ഹൈ​ദാ​ബാ​ദി​ലെ ഓ​ൾ സെ​യി​ന്‍റ്സ് ഹൈ​സ്കൂ​ളി​ൽ പ​ത്താം ക്ലാ​സ് വ​രെ പ​ഠി​ച്ചു. പി​ന്നീ​ട് 1969ലെ ​തെ​ലു​ങ്കാ​ന പ്ര​ക്ഷോ​ഭ​ത്തി​നി​ടെ ഡ​ൽ​ഹി​യി​ലെ​ത്തി. തു​ട​ർ​ന്ന് ഡ​ൽ​ഹി​യി​ലെ പ്ര​സി​ഡ​ന്‍റ്സ് എ​സ്റ്റേ​റ്റ് സ്കൂ​ളി​ൽ ചേ​ർ​ന്ന യെ​ച്ചൂ​രി പ​ഠ​ന​ത്തി​ൽ ശ്ര​ദ്ധ കേ​ന്ദ്രീ​ക​രി​ച്ചു. ഹ​യ​ർ സെ​ക്ക​ൻ​ഡ​റി പ​രീ​ക്ഷ​യി​ൽ അ​ഖി​ലേ​ന്ത്യാ​ത​ല​ത്തി​ൽ ഒ​ന്നാം റാ​ങ്ക് ക​ര​സ്ഥ​മാ​ക്കി​യ​ശേ​ഷം ഡ​ൽ​ഹി സെ​ന്‍റ് സ്റ്റീ​ഫ​ൻ​സ് കോ​ള​ജി​ൽ സാ​ന്പ​ത്തി​ക ശാ​സ്ത്ര​ത്തി​ൽ ബി​എ ഓ​ണേ​ഴ്സ് ഒ​ന്നാം റാ​ങ്കും ജ​വ​ഹ​ർ​ലാ​ൽ നെ​ഹ്റു സ​ർ​വ​ക​ലാ​ശാ​ല​യി​ൽ​നി​ന്ന് സാ​ന്പ​ത്തി​ക ശാ​സ്ത്ര​ത്തി​ൽ എം​എ​യും സ്വ​ന്ത​മാ​ക്കി. ജെ​എ​ൻ​യു​വി​ൽ സാ​ന്പ​ത്തി​ക​ശാ​സ്ത്ര​ത്തി​ൽ പി​എ​ച്ച്ഡി​ക്കു ചേ​ർ​ന്നെ​ങ്കി​ലും അ​ടി​യ​ന്ത​രാ​വ​സ്ഥ​ക്കാ​ല​ത്ത് അ​റ​സ്റ്റ് ചെ​യ്യ​പ്പെ​ട്ടു.

തി​ള​ക്ക​മാ​ർ​ന്ന ജീ​വി​ത​യാ​ത്ര

1970ക​ളി​ൽ ജെ​എ​ൻ​യു വി​ദ്യാ​ർ​ഥി യൂ​ണി​യ​ന്‍റെ പ്ര​സി​ഡ​ന്‍റാ​യി​രു​ന്നു യെ​ച്ചൂ​രി. പ്ര​കാ​ശ് കാ​രാ​ട്ടി​നൊ​പ്പം ജെ​എ​ൻ​യു​വി​നെ ഇ​ട​തു​പ​ക്ഷ കോ​ട്ട​യാ​ക്കി മാ​റ്റി​യ​തി​ന് ഉ​ത്ത​ര​വാ​ദി അ​ദ്ദേ​ഹ​മാ​ണ്.

1974ൽ ​എ​സ്എ​ഫ്ഐ​യി​ൽ ചേ​ർ​ന്ന യെ​ച്ചൂ​രി സി​പി​എ​മ്മി​ൽ അം​ഗ​മാ​യി. എ​സ്. രാ​മ​ച​ന്ദ്ര​ൻ​പി​ള്ള, പ്ര​കാ​ശ് കാ​രാ​ട്ട്, സീ​താ​റാം യെ​ച്ചൂ​രി എ​ന്നി​വ​രെ സി​പി​എം കേ​ന്ദ്ര ഓ​ഫീ​സ് കേ​ന്ദ്രീ​ക​രി​ച്ചു പ്ര​വ​ർ​ത്തി​ക്കാ​ൻ നി​ർ​ദേ​ശി​ച്ച​ത് സാ​ക്ഷാ​ൽ ഇ​എം​എ​സ് ന​ന്പൂ​തി​രി​പ്പാ​ടാ​യി​രു​ന്നു. അ​ദ്ദേ​ഹ​ത്തി​നു തെ​റ്റി​യി​ല്ല. സി​പി​എ​മ്മി​ൽ അം​ഗ​മാ​യി പ​ത്തു വ​ർ​ഷം ക​ഴി​ഞ്ഞ​പ്പോ​ൾ 1984ൽ ​സി​പി​എ​മ്മി​ന്‍റെ കേ​ന്ദ്ര​ക​മ്മി​റ്റി​യി​ലേ​ക്ക് തെ​ര​ഞ്ഞെ​ടു​ക്ക​പ്പെ​ട്ടു. ഇ​തോ​ടെ യെ​ച്ചൂ​രി​യു​ടെ മി​ക​വ് കൂ​ടു​ത​ൽ പ്ര​ക​ട​മാ​യി.

1992ൽ ​പോ​ളി​റ്റ്ബ്യൂ​റോ അം​ഗ​മാ​യി. 2015 ഏ​പ്രി​ൽ 19 മു​ത​ൽ സി​പി​എം ദേ​ശീ​യ ജ​ന​റ​ൽ സെ​ക്ര​ട്ട​റി​യാ​ണ് സീ​താ​റാം യെ​ച്ചൂ​രി. പ​ശ്ചി​മ​ബം​ഗാ​ളി​ലും ത്രി​പു​ര​യി​ലും പാ​ർ​ട്ടി ത​ക​ർ​ച്ച നേ​രി​ടു​ക​യും ലോ​ക്സ​ഭ​യി​ൽ നി​ഷ്പ്ര​ഭ​മാ​കു​ക​യും ചെ​യ്ത പ്ര​തി​സ​ന്ധി​ഘ​ട്ട​ത്തി​ലാ​ണ് അ​ദ്ദേ​ഹം ചു​മ​ത​ല​യേ​റ്റ​ത്. കേ​ര​ള​ത്തി​ലും വി​ഭാ​ഗീ​യ​ത കൊ​ടി​കു​ത്തി വാ​ണി​രു​ന്ന കാ​ലം. സ്വ​ത​ന്ത്ര ക​ന്പോ​ള വി​ജ​യ​ത്തി​ന്‍റെ കാ​ല​ത്ത് ക്ഷ​യി​ച്ചു​പോ​കു​ന്ന രാ​ഷ്‌​ട്രീ​യ​പ്ര​സ്ഥാ​ന​ത്തെ​യും പ്ര​ത്യ​യ​ശാ​സ്ത്ര​ത്തെ​യും പു​ന​രു​ജ്ജീ​വി​പ്പി​ക്കു​ക എ​ന്ന ദൗ​ത്യം ഭാ​രി​ച്ച​താ​യി​രു​ന്നു.

രാ​ജ്യ​സ​ഭാം​ഗ​മെ​ന്ന നി​ല​യി​ലു​ള്ള യെ​ച്ചൂ​രി​യു​ടെ ര​ണ്ടാം ടേം 2017​ൽ അ​വ​സാ​നി​പ്പി​ച്ച​തി​ൽ പാ​ർ​ട്ടി​യി​ലെ സ​മ​വാ​ക്യ​ങ്ങ​ളും കാ​ര​ണ​മാ​യെ​ന്ന് പ​ല​രും ക​രു​തു​ന്നു. പാ​ർ​ല​മെ​ന്‍റി​ലെ ഇ​ട​തു​പ​ക്ഷ​ത്തി​ന്‍റെ ഏ​റ്റ​വും ക​രു​ത്ത​നാ​യ നേ​താ​വി​ന് പാ​ർ​ട്ടി ച​ട്ടം നോ​ക്കാ​തെ മൂ​ന്നാ​മ​തൊ​രു ടേം ​കൂ​ടി ന​ൽ​ക​ണ​മെ​ന്ന നി​ര​വ​ധി പ്ര​മു​ഖ​രു​ടെ അ​ഭ്യ​ർ​ഥ​ന​ക​ൾ പാ​ർ​ട്ടി​നേ​തൃ​ത്വം ത​ള്ളി​യ​തി​ൽ നി​രാ​ശ​നാ​യി​രു​ന്നെ​ങ്കി​ലും ഒ​രി​ക്ക​ലും പാ​ർ​ട്ടി ലൈ​ൻ വി​ട്ടു സം​സാ​രി​ച്ചി​ല്ല.

ആ​ണ​വ​ക​രാ​റി​ലെ വ്യ​ത്യ​സ്ത​ൻ

വ​ല​തു​പ​ക്ഷ​ത്തെ അ​ധി​കാ​ര​ത്തി​ൽ​നി​ന്ന് അ​ക​റ്റി​നി​ർ​ത്താ​നു​ള്ള ത​ന്ത്ര​ങ്ങ​ളു​ടെ ഭാ​ഗ​മാ​യി​രു​ന്നു 1996ലെ ​ഐ​ക്യ​മു​ന്ന​ണി സ​ർ​ക്കാ​ർ രൂ​പവത്ക​ര​ണം. യെ​ച്ചൂ​രി​യും പി. ​ചി​ദം​ബ​ര​വും ചേ​ർ​ന്നാ​ണ് അ​ന്ന​ത്തെ ഐ​ക്യ​മു​ന്ന​ണി സ​ർ​ക്കാ​രി​ന്‍റെ പൊ​തു​മി​നി​മം പ​രി​പാ​ടി​യു​ടെ ക​ര​ട് ത​യാ​റാ​ക്കി​യ​ത്.

2014ൽ ​കോ​ണ്‍ഗ്ര​സ് നേ​തൃ​ത്വ​ത്തി​ലു​ള്ള ആ​ദ്യ യു​പി​എ സ​ർ​ക്കാ​രി​ന് സി​പി​എം പി​ന്തു​ണ ന​ൽ​കു​ന്ന​തി​ലും യെ​ച്ചൂ​രി നി​ർ​ണാ​യ​ക പ​ങ്ക് വ​ഹി​ച്ചു. അ​മേ​രി​ക്ക​യു​മാ​യു​ള്ള ആ​ണ​വ ക​രാ​റി​ന്‍റെ പേ​രി​ൽ ഡോ. ​മ​ൻ​മോ​ഹ​ൻ സിം​ഗി​ന്‍റെ ആ​ദ്യ​സ​ർ​ക്കാ​രി​ന് സി​പി​എം പു​റ​ത്തു​നി​ന്നു ന​ൽ​കി​യി​രു​ന്ന പി​ന്തു​ണ പി​ൻ​വ​ലി​ക്കാ​നു​ള്ള പ്ര​കാ​ശ് കാ​രാ​ട്ട് അ​ട​ക്ക​മു​ള്ള നേ​തൃ​ത്വ​ത്തി​ന്‍റെ ക​ർ​ശ​ന തീ​രു​മാ​ന​ത്തോ​ട് പാ​ർ​ട്ടി​ക്കു​ള്ളി​ൽ വി​യോ​ജി​ക്കു​ക​യും ചെ​യ്തു.

എ​ങ്കി​ലും പാ​ർ​ല​മെ​ന്‍റി​ൽ സി​പി​എ​മ്മി​ന്‍റെ ന​യ​ത്തി​ന​നു​സ​രി​ച്ച് ഉ​ജ്വ​ല പ്ര​സം​ഗ​മാ​ണ് അ​ദ്ദേ​ഹം ന​ട​ത്തി​യ​ത്. സ്വ​ത​ന്ത്ര വി​ദേ​ശ​ന​യം എ​ന്ന ആ​ശ​യ​ത്തെ ലം​ഘി​ക്കു​ന്ന​താ​ണ് ഇ​ന്ത്യ-​യു​എ​സ് ആ​ണ​വ ക​രാ​റി​ന്‍റെ വ്യ​വ​സ്ഥ​ക​ളെ​ന്ന് അ​ദ്ദേ​ഹം വാ​ദി​ച്ചു. യു​പി​എ സ​ർ​ക്കാ​രി​നു​ള്ള പി​ന്തു​ണ പി​ൻ​വ​ലി​ച്ച ന​ട​പ​ടി​യി​ൽ ത​നി​ക്ക് അ​തൃ​പ്തി​യും നി​സ​ഹാ​യ​ത​യും തോ​ന്നി​യെ​ന്ന് അ​ദ്ദേ​ഹം സു​ഹൃ​ത്തു​ക്ക​ളോ​ടു തു​റ​ന്നു​പ​റ​ഞ്ഞു.

ഏ​റ്റ​വും സ്വീ​കാ​ര്യ​നാ​യ ക​മ്യൂ​ണി​സ്റ്റ്

ന​മ്മ​ൾ ജ​നി​ച്ച ഇ​ന്ത്യ​യെ​ന്ന രാ​ജ്യം അ​തേ ഇ​ന്ത്യ​യാ​യി നി​ല​നി​ൽ​ക്കു​മെ​ന്ന് ഉ​റ​പ്പാ​ക്ക​ണ​മെ​ന്ന​താ​ണു പ്ര​ധാ​ന​മെ​ന്ന് യെ​ച്ചൂ​രി ആ​വ​ർ​ത്തി​ച്ചി​രു​ന്നു. ഇ​തി​നാ​യി ബി​ജെ​പി​ക്കെ​തി​രേ പ്ര​തി​പ​ക്ഷ പാ​ർ​ട്ടി​ക​ളു​ടെ സ​ഖ്യം അ​നി​വാ​ര്യ​മാ​ണെ​ന്ന് ഏ​റ്റ​വു​മൊ​ടു​വി​ൽ “ഇ​ന്ത്യ’’ സ​ഖ്യ​ത്തി​ന്‍റെ രൂ​പീ​ക​ര​ണ​കാ​ല​ത്ത് യെ​ച്ചൂ​രി പ​റ​ഞ്ഞു. ഭ​ര​ണ​ഘ​ട​ന​യി​ലും ഭ​ര​ണ​ഘ​ട​നാ​സ്ഥാ​പ​ന​ങ്ങ​ളി​ലും ജ​നാ​ധി​പ​ത്യ​ത്തി​ലും സ​ർ​ക്കാ​രി​ന്‍റെ എ​ല്ലാ മേ​ഖ​ല​ക​ളി​ലും ആ​ർ​എ​സ്എ​സി​ന്‍റെ ക​ട​ന്നു​ക​യ​റ്റം രാ​ജ്യ​ത്തി​ന്‍റെ നി​ല​നി​ൽ​പ്പി​നും സ​മാ​ധാ​ന​ത്തി​നും ഭീ​ഷ​ണി​യാ​ണെ​ന്ന് അ​ദ്ദേ​ഹം തു​റ​ന്ന​ടി​ച്ചു.

ബി​ജെ​പി​ക്കെ​തി​രേ കോ​ണ്‍ഗ്ര​സ് അ​ട​ക്ക​മു​ള്ള പ്ര​തി​പ​ക്ഷ​ പാ​ർ​ട്ടി​ക​ളു​ടെ ഐ​ക്യ​ത്തി​നാ​യി മു​ന്നി​ൽ നി​ന്ന ഏ​റ്റ​വും ശ​ക്ത​നാ​യ ക​മ്യൂ​ണി​സ്റ്റാ​യി​രു​ന്നു യെ​ച്ചൂ​രി. 1996ൽ ​കേ​ന്ദ്ര​ത്തി​ലെ ഐ​ക്യ​മു​ന്ന​ണി സ​ർ​ക്കാ​രി​ന്‍റെ​യും, 2004ലെ ​യു​പി​എ സ​ർ​ക്കാ​രി​ന്‍റെ​യും ഏ​റ്റ​വു​മൊ​ടു​വി​ൽ പ്ര​തി​പ​ക്ഷ പാ​ർ​ട്ടി​ക​ളു​ടെ"ഇ​ന്ത്യ' സ​ഖ്യ​ത്തി​ന്‍റെ​യും പ്ര​ധാ​ന പ്രേ​ര​ക​ശ​ക്തി​യാ​യി​രു​ന്നു സീ​താ​റാം യെ​ച്ചൂ​രി. സോ​ണി​യ ഗാ​ന്ധി​യു​മാ​യി ഏ​റെ അ​ടു​പ്പം കാ​ത്തു​സൂ​ക്ഷി​ച്ച യെ​ച്ചൂ​രി​ക്ക് രാ​ഹു​ൽ ഗാ​ന്ധി​യു​മാ​യി സ്നേ​ഹ​ബ​ന്ധം സ്ഥാ​പി​ക്കാ​നും പ്ര​യാ​സ​മു​ണ്ടാ​യി​ല്ല. ബി​ജെ​പി ഇ​ത​ര പാ​ർ​ട്ടി​ക​ളി​ലെ എ​ല്ലാ നേ​താ​ക്ക​ൾ​ക്കും യെ​ച്ചൂ​രി വ​ള​രെ​യ​ടു​ത്ത സു​ഹൃ​ത്താ​യി​രു​ന്നു. പ്ര​തി​പ​ക്ഷ​ത്തെ അ​ഭി​പ്രാ​യ​ഭി​ന്ന​ത​ക​ൾ പ​രി​ഹ​രി​ക്കു​ന്ന​തി​ലെ മു​ന്പ​നു​മാ​യി. യെ​ച്ചൂ​രി​യു​ടെ അ​ഭി​പ്രാ​യ​ങ്ങ​ളെ ഭ​ര​ണ​പ​ക്ഷ​വും പ്ര​തി​പ​ക്ഷ​വും വി​ല​മ​തി​ച്ചി​രു​ന്നു.

സീ​താ​റാം യെ​ച്ചൂ​രി​ക്കു പ​ക​ര​ക്കാ​ര​ൻ ഉ​ണ്ടാ​കി​ല്ല. യെ​ച്ചൂ​രി​യെ​പ്പോ​ലു​ള്ള ന​ല്ല നേ​താ​ക്ക​ൾ ഇ​ന്ത്യ​ക്ക് ആ​വ​ശ്യ​മാ​ണ്. ഒ​രു​മി​ച്ചു യാ​ത്ര ചെ​യ്യു​ക​യും താ​മ​സി​ക്കു​ക​യും ഡ​ൽ​ഹി​യി​ലും കേ​ര​ള​ത്തി​ലും യെ​ച്ചൂ​രി​യു​മാ​യി മ​ണി​ക്കൂ​റു​ക​ളോ​ളം സം​സാ​രി​ച്ചി​രി​ക്കു​ക​യും ചെ​യ്ത ഓ​ർ​മ​ക​ളാ​ണ് ഉ​ള്ളി​ൽ തേ​ങ്ങ​ലു​ണ്ടാ​ക്കു​ന്ന​ത്. ര​ണ്ടു പ​തി​റ്റാ​ണ്ടി​ലേ​റെ വ​ള​രെ വ്യ​ക്തി​ബ​ന്ധ​ങ്ങ​ളു​ണ്ടാ​യി​രു​ന്ന പ്രി​യ​സു​ഹൃ​ത്താ​യി​രു​ന്നു. ഇ​ന്ത്യ ക​ണ്ട ഏ​റ്റ​വും സ്വീ​കാ​ര്യ​നാ​യ ക​മ്യൂ​ണി​സ്റ്റ് നേ​താ​വാ​യ സീ​താ​റാം യെ​ച്ചൂ​രി​ക്കു പ്ര​ണാ​മം.