വോ​ട്ട് പൗ​ലോ​സി​ന് ല​ഹ​രി​യാ​ണ്
Wednesday, April 17, 2024 2:56 AM IST
രാ​ജ​കു​മാ​രി: തെ​ര​ഞ്ഞെ​ടു​പ്പു​ക​ളി​ൽ വോ​ട്ടു ചെ​യ്യു​ക എ​ന്ന​ത് ല​ഹ​രി​യാ​ണ് രാ​ജ​കു​മാ​രി പ​ള്ളി​യാ​മ്പു​റ​ത്ത് പൗ​ലോ​സ് എ​ന്ന 97 കാ​ര​ന്. സം​സ്ഥാ​ന​ത്ത് പൊ​തു തെ​ര​ഞ്ഞെ​ടു​പ്പു​ക​ൾ തു​ട​ങ്ങി​യ അ​ന്നു​മു​ത​ൽ ഇ​തു​വ​രെ​യും ന​ട​ന്നി​ട്ടു​ള്ള ഒ​രു തെ​ര​ഞ്ഞെ​ടു​പ്പി​ലും ഇ​ദ്ദേ​ഹം വോ​ട്ട് ചെ​യ്യാ​തി​രു​ന്നി​ട്ടി​ല്ല. വോ​ട്ട് ചെ​യ്യു​ക എ​ന്ന​ത് ജീ​വി​ത ല​ഹ​രി​യാ​ണ് ഇ​ദ്ദേ​ഹ​ത്തി​ന്.

രാ​ഷ‌്ട്രീ​യം ഉ​ണ്ടെ​ങ്കി​ലും ഇ​ദ്ദേ​ഹം ഒ​രു​നാ​ളും താ​ൻ ഇ​ഷ്ട​പ്പെ​ടു​ന്ന പാ​ർ​ട്ടി​ക്ക് വേ​ണ്ടി പ്ര​ചാ​ര​ണ പ്ര​വ​ർ​ത്ത​ന​ങ്ങ​ൾ​ക്കോ മ​റ്റ് പ​രി​പാ​ടി​ക​ൾ​ക്കോ ഇ​റ​ങ്ങി​യി​ട്ടി​ല്ല. സ്ഥാ​നാ​ർഥി​ക​ൾ പ​ല​പ്പോ​ഴും ത​ന്നെ കാ​ണാ​ൻ എ​ത്താ​റു​ണ്ടെ​ന്നും രാ​ജ​കു​മാ​രി സ​ർ​ക്കാ​ർ സ്കൂ​ളി​ലെ പോ​ളിം​ഗ് ബൂ​ത്തി​ൽ വോ​ട്ട് ദി​ന​ത്തി​ൽ ആ​ദ്യ വോ​ട്ട് രേ​ഖ​പ്പെ​ടു​ത്തു​ന്ന​തു താ​ൻ ആ​ണെ​ന്നും ഇ​ദ്ദേ​ഹം പ​റ​യു​ന്നു.

സ്കൂ​ളി​ലെ പോ​ളിം​ഗ് ബൂ​ത്തി​ൽ അ​തി​നാ​യി അ​തിരാ​വി​ലെ ത​ന്നെ ഇ​ദ്ദേ​ഹം എ​ത്തി ക്യൂ ​നി​ൽ​ക്കും. ഇ​തി​നു മു​മ്പു​ള്ള തെ​ര​ഞ്ഞെ​ടു​പ്പു​ക​ളി​ൽ എ​ല്ലാം ഇ​ദ്ദേ​ഹ​ത്തി​​ന്‍റെതാ​യി​രു​ന്നു ആ​ദ്യ വോ​ട്ട്.​ പ്രാ​യം 97 ൽ ​എ​ത്തി​യ​തോ​ടെ ന​ട​ക്കാ​നു​ള്ള ബു​ദ്ധി​മു​ട്ട് മാ​ത്ര​മാ​ണ് ത​നി​ക്കുള്ള​തെ​ന്നും എ​ന്നാ​ൽ, മ​ക്ക​ളു​ടെ സ​ഹാ​യ​ത്തോ​ടെ വാ​ഹ​ന​ത്തി​ൽ സ്കൂ​ളി​ൽ എ​ത്തി ത​ന്നെ വോ​ട്ട് ചെ​യ്യ​ണ​മെ​ന്നാ​ണ് ആ​ഗ്ര​ഹം എ​ന്നും പൗ​ലോ​സ് പ​റ​ഞ്ഞു.

എ​റ​ണാ​കു​ളം ജി​ല്ല​യി​ലെ കു​റു​പ്പും​പ​ടി​യി​ൽനി​ന്ന് 1958ലാ​ണ് പൗ​ലോ​സും ഭാ​ര്യ സാ​റാ​മ്മ​യും ഹൈ​റേ​ഞ്ചി​ൽ എ​ത്തി​യ​ത്. കു​ടി​യേ​റ്റ കാ​ല​ത്തി​ന്‍റെ ക​ഷ്ട​ത​ക​ളി​ൽനി​ന്നാ​ണ് ഇ​വ​ർ ജീ​വി​തം ആ​രം​ഭി​ച്ച​ത്. മൂ​ത്ത മ​ക്ക​ളാ​യ ജോ​ർ​ജും മാ​ത്യു​മാ​യി അ​ടി​മാ​ലി​യി​ൽനി​ന്ന് കാ​ൽ​ന​ട​യാ​യാ​ണ് രാ​ജ​കു​മാ​രി​യി​ലേ​ക്ക് ഇ​വ​ർ എ​ത്തി​യ​ത്.

പൗ​ലോ​സി​​ന്‍റെ ഭാ​ര്യ സാ​റാ​മ്മ​യ്ക്ക് 94 വ​യ​സു​ണ്ട്. സാ​റാ​മ്മ​യും ഇ​തു​വ​രെ വോ​ട്ട് മു​ട​ക്കി​യി​ട്ടി​ല്ല. രാ​വി​ലെ മു​ട​ങ്ങാ​തെ പ​ത്ര​വാ​യ​ന ന​ട​ത്തു​ന്ന പൗ​ലോ​സ് കൃ​ത്യ​മാ​യ ചി​ട്ട​ക​ളോ​ടെ​യാ​ണ് വി​ശ്ര​മ ജീ​വി​തം ന​യി​ക്കു​ന്ന​ത്. ന​മ്മു​ടെ ക​ട​മ​യാ​യ വോ​ട്ട് നി​സാ​ര​കാ​ര​ണ​ങ്ങ​ളാ​ൽ മു​ട​ക്ക​രു​തെ​ന്നാ​ണ് പു​തു​ത​ല​മു​റ​യോ​ട് പൗ​ലോ​സ് പ​റ​യു​ന്ന​ത്.

Copyright @ 2022 , Rashtra Deepika Ltd.