സുൽത്താൻ ബത്തേരി: പൊതു മേഖലാ സ്ഥാപനമായ കിറ്റ്കോ ഏറ്റെടുത്ത സുൽത്താൻ ബത്തേരിയിലെ ഗസ്റ്റ് ഹൗസ് നിർമാണം 12 കൊല്ലങ്ങൾ കഴിഞ്ഞിട്ടും പൂർത്തിയാകാതെ കിടക്കുന്നത് പൊതുമേഖലാ സംവിധാനത്തിന് തന്നെ അപമാനകരമാണെന്ന് കേരളാ കോണ്ഗ്രസ്-എം സംസ്ഥാന ജനറൽ സെക്രട്ടറി കെ.ജെ. ദേവസ്യ ആരോപിച്ചു.
കേരളാ കോണ്ഗ്രസ് -എം ബത്തേരി നിയോജക മണ്ഡലം കമ്മിറ്റി ഗസ്റ്റ് ഹൗസിന് മുന്പിൽ നടത്തിയ പ്രതിഷേധ ധർണ ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം. നിയോജക മണ്ഡലം പ്രസിഡന്റ് ടി.ടി. മാത്യു അധ്യക്ഷത വഹിച്ചു.
ജില്ലാ പ്രസിഡന്റ് ജോസഫ് മാണിശേരി മുഖ്യ പ്രസംഗം നടത്തി. കെ.പി. ജോസഫ്, ടി.എസ്. ജോർജ്, പി.കെ. മാധവൻ, കെ.കെ. ബേബി, റെജി ഒലിക്കരോട്ട്, വി.പി. അബ്ദുൾ ഗഫൂർ ഹാജി, വിൽസൻ നെടുംകൊന്പിൽ, ജോസ് തോമസ്, ബേബി പുളിമൂട്ടിൽ, ജോയി താന്നിക്കൽ, ജോർജ് ജോസഫ്, പി.എം. ജയശ്രീ, സണ്ണി കടുക്കപ്പാറ, അനിൽ ജോസ്, വി.പി. അബ്ദുൾ റസാഖ്, ബീന ജോസ്, വി.കെ. ജോയി എന്നിവർ പ്രസംഗിച്ചു.