പത്തനംതിട്ട: ജില്ലയിൽ ഇന്ന ലെ 2311 പേർ കൂടി കോവിഡ് പോസിറ്റീവായി. ഒരാഴ്ചയ്ക്കിടെ ഇതു രണ്ടാംതവണയാണ് പ്രതിദിന കോവിഡ് കണക്ക് രണ്ടായിരം കടക്കുന്നത്.
കഴിഞ്ഞ 22ന് 2012 പേരിലാണ് ഒരുദിവസം കോവിഡ് സ്ഥിരീകരിച്ചത്. ജില്ലയിൽ ഇതുവരെയുള്ള ഏറ്റവും കൂടിയ പ്രതിദിന കണക്കാണ് ഇന്നലത്തേത്. 6212 സ്രവ സാന്പിളുകളാണ് ഇന്നലെ പരിശോധനയ്ക്കെടുത്തിട്ടു ള്ളത്.
നഗരപരിധിയിൽ ഇപ്പോഴും പ്രതിദിന രോഗബാധിതരുടെ എണ്ണം കൂടി നിൽക്കുകയാണ്. പത്തനംതിട്ടയിൽ 203, തിരുവല്ലയിൽ 190, അടൂർ 108, പന്തളം 63 എന്നിങ്ങനെയാണ് ഇന്നലെ പുതിയ രോഗികളുടെ എണ്ണം റിപ്പോർട്ട് ചെയ്തത്. പഞ്ചായത്തുകളിൽ ഉയർന്ന കണക്ക് കോന്നിയിലാണ്. 120 പേർ.
ആനിക്കാട് 16, ആറന്മുള 47, അരുവാപ്പുലം 41, അയിരൂർ 49, ചെന്നീർക്കര 29, ചെറുകോൽ 28, ചിറ്റാർ 22, ഏറത്ത് 30, ഇലന്തൂർ 28, ഏനാദിമംഗലം 40, ഇരവിപേരൂർ 46, ഏഴംകുളം 44, എഴുമറ്റൂർ 26, കടന്പനാട് 31, കടപ്ര 6, കലഞ്ഞൂർ 76, കല്ലൂപ്പാറ 16, കവിയൂർ 32, കൊടുമണ് 45, കോയിപ്രം 47, കൊറ്റനാട് 12, കോട്ടാങ്ങൽ 11, കോഴഞ്ചേരി 47, കുളനട 34, കുന്നന്താനം 24, കുറ്റൂർ 22, മലയാലപ്പുഴ 47, മല്ലപ്പളളി 34, മല്ലപ്പുഴശേരി 11, മെഴുവേലി 18, മൈലപ്ര 30, നാറാണംമൂഴി 14, നാരങ്ങാനം 33, നെടുന്പ്രം 13, നിരണം 15, ഓമല്ലൂർ 47, പള്ളിക്കൽ 34, പന്തളം തെക്കേക്കര 23, പെരിങ്ങര 18, പ്രമാടം 80, പുറമറ്റം 19, റാന്നി 44, പഴവങ്ങാടി 50, അങ്ങാടി 32, പെരുനാട് 19, സീതത്തോട് 15, തണ്ണിത്തോട് 12, തോട്ടപ്പുഴശേരി 34, തുന്പമണ്‍ 13, വടശേരിക്കര 18, വളളിക്കോട് 35, വെച്ചൂച്ചിറ 70.
ജില്ലയിൽ ഇതേവരെ 225382 പേർക്ക് രോഗം സ്ഥിരീകരിച്ചിട്ടുണ്ട്. ഇന്നലെ 536 പേർകൂടി രോഗമുക്തരായി. 214504 പേരാണ് ഇതേവരെ രോഗമുക്തരായത്. നിലവിൽ 9368 പേർ ചികിത്സയിലുണ്ട്.
അഞ്ചു മരണംകൂടി
പത്തനംതിട്ട: കോവിഡ് ബാധിതരായ അഞ്ചുപേരുടെ മരണംകൂടി ജില്ലയിൽ റിപ്പോർട്ട് ചെയ്തു. മല്ലപ്പള്ളി സ്വദേശി (83), ഓമല്ലൂർ സ്വദേശി (84), റാന്നി പഴവങ്ങാടി സ്വദേശി (80), തണ്ണിത്തോട് സ്വദേശി (60), തണ്ണിത്തോട് സ്വദേശി (55) എന്നിവരാണ് മരിച്ചത്.