വിഘ്നേഷ് ശിവൻ പങ്കുവച്ച വീഡിയോയിൽ നിന്നും
മലയാളത്തിലൂടെ സിനിമയിലെത്തി തെന്നിന്ത്യൻ സിനിമാലോകത്തിന്റെ ലേഡി സൂപ്പർസ്റ്റാറായി വളർന്ന നയൻതാര ഇന്ന് തന്റെ 42-ാം പിറന്നാൾ ആഘോഷിക്കുകയാണ്. പിറന്നാൾ ദിനത്തിൽ താരത്തിന് ആശംസകളുമായി ഭർത്താവ് വിഘ്നേഷ് ശിവൻ പങ്കുവച്ച ഹൃദ്യമായ വീഡിയോയാണ് ഇപ്പോൾ സമൂഹ മാധ്യമങ്ങളിൽ തരംഗമാകുന്നത്.
നയൻതാരയുമായുള്ള പ്രണയകാലത്തെ അപൂർവ ചിത്രങ്ങൾ മുതൽ മക്കളായ ഉയിർ, ഉലഗ് എന്നിവർക്കൊപ്പമുള്ള മനോഹര നിമിഷങ്ങൾ വരെ കോർത്തിണക്കിയാണ് വിഘ്നേഷ് വീഡിയോ ഒരുക്കിയിരിക്കുന്നത്. ഇരുവരുടെ സൗഹൃദം, പ്രണയം, വിവാഹം, തുടർന്നുണ്ടായ ജീവിതം എന്നിവ വളരെ ആഴത്തിൽ അടയാളപ്പെടുത്തുന്നതാണ് ഈ ദൃശ്യങ്ങൾ.
വിഘ്നേഷിന്റെ ആദ്യ സംവിധാന സംരംഭമായ 'നാനും റൗഡി താൻ' എന്ന ചിത്രത്തിന്റെ സെറ്റിൽ വച്ചാണ് നയൻതാരയും വിഘ്നേഷും പ്രണയത്തിലാകുന്നത്. വിഘ്നേഷിന്റെ കരിയറിലെ തന്നെ വലിയൊരു വഴിത്തിരിവായിരുന്നു ആ ചിത്രം. നീണ്ട ഏഴ് വർഷത്തെ പ്രണയത്തിനൊടുവിൽ 2022 ജൂൺ ഒമ്പതിനാണ് ഇവർ വിവാഹിതരായത്. സിനിമയ്ക്കും തിരക്കുകൾക്കുമിടയിലും കുടുംബത്തോടൊപ്പമുള്ള ഓരോ നിമിഷവും ആഘോഷമാക്കുന്ന ഇരുവരുടെയും വിശേഷങ്ങൾ ആരാധകരും ഏറ്റെടുത്തിരിക്കുകയാണ്.
Tags : VigneshShivan Nayanthara Birthday