ട്വ​ന്‍റി-20 ഭ​ക്ഷ്യ സു​ര​ക്ഷാ​മാ​ർ​ക്ക​റ്റി​ൽ: സ​ബ്സി​ഡി നി​ര​ക്കി​ൽ സാ​ധ​ന​ങ്ങ​ൾ ന​ൽ​കു​ന്ന​തി​ന് വി​ല​ക്ക്
Saturday, April 13, 2024 4:20 AM IST
കി​ഴ​ക്ക​മ്പ​ലം: ട്വ​ന്‍റി 20 യു​ടെ ഭ​ക്ഷ്യ സു​ര​ക്ഷാ​മാ​ർ​ക്ക​റ്റി​ൽ സ​ബ്സി​ഡി നി​ര​ക്കി​ൽ സാ​ധ​ന​ങ്ങ​ൾ ന​ൽ​കു​ന്ന​തി​ന് തെ​ര​ഞ്ഞെ​ടു​പ്പ് ക​മ്മീ​ഷ​ന്‍റെ വി​ല​ക്ക്. തെ​ര​ഞ്ഞെ​ടു​പ്പ് പെ​രു​മാ​റ്റച്ച​ട്ട​ത്തി​ന്‍റെ ലം​ഘ​ന​മാ​ണെ​ന്ന് ചൂ​ണ്ടി​ക്കാ​ട്ടി​ കി​ഴ​ക്ക​മ്പ​ലം സ്വ​ദേ​ശി​യാ​യ സിപിഎം ​പ്ര​വ​ർ​ത്ത​ക​ൻ തെ​ര​ഞ്ഞെ​ടു​പ്പ് ക​മ്മീ​ഷ​ന് ന​ൽ​കി​യ പ​രാ​തി​യെ തു​ട​ർ​ന്നാ​ണ് ജി​ല്ലാ വ​ര​ണാ​ധി​കാ​രി​കൂ​ടി​യാ​യ ജി​ല്ലാ ക​ള​ക്ട​റു​ടെ ന​ട​പ​ടി. തെ​ര​ഞ്ഞെ​ടു​പ്പ് ന​ട​പ​ടിക്ര​മ​ങ്ങ​ൾ അ​വ​സാ​നി​ക്കു​ന്ന​ത് വ​രെയാണ് വിലക്ക്.

നേ​ര​ത്തെ ച​ട്ട​ലം​ഘ​നം ചൂ​ണ്ടി​ക്കാ​ട്ടി സിപിഎം ​പ​രാ​തി ന​ൽ​കി​യ​തി​നെ തു​ട​ർ​ന്ന് ട്വ​ന്‍റി 20 മെ​ഡി​ക്ക​ൽ സ്റ്റോ​റി​ന്‍റെ പ്ര​വ​ർ​ത്ത​നം ത​ട​ഞ്ഞി​രു​ന്നു.​ കോടതി ഇടപെട ലിനെ തുടർന്നാണ് പിന്നീട് മെഡിക്കൽ സ്റ്റോർ തുറന്നു പ്ര വർത്തനം ആരംഭിച്ചത്.

ജ​ന​ങ്ങ​ളോ​ടു​ള്ള ക്രൂ​ര​ത: സാ​ബു എം. ​ജേ​ക്ക​ബ്

സി​പി​എം പ്ര​വ​ർ​ത്ത​ക​ർ പ​രാ​തി ന​ൽ​കി​യ​തി​നെ​തു​ട​ർ​ന്ന് വി​ല​ക്കു​റ​വി​ൽ ഭ​ക്ഷ്യ​സാ​ധ​ന​ങ്ങ​ൾ ല​ഭി​ക്കു​ന്ന ട്വ​ന്‍റി 20 ഭ​ക്ഷ്യ​സു​ര​ക്ഷാ മാ​ർ​ക്ക​റ്റ് പൂ​ട്ടി​യ​ത് ജ​ന​ങ്ങ​ളോ​ടു​ള്ള ക്രൂ​ര​ത​യെ​ന്ന് ട്വ​ന്‍റി 20 പാ​ർ​ട്ടി പ്ര​സി​ഡ​ന്‍റ് സാ​ബു എം.​ജേ​ക്ക​ബ് പ​റ​ഞ്ഞു. മാ​ർ​ക്ക​റ്റ് 2014-ലാ​ണ് പ്ര​വ​ർ​ത്ത​ന​മാ​രം​ഭി​ച്ച​ത്. മുൻ ​തെ​ര​ഞ്ഞെ​ടു​പ്പു​ക​ളി​ലൊ​ന്നും ഇ​ല്ലാ​തി​രു​ന്ന നി​യ​മ​ങ്ങ​ൾ പ​റ​ഞ്ഞാ​ണ് ഇ​പ്പോ​ൾ പൂ​ട്ടി​ച്ചി​രി​ക്കു​ന്ന​ത്.

സം​സ്ഥാ​ന തെ​ര​ഞ്ഞെ​ടു​പ്പ് ക​മ്മീ​ഷ​നി​ൽ നി​ന്ന് ക​ഴി​ഞ്ഞ ര​ണ്ടി​ന് ല​ഭി​ച്ച മാ​ർ​ഗ​നി​ർ​ദേ​ശം പ​ത്തു ദി​വ​സ​ങ്ങ​ൾ​ക്കു​ശേ​ഷം ഇ​ന്ന​ലെ മാ​ത്ര​മാ​ണ് ഉ​ത്ത​ര​വാ​യി ന​ൽ​കി​യ​ത്. ഇ​ന്നു മു​ത​ൽ ഒ​രു മാ​സ​ത്തേ​ക്ക് കോ​ട​തി​ക​ൾ അ​വ​ധി​യാ​ണെ​ന്ന് മ​ന​സി​ലാ​ക്കി​യാ​ണ് മു​ൻ​കൂ​ട്ടി ആ​സൂ​ത്ര​ണം ചെ​യ്ത് ബോ​ധ​പൂ​ർ​വം ഓ​ർ​ഡ​ർ വൈ​കി​പ്പി​ച്ച​തെ​ന്നും സാ​ബു കു​റ്റ​പ്പെ​ടു​ത്തി.

പ്ര​തി​ഷേ​ധ​ക്കാ​രും പോ​ലീ​സു​മാ​യി ഉ​ന്തും ത​ള്ളും

കി​ഴ​ക്ക​മ്പ​ലം: അ​കാ​ര​ണ​മാ​യി ട്വ​ന്‍റി 20 ഭ​ക്ഷ്യ​സു​ര​ക്ഷാ മാ​ര്‍​ക്ക​റ്റ് അ​ട​ച്ചു​പൂ​ട്ടി​യെ​ന്നാ​രോ​പി​ച്ച് ട്വ​ന്‍റി 20 പ്ര​വ​ര്‍​ത്ത​ക​ര്‍ ന​ട​ത്തി​യ പ്ര​തി​ഷേ​ധ​ത്തി​നു നേ​രെ പോ​ലീ​സ് ന​ട​ത്തി​യ ബ​ല​പ്ര​യോ​ഗം ഉ​ന്തി​ലും ത​ള്ളി​ലും ക​ലാ​ശി​ച്ചു.

നാ​ളെ വി​ഷു​വാ​യ​തി​നാ​ല്‍ സ്ത്രീ​ക​ളും കു​ട്ടി​ക​ളു​മ​ട​ക്കം നി​ര​വ​ധി പേ​രാ​ണ് നി​ത്യോ​പ​യോ​ഗ​സാ​ധ​ന​ങ്ങ​ള്‍ വാ​ങ്ങാ​ന്‍ എ​ത്തി​യ​ത്. എ​ന്നാ​ൽ പ്ര​വ​ർ​ത്ത​നം നി​ർ​ത്തി​വ​ച്ച​ത​റി​ഞ്ഞ് പ​ല​രും സ​ങ്ക​ട​ത്തോ​ടെ മാ​ര്‍​ക്ക​റ്റി​ല്‍ നി​ന്നു മ​ട​ങ്ങി.

ഭ​ക്ഷ്യ​സു​ര​ക്ഷാ മാ​ര്‍​ക്ക​റ്റി​നു സ​മീ​പ​ത്തെ റോ​ഡി​ല്‍ പ്ര​തി​ഷേ​ധ​സൂ​ച​ക​മാ​യി കു​ത്തി​യി​രു​ന്ന ട്വ​ന്‍റി20 പ്ര​വ​ര്‍​ത്ത​ക​രെ വ​ലി​ച്ചി​ഴ​ച്ച് ജീ​പ്പി​ല്‍ ക​യ​റ്റി​യ​ത് സം​ഘ​ര്‍​ഷ​ത്തി​നി​ട​യാ​ക്കി. സം​ഘ​ര്‍​ഷ സാ​ധ്യ​ത ഇ​ല്ലാ​തി​രു​ന്നി​ട്ടും കു​ന്ന​ത്തു​നാ​ട് പോ​ലീ​സ് വ​ള​രെ ക്രൂ​ര​മാ​യാ​ണ് പെ​രു​മാ​റി​യ​തെ​ന്ന് ബ്ലോ​ക്ക് പ​ഞ്ചാ​യ​ത്ത് അം​ഗം കെ.​വി. രാ​ജു പ​റ​ഞ്ഞു.

സാ​ധാ​ര​ണ ന​ട​പ​ടി​യി​ലൂ​ടെ മാ​ത്രം പ​രി​ഹ​രി​ക്കാ​വു​ന്ന സം​ഭ​വം പോ​ലീ​സ് നേ​രി​ട്ട​ത് ക്രൂ​ര​മാ​യ പ്ര​വ​ര്‍​ത്തി​ക​ളി​ലൂ​ടെ​യാ​യി​രു​ന്നു. കേ​ര​ള​ത്തി​ല്‍ മ​നു​ഷ്യ​നു ജീ​വി​ക്കാ​നു​ള്ള സ്വാ​ത​ന്ത്ര്യം ന​ഷ്ട​പ്പെ​ട്ടെ​ന്ന് ട്വ​ന്‍റി 20 പാ​ര്‍​ട്ടി പ്ര​സി​ഡ​ന്‍റ് സാ​ബു എം.​ ജേ​ക്ക​ബ് പ​റ​ഞ്ഞു.

കു​ന്ന​ത്തു​നാ​ട്, കി​ഴ​ക്ക​മ്പ​ലം, ഐ​ക്ക​ര​നാ​ട്, മ​ഴു​വ​ന്നൂ​ര്‍, തി​രു​വാ​ണി​യൂ​ര്‍, വാ​ഴ​ക്കു​ളം, പൂ​തൃ​ക്ക, വെ​ങ്ങോ​ല, വ​ട​വു​കോ​ട് പു​ത്ത​ന്‍​കു​രി​ശ്, പ​ഞ്ച​യ​ത്തു​ക​ളി​ലാ​യി 55000 ത്തോ​ളം കു​ടും​ബ​ങ്ങ​ളാ​ണ് ഭ​ക്ഷ്യ​സു​ര​ക്ഷാ മാ​ര്‍​ക്ക​റ്റി​ല്‍ നി​ത്യോ​പ​യോ​ഗ​സാ​ധ​ന​ങ്ങ​ള്‍ വാ​ങ്ങാ​ന്‍ എ​ത്താ​റു​ള​ള​ത്.

Copyright @ 2022 , Rashtra Deepika Ltd.