4

തിയേറ്ററുകളിൽ തരംഗമായി മാറിയ 'വാഴ' എന്ന ചിത്രത്തിന്‍റെ രണ്ടാം ഭാഗം ബോക്സ് ഓഫീസിൽ ചരിത്രം കുറിച്ചുകൊണ്ട് മുന്നേറുകയാണ്. ഹാഷിർ, അലൻ, വിനായക്, അജിൻ തുടങ്ങിയവർ പ്രധാന വേഷങ്ങളിലെത്തുന്ന ചിത്രം നവാഗതനായ സവിൻ സാ ആണ് സംവിധാനം ചെയ്തിരിക്കുന്നത്.

പ്രേക്ഷകർക്കിടയിൽ നിന്നും വലിയ സ്വീകാര്യതയാണ് ചിത്രത്തിന് ലഭിച്ചുകൊണ്ടിരിക്കുന്നത്. ആഗോളതലത്തിൽ 200 കോടി രൂപയിലധികം കളക്ഷൻ നേടാൻ ചിത്രത്തിന് സാധിച്ചു. ഇതിൽ 100 കോടിയിലധികം രൂപ കേരളത്തിലെ തീയേറ്ററുകളിൽ നിന്ന് മാത്രമാണ് ലഭിച്ചത്.

ഹാസ്യവും വൈകാരികതയും ഒത്തിണങ്ങിയ ഒരു സമ്പൂർണ എന്‍റർടെയിനർ എന്ന നിലയിലാണ് ചിത്രം പ്രേക്ഷകർ ഏറ്റെടുത്തിരിക്കുന്നത്. ആദ്യ ഭാഗമായ വാഴ ഉയർത്തിയ വലിയ പ്രതീക്ഷകൾ നിലനിർത്താൻ രണ്ടാം ഭാഗത്തിനും കഴിഞ്ഞു.

ചിത്രത്തിന്‍റെ തിരക്കഥയിലെ മിടുക്ക് എടുത്തു പറയേണ്ട ഒന്നാണ്. സൗഹൃദത്തിന്‍റെ തീവ്രമായ വികാരങ്ങളും നൊസ്റ്റാൾജിയയും ഒത്തുചേർന്ന തിരക്കഥയ്ക്കൊപ്പം സാങ്കേതികമായി ഏറെ മികച്ചുനിൽക്കുന്ന ദൃശ്യങ്ങളും ചിത്രത്തിനുണ്ട്. ചിരിപ്പിക്കുന്നതിനൊപ്പം തന്നെ ഗൗരവകരമായ പല കാര്യങ്ങളും പ്രേക്ഷകരുമായി സംവദിക്കാൻ സംവിധായകനും തിരക്കഥാകൃത്തിനും കഴിഞ്ഞു.

Tags : Vazha2 MalayalamCinema BoxOfficeHit Mollywood VipinDas