ലിബറൽ വിദ്യാഭ്യാസത്തിന്‍റെ ക്രൈസ്തവ കാഴ്ചപ്പാട്
ക​ർ​ദി​നാ​ൾ ന്യൂ​മാ​ന്‍റെ​യും ബെ​ന​ഡി​ക്ട് പ​തി​നാ​റാ​മ​ന്‍റെ​യും വി​ദ്യാ​ഭ്യാ​സ​ചി​ന്ത​ക​ൾ

പ്രഫ​ഷ​ണ​ൽ വി​ദ്യാ​ഭ്യാ​സ​കേ​ന്ദ്രീ​കൃ​ത​മാ​യ ക​മ്പോ​ള​സം​സ്കൃ​തിയുടെ കാലത്ത് ക​ർ​ദി​നാ​ൾ ന്യൂ​മാ​ന്‍റെ വി​ദ്യാ​ഭ്യാ​സ​ദ​ർ​ശ​നം വി​ദ്യാ​ഭ്യാ​സ​മേ​ഖ​ല​യി​ൽ ഇ​ട​പെ​ടു​ന്ന സ​ർ​വ​രു​ടെ​യും ശ്ര​ദ്ധ​യെ ക്ഷ​ണി​ക്കു​ന്നു. ഭൗ​തി​ക അ​ഭി​വൃ​ദ്ധി​ക്കാ​വ​ശ്യ​മാ​യ സാ​ങ്കേ​തി​ക പ​രി​ശീ​ല​നം കൂ​ടാ​തു​ള്ള വി​ദ്യാ​ഭ്യാ​സം അ​പൂ​ർ​ണ​മാ​ണെ​ന്ന ജോ​ൺ ലോ​ക്കി​ന്‍റെ നി​ഗ​മ​ന​ത്തി​നു ശേ​ഷം വി​ദ്യാ​ഭ്യാ​സ​ത്തി​ൽ പ്ര​യോ​ജ​ന​വാ​ദം ശ​ക്തി​പ്പെ​ട്ടു. പ്ര​യോ​ജ​ന​വാ​ദ​ത്തി​ന്‍റെ സ​ങ്കു​ചി​ത​ത്വ​ങ്ങ​ൾ​ക്കു നേ​രേ​യാ​ണ് ന്യൂ​മാ​ൻ വെ​ല്ലു​വി​ളി​യു​യ​ർ​ത്തു​ന്ന​ത്.

എ​ല്ലാ അ​റി​വു​ക​ളും ഒ​രൊ​റ്റ സ​മ്പൂ​ർ​ണ​ത​യാ​ണെ​ന്ന് ന്യൂ​മാ​ൻ പ​ഠി​പ്പി​ക്കു​ന്നു. മാ​ന​വി​ക​വി​ദ്യാ​ബോ​ധ​ത്തി​ൽ നി​ന്നും തീ​ർ​ത്തും വേ​ർ​തി​രി​ക്ക​പ്പെ​ട്ട ശാ​സ്ത്രീ​യ രീ​തി​ക​ളെ ഏ​ക​പ​ക്ഷീ​യ​വും ഭാ​ഗി​ക​മാ​യി വി​ക​ല​വു​മാ​യ കാ​ഴ്ച​പ്പാ​ടാ​യി അ​ദ്ദേ​ഹം ഗ​ണി​ക്കു​ന്നു.

മ​ന​സി​ന്‍റെ വി​കാ​സ​ം

പ​ഠ​ന​പ​ദ്ധ​തി​ക്ക് പ്രഫ​ഷ​ണ​ൽ ദി​ശാ​ബോ​ധം വേ​ണ​മെ​ന്ന​ത് നി​സ്ത​ർ​ക്കം ത​ന്നെ. എ​ന്നാ​ൽ മാ​ന​വി​ക​ശാ​സ്ത്ര വി​ഷ​യ​ങ്ങ​ൾ കൈ​കാ​ര്യം ചെ​യ്യ​പ്പെ​ടു​ന്ന ഉ​ന്ന​ത വി​ദ്യാ​ഭ്യാ​സ​ത്തി​നാ​യു​ള്ള കേ​ന്ദ്ര​ങ്ങ​ളു​ടെ ആ​ത്യന്തി​ക ഉ​ദ്ദേ​ശ്യം പ്രഫ​ഷ​ണ​ലു​ക​ളെ വാ​ർ​ത്തെ​ടു​ക്കാ​നു​ള്ള അ​ടു​പ്പു​ക​ളാ​യി വി​ഭാ​വ​നം ചെ​യ്യു​ന്ന​തി​ലെ ഹ്ര​സ്വ​വീ​ക്ഷ​ണ​മാ​ണ് ചോ​ദ്യം ചെ​യ്യ​പ്പെ​ടേ​ണ്ട​ത്.

ബൗ​ദ്ധി​ക സം​സ്കാ​രം കൊ​ണ്ട് ന്യൂ​മാ​ൻ അ​ർഥമാ​ക്കു​ന്ന​ത് നി​ര​വ​ധി ആ​ശ​യ​ങ്ങ​ളു​ടെ നി​ഷ്ക്രി​യ സ്വീ​ക​ര​ണ​ത്തെ​യ​ല്ല, നൈ​പു​ണ്യ​വി​കാ​സ​വും ക​ലാ​ബോ​ധ​വും സാ​മൂ​ഹ്യ​പ്ര​വ​ർ​ത്ത​ന വൈ​ദ​ഗ്ധ്യ​വും ധാ​ർ​മി​ക​വും മ​ത​പ​ര​വു​മാ​യ വീ​ക്ഷ​ണവും ഉ​ൾ​കൊ​ള്ളു​ന്ന​ മ​ന​സി​ന്‍റെ അ​വി​ഭാ​ജ്യ വി​കാ​സ​ത്തെ​യാ​ണ്. അ​പ്ര​കാ​രം സം​യോ​ജി​ത​മാ​യ മ​ന​സി​നേ ചി​ന്തി​ക്കാ​നും യു​ക്തി​പൂ​ർ​വം വി​ശ​ക​ലം ചെ​യ്യാ​നും വി​വേ​ചി​ച്ച​റി​യാ​നു​മു​ള്ള ക​ഴി​വു​ക​ളു​ണ്ടാ​കൂ എ​ന്ന് ന്യൂ​മാ​ൻ വി​വ​ക്ഷി​ക്കു​ന്നു.

മ​നു​ഷ്യ സ്വ​ഭാ​വം ചെ​റി​യ ദു​ഃശീ​ല​ങ്ങ​ൾ, വൈ​ക​ല്യ​ങ്ങ​ൾ, അ​സൂ​യ, അ​ശ്ലീ​ല​ത, അ​ഹ​ങ്കാ​രം, സ്വാ​ർ​ഥത എ​ന്നി​വ​യു​ടെ മേ​ഖ​ല കൂ​ടി​യാ​ണ്. വി​ദ്യാ​ർ​ഥിക​ളു​ടെമേ​ൽ അ​ധ്യാ​പ​ക​രു​ടെ വ്യ​ക്തി​പ​ര​മാ​യ സ്വാ​ധീ​ന​മി​ല്ലാ​ത്ത ഏ​തൊ​രു അ​ക്കാ​ദ​മി​ക് സ​മ്പ്ര​ദാ​യ​വും പ​രാ​ജ​യ​പ്പെ​ടു​ന്നു. അ​ധ്യാ​പ​ക​ന്‍റെ വ്യ​ക്തി​പ​ര​മാ​യ സ്വാ​ധീ​നം​കൊ​ണ്ടേ ജീ​വി​ത​ങ്ങ​ൾ പൊ​ടി​ച്ചു​വ​രൂ.

അ​തേ​സ​മ​യം വി​ദ്യാ​ർ​ഥി​ക​ളു​ടെ​മേ​ലു​ള്ള അ​ധ്യാ​പ​ക​രു​ടെ വ്യ​ക്തി​പ​ര​മാ​യ സ്വാ​ധീ​നം ഒ​രി​ക്ക​ലും പ്ര​തി​കൂ​ല​മാ​കു​ന്നി​ല്ലെ​ന്നുകൂ​ടി ഉ​റ​പ്പു​വ​രു​ത്ത​ണം. അ​ധ്യാ​പ​ക​നി​ൽനി​ന്നു പ്ര​വ​ഹി​ക്കു​ന്ന അ​റി​വു​ക​ൾ ധാ​ർ​മി​ക ത​ത്വ​ങ്ങ​ളെ പ​രി​പോ​ഷി​പ്പി​ക്കു​ന്നി​ല്ലെ​ങ്കി​ൽ അ​വി​ടെ വൈ​കൃ​ത​ങ്ങ​ളേ വ​ള​രൂ എ​ന്ന് ന്യൂ​മാ​ൻ പ​റ​ഞ്ഞു.

ആ​ക​യാ​ൽ അ​റി​വി​ന്‍റെ ആ​ശ​യ​വി​നി​മ​യ​ത്തി​ന് ഒ​രു പ​ദ്ധ​തി അ​ല്ലെ​ങ്കി​ൽ അ​നു​പാ​തം അ​നി​വാ​ര്യ​മാ​ണ്. ഈ ​അ​നു​പാ​ത​ത്തി​ന്‍റെ ക​ണ്ടെ​ത്ത​ലി​ലാ​ണ് ലി​ബ​റ​ൽ വി​ദ്യാ​ഭ്യാ​സം കാ​ര്യ​ക്ഷ​മ​മാ​യി നി​ർ​വ​ഹി​ക്കാ​ൻ സാ​ധി​ക്കുക.

ന​മ്മു​ടെ നാ​ളു​ക​ളി​ലെ വെ​ല്ലു​വി​ളി​ക​ളെ അ​ഭി​സം​ബോ​ധ​ന ചെ​യ്യാ​ൻ സ​ർ​വ​ക​ലാ​ശാ​ല​ക​ളെ സ​ജ്ജ​മാ​ക്കാ​ൻ ബെ​ന​ഡി​ക്ട് പ​തി​നാ​റാ​മ​ൻ മാ​ർ​പാ​പ്പ നി​ര​ന്ത​രം അ​ധ്യാ​പ​ക​രോ​ടും വി​ദ്യാ​ർ​ത്ഥി​ക​ളോ​ടും ആ​വ​ർ​ത്തി​ച്ച പ്ര​സ്താ​വ​ങ്ങ​ളി​ൽ ഈ ​അ​നു​പാ​ത​ത്തി​ന്‍റെ സൂ​ച​ന​ക​ളെ​ക്കു​റി​ച്ച് ന​മു​ക്ക് സു​പ്ര​ധാ​ന ധാ​ര​ണ​ക​ൾ ല​ഭി​ക്കു​ന്നു.

ക്രൈസ്തവ സർവകലാശാലകൾ

ബ​ഹു​സ്വ​ര സ​മൂ​ഹ​ങ്ങ​ളി​ലെ ക്രൈ​സ്ത​വ സ​ർ​വ​ക​ലാ​ശാ​ല​ക​ളെ ബെ​ന​ഡി​ക്ട് മാർപാ​പ്പ ഉ​പ​മി​ച്ച​ത് ജെ​റു​സ​ലേം ദേവാ​ല​യ​ത്തി​ലെ വി​ജാ​തീ​യ​രു​ടെ അ​ങ്ക​ണ​ത്തോ​ടാ​ണ്. ജെ​റു​സ​ലേം ദേവാ​ല​യ​ത്തി​ൽ യ​ഹൂ​ദേത​ർ​ക്കു പ്രാ​ർ​ഥിക്കാ​ൻ അ​നു​വാ​ദം ന​ല്ക​പ്പെ​ട്ടി​രു​ന്ന സ്ഥ​ല​മാ​ണ് വി​ജാ​തീ​യ​രു​ടെ അ​ങ്ക​ണം. ദൈ​വ​ത്തെ അ​ന്വേ​ഷി​ക്കാ​നും പ്രാ​ർ​ഥി​ക്കാ​നു​മു​ള്ള ക്ഷ​ണംകൂ​ടി​യാ​ണ് ഓ​രോ ക്രൈ​സ്ത​വ സ​ർ​വക​ലാ​ശാ​ല​യു​ടെ​യും അ​ങ്ക​ണ​മെ​ന്ന് മാ​ർ​പാ​പ്പ പ​റ​യു​ന്നു.

ഇ​ന്ന​ത്തെ സാ​മൂ​ഹ്യ​സാം​സ്കാ​രി​ക യാ​ഥാ​ർ​ഥ്യ​ങ്ങ​ളി​ൽ ക്രൈ​സ്ത​വി​ക​ത​യി​ലൂ​ന്നി​യ വി​ദ്യാ​ഭ്യാ​സ​ത്തി​ന് ന​വീ​ന​മാ​യ ച​ട്ട​ക്കൂ​ടു​ക​ൾ ആ​വി​ഷ്ക​രി​ക്കാ​ൻ സ​വി​ശേ​ഷ​മാ​യ ശ്ര​ദ്ധ ചെ​ലു​ത്ത​ണ​മെ​ന്ന് അ​ദ്ദേ​ഹം അ​ഭി​പ്രാ​യ​പ്പെ​ടു​ന്നു. മാ​ന​വ​രാ​ശി​യു​ടെ പൊ​തു ന​ന്മ​യ്ക്ക് ആ​ധി​കാ​രി​ക​മാ​യ മാ​ന​വി​ക​ത വേ​ണം. ആ ​മാ​ന​വി​ക​ത​യെ പ​രി​പോ​ഷി​പ്പി​ക്കു​ന്ന​തി​ൽ പൂ​ർ​ണാ​ർ​ഥത്തി​ലു​ള്ള ക്രൈ​സ്ത​വ വി​ദ്യാ​ഭ്യാ​സ​ത്തി​ന് സ​വി​ശേ​ഷ​മാ​യ പ​ങ്കു​ണ്ട്.


നിരീശ്വരത്വം

യു​ക്തി​വാ​ദ​വും നി​രീ​ശ്വ​ര​ത്വ​വും മ​ത​തീ​വ്ര​വാ​ദ​ങ്ങ​ളും ആ​പേ​ക്ഷി​ക​ത​യും ലി​ബേ​ർ​ട്ടി​ണി​സ​വും ന​വ​അ​ജ്ഞേ​യ​വാ​ദ​വും കൊ​ടു​മ്പി​രി​ക്കൊ​ള്ളു​ന്ന സ​മൂ​ഹ​ത്തി​ൽ ക്രൈ​സ്ത​വ സ​ർ​വക​ലാ​ശാ​ല​ക​ൾ അ​വ​യ്ക്ക് ഭ​ര​മേ​ല്പി​ക്ക​പ്പെ​ട്ടി​രി​ക്കു​ന്ന പ്ര​ത്യേ​ക ഉ​ത്ത​ര​വാ​ദി​ത്വങ്ങ​ളെ പ്ര​ത്യേ​ക​മാ​യിത്തന്നെ സ്വീ​ക​രി​ക്ക​ണം. ഡോ. ​മേ​രി എ​യ്ഞ്ച​ലാ ഹാ​ർ​പ​റു​ടെ നി​രീ​ക്ഷ​ണം ശ്ര​ദ്ധേ​യ​മാ​ണ്: "ക​ത്തോ​ലി​ക്കാ വി​ദ്യാ​ഭ്യാ​സ​ത്തി​ന്‍റെ അ​തു​ല്യ​മാ​യ സം​ഭാ​വ​ന മ​നു​ഷ്യ​ൻ ദൈ​വ​വു​മാ​യി അ​ഭേ​ദ്യ​മാ​യി ബ​ന്ധ​പ്പെ​ട്ട വ്യ​ക്തി​യാ​ണെ​ന്ന് വി​ദ്യാ​ർ​ഥിക​ളെ വ്യക്ത​മാ​യി പ​ഠി​പ്പി​ക്കു​ന്ന​തി​ലാ​ണ്.

ഈ ​ധാ​ര​ണ​യി​ൽനി​ന്ന് ഒ​ഴു​കു​ന്ന മൂ​ല്യ​ങ്ങ​ൾ പൊ​തു സ​മൂ​ഹ​ത്തെ മു​ഴു​വ​ൻ പോ​ഷി​പ്പി​ക്കു​ക​യും ശ​ക്തി​പ്പെ​ടു​ത്തു​ക​യും ചെ​യ്യു​ന്നു. മ​ത​പ​ര​മാ​യ അ​സ്തി​ത്വ​വും വ്യ​തി​രി​ക്ത​മാ​യ മൂ​ല്യ​ബോ​ധ​മു​ള്ള​തു​മാ​യ വി​ദ്യാ​ല​യ​ങ്ങ​ളാ​ണ് ന​മ്മു​ടേ​തെ​ന്ന കാ​ഴ്ച​പ്പാട് നാം ​സാ​വ​ധാ​നം മ​റ​ന്നാ​ൽ ന​മ്മ​ൾ ആ​ത്മ​വ​ഞ്ച​ന ചെ​യ്യു​ക മാ​ത്ര​മ​ല്ല ന​മ്മു​ടെ സ​ഹ​പൗ​ര​ന്മാ​രെക്കൂടി വ​ഞ്ചി​ക്കു​ക​യാ​യി​രി​ക്കും.​'

ക്രൈ​സ്ത​വി​ക​ത​യു​ടെ ത​നി​മ​യാ​ർ​ന്ന ദൈ​വ​ശാ​സ്ത്ര​-ത​ത്വ​ശാ​സ്ത്ര-​സാം​സ്കാ​രി​ക പാ​ര​മ്പ​ര്യ​ങ്ങ​ളെ​ക്കു​റി​ച്ചു​ള്ള ശരി​യാ​യ ധാ​രണ​ക​ളു​ള്ള അ​ധ്യാ​പ​ക​സ​മൂ​ഹ​ത്തി​ലൂ​ടെ​യേ ഈ ​ല​ക്ഷ്യം നി​റ​വേ​റൂ. ക്രൈ​സ്ത​വ​ലോ​ക​വീ​ക്ഷ​ണം ഓ​രോ പ​ഠ​ന​ശാ​ഖ​യി​ലും വ്യ​ക്ത​ത​യോ​ടും ബോ​ധ്യ​ത്തോ​ടും സ​മ​ർ​പ്പ​ണ​ത്തോ​ടും​കൂ​ടി വൈ​വി​ധ്യ​മാ​ർ​ന്ന ഒ​രു വി​ദ്യാ​ർ​ഥി​സ​മൂ​ഹ​ത്തി​ന്‍റെ മു​ൻ​പി​ൽ അ​വ​ത​രി​പ്പി​ക്കാ​നും ഫ​ല​പ്ര​ദ​മാ​യ സം​ഭാ​ഷ​ണ​ങ്ങ​ൾ ക്ലാ​സ്മു​റി​ക​ളി​ൽ തു​ട​ങ്ങി​വ​യ്ക്കാ​നു​മു​ള്ള ശേ​ഷി വി​ക​സി​പ്പി​ക്കേ​ണ്ടി​യി​രി​ക്കു​ന്നു. സ​മൂ​ഹന​ന്മ​യ്ക്ക് ക്രൈ​സ്ത​വ സ്ഥാ​പ​ന​ങ്ങ​ൾ​ക്ക് ന​ൽ​കാ​ൻ സാ​ധി​ക്കു​ന്ന ഏ​റ്റ​വും ശ്രേ​ഷ്ഠ​മാ​യ സം​ഭാ​വ​ന​യും മ​റ്റൊ​ന്ന​ല്ല.

ഇ​ക്ക​ഴി​ഞ്ഞ ജൂ​ലൈ​യി​ൽ ബെ​ന​ഡി​ക്ട് മാ​ർ​പാപ്പ ജ​ർ​മ​നി​യി​ലെ ക്രൈ​സ്ത​വ സ​ർ​വ​ക​ലാ​ശാ​ല​ക​ളി​ലും ആ​ശു​പ​ത്രി​ക​ളി​ലും നി​ല​നി​ൽ​ക്കു​ന്ന സാ​ഹ​ച​ര്യ​ങ്ങ​ളെ​ പ​രാ​മ​ർ​ശി​ച്ച​ത് ശ്ര​ദ്ധേ​യ​മാ​ണ്: "സ​ഭ​യു​ടെ ആ​ന്ത​രി​ക ആ​ഹ്വാ​ന​ത്തെ പി​ന്തു​ണ​യ്ക്കാ​ത്ത നി​ര​വ​ധി ആ​ളു​ക​ൾ പ്ര​ധാ​ന സ്ഥാ​ന​ങ്ങ​ളി​ൽ ഏ​ർ​പ്പെ​ടു​ന്നു, അ​തി​നാ​ൽ ആ ​സ്ഥാ​പ​ന​ങ്ങ​ളു​ടെ ദൗ​ത്യം പ​ല​പ്പോ​ഴും മ​റ​യ്ക്ക​പ്പെ​ടു​ന്നു.​'

ലി​ബ​റ​ൽ വി​ദ്യാ​ഭ്യാ​സ​ത്തി​ന്‍റെ പ്രാ​യോ​ഗി​ക ആ​വി​ഷ്കാ​ര​ത്തി​ന് ജെ​സ്വി​റ്റ് വി​ദ്യാ​ഭ്യാ​സ​ചി​ന്ത നാം ​ആ​വേ​ശ​പൂ​ർ​വം സ്വാ​യ​ത്ത​മാ​ക്കേ​ണ്ട മൂ​ല​ധ​ന​മാ​ണ്. ജെ​സ്വി​റ്റ് ജ​ന​റ​ലാ​യി​രു​ന്ന ഫാ. ​പെ​ദ്രോ അ​രൂ​പ്പെ​യു​ടെ വാ​ക്കു​ക​ൾ ഇ​പ്ര​കാ​ര​മാ​ണ്: "സാ​മൂ​ഹ്യ​വി​ത​ര​ണാ​ത്മ​ക നീ​തി​യാ​യി​രി​ക്ക​ട്ടെ ന​മ്മു​ടെ വി​ദ്യാ​ഭ്യാ​സ ശു​ശ്രൂ​ഷ​യു​ടെ അ​ടി​സ്ഥാ​ന മാ​ന​ദ​ണ്ഡം. ന​മ്മു​ടെ അ​ധ്വാ​നം "മി​ക​വു​ള്ള വി​ദ്യാ​ഭ്യാ​സ ഉ​ൽ​പ്പ​ന്നം’ സൃ​ഷ്ടി​ക്കു​ന്ന​തി​ല​ല്ല, പ്ര​ത്യു​ത "സാ​മൂ​ഹ്യ​വ​ള​ർ​ച്ച​യു​ടെ നി​ർ​മാ​താ​ക്ക​ളെ’ മെ​ന​ഞ്ഞെ​ടു​ക്കു​ന്ന​തി​ലാ​ണ്.

ന​മ്മു​ടെ വി​ദ്യാ​ർ​ഥിക​ൾ താ​ന്താ​ങ്ങ​ളെ ഒ​റ്റ​പ്പെ​ട്ട വ്യ​ക്തി​ക​ളാ​യി ഗ​ണി​ക്കു​വോ​ളം മ​റ്റു​ള്ള​വ​രെ മ​ത്സ​ര​ത്തി​ലൂ​ടെ വ​ക​ഞ്ഞു​മാ​റ്റി അ​ധി​കാ​ര​ത്തി​ന്‍റെ​യും പ്ര​ശ​സ്തി​യു​ടെ​യും സ്ഥാ​ന​ങ്ങ​ളി​ലേ​ക്ക് നീ​ന്തി​ക്ക​യ​റാ​നു​ള്ള ശ്ര​മ​ങ്ങ​ൾ ന​ട​ത്തു​ന്നു. മ​റി​ച്ച്, നാ​മെ​ല്ലാം ഏ​ക​ഭൗ​മി​ക​ഗ്രാ​മ​ത്തി​ലെ സ​ഹോ​ദ​ര​ങ്ങ​ളാ​ണെ​ന്നും ഏ​ക​ഭൗ​മി​ക വാ​ഹ​ന​ത്തി​ലെ സ​ഹ​യാ​ത്രി​ക​രാ​ണെ​ന്നും അ​വ​ർ ക​ണ്ടെ​ത്ത​ട്ടെ. ഈ ​കാ​ല​ഘ​ട്ട​ത്തി​ലെ മ​നു​ഷ്യ​ന്‍റെ, പ്ര​ത്യേ​കി​ച്ച് ദ​രി​ദ്ര​രും ദു​രി​ത​ബാ​ധി​ത​രു​മാ​യ​വ​രു​ടെ സ​ന്തോ​ഷ​ങ്ങ​ളെ​ക്കു​റി​ച്ചും പ്ര​തീ​ക്ഷ​ക​ളെ​ക്കു​റി​ച്ചും ദുഃ​ഖ​ങ്ങ​ളെ​ക്കു​റി​ച്ചും ഉ​ത്ക​ണ്ഠ​ക​ളെ​ക്കു​റി​ച്ചും അ​വ​ർ വി​ദ്യാ​ഭ്യാ​സം നേ​ട​ട്ടെ.​
'
വി​ദ്യാ​ഭ്യാ​സ​മേ​ഖ​ല​യി​ൽ സാ​മൂ​ഹ്യ​നീ​തി ഉ​റ​പ്പു​വ​രു​ത്താ​നു​ള്ള ന​മ്മു​ടെ ശ്ര​മ​ങ്ങ​ളി​ൽ ബ്രസീലിയൻ വി​ദ്യാ​ഭ്യാ​സ ചിന്തക​നായ പൗ​ലോ ഫ്ര​യറുടെ നി​രീ​ക്ഷ​ണ​ങ്ങ​ളെ​ക്കൂ​ടി നാം ​ശ്ര​ദ്ധ​യോ​ടെ പ​ഠി​ക്കേ​ണ്ട​താ​ണെ​ന്ന് അ​രൂ​പ്പെ ആ​ഹ്വാ​നം ചെ​യ്യു​ന്നു.

ഇ​രു​ൾ പ​ര​ന്നി​ടു​ന്ന ഏ​തു ചു​റ്റു​പാ​ടു​ക​ളി​ലും നി​ത്യ​മാ​യ പ്ര​കാ​ശ​ര​ശ്മി​ക​ളി​ൽനി​ന്ന് ഊ​ർ​ജം സ്വീ​ക​രി​ച്ചും ആ​ന്ത​രി​ക​മാ​യ തി​രി​ച്ച​റി​വു​ക​ൾ കൊ​ണ്ടും പു​തി​യ ദീ​പ​ങ്ങ​ൾ തെ​ളി​ക്കാ​നാ​കു​മെ​ന്ന് ന്യൂ​മാ​ന്‍റെ മാ​തൃ​ക ന​മു​ക്ക് പ്ര​ത്യാ​ശ ന​ല്കി​ക്കൊ​ണ്ടേ​യി​രി​ക്കു​ന്നു.

ജോ​ർ​ജ് ജോ​സ​ഫ് വെ​ള്ളാ​ങ്ക​ൽ
(ഹ​ംഗറി​യി​ലെ സെ​ഗെ​റ്റ് സ​ർ​വ​ക​ലാ​ശാ​ല​യി​ൽ രാഷ്‌ട്രമീമാംസയിൽ ഗ​വേ​ഷ​ക​ൻ)

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.