ഭോ​പ്പാ​ൽ: മ​ധ്യ​പ്ര​ദേ​ശി​ലെ ദി​ൻ​ഡോ​റി ജി​ല്ല​യി​ൽ മ​ധു​ര​പ​ല​ഹാ​ര​മെ​ന്നു പ​റ​ഞ്ഞ് അ​യ​ൽ​വാ​സി ന​ൽ​കി​യ ബോം​ബ് ക​ടി​ച്ച യു​വാ​വ് മ​രി​ച്ചു. രാ​ജേ​ന്ദ്ര ബ​റോ​ട്ടി​യ (35) ആ​ണ് കൊ​ല്ല​പ്പെ​ട്ട​ത്.

ചൊ​വ്വാ​ഴ്ച വൈ​കി​ട്ട് വീ​ട്ടി​ൽ വി​ശ്ര​മി​ക്കു​ക​യാ​യി​രു​ന്ന രാ​ജേ​ന്ദ്ര​യു​ടെ അ​ടു​ത്തേ​ക്ക് അ​യ​ൽ​വാ​സി​യാ​യ രാം ​ഭ​ഗ​ത് ബ​റോ​ട്ടി​യ എ​ത്തു​ക​യാ​യി​രു​ന്നു. ഇ​രു​വ​രും സൗ​ഹൃ​ദ​പ​ര​മാ​യി സം​സാ​രി​ച്ചി​രി​ക്കു​ന്ന​തി​നി​ട​യി​ലാ​ണ് രാം ​ഭ​ഗ​ത് കൈ​യി​ൽ ക​രു​തി​യി​രു​ന്ന വ​സ്തു ര​സ​ഗു​ള​യാ​ണെ​ന്ന് പ​റ​ഞ്ഞ് രാ​ജേ​ന്ദ്ര​യ്ക്ക് ന​ൽ​കി​യ​ത്.

മു​റി​ക്കു​ള്ളി​ൽ ഇ​രു​ട്ടാ​യി​രു​ന്ന​തി​നാ​ൽ പ​ല​ഹാ​രം എ​ന്താ​ണെ​ന്ന് കൃ​ത്യ​മാ​യി തി​രി​ച്ച​റി​യാ​ൻ രാ​ജേ​ന്ദ്ര​യ്ക്ക് സാ​ധി​ച്ചി​ല്ല. എ​ന്നാ​ൽ, ഇ​ത് വാ​യി​ലി​ട്ട് ക​ടി​ച്ച​യു​ട​ൻ ത​ന്നെ സ്ഫോ​ട​ന​മു​ണ്ടാ​കു​ക​യാ​യി​രു​ന്നു. മൃ​ഗ​ങ്ങ​ളെ വേ​ട്ട​യാ​ടാ​നും കൊ​ല്ലാ​നും ഉ​പ​യോ​ഗി​ക്കു​ന്ന​ത​രം മാ​ര​ക​മാ​യ സ്ഫോ​ട​ക​വ​സ്തു​വാ​ണ് ഇ​യാ​ൾ ന​ൽ​കി​യ​തെ​ന്ന് രാ​ജേ​ന്ദ്ര​യു​ടെ ഭാ​ര്യ സു​ശീ​ല ബാ​യി പ​റ​ഞ്ഞു. ഗു​രു​ത​ര​മാ​യി പ​രി​ക്കേ​റ്റ രാ​ജേ​ന്ദ്ര​യെ ഉ​ട​ൻ​ത​ന്നെ അ​യ​ൽ​വാ​സി​ക​ളു​ടെ സ​ഹാ​യ​ത്തോ​ടെ ആ​ശു​പ​ത്രി​യി​ൽ എ​ത്തി​ച്ചെ​ങ്കി​ലും ജീ​വ​ൻ ര​ക്ഷി​ക്കാ​നാ​യി​ല്ല.

സം​ഭ​വ​ത്തെ തു​ട​ർ​ന്ന് പൊ​ലി​സ് ഉ​ട​ൻ​ത​ന്നെ അ​ന്വേ​ഷ​ണം ആ​രം​ഭി​ക്കു​ക​യും രാം ​ഭ​ഗ​ത് ഉ​ൾ​പ്പെ​ടെ ര​ണ്ടു​പേ​രെ അ​റ​സ്റ്റ് ചെ​യ്യു​ക​യും ചെ​യ്തു. ഒ​രാ​ൺ​കു​ട്ടി​യാ​ണ് ഈ ​വ​സ്തു ത​ന്ന​തെ​ന്നാ​ണ് രാം ​ഭ​ഗ​ത് പൊ​ലി​സി​ന് ന​ൽ​കി​യി​ട്ടു​ള്ള മൊ​ഴി. സം​ഭ​വ​ത്തി​ൽ ഉ​ൾ​പ്പെ​ട്ട ആ​ൺ​കു​ട്ടി​യെ​യും പൊ​ലി​സ് ക​സ്റ്റ​ഡി​യി​ലെ​ടു​ത്ത് ചോ​ദ്യം ചെ​യ്തു വ​രി​ക​യാ​ണ്.

Tags : Bomb Die Explode