സ്വ​ന്ത​മാ​യി കെ​ട്ടി​ട​മി​ല്ലാ​തെ 115 അ​ങ്ക​ണ​വാ​ടി​ക​ൾ
Wednesday, January 20, 2021 12:35 AM IST
കാ​ഞ്ഞ​ങ്ങാ​ട്: ജി​ല്ല​യി​ൽ ആ​കെ‍​യു​ള്ള 1,348 അ​ങ്ക​ണ​വാ​ടി​ക​ളി​ൽ 115 എ​ണ്ണ​ത്തി​നും സ്വ​ന്ത​മാ​യി കെ​ട്ടി​ട​മി​ല്ല. 67 അ​ങ്ക​ണ​വാ​ടി​ക​ൾ വാ​ട​ക​കെ​ട്ടി​ട​ത്തി​ലും 39 എ​ണ്ണം സ്വ​കാ​ര്യ​വ്യ​ക്തി​ക​ൾ സൗ​ജ​ന്യ​മാ​യി ന​ൽ​കി​യ കെ​ട്ടി​ട​ത്തി​ലു​മാ​ണ് പ്ര​വ​ർ​ത്തി​ക്കു​ന്ന​ത്.
1,230 അ​ങ്ക​ണ​വാ​ടി​ക​ൾ​ക്ക് സ്വ​ന്തം കെ​ട്ടി​ട​മു​ണ്ട്. സ്വ​ന്ത​മാ​യി സ്ഥ​ല​മു​ണ്ടാ​യി​ട്ടും കെ​ട്ടി​ട​മി​ല്ലാ​ത്ത​ത് 55 ഇ​ട​ത്ത്.
ഒ​ന്പ​തി​ട​ങ്ങ​ളി​ൽ കെ​ട്ടി​ട നി​ർ​മാ​ണം ന​ട​ന്നു​കൊ​ണ്ടി​രി​ക്കു​ന്നു. 46 അ​ങ്ക​ണ​വാ​ടി​ക​ൾ​ക്ക് കെ​ട്ടി​ടം നി​ർ​മി​ക്കാ​ൻ ത​ദ്ദേ​ശ​സ്ഥാ​പ​ന​ങ്ങ​ൾ ഫ​ണ്ട് അ​നു​വ​ദി​ക്ക​ണം.
57 അ​ങ്ക​ണ​വാ​ടി​ക​ൾ​ക്ക് കു​ടി​വെ​ള്ള സൗ​ക​ര്യ​മി​ല്ല. സ്വ​കാ​ര്യ​വ്യ​ക്തി​ക​ളു​ടെ പ​റ​ന്പു​ക​ളി​ലെ​യും മ​റ്റു ജ​ല​സ്രോ​ത​സു​ക​ളെ​യാ​ണ് ഇ​വ​ർ ആ​ശ്ര​യി​ക്കു​ന്ന​ത്. 14 അ​ങ്ക​ണ​വാ​ടി​ക​ളി​ൽ ശൗ​ചാ​ല​യ​മി​ല്ല. വൈ​ദ്യു​തി​യി​ല്ലാ​ത്ത 105 അ​ങ്ക​ണ​വാ​ടി​ക​ളു​ണ്ട്.
272 അ​ങ്ക​ണ​വാ​ടി​ക​ൾ​ക്ക് ചു​റ്റു​മ​തി​ലി​ല്ല. ഇ​ത് കു​ട്ടി​ക​ൾ റോ​ഡി​ലി​റ​ങ്ങാ​നും അ​പ​ക​ട​മു​ണ്ടാ​കാ​നും സാ​ഹ​ച​ര്യ​മു​ണ്ടാ​ക്കു​ന്നു. അ​ങ്ക​ണ​വാ​ടി​ക​ൾ​ക്ക് കെ​ട്ടി​ടം നി​ർ​മി​ക്കാ​ൻ ഇ​തു​വ​രെ സ്ഥ​ലം പോ​ലും ക​ണ്ടെ​ത്താ​നാ​കാ​ത്ത ര​ണ്ടു ന​ഗ​ര​സ​ഭ​ക​ൾ ഉ​ൾ​പ്പെ​ടെ ഒ​ന്പ​ത് ത​ദ്ദേ​ശ​സ്ഥാ​പ​ന​ങ്ങ​ളു​ണ്ട്. കാ​സ​ർ​ഗോ​ഡ് ന​ഗ​ര​സ​ഭ​യി​ൽ മാ​ത്രം പ​ത്ത് അ​ങ്ക​ണ​വാ​ടി​ക​ൾ​ക്ക് ഇ​തു​വ​രെ​യും സ്ഥ​ലം ക​ണ്ടെ​ത്താ​ത്തി​യി​ട്ടി​ല്ല.
കാ​സ​ർ​ഗോ​ട്ടെ തു​രു​ത്തി, പ​ള്ളി​ക്കാ​ൽ, ചേ​ര​ങ്കൈ ക​ട​പ്പു​റം, ബ​ങ്ക​ര​ക്കു​ന്ന്, ത​ള​ങ്ക​ര ക​ണ്ട​ത്തി​ൽ, ഖാ​സി​ലേ​ൻ, ഭൂ​പാ​സ് കോം​പൗ​ണ്ട്, ദി​നാ​ർ ന​ഗ​ർ, ജ​ദീ​ദ് റോ​ഡ്, ത​ള​ങ്ക​ര പ​ടി​ഞ്ഞാ​ർ, കാ​ഞ്ഞ​ങ്ങാ​ട്ടെ മു​ട്ട​ത്തോ​ട്, ബ​ല്ല ക​ട​പ്പു​റം, ചെ​റു​വ​ത്തൂ​രി​ലെ കാ​ട​ങ്കോ​ട്, പ​ള്ളി​ക്ക​ര​യി​ലെ പൂ​ച്ച​ക്കാ​ട്, തെ​ക്കേ​പ്പു​റം, തെ​ക്കേ​കു​ന്ന്, ക​ല്ലി​ങ്കാ​ൽ, കൊ​ച്ചി ബ​സാ​ർ, പ​റ​യ​ങ്കാ​നം, മ​ഠം കോ​ള​നി, ബ​ളാ​ലി​ലെ കോ​ട്ട​ക്കു​ന്ന്, കോ​ടോം-​ബേ​ളൂ​രി​ലെ ഒ​ള​ക്ക​ര, മ​ധൂ​രി​ലെ സു​റു​ലു, ചെ​മ്മ​നാ​ട്ടെ നോ​ർ​ത്ത് ചെ​ന്പ​രി​ക്ക, കീ​ഴൂ​ർ സൗ​ത്ത്, കീ​ഴൂ​ർ തെ​രു​വ​ത്ത്, മ​ഞ്ചേ​ശ്വ​ര​ത്തെ ഉ​ദ്യാ​വ​ർ കോ​ട്ട എ​ന്നി​വി​ട​ങ്ങ​ളി​ലാ​ണ് സ്ഥ​ലം ക​ണ്ടെ​ത്താ​നു​ള്ള​ത്.