യുവാവിനെ വെട്ടിക്കൊലപ്പെട ുത്താൻ ശ്രമം: മൂന്നുപേർ പിടിയിൽ : Deepika.com Nattu Visesham

KOTTAYAM

യുവാവിനെ വെട്ടിക്കൊലപ്പെട ുത്താൻ ശ്രമം: മൂന്നുപേർ പിടിയിൽ

Friday, April 26, 2024 7:07 AM IST

കുമരകം: തിരുവാര്‍പ്പ് സ്വദേശിയായ യുവാവിനെ വടിവാള്‍ കൊണ്ട് വെട്ടിക്കൊലപ്പെടുത്താന്‍ ശ്രമിച്ച കേസില്‍ മൂന്നു പേരെ പോലീസ് അറസ്റ്റ് ചെയ്തു. ചെങ്ങളം മാധവശേരി കോളനി കുറയന്‍ങ്കേരിയില്‍ ശ്രീജിത്ത് (ജിത്തു- 32), ചെങ്ങളം കിളിരൂര്‍ തൈച്ചേരി കോളനിയില്‍ തൈച്ചേരി അഖില്‍ ടി. ഗോപി (27), തിരുവാര്‍പ്പ് പാലക്കല്‍ശേരി തേവര്‍ക്കാട്ടില്‍ ടി.പി. നിഖില്‍ (29) എന്നിവരെയാണ് കുമരകം പോലീസ് അറസ്റ്റ് ചെയ്തത്.

ഇവര്‍ സംഘം ചേര്‍ന്ന് കഴിഞ്ഞദിവസം വെളുപ്പിന് 2.30നു തിരുവാര്‍പ്പ് സ്വദേശിയായ യുവാവിനെ ചീത്ത വിളിക്കുകയും പെപ്പര്‍ സ്‌പ്രേ അടിച്ച ശേഷം വടിവാളുകൊണ്ട് വെട്ടിക്കൊലപ്പെടുത്താന്‍ ശ്രമിക്കുകയുമായിരുന്നു. യുവാവ് മുന്‍പ് ശ്രീജിത്തിനും മറ്റുമെതിരേ തിരുവാര്‍പ്പ് ബസ് സ്റ്റാന്‍ഡില്‍ വച്ച് ബഹളം വച്ചതിന് പോലീസില്‍ പരാതി നല്‍കിയിരുന്നു.

ഇതിലുള്ള വിരോധം ഇവര്‍ക്ക് യുവാവിനോട് നിലനിന്നിരുന്നു, ഇതിന്‍റെ തുടര്‍ച്ചയെന്നോണമാണ് ഇവര്‍ യുവാവിനെ വെട്ടിക്കൊലപ്പെടുത്താന്‍ ശ്രമിച്ചത്. പരാതിയെത്തുടര്‍ന്ന് കുമരകം പോലീസ് കേസ് രജിസ്റ്റര്‍ ചെയ്യുകയും ഇവരെ അറസ്റ്റ് ചെയ്യുകയുമായിരുന്നു. കോടതിയില്‍ ഹാജരാക്കിയ പ്രതികളെ റിമാന്‍ഡ് ചെയ്തു.