പ്രശസ്ത നടൻ കലാഭവൻ ഷാജോണിനു ഗൾഫ് പ്രോഗ്രാമിനിടെ പറ്റിയ അബദ്ധം തുറന്നുപറയുകയാണു നടൻ ക​ലാ​ഭ​വ​ൻ പ്ര​ജോ​ദ്. സഹതാരങ്ങളെല്ലാം 'പുലിവാൽ പിടിച്ചല്ലോ ദൈവമേ...' എന്ന് ആവലാതിപ്പെട്ട് കുവൈറ്റ് വിമാനത്താവളത്തിൽ നിൽക്കുന്പോൾ, ഒരിക്കലും പ്രതീക്ഷിക്കാത്ത പൊട്ടിച്ചിരിയായി ക്ലൈമാക്സ് മാറുകയായിരുന്നു.

പ്രജോദിന്‍റെ വാക്കുകൾ:
ന​മ്മു​ടെ നാ​ട്ടി​ൽ ഗ​ൾ​ഫു​കാ​രോ​ടും ക​ലാ​കാ​രന്മാ​രോ​ടും സാ​ധാ​ര​ണ ചോ​ദി​ക്കു​ന്ന ചോ​ദ്യ​ങ്ങ​ൾ ത​മ്മി​ൽ വ​ലി​യ വ്യ​ത്യാ​സ​മി​ല്ല. ’’ ​എ​പ്പോ വ​ന്നു... എ​പ്പ​ഴാ പോ​കു​ന്നേ...’’ ഇ​തു ഗ​ൾ​ഫ് മ​ല​യാ​ളി​യു​ടെ ത​ല​യി​ലെ​ഴു​ത്ത്.
’’ ഇ​പ്പോ ടി​വി​യി​ലൊ​ന്നും കാ​ണാ​നി​ല്ല​ല്ലോ... പ​രി​പാ​ടി​യൊ​ന്നും ഇ​ല്ല അ​ല്ലേ..? ’’ ഇ​തു ക​ലാ​കാ​രന്മ​രോ​ട് പൊ​തു​വേ​യു​ള്ള ചോ​ദ്യം.
അ​തു​പോ​ലെ, നെ​റ്റി​യി​ലേ​ക്കു വീ​ണു​കി​ട​ക്കു​ന്ന എ​ന്‍റെ മു​ടി ക​ണ്ടു പ​ല​രും ചോ​ദി​ക്കാ​റു​ണ്ട്, ’’ഓ ​ഇ​ത് വി​ഗ്ഗാ അ​ല്ലേ...’’. അ​ല്ല, എ​ന്ന് മ​റു​പ​ടി പ​റ​ഞ്ഞാ​ലും ചി​ല​ർ ബ​ല​മാ​യി ഒന്നു പി​ടി​ച്ചു​നോ​ക്കും. അ​തൊ​ക്കെ ക​ലാ​കാ​രന്മാ​രോ​ടു​ള്ള സ​മൂ​ഹ​ത്തി​ന്‍റെ സ്നേ​ഹ​പൂ​ർ​വ​മു​ള്ള സ്വാ​ത​ന്ത്ര്യ​മെ​ടു​ക്ക​ലാ​യി​ട്ടേ ഞാ​ൻ ക​രു​തി​യി​ട്ടു​ള്ളൂ.

ഒ​രി​ക്ക​ൽ, ഞ​ങ്ങ​ളു​ടെ അ​സോ​സി​യേ​ഷ​ൻ മീ​റ്റി​ങ് ന​ട​ക്കു​ന്നു. വി​ഗ്ഗ് വ​ച്ച ക​ലാ​കാ​രന്മാ​രെ​ല്ലാം മു​ൻ​നി​ര​യി​ൽ ഒ​രു​മി​ച്ചാ​ണി​രു​പ്പ്. ആ​രോ ചോ​ദി​ച്ച​പ്പോ​ൾ കോ​ട്ട​യം ന​സീ​ർ പ​റ​ഞ്ഞു ’’ ഞ​ങ്ങ​ൾ ’ടോ​പ്പ്’ ആ​ർ​ട്ടി​സ്റ്റു​ക​ളൊ​ക്കെ ഒ​രു​മി​ച്ചേ ഇ​രി​ക്കൂ...’’ ന​സീ​റി​ക്ക ’ടോ​പ്പ്’ എ​ന്ന് ഉ​ദ്ദേ​ശി​ച്ച​ത് വി​ഗ്ഗി​നെ​യാ​ണ്.

ക്രി​ക്ക​റ്റി​ൽ സ​ച്ചി​ൻ ടെ​ൻ​ഡു​ൽ​ക്ക​റു​ടെ പി​ൻ​ഗാ​മി വി​രാ​ട് കോ​ഹ്‌ലി ആ​ണെ​ങ്കി​ൽ വി​ഗ്ഗി​ന്‍റെ കാ​ര്യ​ത്തി​ൽ ന​സീ​റി​ക്ക​യു​ടെ പി​ൻ​ഗാ​മി ക​ലാ​ഭ​വ​ൻ ഷാ​ജോ​ണ്‍ ആ​ണ്. സി​നി​മ​യി​ൽ ഷാ​ജോ​ണ്‍ വി​ഗ്ഗ് വ​ച്ചും ക​ഷ​ണ്ടി​യാ​യി​ട്ടും അ​ഭി​ന​യി​ച്ചി​ട്ടു​ണ്ട്. ഒ​റ്റ​നോ​ട്ട​ത്തി​ൽ ഷാ​ജോ​ണ്‍ വി​ഗ്ഗ് വ​ച്ചി​ട്ടു​ണ്ടെ​ന്ന് ആ​രും പ​റ​യി​ല്ല. യാ​ഥ​ർഥ മു​ടി​യാ​ണെ​ന്നേ തോ​ന്നൂ. വി​ഗ്ഗ് ന​ന്നാ​യി വൃ​ത്തി​യാ​ക്കി വ​യ്ക്കു​ക​യും ചെ​യ്യും.

ചി​ല​ർ വി​ഗ്ഗ് എ​ന്ന പേ​രി​ൽ ത​ല​യി​ൽ വ​ച്ചി​രി​ക്കു​ന്ന​ത് ക​ണ്ടാ​ൽ ച​കി​രി ക​ള​ർ ചെ​യ്ത് കെ​ട്ടി​ത്തൂ​ക്കി​യ പോ​ലെ തോ​ന്നും. ചി​ല​ർ​ക്ക് ത​ല​യു​ടെ മു​ൻ​വ​ശ​ത്ത് മു​ടി ഉ​ണ്ടാ​കി​ല്ല. ചി​ല​ർ ത​ല​യു​ടെ പി​ൻ​ഭാ​ഗ​ത്ത് നീ​ള​ത്തി​ൽ മു​ടി വ​ള​ർ​ത്തി​യി​ട്ടു​ണ്ടാ​കും. പി​ന്നി​ലേ​ക്ക് നീ​ണ്ടു​കി​ട​ക്കു​ന്ന മു​ടി ചീ​കി മു​ന്നി​ലേ​ക്കി​ട്ട് ക​ഷ​ണ്ടി മ​റ​യ്ക്കു​ന്ന വി​ദ്യ ഒ​ന്നു കാ​ണേ​ണ്ട​തു​ത​ന്നെ​യാ​ണ്. പെ​ണ്‍​കു​ട്ടി​ക​ൾ​ക്ക് പൊ​തു​വേ നീ​ള​മു​ള്ള മു​ടി അ​ഴ​കു​ത​ന്നെ​യാ​ണ്. എ​ന്നാ​ൽ, തി​രു​പ്പ​ൻ പ്ര​യോ​ഗ​മൊ​ക്ക പ​ഴ​ങ്ക​ഥ​യാ​യി മാ​റി​ക്ക​ഴി​ഞ്ഞു.

ഷാ​ജോ​ണി​ന്‍റെ വി​ഗ്ഗി​നെ​പ്പ​റ്റി​യാ​ണ് ന​മ്മ​ൾ പ​റ​ഞ്ഞു​വ​ന്ന​ത്. ഒ​രി​യ്ക്ക​ൽ ഞ​ങ്ങ​ൾ കു​വൈ​റ്റി​ൽ ട്രി​പ്പ് പോ​യ സ​മ​യ​ത്ത് എ​യ​ർ​പോ​ർ​ട്ടി​ൽ സേ​ഫ്റ്റി ചെ​ക്കി​ന് ഓ​രോ​രു​ത്ത​രെ​യാ​യി ക​ട​ത്തി​വി​ടു​ന്നു. ഞ​ങ്ങ​ളൊ​ക്കെ ക​ട​ന്ന​പ്പോ​ൾ അ​ലാം മു​ഴ​ക്കാ​ത്ത മെ​ഷീ​ൻ ഷാ​ജോ​ണ്‍ ക​ട​ന്ന​തും വ​ലി​യ വാ​യി​ൽ ക​ര​യു​ന്ന​തു​പോ​ലെ ’ബീ​പ്...’ ശ​ബ്ദം പു​റ​പ്പെ​ടു​വി​ക്കാ​ൻ തു​ട​ങ്ങി. ഷാ​ജോ​ണി​ന്‍റെ ബെ​ൽ​റ്റ് ഊ​രി​മാ​റ്റി വീ​ണ്ടും ക​ട​ത്തി​വി​ട്ടു. പി​ന്നെ​യും അ​ലാം മു​ഴ​ങ്ങി. ഷ​ർ​ട്ട് ഊ​രി​മാ​റ്റി നോ​ക്കി. എ​ന്നി​ട്ടും മെ​ഷീ​ന് ഒ​രു ദ​യ​യു​മി​ല്ല.

അ​റ​ബി പൊലിസു​കാ​രു​ടെ മു​ഖം ചു​വ​ന്നു​തു​ട​ങ്ങി. അ​വ​ർ ഷാ​ജോ​ണി​ന്‍റെ മു​ഖ​ത്തേ​ക്ക് സൂ​ക്ഷി​ച്ചുനോ​ക്കി. ഷാ​ജോ​ണ്‍ ഞ​ങ്ങ​ളെ നോ​ക്കി. ഷാ​ജോ​ണി​ന്‍റെ ശ​രീ​ര​ത്തു​നി​ന്ന് ഇ​നി ഊ​രി​മാ​റ്റ​ൻ അ​ണ്ട​ർ​വെ​യ​ർ മാ​ത്രം ബാ​ക്കി എ​ന്ന നി​ല​യി​ലെ​ത്തി കാ​ര്യ​ങ്ങ​ൾ. ഹാ​ൻ​ഡ് സ്കാ​ന​റു​മാ​യി ഒ​രു പൊലി​സു​കാ​ര​ൻ ഷാ​ജോ​ണി​ന്‍റെ കാ​ൽ മു​ത​ൽ സ്കാ​ൻ ചെ​യ്യാ​ൻ തു​ട​ങ്ങി. ത​ല​യ്ക്ക് താ​ഴെ​വ​രെ ബീ​പ് ശ​ബ്ദം പു​റ​പ്പെ​ടു​വി​ക്കാ​തി​രു​ന്ന സ്കാ​ന​ർ ഷാ​ജോ​ണി​ന്‍റെ ത​ല​യി​ലേ​ക്ക് വ​ന്ന​തും ബീ​പ്... ബീ​പ്... എ​ന്ന​ടി​ക്കാ​ൻ തു​ട​ങ്ങി. പൊലി​സു​കാ​ർ അ​റ​ബി​യി​ൽ എ​ന്തൊ​ക്കെ​യോ പ​റ​യു​ന്നു​ണ്ട്.

ടെ​ൻ​ഷ​ന​ടി​ച്ച് ഞ​ങ്ങ​ൾ ഷാ​ജോ​ണി​നെ നോ​ക്കി​നി​ൽ​ക്കു​ന്പോ​ൾ, പെ​ട്ടെ​ന്ന് ഷാ​ജോ​ണ്‍ ത​ന്‍റെ ത​ല​യി​ലെ വി​ഗ്ഗ് ഊ​രി പൊലി​സു​കാ​രു​ടെ കൈ​യി​ലേ​ക്കു കൊ​ടു​ത്തു. എ​ന്നി​ട്ട്, ട്യൂ​ബ് ലൈ​റ്റ് ക​ത്തി​വ​രു​ന്ന​തു​പോ​ലൊ​രു ചി​രി​യോ​ടെ ഷാ​ജോ​ണ്‍ ഞ​ങ്ങ​ളെ നോ​ക്കി. വി​ഗ്ഗി​ൽ ഉ​ണ്ടാ​യി​രു​ന്ന ക്ലി​പ് ആ​യി​രു​ന്നു മ​ണി മു​ഴ​ക്കി​യ വി​ല്ല​ൻ.

ത​ങ്ങ​ളു​ടെ കൈ​യി​ലി​രി​ക്കു​ന്ന വി​ഗ്ഗി​ലേ​ക്കും ഷാ​ജോ​ണി​ന്‍റെ ക​ഷ​ണ്ടി​യി​ലേ​ക്കും നോ​ക്കി പൊ​ട്ടി​ച്ചി​രി​ക്കു​ന്ന അ​റ​ബി പൊലി​സു​കാ​ർ.

ഞ​ങ്ങ​ൾ കു​വൈ​റ്റി​ലെ എ​യ​ർ​പോ​ർ​ട്ടി​ന് പു​റ​ത്തെ​ത്തു​ന്ന​തി​നു മു​ന്പേ സം​ഭ​വം എ​ത്തേ​ണ്ടി​ട​ത്തെ​ത്തി. പ്രോ​ഗ്രാം ഭം​ഗി​യാ​യി അ​വ​സാ​നി​ച്ചു. ഫോ​ട്ടോ​യെ​ടു​പ്പും ബ​ഹ​ള​വും. ആ ​സ​മ​യ​ത്ത് ര​ണ്ട് മാ​ന്യ​ദേ​ഹ​ങ്ങ​ൾ എ​ന്‍റെ അ​ടു​ത്തു വ​ന്നു. എ​ന്നി​ട്ട്, അ​വ​രെ​ന്നെ അ​ൽ​പ്പം മാ​റ്റി​നി​ർ​ത്തി​യി​ട്ട് ചോ​ദി​ച്ചു ’’ അ​തേ ന​മ്മു​ടെ ഷാ​ജോ​ണ്‍ വി​ഗ്ഗാ അ​ല്ലേ... ക​ണ്ടാ​ൽ പ​റ​യി​ല്ല കേ​ട്ടോ... ’’
അ​ങ്ങ​നെ പ​റ​ഞ്ഞ് പെ​ട്ടെ​ന്ന് അ​യാ​ൾ എ​ന്‍റെ മു​ടി​യി​ൽ ഒ​റ്റ​പ്പി​ടി​ത്തം. മു​ടി​യി​ൽ ബ​ല​മാ​യി പി​ടി​ച്ച് അ​ങ്ങോ​ട്ടു​മി​ങ്ങോ​ട്ടും ഒ​ന്നു​ല​ച്ചു. എ​നി​ക്കു​ണ്ടാ​യ വേ​ദ​ന​യൊ​ന്നും ആ​ശാ​ന​റി​ഞ്ഞ മ​ട്ടി​ല്ല. എ​ന്‍റെ മു​ടി​യി​ൽ നി​ന്നു കൈ ​എ​ടു​ത്ത് അ​യാ​ൾ കൂ​ടെ​യു​ണ്ടാ​യി​രു​ന്ന​വ​ന്‍റെ നേ​ർ​ക്ക് കൈ​നീ​ട്ടി, എ​ന്നി​ട്ട് പ​റ​ഞ്ഞു ’’ കാ​ശെ​ടു​ക്ക​ടാ, അ​പ്പ​ഴേ ഞാ​ൻ പ​റ​ഞ്ഞി​ല്ലേ പ്ര​ജോ​ദി​ന്‍റെ മു​ടി വി​ഗ്ഗ​ല്ലെ​ന്ന്... ’’
ത​ല​യും തി​രു​മ്മി ഞാ​ൻ നി​ൽ​ക്കു​ന്പോ​ൾ എ​ന്‍റെ വേ​ദ​ന​യു​ടെ പ്ര​തി​ഫ​ലം ബെ​റ്റി​ന്‍റെ രൂ​പ​ത്തി​ൽ അ​യാ​ൾ വാ​ങ്ങു​ന്നു.

Tags : KalabhavanShajon Entertainment KalabhavanPrajod KuwaitPolice FilmNews