കാലടി: അന്താരാഷ്ട്ര തീർഥാടന കേന്ദ്രമായ മലയാറ്റൂരിൽ എട്ടാമിടം തിരുനാൾ ഇന്ന്. വൈകീട്ട് കുരിശുമുടിയിൽനിന്നും പൊൻപണമിറക്കുന്നതോടെയാണ് തിരുനാൾ സമാപിക്കുക. ഇന്നു 12.05, 5.30, 6.30 നും വിശുദ്ധ കുർബാന, നൊവേന, ലദീഞ്ഞ്, 7.30 ആഘോഷമായ വിശുദ്ധ കുർബാന, നൊവേന, ലദീഞ്ഞ്, 9 ന് തിരുനാൾ കുർബാന, വചനസന്ദേശം, നൊവേന, ലദീഞ്ഞ്, പ്രദക്ഷിണം. വൈകിട്ട് മൂന്നിന് പൊൻപണം ഇറക്കൽ എന്നിവ നടക്കും.
താഴത്തെ പള്ളിയിൽ രാവിലെ 5.30 ന് ആരാധന, വിശുദ്ധ കുർബാന, ഏഴിന് വിശുദ്ധ കുർബാന, വൈകിട്ട് അഞ്ചിന് ലത്തീൻ റീത്തിൽ ആഘോഷമായ കുർബാന. തുടർന്ന് അങ്ങാടി പ്രദക്ഷിണം. ഞായറാഴ്ച രാവിലെ 5.30 നും ഏഴിനും വിശുദ്ധ കുർബാന, 9.30 ന് തിരുനാൾ കുർബാന.
വൈകിട്ട് അഞ്ചിന് കുരിശുമുടിയിൽ നിന്നും പൊൻപണം എത്തിച്ചേരും. ആറിന് ആഘോഷമായ പാട്ടു കുർബാന, എട്ടിന് തിരുസ്വരൂപം എടുത്തുവയ്ക്കൽ, തുടർന്നു തിരുനാൾ കൊടിയിറക്കം. തീർഥാടകർക്ക് 24 മണിക്കൂറും മല കയറാനുള്ള സൗകര്യങ്ങൾ ഒരുക്കിയിട്ടുണ്ട്. 50 നോമ്പ് ആരംഭം മുതൽ തുടങ്ങിയ തീർഥാടക പ്രവാഹം ഇപ്പോഴും തുടരുകയാണ്.