മംമ്ത മോഹൻദാസ്
മലയാള സിനിമയിൽ അഭിനേത്രിയായും ഗായികയായും തന്റെതായ ഇടം കണ്ടെത്തിയ പ്രിയ താരം മംമ്ത മോഹൻദാസിന്റെ പിറന്നാൾ ആഘോഷ ചിത്രങ്ങളും വിശേഷങ്ങളും സോഷ്യൽ മീഡിയയിൽ വൈറലാകുന്നു. ഇത്തവണ ഹോങ്കോംഗിലാണ് താരം തന്റെ ജന്മദിനം ആഘോഷിച്ചത്. അതിസ്റ്റൈലിഷ് ലുക്കിലുള്ള മംമ്തയുടെ ചിത്രങ്ങൾ ആരാധകരും ഏറ്റെടുത്തിട്ടുണ്ട്.
എന്നാൽ പിറന്നാൾ ദിനത്തിൽ ആരാധകർക്ക് ഇരട്ടി മധുരമുള്ളൊരു വാർത്തയുമായാണ് താരം എത്തിയിരിക്കുന്നത്. അഭിനയത്തിനും ആലാപനത്തിനുമപ്പുറം നിർമാണ രംഗത്തേക്കുകൂടി ചുവടുവയ്ക്കുകയാണ് മംമ്ത മോഹൻദാസ്. ജോഷി മേടയിൽ സംവിധാനം ചെയ്യുന്ന 'കൊല്ലി - ദ് വാലി ഓഫ് ഡെത്ത്' എന്ന ചിത്രത്തിലൂടെയാണ് മംമ്ത നിർമാതാവിന്റെ കുപ്പായമണിയുന്നത്. താരത്തിന്റെ പിറന്നാൾ ദിനത്തോടനുബന്ധിച്ചാണ് ചിത്രത്തിന്റെ ഫസ്റ്റ് ലുക്ക് പോസ്റ്ററും അണിയറപ്രവർത്തകർ പുറത്തുവിട്ടത്.
Tags : MamtaMohandas Birthday StylishLook