ഇടുക്കി: യുഡിഎഫ് സ്ഥാനാർഥി ഡീൻ കുര്യാക്കോസ് ദേവികുളം നിയോജക മണ്ഡലത്തിലെ പര്യടനം പൂർത്തിയാക്കി. തോട്ടം മേഖലയിൽ ഉൾപ്പെടെ ജനങ്ങളെ ആവേശഭരിതരാക്കിയാണ് ഡീൻ ഓരോ കേന്ദ്രങ്ങളിലും പര്യടനം നടത്തിയത്. പര്യടനം എ.കെ. മണി ഉദ്ഘാടനം ചെയ്തു. യുഡിഎഫ് ചെയർമാൻ എം.ബി. സൈനുദ്ദീൻ അധ്യക്ഷത വഹിച്ചു. അലോഷ്യസ് സേവ്യർ, എ.പി. ഉസ്മാൻ, ഒ.ആർ. ശശി, ജി. മുനിയാണ്ടി, കെ.എ. കുര്യൻ, ഡി. കുമാർ, എം. വിജയകുമാർ, ജി. മുരുകയ്യ, കെ.എം. ഖാദർ കുഞ്ഞ്, ബാബു കീച്ചേരി, കെ.കെ. ബാബു എന്നിവർ പ്രസംഗിച്ചു.
കാന്തല്ലൂർ ടൗണ്, കീഴാന്തൂർ, ചൂരക്കുളം, കോവിൽകടവ്, ചേരുവാട്, നാച്ചിവയൽ, മറയൂർ, പള്ളനാട്, കാപ്പി സ്റ്റോർ, ചെക്ക് പോസ്റ്റ് എന്നിവിടങ്ങളിലാണ് സ്ഥാനാർഥി പ്രചാരണത്തിനെത്തിയത്. വാഗവര, തലയാർ, നയമക്കാട്, കന്നിമല, പെരിയമ്മ ഫാക്ടറി, നല്ലതണ്ണി ഈസ്റ്റ്, കല്ലാർ, നടയാർ സൗത്ത്, മൂന്നാർ കോളനി എന്നിവിടങ്ങളിൽ പര്യടനം നടത്തി മൂന്നാർ ടൗണിൽ സമാപിച്ചു.
കെപിസിസി നിർവാഹക സമിതി അംഗം റോയി കെ. പൗലോസ് സമാപന സമ്മേളനം ഉദ്ഘാടനം ചെയ്തു.
ചെണ്ടുവര ലോവർ, കുണ്ടള ഈസ്റ്റ്, നെറ്റിമേട്, സൈലന്റ് വാലി, ഗൂഡാർവിള, ദേവികുളം ടൗണ്, ലാക്കാട്, പവർ ഹൗസ്, പെരിയകനാൽ, ചിന്നക്കനാൽ, സിങ്കുകണ്ടം, ബിയൽറാം, സൂര്യനെല്ലി ടൗണ് എന്നിവിടങ്ങളിലും ഇന്നലെ ഡീൻ പ്രചാരണം നടത്തി.