അടിമയാക്കും ജീവനെടുക്കും ഓണ്‌ലൈൻ ഗെയിം
ലോ​ക്ഡൗ​ണി​നെതു​ട​ർ​ന്ന് ആ​രം​ഭി​ച്ച ഓ​ണ്‍​ലൈ​ന്‍ വി​ദ്യാ​ഭ്യാ​സം കു​ട്ടി​ക​ളെ മൊ​ബൈ​ല്‍ ഫോ​ണു​ക​ളു​ടെ അ​ടി​മ​ക​ളാ​ക്കി മാ​റ്റി​യോ​യെ​ന്ന സം​ശ​യം ബ​ല​പ്പെ​ടു​ക​യാ​ണ്. മൊ​ബൈ​ല്‍ ഫോ​ണു​ക​ളു​മാ​യി​രി​ക്കു​ന്ന മ​ക്ക​ള്‍ ഓ​ണ്‍​ലൈ​ന്‍ പ​ഠ​ന​ത്തി​ലാ​ണെ​ന്ന ധാ​ര​ണ​യാ​ണ് പ​ല മാ​താ​പി​താ​ക്ക​ള്‍​ക്കും. എ​ന്നാ​ൽ അ​വ​രി​ൽ പ​ല​രും ഓ​ണ്‍​ലൈ​ന്‍ ഗെ​യി​മു​ക​ള്‍​ക്കാ​യാ​ണ് കൂ​ടു​ത​ൽ സ​മ​യം ചെ​ല​വ​ഴി​ക്കു​ന്ന​തെ​ന്ന​താ​ണു യാ​ഥാ​ർ​ഥ്യം. ക​ഴി​ഞ്ഞ ദി​വ​സ​ങ്ങ​ളി​ൽ നാ​ട്ടി​ൽ ന​ട​ന്ന സം​ഭ​വ​ങ്ങ​ള്‍ ഇ​തി​ലേ​ക്കാ​ണ് വി​ര​ൽ ചൂ​ണ്ടു​ന്ന​ത്.

ഓ​ണ്‍​ലൈ​ന്‍ ഗെ​യിം ക​ളി​ച്ചു പ​ണം ന​ഷ്ട​പ്പെ​ട്ട​ത​റി​ഞ്ഞ് വീ​ട്ടു​കാ​ര്‍ വ​ഴ​ക്കു പ​റ​ഞ്ഞ​തി​ന്‍റെ മ​നോ​വി​ഷ​മ​ത്തി​ല്‍ വീ​ടു​വി​ട്ടി​റ​ങ്ങി​യ ആ​കാ​ശ് എ​ന്ന പ​തി​നാ​ലു​കാ​ര​നെ കു​ള​ത്തി​ല്‍ മ​രി​ച്ച​നി​ല​യി​ല്‍ ക​ണ്ടെ​ത്തി​യ​ത് ഇ​രി​ങ്ങാ​ല​ക്കു​ട​യി​ലാ​ണ്. ഗെ​യിം ക​ളി​ച്ച് 5,000 രൂ​പ​യാ​ണ് കു​ട്ടി​യ്ക്കു ന​ഷ്ട​പ്പെ​ട്ട​ത്.

ചി​റ​യി​ന്‍​കീ​ഴ് സ്വ​ദേ​ശി സാ​ബി​ത് എ​ന്ന പ​തി​നാ​ലു​കാ​ര​ൻ വീ​ടി​നു​ള്ളി​ല്‍ തൂ​ങ്ങി​മ​രി​ച്ച​തി​നു പി​ന്നി​ലും ഓ​ണ്‍​ലൈ​ന്‍ ഗെ​യിം ​ത​ന്നെ​യാ​ണെ​ന്നാ​ണ് പോ​ലീ​സി​ന്‍റെ നി​ഗ​മ​നം. സാ​ബി​തി​ന്‍റെ മൊ​ബൈ​ല്‍ ഫോ​ണ്‍ പോ​ലീ​സ് പ​രി​ശോ​ധി​ച്ച​പ്പോ​ൾ വി​വി​ധ ഓ​ണ്‍​ലൈ​ന്‍ ഗെ​യി​മു​ക​ള്‍ ര​ഹ​സ്യ പാ​സ്‌വേ​ഡ് ഉ​പ​യോ​ഗി​ച്ച് ലോ​ക് ചെ​യ്തി​രു​ന്ന​താ​യി ക​ണ്ടെ​ത്തി​യി​രു​ന്നു.

ഇ​ത്ത​രം അ​പ​ക​ട​ങ്ങ​ളി​ല്‍​നി​ന്നു കു​ട്ടി​ക​ളെ എ​ങ്ങ​നെ ര​ക്ഷി​ക്കാ​മെ​ന്ന​തി​നെ​ക്കു​റി​ച്ചു വി​ദ​ഗ്ധ​ര്‍ സം​സാ​രി​ക്കു​ന്നു.

മാ​താ​പി​താ​ക്ക​ളോ​ട് എ​ന്തും തു​റ​ന്നു പ​റ​യാ​നാ​ക​ണം

റി​മ ജോ​സ്
(ക്ലി​നി​ക്ക​ല്‍ സൈ​ക്കോ​ള​ജി​സ്റ്റ്, ചി​ല്‍​ഡ്ര​ന്‍ ആ​ന്‍​ഡ് പോ​ലീ​സ് ഹൗ​സ് (ക്യാ​പ് ഹൗ​സ്) , തി​രു​വ​ന​ന്ത​പു​രം)

കോ​വി​ഡ് പ്ര​തി​സ​ന്ധി​യെ​ത്തു​ട​ര്‍​ന്ന് വി​ദ്യാ​ര്‍​ഥി​ക​ള്‍​ക്ക് അ​വ​ശ്യ​മാ​യി മാ​റി​യ ഓ​ണ്‍​ലൈ​ന്‍ ഉ​പ​യോ​ഗം കോ​വി​ഡ് മാ​റി​യാ​ലും മു​ന്നോ​ട്ടു​ത​ന്നെ പോ​കും. കു​ട്ടി​ക​ളെ​പ്പോ​ലെ​ത​ന്നെ മാ​താ​പി​താ​ക്ക​ളും ഏ​റെ​ക്കു​റെ മൊ​ബൈ​ല്‍ ഉ​പ​യോ​ഗ​ത്തി​ല്‍ സ​ന്തോ​ഷം ക​ണ്ടെ​ത്തു​ന്ന​വ​രാ​ണ്. മാ​താ​പി​താ​ക്ക​ള്‍ കു​ട്ടി​ക​ള്‍​ക്ക് മാ​തൃ​ക​യാ​ക​ണം. കു​ടും​ബാം​ഗ​ങ്ങ​ള്‍ ഒ​ന്നി​ച്ചു​ള്ള സ​മ​യ​ങ്ങ​ളി​ല്‍ മൊ​ബൈ​ല്‍ ഉ​പ​യോ​ഗം കു​റ​ച്ച് സ​ന്തോ​ഷ​ക​ര​മാ​യ കു​ടും​ബാ​ന്ത​രീ​ക്ഷം ഉ​ണ്ടാ​ക്കാ​ന്‍ ശ്ര​മി​ക്ക​ണം. കു​ഞ്ഞു​ങ്ങ​ള്‍​ക്ക് എ​ന്തു പ്ര​ശ്‌​ന​മു​ണ്ടാ​യാ​ലും അ​ത് മാ​താ​പി​താ​ക്ക​ളോ​ട് തു​റ​ന്നു​പ​റ​യാ​ന്‍ ക​ഴി​യ​ണം. ഓ​ണ്‍​ലൈ​ന്‍ ഗെ​യി​മു​ക​ളു​ടെ ച​തി​യി​ൽ​പ്പെ​ട്ട് എ​ന്തു​ചെ​യ്യ​ണ​മെ​ന്ന​റി​യാ​തെ വി​ഷ​മി​ക്കു​ന്ന കു​ട്ടി​ക​ള്‍ മാ​താ​പി​താ​ക്ക​ളോ​ട് ഇ​ക്കാ​ര്യം തു​റ​ന്നു പ​റ​ഞ്ഞാ​ലു​ണ്ടാ​കു​ന്ന അ​ന​ന്ത​ര​ഫ​ല​ത്തെ​യോ​ര്‍​ത്താ​ണ് മ​ര​ണ​ത്തി​ല്‍ അ​ഭ​യം തേ​ടു​ന്ന​ത്. മു​ഴു​വ​ന്‍ സ​മ​യ​വും ഫോ​ണ്‍ മാ​റ്റി​വ​യ്ക്ക​ണ​മെ​ന്ന് പ​റ​യാ​ന്‍ ക​ഴി​യി​ല്ല. അ​തി​നാ​ല്‍​ത്ത​ന്നെ വി​വേ​ക​പൂ​ര്‍​ണ​മാ​യി ഫോ​ണ്‍ ഉ​പ​യോ​ഗി​ക്കാ​ന്‍ കു​ഞ്ഞു​ങ്ങ​ളെ പ​ഠി​പ്പി​ക്ക​ണം.

കു​ടും​ബ​ത്തി​ല്‍ സ​ന്തോ​ഷം ഉ​ണ്ടാ​ക​ണം

ഡോ. ​പി.​എം. ചാ​ക്കോ
(പ്രി​ന്‍​സി​പ്പ​ൽ, സെ​ന്‍റ് ബെ​ര്‍​ക്കു​മാ​ന്‍​സ് ഇ​ന്‍​സ്റ്റി​റ്റ്യൂ​ട്ട് ഓ​ഫ് കൗ​ണ്‍​സ​ലിം​ഗ് ആ​ന്‍​ഡ് സൈ​ക്കോ​തെ​റാ​പ്പി, പാ​ലാ.)

അ​ഡി​ക്‌ഷന്‍ ഡി​സ്ട്രാ​ക്‌ഷന്‍ ആ​ണെ​ന്നാ​ണ് പ​റ​യു​ന്ന​ത്. ഡി​സ്ട്രാ​ക്‌ഷന്‍ അ​ല്ല, അ​തൊ​രു ഉത്തേജനം ‍ ആ​ണ്. ഇ​ഷ്ട​മു​ള്ള കാ​ര്യം ചെ​യ്യു​മ്പോ​ള്‍ ന​മ്മു​ടെ ശ​രീ​ര​ത്തി​ലെ സ​ന്തോ​ഷ​ദാ​യ​ക​മാ​യ ഹോ​ര്‍​മോ​ണാ​യ ഡോപ്പാ​മൈ​ന്‍ ത​ല​ച്ചോ​റി​ല്‍ ഉ​ത്പാ​ദി​പ്പി​ക്ക​പ്പെ​ടും. സ​ന്തോ​ഷാ​വ​സ്ഥ ഉ​ണ്ടാ​കു​മ്പോ​ള്‍ വീ​ണ്ടും വീ​ണ്ടും ഇ​ത് ആ​വ​ര്‍​ത്തി​ക്ക​പ്പെ​ടും.

പ്ര​ശ്‌​ന​ങ്ങ​ളു​ള്ള കു​ട്ടി​ക​ള്‍, മാ​ന​സി​ക വി​ഷ​മം അ​നു​ഭ​വി​ക്കു​ന്ന​വ​ര്‍, പ​ഠ​ന​ത്തി​ല്‍ പി​ന്നാ​ക്കാ​വ​സ്ഥ​യി​ലു​ള്ള​വ​രൊ​ക്കെ ഓ​ണ്‍​ലൈ​ന്‍ ഗെ​യിം പോ​ലു​ള്ള ഉത്തേജനം തേ​ടി​പ്പോ​കും. കു​ട്ടി​ക​ള്‍​ക്ക് മാ​ന​സി​ക പ്ര​ശ്‌​ന​ങ്ങ​ളോ വൈ​ക​ല്യ​ങ്ങ​ളോ ഉ​ണ്ടോ​യെ​ന്നാ​ണ് ആ​ദ്യം ക​ണ്ടു​പി​ടി​ക്കേ​ണ്ട​ത്. മോ​ട്ടി​വേ​ഷ​ന്‍റെ കു​റ​വു​ണ്ടോ​യെ​ന്നും നോ​ക്ക​ണം. പ​ഠി​ച്ചു വ​ലി​യ ജോ​ലി കി​ട്ടു​മ്പോ​ള്‍ കി​ട്ടു​ന്ന മ​ധു​രം മൊ​ബൈ​ല്‍ ഗെ​യിം ക​ളി​ക്കു​ന്ന​തി​നെ​ക്കാ​ള്‍ വ​ലി​യ സ​ന്തോ​ഷം ന​ല്‍​കു​ന്ന​താ​ണെ​ന്ന ചി​ന്ത കു​ഞ്ഞു​ങ്ങ​ളില്‍ വ​ള​ര്‍​ത്തി​യെ​ടു​ക്കണം.

ചെ​റു​പ്പ​ത്തി​ലേ നി​യ​ന്ത്രി​ക്ക​ണം


ധ​ന്യ മേ​നോ​ന്‍
(സൈ​ബ​ര്‍ ക്രൈം ​ഇ​ന്‍​വെ​സ്റ്റി​ഗേ​റ്റ​ര്‍)

കു​ട്ടി​ക​ള്‍​ക്ക് മൊ​ബൈ​ല്‍ ഫോ​ണ്‍ ന​ല്‍​കു​മ്പോ​ള്‍ അ​തി​നു പി​ന്നി​ല്‍ ച​തി​ക്കു​ഴി ഒ​ളി​ഞ്ഞി​രി​പ്പു​ണ്ടെ​ന്ന കാ​ര്യം മാ​താ​പി​താ​ക്ക​ള്‍ ഉ​ള്‍​ക്കൊ​ള്ള​ണം. കു​ട്ടി മൊ​ബൈ​ല്‍ ഫോ​ണി​ന് അ​ടി​മ​യാ​ണെ​ന്ന് തു​ട​ക്ക​ത്തി​ല്‍​ത​ന്നെ മ​ന​സി​ലാ​യാ​ല്‍ കൗ​ണ്‍​സ​ലിം​ഗ് കൊ​ടു​ക്കാം. മൊ​ബൈ​ല്‍ ഉ​പ​യോ​ഗം നി​യ​ന്ത്ര​ണാ​തീ​തം ആ​യാ​ല്‍ ഒ​ന്നും ചെ​യ്യാ​നാ​കി​ല്ലെ​ന്ന വ​സ്തു​ത മാ​താ​പി​താ​ക്ക​ള്‍ മ​റ​ക്ക​രു​ത്. അ​തി​നാ​ല്‍​ത​ന്നെ കു​ട്ടി​യാ​യി​രി​ക്കു​മ്പോ​ള്‍​ത​ന്നെ മൊ​ബൈ​ല്‍ ഫോ​ണ്‍ ഉ​പ​യോ​ഗ​ത്തി​ല്‍ നി​യ​ന്ത്ര​ണം ഏ​ര്‍​പ്പെ​ടു​ത്താ​ന്‍ ശ്ര​ദ്ധി​ക്ക​ണം.


ഓ​ണ്‍​ലൈ​ന്‍ ക്ലാ​സി​ന്‍റെ ബാ​ക്കി​പ​ത്രം

നി​ഷി​ത മോ​ഹ​ന്‍​ദാ​സ്
(ക​ണ്‍​സ​ള്‍​ട്ട​ന്‍റ് സൈ​ക്കോ​ള​ജി​സ്റ്റ് പ​ര​വൂ​ര്‍, കൊ​ല്ലം.)

അ​മി​ത​മാ​യു​ള്ള സ്മാ​ര്‍​ട്ട്ഫോ​ണ്‍ ഉ​പ​യോ​ഗം ഓ​ണ്‍​ലൈ​ന്‍ ക്ലാ​സി​ന്‍റെ ബാ​ക്കി​പ​ത്ര​മാ​ണ്. ക്ലാ​സു​ക​ള്‍ അ​വ​സാ​നി​ച്ച​ശേ​ഷ​വും നോ​ട്സ് എ​ഴു​താ​നും ക്ലാ​സ് വീ​ഡി​യോ കാ​ണാ​നു​മാ​യി ഉ​പ​യോ​ഗി​ക്കു​ന്ന ഫോ​ണ്‍ പി​ന്നീ​ട് മ​റ്റ് അ​നാ​വ​ശ്യ​കാ​ര്യ​ങ്ങ​ള്‍​ക്കാ​യി അ​മി​ത​മാ​യി ഉ​പയോ​ഗി​ക്കു​ന്നു. വാ​ട്സ്ആ​പ്പ്, ഫേ​സ്ബു​ക്ക്, ഇ​ന്‍​സ്റ്റ​ഗ്രാം എ​ന്നി​ങ്ങ​നെ നീ​ളു​ന്നു ഉ​പ​യോ​ഗം. കൂ​ട്ടു​കാ​രെ നേ​രി​ല്‍ കാ​ണാ​തെ ഇ​രി​ക്കു​ന്ന​തി​നാ​ല്‍ ഇ​ത്ത​രം പ്ലാ​റ്റ്ഫോ​മു​ക​ള്‍ വ​ഴി കാ​ണു​ന്ന​തി​ലും സൗ​ഹൃ​ദം നി​ല​നി​ര്‍​ത്തു​ന്ന​തി​ലും തെ​റ്റി​ല്ല. എ​ന്നാ​ല്‍ ഒ​രു​പ​രി​ധി​ക്ക​പ്പു​റം ഇ​തി​ന് അ​ടി​മ​പ്പെ​ട്ട് പോ​കു​ന്ന പ്ര​വ​ണ​ത​യാ​ണ് ഇ​പ്പോ​ള്‍ അ​ധി​ക​മാ​യി കാ​ണു​ന്ന​ത്.

ഇ​രി​ക്കു​മ്പോ​ഴും ക​ഴി​ക്കു​മ്പോ​ഴും കി​ട​ക്കു​മ്പോ​ഴും മൊ​ബൈ​ല്‍ ഇ​ല്ലാ​തെ പ​റ്റി​ല്ലാ​യെ​ന്ന അ​വ​സ്ഥ​യി​ലു​ള്ള കു​ട്ടി​ക​ളു​മാ​യി വ​രു​ന്ന മാ​താ​പി​താ​ക്ക​ളെ​യാ​ണ് കൗ​ണ്‍​സ​ലിം​ഗി​ല്‍ കാ​ണാ​ന്‍ ഇ​ട​യാ​കു​ന്ന​ത്. ഇ​ത്ത​രം ശീ​ല​ങ്ങ​ള്‍ കാ​ര​ണം കു​ട്ടി​ക​ള്‍ മാ​താ​പി​താ​ക്ക​ളു​മാ​യി സ​ഹ​ക​രി​ക്കു​ന്ന​തി​ല്‍ ഗ​ണ്യ​മാ​യി കു​റ​വു​ണ്ടാ​കു​ന്നു.

ഒ​ന്നി​നോ​ടും ഒ​രു താ​ത്പ​ര്യ​മി​ല്ലാ​തെ, ഉ​ത്ത​ര​വാ​ദി​ത്വ​മി​ല്ലാ​തെ അ​ല​സ​രാ​യി മാ​റു​ന്നു. സ​മ​യ​ത്ത് ആ​ഹാ​രം ക​ഴി​ക്കാ​തെ​യും കു​ളി​ക്കാ​തെ​യും ഉ​റ​ങ്ങാ​തെ​യും കു​ട്ടി​ക​ളി​ലെ ജീ​വി​ത​രീ​തി​ക​ളി​ല്‍​ത്ത​ന്നെ അ​നാ​രോ​ഗ്യ​ക​ര​മാ​യ മാ​റ്റ​ങ്ങ​ള്‍ ഉ​ണ്ടാ​കു​ന്നു. ഇ​തി​ന്‍റെ പേ​രി​ല്‍ കു​ട്ടി​ക​ളും മാ​താ​പി​താ​ക്ക​ളു​മാ​യി വ​ലി​യ വ​ഴ​ക്കു​ക​ള്‍ വ​രെ സം​ഭ​വി​ക്കു​ന്നു. മൊ​ബൈ​ല്‍ ഉ​പ​യോ​ഗം ഒ​രു അ​ഡി​ക്‌ഷനാ​യി മാ​റി​ക്ക​ഴി​ഞ്ഞാ​ല്‍ പി​ന്നെ ഇ​വ​രി​ല്‍​നി​ന്ന് ഫോ​ണ്‍ മാ​റ്റി​വ​യ്ക്കു​മ്പോ​ള്‍ അ​മി​ത​മാ​യ ദേ​ഷ്യ​വും അ​മ​ര്‍​ഷ​വും പ്ര​ക​ട​മാ​കും. ചി​ല സാ​ഹ​ച​ര്യ​ങ്ങ​ളി​ല്‍ ഇ​വ​ര്‍ അ​ക്ര​മാ​സ​ക്ത​രാ​യി മാ​റു​ന്ന​തും കാ​ണാം.

മാ​താ​പി​താ​ക്ക​ളേ ഇ​തു ശ്ര​ദ്ധി​ക്കാം

കൊ​ച്ചു​കു​ട്ടി​യാ​യാ​ലും മു​തി​ര്‍​ന്ന​വ​ര്‍ ആ​യാ​ലും വീ​ട്ടി​ലു​ള​ള​വ​ര്‍​ക്ക് എ​പ്പോ​ഴും ശ്ര​ദ്ധി​ക്കാ​ന്‍ പ​റ്റു​ന്ന സ്ഥ​ല​ത്തി​രു​ന്നു ഫോ​ണ്‍ ഉ​പ​യോ​ഗി​ക്കാ​ന്‍ പ​റ​യ​ണം. അ​വ​ര്‍ എ​ന്താ​ണ് മൊ​ബൈ​ലി​ല്‍ കാ​ണു​ന്ന​തെ​ന്ന് മു​തി​ര്‍​ന്ന​വ​ര്‍ അ​റി​ഞ്ഞി​രി​ക്ക​ണം. മു​റി​ക്കു​ള്ളി​ല്‍ അ​ട​ച്ചി​രു​ന്നു​ള്ള മൊ​ബൈ​ല്‍ ഉ​പ​യോ​ഗം ക​ര്‍​ശ​ന​മാ​യി വി​ല​ക്കു​ക.

മു​തി​ര്‍​ന്ന​വ​രു​ടെ മൊ​ബൈ​ല്‍ ഉ​പ​യോ​ഗം മ​ക്ക​ള്‍ ശ്ര​ദ്ധി​ക്കു​മെ​ന്ന​ത് മ​റ​ക്ക​രു​ത്. അ​വ​രെ ശ്ര​ദ്ധി​ക്ക​ണ​മെ​ന്ന് പ​റ​യു​മ്പോ​ഴും കു​ഞ്ഞി​നെ സം​ശ​യ​ത്തോ​ടെ നോ​ക്കി​ക്കാ​ണ​രു​ത്. അ​ത് അ​വ​രി​ല്‍ ദേ​ഷ്യം ഉ​ള​വാ​ക്കാ​നാ​യി മാ​ത്ര​മേ സ​ഹാ​യി​ക്കൂ. മു​തി​ര്‍​ന്ന​വ​ര്‍​ക്ക് സ​മാ​ധാ​ന​മാ​യി​രി​ക്കാ​ന്‍​വേ​ണ്ടി മ​ക്ക​ള്‍​ക്ക് മൊ​ബൈ​ല്‍ ഉ​പ​യോ​ഗി​ക്കാ​ന്‍ കൊ​ടു​ക്കു​ന്ന പ്ര​വ​ണ​ത തെ​റ്റാ​ണ്. ഭാ​വി​യി​ല്‍ അ​വ​ര്‍​ക്ക് നി​ങ്ങ​ളേ​ക്കാ​ള്‍ പ്രാ​ധാ​ന്യം മൊ​ബൈ​ലി​നോ​ടാ​കും.

മൊ​ബൈ​ല്‍ ഉ​പ​യോ​ഗ​ത്തി​ന് കൃ​ത്യ​മാ​യ സ​മ​യ​പ​രി​ധി വ​യ്ക്കണം. ദി​വ​സ​വും ര​ണ്ടു​മ​ണി​ക്കൂ​ര്‍ ക​ളി​ക്കു​ന്ന​തി​നും സോ​ഷ്യ​ല്‍​മീ​ഡി​യ​യി​ല്‍ ചെ​ല​വ​ഴി​ക്കു​ന്ന​തി​നു​മാ​യി മാ​റ്റി​വ​യ്ക്കാം. അ​ത് എ​പ്പോ​ഴൊ​ക്കെ വേ​ണ​മെ​ന്ന് മാ​താ​പി​താ​ക്ക​ളും കു​ട്ടി​ക​ളും ച​ര്‍​ച്ച ചെ​യ്ത് തീ​രു​മാ​നി​ക്കു​ക. അ​ത് കൃ​ത്യ​മാ​യി പാ​ലി​ക്കു​ന്നു​ണ്ടോ എ​ന്ന​തു മാ​താ​പി​താ​ക്ക​ള്‍ ഉ​റ​പ്പു​വ​രു​ത്തേ​ണ്ട​താ​ണ്. പ​റ​ഞ്ഞ സ​മ​യ​പ​രി​ധി​ക്ക​പ്പു​റം മൊ​ബൈ​ല്‍ ഫോ​ണ്‍ ഉ​പ​യോ​ഗി​ച്ചാ​ല്‍ ഏ​ര്‍​പ്പെ​ടു​ത്തി​യ സ​മ​യം വീ​ണ്ടും കു​റ​യ്ക്കു​ക.

കൊ​ച്ചു​കു​ട്ടി​ക​ളി​ല്‍ ഇ​ത്ത​രം അ​ച്ച​ട​ക്ക മു​റ​ക​ള്‍ പ്രാ​വ​ര്‍​ത്തി​ക​മാ​കു​മെ​ങ്കി​ലും കൗ​മാ​ര​ക്കാ​രാ​യ​വ​രി​ല്‍ അ​ത് വി​ജ​യി​ക്ക​ണ​മെ​ന്നി​ല്ല. അ​വ​രെ കാ​ര്യ​ങ്ങ​ള്‍ പ​റ​ഞ്ഞ് മ​ന​സി​ലാ​ക്കാ​ന്‍ ശ്ര​മി​ക്കു​ക. മാ​താ​പി​താ​ക്ക​ള്‍ ഇ​ത്ത​രം നി​ബ​ന്ധ​ന​ക​ള്‍ എ​ന്തി​നാ​ണ് ഏ​ര്‍​പ്പെ​ടു​ത്തു​ന്ന​തെ​ന്നും നി​ങ്ങ​ളു​ടെ ഉ​ള​ളി​ലെ ഉ​ത്ക​ണ്ഠ എ​ന്താ​ണെ​ന്നും സ്നേ​ഹ​പൂ​ര്‍​വം അ​വ​രോ​ട് തു​റ​ന്നു​പ​റ​യ​ണം. ഒ​രു പ​രി​ധി​വ​രെ അ​വ​ര​ത് മ​ന​സി​ലാ​ക്കു​ക​യും അ​നു​സ​രി​ക്കു​ക​യും ചെ​യ്യും.

സീ​മ മോ​ഹ​ന്‍​ലാ​ല്‍

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.