം നേ​ടു​ക​യും ചെ​യ്യു​ന്നതെ​ന്നു പ്ര​ത്യേ​കം പ​റ​യേ​ണ്ട​തി​ല്ല​ല്ലോ.​വി​വി​ധ ഗ​വ​ണ്മെ​ന്‍റു​ക​ളു​ടെ കീ​ഴി​ൽ ഇ​ത് ന​ട​ക്കു​ന്നു​ണ്ടെ​ങ്കി​ലും റി​പ്പോ​ർ​ട്ടു​ക​ൾ കാ​ണി​ക്കു​ന്ന​ത്, ഇ​പ്പോ​ഴ​ത്തെ സ​ർ​ക്കാ​ർ ഇ​ത്ത​രം നി​യ​മ​ന​ങ്ങ​ൾ വ​ലി​യ​തോ​തി​ൽ ന​ട​ത്താ​ൻ ഈ ​രീ​തി​യെ ആ​ശ്ര​യി​ച്ചി​രി​ക്കു​ന്നു​വെ​ന്ന​താ​ണ്. കാ​ലാ​വ​ധി ക​ഴി​യു​ന്ന​തോ​ടെ റാ​ങ്ക് ലി​സ്റ്റി​ലു​ള്ള​വ​ർ​ക്ക് അ​വ​സ​രം ന​ഷ്ട​മാ​കു​ക​യും ചെ​യ്യു​ന്നു.

സ​ർ​ക്കാ​ർ ഉ​ദ്യോ​ഗ​ത്തി​നു​ള്ള ത​ന്‍റെ അ​വ​സ​രം ന​ഷ്ട​മാ​യെ​ന്ന​റി​ഞ്ഞ് പി​എ​സ്‌​സി ലി​സ്റ്റി​ലു​ള്ള യു​വാ​വ് ജീ​വ​നൊ​ടു​ക്കി​യ​ത് അ​ടു​ത്ത​യി​ടെ​യാ​ണ്. ഇ​ത് ജ​ന​രോ​ഷ​ത്തി​നി​ട​യാ​ക്കു​ക​യും രോ​ഷാ​കു​ല​രാ​യ നി​ര​വ​ധി യു​വ​തീ​യു​വാ​ക്ക​ൾ പ്ര​തി​ഷേ​ധ​മു​യ​ർ​ത്തു​ക​യും ചെ​യ്തി​രു​ന്നു. മേ​ൽ​പ്പ​റ​ഞ്ഞ രീ​തി​യി​ൽ വ​ൻ​തോ​തി​ൽ ന​ട​ത്തു​ന്ന നി​യ​മ​ന​ങ്ങ​ളെ വെ​ളി​ച്ച​ത്തു​കൊ​ണ്ടു​വ​രാ​ൻ അ​തി​ട​യാ​ക്കി. ഇ​ത്ത​രം നി​യ​മ​ന​രീ​തി അ​വ​സാ​നി​പ്പി​ക്കു​ന്ന​തി​നോ തു​ല്യാ​വ​സ​രം ഉ​റ​പ്പാ​ക്കു​ന്ന​തി​ന്‍റെ ആ​വ​ശ്യം ഉ​യ​ർ​ത്തി​പ്പി​ടി​ക്കു​ന്ന​തി​നോ പ​ക​രം ഭ​ര​ണ​ക​ക്ഷി​യി​ലെ ഒ​രു മു​തി​ർ​ന്ന നേ​താ​വ് പ്ര​ശ്ന​ത്തി​ൽ ഇ​ട​പെ​ട്ട​ത് സാ​മൂ​ഹി​ക മാ​ധ്യ​മ​ങ്ങ​ളി​ൽ പാ​ർ​ട്ടി​ക്കാ​ർ എ​ങ്ങ​നെ പ്ര​തി​രോ​ധി​ക്ക​ണ​മെ​ന്നു നി​ർ​ദേ​ശി​ക്കു​ന്ന ക​ത്ത് ന​ല്കി​ക്കൊ​ണ്ടാ​ണ്.

പ​ത്താം ക്ലാ​സ്പോ​ലും പാ​സാ​കാ​ത്ത ഒ​രു വ​നി​ത​യ്ക്ക് ഒ​രു ല​ക്ഷ​ത്തി​നു​മു​ക​ളി​ൽ ശ​ന്പ​ള​ത്തോ​ടെ മു​ഖ്യ​മ​ന്ത്രി​യു​ടെ ഓ​ഫീ​സി​നു​കീ​ഴി​ലെ ഐ.​ടി. വ​കു​പ്പി​ൽ ക​ൺ​സ​ൾ​ട്ട​ൻ​സി സ്ഥാ​പ​നം​വ​ഴി ജോ​ലി ന​ല്കി​യ സം​ഭ​വ​വു​മു​ണ്ടാ​യി.

മ​ട്രിക്കുലേഷൻ ​പോ​ലും പാ​സാ​കാ​ത്ത​യാ​ളെ ഒ​രു ല​ക്ഷ​ത്തി​നു​മു​ക​ളി​ൽ ശ​ന്പ​ള​ത്തി​ന് നി​യ​മി​ക്കു​ന്ന​ത് ഇ​താ​ദ്യ​മാ​യി​രി​ക്കും. മാ​ത്ര​മ​ല്ല യോ​ഗ്യ​ത തെ​ളി​യി​ക്കാ​ൻ അ​വ​ർ ന​ല്കി​യി​രി​ക്കു​ന്ന​ത് വ്യാ​ജ സ​ർ​ട്ടി​ഫി​ക്ക​റ്റും. ന​യ​ത​ന്ത്ര ചാ​ന​ലി​ലൂ​ടെ സ്വ​ർ​ണ​ക്ക​ട​ത്തു ന​ട​ത്തി​യ​തി​ന് അ​വ​ർ​ക്കെ​തി​രേ ഇ​പ്പോ​ൾ കേ​സെ​ടു​ത്തി​രി​ക്കു​ക​യാ​ണ്. സ​ർ​ക്കാ​ർ അ​വ​രെ സ​ർ​വീ​സി​ൽ​നി​ന്നു പു​റ​ത്താ​ക്കി​യെ​ന്ന​തു ശ​രി​ത​ന്നെ. ഈ ​കേ​സു​മാ​യി ബ​ന്ധ​പ്പെ​ട്ട് ഭ​ര​ണ​ക​ക്ഷി​യി​ലെ പ്ര​മു​ഖ​നേ​താ​ക്ക​ളെ പോ​ലും ന​ടു​ക്കി​യ വെ​ളി​പ്പെ​ടു​ത്ത​ലു​ക​ൾ പു​റ​ത്തു​വ​ന്നി​ട്ടു​ള്ള​തി​നാ​ൽ കൂ​ടു​ത​ൽ വി​ശ​ദാം​ശ​ങ്ങ​ൾ പ​റ​യേ​ണ്ട​തി​ല്ല.

തുല്യതയിലെ മേൽത്തട്ട്

ഭ​ര​ണ​ക​ക്ഷി​ക്കു വേ​ണ്ട​പ്പെ​ട്ട​വ​ർ​ക്ക് തു​ല്യ​ത​യി​ലും മു​ക​ളി​ലു​ള്ള പ്ര​ത്യേ​ക പ​ദ​വി​ക​ൾ ന​ല്ക​പ്പെ​ടു​ന്നു. ഏ​താ​നും വ​ർ​ഷ​ങ്ങ​ൾ​ക്കു മു​ന്പ് ഒ​രു യു​വ​ജ​ന​സം​ഘ​ട​ന​യു​ടെ ഓ​ഫീ​സി​ൽ ചോ​ദ്യ​പേ​പ്പ​റു​ക​ളും ഉ​ത്ത​ര​ക്ക​ട​ലാ​സു​ക​ളും ക​ണ്ടെ​ത്തി​യി​രു​ന്നു. ചി​ല യു​വ​നേ​താ​ക്ക​ൾ റാ​ങ്ക്‌​ലി​സ്റ്റി​ൽ മു​ക​ളി​ലെ​ത്തു​ക​യും ചെ​യ്തു. തു​ല്യ​ത​യി​ലെ മു​ന്തി​യ പ​ദ​വി​ക​ൾ ന​ല്കു​ന്നു എ​ന്ന​തു​മാ​ത്ര​മ​ല്ല, ഇ​ത്ത​രം ആ​ക്ഷേ​പ​ക​ര​മാ​യ മാ​ർ​ഗ​ങ്ങ​ളി​ലൂ​ടെ നി​യ​മ​നം നേ​ടു​ന്ന​വർ ആ ​സ്ഥാ​ന​ത്തി​രു​ന്ന് എ​ങ്ങ​നെ പെ​രു​മാ​റു​മെ​ന്ന​തു​കൂ​ടി​യാ​ണ് ഇ​വി​ട​ത്തെ വി​ഷ​യം.

മ​റ്റു കാ​ര്യ​ങ്ങ​ളി​ലു​മു​ണ്ട് ഇ​ത്ത​രം രീ​തി​ക​ൾ. ഇ​ട​തു​പാ​ർ​ട്ടി​ക​ളി​ലെ അം​ഗ​ങ്ങ​ൾ ലൈം​ഗി​ക​പീ​ഡ​ന​ക്കേ​സു​ക​ളി​ൽ ഉ​ൾ​പ്പെ​ട്ടാ​ൽ സി​ആ​ർ​പി​സി, ഐ​പി​സി വ​കു​പ്പു​ക​ള​നു​സ​രി​ച്ച് നി​യ​മാ​നു​സൃ​ത ഏ​ജ​ൻ​സി​ക​ളു​ടെ കീ​ഴി​ല​ല്ല അ​ന്വേ​ഷ​ണം, പാ​ർ​ട്ടി​ത​ല​ത്തി​ലാ​ണ്. പാ​ർ​ട്ടി​യു​ടെ ഒ​രു മു​തി​ർ​ന്ന നേ​താ​വ് പ​റ​ഞ്ഞ​ത് പാ​ർ​ട്ടി​യു​മാ​യി ബ​ന്ധ​പ്പെ​ട്ട​വ​രു​ടെ കേ​സു​ക​ൾ കൈ​കാ​ര്യം ചെ​യ്യാ​ൻ പാ​ർ​ട്ടി​ക്കു​ള്ളി​ൽ സം​വി​ധാ​ന​മു​ണ്ടെ​ന്നാ​ണ്. വെ​ളി​വാ​കു​ന്ന​ത്, ഐ​പി​സി, സി​ആ​ർ​പി​സി എ​ന്നി​വ​യൊ​ക്കെ സാ​ധാ​ര​ണ​ക്കാ​ർ​ക്കു​ള്ള​താ​ണെ​ന്നും തു​ല്യ​ർ​ക്കി​ട​യി​ലെ മു​ന്തി​യ​വ​രു​ടെ പ​ട്ടി​ക​യി​ലു​ള്ള​വ​ർ ഇ​ത്ത​രം വ​കു​പ്പു​ക​ളി​ലൊ​ന്നും ഉ​ൾ​പ്പെ​ടു​ന്നി​ല്ലെ​ന്നു​മാ​ണ്.

ഇ​ത്ത​രം പ്ര​വ​ണ​ത​ക​ളു​ടെ​പേ​രി​ൽ ഭ​ര​ണ​ക​ക്ഷി​യെ മാ​ത്രം കു​റ്റ​പ്പെ​ടു​ത്തു​ന്ന​തു ശ​രി​യ​ല്ല. അ​ധി​കാ​ര​ത്തി​ലെ​ത്തി​യാ​ൽ എ​ല്ലാ നേ​താ​ക്ക​ളും ജോ​ലി​ക്കാ​ര്യ​ത്തി​ൽ അ​വ​ർ​ക്കു വേ​ണ്ട​പ്പെ​ട്ട​വ​രെ സ​ഹാ​യി​ക്കാ​നും നി​യ​മ​വി​രു​ദ്ധ​പ്ര​വ​ർ​ത്ത​ന​ങ്ങ​ളി​ൽ​പെ​ട്ട​വ​രെ അ​ധി​കാ​ര​ദു​ർ​വി​നി​യോ​ഗം ന​ട​ത്തി സ​ഹാ​യി​ക്കാ​നും ത​യാ​റാ​കാ​റു​ണ്ട്. മ​റ്റു സം​സ്ഥാ​ന​ങ്ങ​ളി​ലും ഇ​തൊ​ക്കെ സം​ഭ​വി​ക്കു​ന്നു​ണ്ട്. എ​ന്നാ​ൽ, കേ​ര​ള​ത്തി​ൽ ഇ​പ്പോ​ൾ ഇ​ത് ഒ​രു​പ​ക്ഷേ വ​ള​രെ വ​ലി​യ​തോ​തി​ലാ​ണ് ന​ട​ക്കു​ന്ന​ത്. മി​ക്ക​വാ​റും അ​തൊ​രു വ​ഴ​ക്ക​മാ​യി​രി​ക്കു​ന്നു. മ​റ്റു പ​ല അ​വ​കാ​ശ​ങ്ങ​ളെ​യും​പോ​ലെ തു​ല്യ​ത ഒ​രു മു​ദ്രാ​വാ​ക്യ​മാ​കു​ക​യാ​ണ്.

ജോ​ർ​ജ് ഒാ​ർ​വെ​ലി​ന്‍റെ ‘ആ​നി​മ​ൽ ഫാ​മി’​ൽ നി​ന്നു​ള്ള ഉ​ദ്ധ​ര​ണി ചെ​റി​യ മാ​റ്റ​ങ്ങ​ളോ​ടെ ക​ട​മെ​ടു​ക്കു​ക​യാ​ണെ​ങ്കി​ൽ, എ​ല്ലാ​വ​രും തു​ല്യ​രാ​യാ​ണ് ജ​നി​ക്കു​ന്ന​ത്, പ​ക്ഷേ ചി​ല​ർ മ​റ്റു​ള്ള​വ​രേ​ക്കാ​ൾ കൂ​ടു​ത​ൽ തു​ല്യ​രാ​ണ്.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.