17

2026 ഫി​ഫ ലോ​ക​ക​പ്പി​ൽ ഗോ​ള​ടി​മേ​ളം​തീ​ർ​ത്ത് ഗോ​ൾ​ഡ​ൻ ബൂ​ട്ടി​നാ​യു​ള്ള പോ​രാ​ട്ട​ത്തി​നു തു​ട​ക്ക​മി​ട്ട് സൂ​പ്പ​ർ​താ​ര​ങ്ങ​ൾ. ക​രി​യ​റി​ന്‍റെ അ​വ​സാ​ന​ഘ​ട്ട​ത്തി​ലും വി​സ്മ​യം തീ​ർ​ക്കു​ന്ന ല​യ​ണ​ൽ മെ​സി, ഫ്രാ​ൻ​സി​ന്‍റെ പു​തി​യ അ​ധ്യാ​യം കു​റി​ക്കു​ന്ന കി​ലി​യ​ൻ എം​ബാ​പ്പെ, ലോ​ക​ക​പ്പ് അ​ര​ങ്ങേ​റ്റം ഗം​ഭീ​ര​മാ​ക്കി​യ ഏ​ർ​ലിം​ഗ് ഹാ​ല​ൻ​ഡ് എ​ന്നി​വ​രെ​ല്ലാം ആ​ദ്യ മ​ത്സ​ര​ങ്ങ​ളി​ൽ ത​ന്നെ വെ​ടി​പൊ​ട്ടി​ച്ചു​ക​ഴി​ഞ്ഞു.

ഈ ​ലോ​ക​ക​പ്പി​ലെ ഏ​റ്റ​വും മി​ക​ച്ച ക​ളി​ക്കാ​ര​നു​ള്ള "ഗോ​ൾ​ഡ​ൻ ബോ​ൾ', ഗോ​ള​ടി​വീ​ര​നു​ള്ള "ഗോ​ൾ​ഡ​ൻ ബൂ​ട്ട്' പു​ര​സ്കാ​ര​ങ്ങ​ൾ​ക്കു​ള്ള പോ​രാ​ട്ട​ത്തി​ന് പോ​ർ​ച്ചു​ഗീ​സ് ഇ​തി​ഹാ​സം ക്രി​സ്റ്റ്യാ​നോ റൊ​ണാ​ൾ​ഡോ​യും ഇ​ന്നി​റ​ങ്ങും.

ഇ​ന്ന​ലെ ആ​ദ്യം​ത​ട്ട​ക​ത്തി​ൽ ക​യ​റി​യ കി​ലി​യ​ൻ എം​ബാ​പ്പെ ക​രു​ത്ത​രാ​യ സെ​ന​ഗ​ലി​നെ​തി​രേ ഇ​ര​ട്ട​ഗോ​ളു​ക​ളു​മാ​യാ​ണു വേ​ട്ട​യ്ക്കു തു​ട​ക്ക​മി​ട്ട​ത്. ലോ​ക​ക​പ്പി​ൽ സാ​ക്ഷാ​ൽ ലി​യോ മെ​സി​യെ മ​റി​ക​ട​ന്ന് 14 ഗോ​ളു​ക​ളു​മാ​യി എം​ബാ​പ്പെ ലോ​ക​ക​പ്പ് ഗോ​ളെ​ണ്ണ​ത്തി​ൽ മി​റോ​സ്ലാ​വ് ക്ലോ​സെ​യ്ക്കും റൊ​ണാ​ൾ​ഡോ ന​സാ​രി​യോ​യ്ക്കും പി​ന്നാ​ലെ മൂ​ന്നാ​മ​തെ​ത്തി.

മ​ണി​ക്കൂ​റു​ക​ളു​ടെ വ്യ​ത്യാ​സ​ത്തി​ൽ അ​ൾ​ജീ​രി​യ​ക്കെ​തി​രേ ക​ള​ത്തി​ലി​റ​ങ്ങി​യ മെ​സി ത​ക​ർ​പ്പ​ൻ ഹാ​ട്രി​ക്ക് ഗോ​ളു​മാ​യാ​ണ് മു​പ്പ​ത്തി​യ​ട്ടി​ന്‍റെ ബാ​ല്യം അ​റി​യി​ച്ച​ത്. വ​ട​ക്കേ അ​മേ​രി​ക്ക​ൻ ലോ​ക​ക​പ്പി​നു പ​ന്തു​രു​ളും മു​ൻ​പ് ലോ​ക​ക​പ്പി​ലാ​കെ 13 ഗോ​ളാ​യി​രു​ന്നു മെ​സി​യു​ടെ സ​മ്പാ​ദ്യം.

അ​ൾ​ജീ​രി​യ​ക്കെ​തി​രാ​യ ഹാ​ട്രി​ക്കോ​ടെ മെ​സി ലോ​ക​ക​പ്പ് ഗോ​ൾ​വേ​ട്ട​ക്കാ​രി​ൽ ജ​ർ​മ​ൻ സ്ട്രൈ​ക്ക​ർ മി​റോ​സ്ലാ​വ് ക്ലോ​സെ​യ്ക്കൊ​പ്പം ഒ​ന്നാം​സ്ഥാ​ന​ത്തേ​ക്കു കു​തി​ച്ചെ​ത്തി. റി​ക്കാ​ർ​ഡ് ബു​ക്കി​ൽ ത​നി​ച്ചു പേ​രെ​ഴു​താ​ൻ മെ​സി​ക്ക് ഇ​നി ഒ​രു ക​ളി​കൂ​ടി ധാ​രാ​ളം.

ഇ​ത്ത​വ​ണ ഗോ​ൾ​ഡ​ൻ ബൂ​ട്ടി​നു മെ​സി​ക്കും എം​ബാ​പ്പെ​യ്ക്കും വെ​ല്ലു​വി​ളി​യാ​യേ​ക്കാ​വു​ന്ന നോ​ർ​വെ​യു​ടെ ഏ​ർ​ലിം​ഗ് ഹാ​ല​ൻ​ഡും ലോ​ക​ക​പ്പി​ലെ അ​ര​ങ്ങേ​റ്റം ഒ​ട്ടും മോ​ശ​മാ​ക്കി​യി​ല്ല. ഇ​റാ​ക്കി​നെ​തി​രേ ത​ന്‍റെ ട്രേ​ഡ് മാ​ർ​ക്ക് ഇ​ര​ട്ട ഗോ​ളു​ക​ളു​മാ​യി ഹാ​ല​ൻ​ഡും ഗോ​ൾ​ഡ​ൻ ബൂ​ട്ടി​നാ​യി ത​യാ​റെ​ടു​പ്പ് തു​ട​ങ്ങി​ക്ക​ഴി​ഞ്ഞു.

ഇ​ത്ത​വ​ണ ക​രു​ത്തു​റ്റ ടീ​മു​മാ​യി എ​ത്തു​ന്ന നോ​ർ​വെ ലോ​ക​ക​പ്പി​ൽ എ​ത്ര​മാ​ത്രം മു​ന്നോ​ട്ടു​പോ​കും എ​ന്ന​തി​നെ ആ​ശ്ര​യി​ച്ചി​രി​ക്കും ഹാ​ല​ൻ​ഡി​ന്‍റെ സു​വ​ർ​ണ​പാ​ദു​ക​മോ​ഹം. നാ​ലോ അ​ഞ്ചോ ക​ളി​ക​ൾ കി​ട്ടി​യാ​ൽ​പോ​ലും ഗോ​ൾ​ഡ​ൻ ബൂ​ട്ട് അ​ടി​ച്ചെ​ടു​ക്കാ​നു​ള്ള ടാ​ല​ന്‍റ് ഹാ​ല​ൻ​ഡി​നു​ണ്ട്.

മെ​സി ട്രി​ക്കി​ൽ റി​ക്കാ​ർ​ഡു​ക​ൾ ത​രി​പ്പ​ണം

ആ​ദ്യ മ​ത്സ​ര​ത്തി​ൽ അ​ൾ​ജീ​രി​യ​യെ എ​തി​രി​ല്ലാ​ത്ത മൂ​ന്നു ഗോ​ളു​ക​ൾ​ക്ക് ത​ക​ർ​ത്താ​ണ് നി​ല​വി​ലെ ചാ​മ്പ്യ​ന്മാ​രാ​യ അ​ർ​ജ​ന്‍റീ​ന കി​രീ​ടം നി​ല​നി​ർ​ത്താ​നു​ള്ള യാ​ത്ര തു​ട​ങ്ങി​യ​ത്. മ​ത്സ​ര​ത്തി​ൽ ത​ക​ർ​പ്പ​ൻ ഹാ​ട്രി​ക് കു​റി​ച്ചു​കൊ​ണ്ട് ക്യാ​പ്റ്റ​ൻ ല​യ​ണ​ൽ മെ​സി ലോ​ക​ക​പ്പ് ച​രി​ത്ര​ത്തി​ൽ പു​തി​യൊ​രു അ​ധ്യാ​യം എ​ഴു​തി​ച്ചേ​ർ​ത്തു.

ഈ ​ഗോ​ളു​ക​ളോ​ടെ എ​ണ്ണ​ത്തി​ൽ 16 ഗോ​ളു​മാ​യി മി​റോ​സ്ലാ​വ് ക്ലോ​സെ​യു​ടെ റി​ക്കാ​ർ​ഡി​നൊ​പ്പം എ​ത്തി​യ മെ​സി ലോ​ക​ക​പ്പ് ച​രി​ത്ര​ത്തി​ൽ ഹാ​ട്രി​ക് നേ​ടു​ന്ന ഏ​റ്റ​വും പ്രാ​യം കൂ​ടി​യ ക​ളി​ക്കാ​ര​നു​മാ​യി.

വ​ഴി​മാ​റി​യ​ത് 2018-ൽ ​സ്പെ​യി​നെ​തി​രേ ഹാ​ട്രി​ക് നേ​ടി​യ ക്രി​സ്റ്റ്യാ​നോ റൊ​ണാ​ൾ​ഡോ​യു​ടെ റി​ക്കാ​ർ​ഡ്.

എം​ബാ​പ്പെ​യു​ടെ റി​ക്കാ​ർ​ഡ് വേ​ട്ട​യും ഹാ​ല​ൻ​ഡി​ന്‍റെ ക​ന്നി അ​ങ്ക​വും

സെ​ന​ഗ​ലി​നെ​തി​രാ​യ മ​ത്സ​ര​ത്തി​ൽ ഫ്രാ​ൻ​സ് ഒ​ന്നി​നെ​തി​രേ മൂ​ന്ന് ഗോ​ളു​ക​ൾ​ക്ക് വി​ജ​യം വ​രി​ച്ച​പ്പോ​ൾ ചു​ക്കാ​ൻ​പി​ടി​ച്ച​ത് കി​ലി​യ​ൻ എം​ബാ​പ്പെ​യു​ടെ ത​ക​ർ​പ്പ​ൻ പ്ര​ക​ട​ന​മാ​ണ്.

മ​ത്സ​ര​ത്തി​ൽ ഇ​ര​ട്ട ഗോ​ളു​ക​ൾ നേ​ടി​യ എം​ബാ​പ്പെ, ഒ​ലി​വ​ർ ജി​റൂ​ഡി​നെ മ​റി​ക​ട​ന്ന് ഫ്രാ​ൻ​സി​ന്‍റെ ച​രി​ത്ര​ത്തി​ലെ ഏ​റ്റ​വും ഉ​യ​ർ​ന്ന ഗോ​ൾ​വേ​ട്ട​ക്കാ​ര​നാ​യി മാ​റി.

ലോ​ക​ക​പ്പി​ൽ മാ​ത്രം എം​ബാ​പ്പെ​യു​ടെ ആ​കെ ഗോ​ൾ സമ്പാ​ദ്യം ഇ​തോ​ടെ പ​തി​നാ​ലി​ലേ​ക്ക് ഉ​യ​ർ​ന്നു. മ​റു​ഭാ​ഗ​ത്ത് ലോ​ക​ക​പ്പ് വേ​ദി​യി​ലേ​ക്ക് വ​ലി​യൊ​രു ഇ​ട​വേ​ള​യ്ക്കു​ശേ​ഷം തി​രി​ച്ചെ​ത്തി​യ നോ​ർ​വെ​യ്ക്കാ​യി ഏ​ർ​ലിം​ഗ് ഹാ​ല​ൻ​ഡ് ത​ന്‍റെ ക്ലാ​സ് തെ​ളി​യി​ച്ചു.

ഇ​റാ​ഖി​നെ ഒ​ന്നി​നെ​തി​രേ നാ​ലു​ഗോ​ളു​ക​ൾ​ക്ക് ത​ക​ർ​ത്ത മ​ത്സ​ര​ത്തി​ൽ ഇ​ര​ട്ട ഗോ​ളു​ക​ളു​മാ​യാ​ണ് ഹാ​ല​ൻ​ഡ് ത​ന്‍റെ ലോ​ക​ക​പ്പ് അ​ര​ങ്ങേ​റ്റം അ​തി​ഗം​ഭീ​ര​മാ​ക്കി​യ​ത്.

കാ​ത്തി​രി​പ്പ് സി​ആ​ർ സെ​വ​ന്‍റെ ലാ​സ്റ്റ് ഡാ​ൻ​സി​നാ​യി

മെ​സി​യും എം​ബാ​പ്പെ​യും ഹാ​ല​ൻ​ഡും ആ​ദ്യ മ​ത്സ​ര​ങ്ങ​ളി​ൽ ത​ന്നെ ക​ളം നി​റ​ഞ്ഞു ക​ഴി​ഞ്ഞ​പ്പോ​ൾ, ലോ​ക​മെമ്പാ​ടു​മു​ള്ള ഫു​ട്ബോ​ൾ പ്രേ​മി​ക​ൾ കാ​ത്തി​രി​ക്കു​ന്ന​ത് ക​രി​യ​റി​ലെ ആ​റാം ലോ​ക​ക​പ്പി​നാ​യി ബൂ​ട്ട​ണി​യു​ന്ന ക്രി​സ്റ്റ്യാ​നോ റൊ​ണാ​ൾ​ഡോ​യു​ടെ പ്ര​ക​ട​ന​ത്തി​നാ​ണ്.

ത​ന്‍റെ ക​രി​യ​റി​ലെ ഒ​രേ​യൊ​രു ക​ന​ക​സിം​ഹാ​സ​നം ല​ക്ഷ്യ​മി​ട്ടാ​ണ് റൊ​ണാ​ൾ​ഡോ ഇ​ന്ന് രാ​ത്രി ഡെ​മോ​ക്രാ​റ്റി​ക് റി​പ്പ​ബ്ലി​ക് ഓ​ഫ് കോം​ഗോ​യ്ക്ക് എ​തി​രെ ഹൂ​സ്റ്റ​ണി​ൽ ക​ള​ത്തി​ലി​റ​ങ്ങു​ന്ന​ത്.

മെ​സി​യു​ടെ ഹാ​ട്രി​ക്കും എം​ബാ​പ്പെ​യു​ടെ​യും ഹാ​ല​ൻ​ഡി​ന്‍റെ​യും ഇ​ര​ട്ട ഗോ​ളു​ക​ളും ന​ൽ​കു​ന്ന വ​ലി​യ ആ​വേ​ശം റൊ​ണാ​ൾ​ഡോ​യെ എ​ത്ര​ത്തോ​ളം പ്ര​ചോ​ദി​പ്പി​ക്കു​മെ​ന്നാ​ണ് ആ​രാ​ധ​ക​ർ ഉ​റ്റു​നോ​ക്കു​ന്ന​ത്.

ഗോ​ൾ​ഡ​ൻ ബോ​ളി​നാ​യു​ള്ള ഈ ​നൂ​റ്റാ​ണ്ടി​ലെ ഏ​റ്റ​വും വ​ലി​യ പോ​രാ​ട്ട​ത്തി​ന് വ​ട​ക്കേ അ​മേ​രി​ക്ക​ൻ മ​ണ്ണി​ൽ ഔ​ദ്യോ​ഗി​ക​മാ​യി തി​രി​കൊ​ളു​ത്തി​ക്ക​ഴി​ഞ്ഞു.

Tags : Fifa World Cup Football Golden Boot Erling Haaland Lionel Messi Kylian Mbappe