ഫ്ള​ക്സ് വി​പ്ല​വം അ​തി​രു​ക​ട​ന്നു; ഒടുവിൽ ബോ​ർ​ഡു​ക​ൾ പോ​ലീ​സ് "അ​തി​രുക​ട​ത്തി'
Wednesday, June 22, 2022 11:31 PM IST
വി​ഴി​ഞ്ഞം: കാ​ഞ്ഞി​രം​കു​ള​ത്ത് രാ​ഷ്ട്രീ​യ പാ​ർ​ട്ടി​ക​ളു​ടെ ഫ്ല​ക്സ് വി​പ്ല​വം അ​തി​രു​ക​ട​ന്നു. ഫ്ല​ക്സ് ബോ​ർ​ഡി​നെ ചൊ​ല്ലി പാ​ർ​ട്ടി​ക​ൾ ത​മ്മി​ൽ ത​ർ​ക്ക​ത്തി​ലെ​ത്തി​യ​ത് സം​ഘ​ർ​ഷ​ത്തി​ന്‍റെ വ​ക്കി​ൽ എ​ത്തി​യ​തോ​ടെ ന​ട​പ​ടി​യു​മാ​യി പോ​ലീ​സും പ​ഞ്ചാ​യ​ത്ത​ധി​കൃ​ത​രും രം​ഗ​ത്തി​റ​ങ്ങി. ബോ​ർ​ഡു​ക​ളെ​ല്ലാം പോ​ലീ​സ് ത​ന്നെ നീ​ക്കം ചെ​യ്യു​ക​യും ചെ​യ്തു.

എ​ൽ​ഡി​എ​ഫും യു​ഡി​എ​ഫും മു​ഖ്യ​മ​ന്ത്രി​യെ അ​നു​കൂ​ലി​ച്ചും പ്ര​തി​കൂ​ലി​ച്ചും ഫ്ല​ക്സ് ബോ​ർ​ഡു​ക​ൾ വ​ച്ചു തു​ട​ങ്ങി​യ​തോ​ടെ​യാ​ണ് പ്ര​ശ്ന​ങ്ങ​ൾ​ക്ക് തു​ട​ക്ക​മാ​യ​ത്. ‌ജം​ഗ്ഷ​നി​ലും മ​റ്റും വി​വി​ധ നേ​താ​ക്ക​ളു​ടെ അ​ശ്ലീ​ല കാ​ർ​ട്ടൂ​ണു​ക​ൾ അ​ട​ങ്ങി​യ ബോ​ർ​ഡു​ക​ളും സ്ഥ​ല​ത്തു സ്ഥാ​പി​ച്ച​തോ​ടെ പ്ര​ശ്നം രൂ​ക്ഷ​മാ​യി. പാ​ർ​ട്ടി പ്ര​വ​ർ​ത്ത​ക​ർ ചേ​രി​തി​രി​ഞ്ഞ് ത​ർ​ക്ക​മാ​യ​തോ​ടെ ബോ​ർ​ഡു​ക​ൾ എ​ത്ര​യും വേ​ഗം നീ​ക്ക​ണ​മെ​ന്നു കാ​ഞ്ഞി​രം​കു​ളം പോ​ലീ​സ് ഇ​രു​പാ​ർ​ട്ടി നേ​താ​ക്ക​ൾ​ക്കും നി​ർ​ദേ​ശം ന​ൽ​കി​യെ​ങ്കി​ലും ആ​രും ചെ​വി കൊ​ണ്ടി​ല്ല.

ഇ​തി​നി​ട​യി​ൽ ചൊ​വ്വാ​ഴ്ച രാ​ത്രി​യി​ൽ കൂ​റ്റ​ൻ ബോ​ർ​ഡു​ക​ളി​ൽ ഒ​ന്ന് സാ​മൂ​ഹ്യ വി​രു​ദ്ധ​ർ ത​ക​ർ​ത്ത​തോ​ടെ ത​ർ​ക്ക​ങ്ങ​ൾ സം​ഘ​ർ​ഷ​ത്തി​ന്‍റെ വ​ക്കി​ലെ​ത്തി. അ​തി​നി​ടെ, ബോ​ർ​ഡ് ത​ക​ർ​ത്ത​തി​നെ​തി​രെ എ​ൽ​ഡി​എ​ഫ് ഇ​ന്ന​ലെ വൈ​കു​ന്നേ​രം പ്ര​തി​ഷേ​ധ യോ​ഗ​വും സം​ഘ​ടി​പ്പി​ച്ചു.

ബോ​ർ​ഡ് ന​ശി​പ്പി​ച്ച​തി​നെ​തി​രെ പ​രാ​തി​യു​മാ​യി എ​ൽ​ഡി​എ​ഫ് പ്ര​വ​ർ​ത്ത​ക​ർ പോ​ലീ​സി​ൽ പ​രാ​തി ന​ൽ​കി. ഇ​തേ തു​ട​ർ​ന്ന് പോ​ലീ​സ് ന​ട​പ​ടി ആ​വ​ശ്യ​പ്പെ​ട്ട് കാ​ഞ്ഞി​രം​കു​ളം പ​ഞ്ചാ​യ​ത്തി​ന് നോ​ട്ടീ​സ് ന​ൽ​കു​ക​യും ഇ​ന്ന​ലെ ഉ​ച്ച​യോ​ടെ പോ​ലീ​സും പ​ഞ്ചാ​യ​ത്ത് അ​ധി​കൃ​ത​രും ചേ​ർ​ന്ന് ജം​ഗ്ഷ​നി​ലെ എ​ല്ലാ​ത്ത​രം ഫ്ല​ക്സ് ബോ​ർ​ഡു​ക​ളും നീ​ക്കം ചെ​യ്യു​ക​യു​മാ​യി​രു​ന്നു. ജം​ഗ്ഷ​നി​ൽ നി​ന്നു നീ​ക്കി​യ ഫ്ള​ക്സു​ക​ൾ പോ​ലീ​സ് സ്റ്റേ​ഷ​ൻ കോ​ന്പൗ​ണ്ടി​ലേ​ക്കു മാ​റ്റി.