മൂവാറ്റുപുഴ : ഇടുക്കി പാർലമെന്‍റ് മണ്ഡലം എൽഡിഎഫ് സ്ഥാനാർഥി ജോയ്സ് ജോർജിന്റെ തൊടുപുഴ മണ്ഡലം സ്വീകരണ പര്യടനം ആവേശമായി. സ്ത്രീകളും കുട്ടികളുമടക്കം നിരവധി പേരാണ് ഓരോ സ്വീകരണ കേന്ദ്രങ്ങളിലും തടിച്ചുകൂടിയത്. പൂക്കൂടകൾ, കണിക്കൊന്ന, രക്തഹാരം, വാഴക്കുല, പഴങ്ങൾ, കിരീടം തുടങ്ങിയവ അവർ സ്നേഹോപഹാരമായി നൽകി.
രാവിലെ എട്ടിന് മണക്കാട് കുന്നത്തുപാറയിൽ കേരള കോണ്ഗ്രസ് എം ഉന്നതാധികാര സമിതിയംഗം പ്രഫ. കെ.ഐ. ആന്‍റണി ഉദ്ഘാടനം ചെയ്തു. ചിറ്റൂർ, അരിക്കുഴ, വഴിത്തല, പുറപ്പുഴ, കരിങ്കുന്നം, മുട്ടം, ഒളമറ്റം, തുടങ്ങനാട്, കോലാനി, കാഞ്ഞിരമറ്റം, കാരിക്കോട്, തെക്കുംഭാഗം, ഇടവെട്ടി, പട്ടയംകവല, മുതലക്കോടം, പെരുന്പിള്ളിച്ചിറ, പാറ, വെങ്ങല്ലൂർ, ജ്യോതി സൂപ്പർ ബസാർ തുടങ്ങിയയിടങ്ങൾ പിന്നിട്ട് വൈകുന്നേരം 6.30ന് മങ്ങാട്ടുകവലയിൽ സമാപിച്ചു. സമാപന സമ്മേളനം സിപിഐ ജില്ലാ സെക്രട്ടറി കെ സലിംകുമാർ ഉദ്ഘാടനം ചെയ്തു.