എ​ക്ക​ൽ: പെ​രി​യാ​റി​ൽ തി​ട്ട​ക​ൾ രൂ​പ​പ്പെ​ട്ടു
Sunday, April 14, 2024 4:25 AM IST
ക​രു​മാ​ലൂ​ർ: എ​ക്ക​ൽ അ​ടി​ഞ്ഞ് പെ​രി​യാ​റി​ലും കൈ​വ​ഴി​ക​ളി​ലും തി​ട്ട​ക​ൾ രൂ​പ​പ്പെ​ട്ടു. മേ​ത്താ​നം ഭാ​ഗ​ത്തെ പെ​രി​യാ​റി​ലും കൈ​വ​ഴി​യാ​യ ആ​ന​ച്ചാ​ൽ പു​ഴ​യി​ലു​മാ​ണ് വ​ൻ​തോ​തി​ൽ എ​ക്ക​ല​ടി​ഞ്ഞ​ത്. പുഴയിലെ ജലനിരപ്പ് താഴ്ന്നതോടെയാണ് തിട്ടകൾ പ്രത്യക്ഷപ്പെട്ടുതുടങ്ങിയത്. ഇ​തോ​ടെ പ​ല​യി​ട​ത്തും തി​ട്ട​ക​ൾ രൂ​പ​പ്പെ​ടു​ക​യും ക​ര​ഭാ​ഗ​ങ്ങ​ൾ വ​ർ​ധി​ക്കു​ക​യും ചെ​യ്തു. എ​ക്ക​ൽ അ​ടി​ഞ്ഞു പു​ഴ​യി​ൽ ത​ട്ടു​ക​ളാ​യി മ​ണ്ണ് ഉ​യ​ർ​ന്നു വ​ന്ന​തോ​ടെ വേ​ലി​യേ​റ്റ​വും വേ​ലി​യി​റ​ക്ക​വും സു​ഗ​മ​മാ​യി ന​ട​ക്കു​ന്നി​ല്ല.

മ​ത്സ്യ​ക്കെ​ട്ടു​ക​ളി​ലേ​ക്കും ഇ​ട​ത്തോ​ടു​ക​ളി​ലേ​ക്കും മ​റ്റും വെ​ള്ളം ക​യ​റി​യി​റ​ങ്ങാ​ത്ത​തും മ​ത്സ്യ​ബ​ന്ധ​ന​ത്തി​നു ക​ടു​ത്ത പ്ര​തി​സ​ന്ധി​യാ​ണു​ള​വാ​ക്കു​ന്ന​ത്. ഇ​റി​ഗേ​ഷ​ൻ വ​കു​പ്പും മ​റ്റ് ബ​ന്ധ​പ്പെ​ട്ട അ​ധി​കൃ​ത​രും ചേ​ർ​ന്നാ​ണ് പു​ഴ​യു​ടെ അ​ടി​ത്ത​ട്ടി​ന് സ്വാ​ഭാ​വി​ക ആ​ഴം ഒ​രു​ക്കേ​ണ്ട​ത്. എ​ന്നാ​ൽ ഒ​ട്ടേ​റെ ത​വ​ണ പ​രാ​തി​പ്പെ​ട്ടി​ട്ടും ന​ട​പ​ടി സ്വീ​ക​രി​ച്ചി​ല്ലെ​ന്നാ​ണ് ആ​ക്ഷേ​പം. സ്വാ​ഭാ​വി​ക ഒ​ഴു​ക്ക് ഇ​ല്ലാ​താ​കു​ന്ന​തോ​ടെ പു​ഴ മ​ര​ണ​ത്തി​ലേ​ക്കു നീ​ങ്ങു​മെ​ന്ന ആ​ശ​ങ്ക​യാ​ണ് ജ​ന​ങ്ങ​ൾ​ക്ക്.

ക​ഴി​ഞ്ഞ കു​റേ നാ​ളു​ക​ളാ​യി മ​ത്സ്യ​ത്തൊ​ഴി​ലാ​ളി​ക​ളും വ​ഞ്ചി​ക്കാ​രും ദു​രി​ത​ത്തി​ലാ​ണ്. കൂ​ടാ​തെ പ​ല​യി​ട​ത്തും ഭൂ​മാ​ഫി​യ പു​ഴ കൈ​യേ​റു​ക​യും ചെ​യ്തി​ട്ടു​ള്ള​താ​യി ആ​ക്ഷേ​പ​മു​യ​ർ​ന്നി​ട്ടു​ണ്ട്. പു​ഴ​യു​ടെ സ്വാ​ഭാ​വി​ക സം​ഭ​ര​ണ​ശേ​ഷി ചു​രു​ങ്ങി​യ​തോ​ടെ മ​ഴ​ക്കാ​ല​ത്തു വെ​ള്ള​ക്കെ​ട്ടു രൂ​ക്ഷ​മാ​കാ​ൻ സാ​ധ്യ​ത​യു​ള്ള​താ​യി ജ​ന​ങ്ങ​ൾ പ​റ​ഞ്ഞു. ക​ഴി​ഞ്ഞ ര​ണ്ടു പ്ര​ള​യ​ത്തി​നു ശേ​ഷ​മാ​ണ് ഇ​ത്ര​യും ചെ​ളി അ​ടി​ഞ്ഞു കൂ​ടി​യി​രി​ക്കു​ന്ന​ത്.

Copyright @ 2022 , Rashtra Deepika Ltd.