19

ക​റ്റാ​ല​ന്മാ​ർ​ക്കും തൊ​ട്ട​പ്പു​റ​മു​ള്ള മാ​ഡ്രി​ഡു​കാ​ർ​ക്കും അ​ർ​ജ​ന്‍റൈ​ൻ കോ​ച്ച് ലി​യോ​ണ​ൽ സ്ക​ലോ​ണി എ​ഴു​തു​ന്ന സു​വി​ശേ​ഷം... പ​ട​കി​ലെ പ​ടി​യി​ല​യാ​ൾ മ​യ​ങ്ങു​ക​യാ​യി​രു​ന്നു. കാ​റ്റും​കോ​ളും ക​ണ്ട് അ​വ​ർ പ​രി​ഭ്ര​മി​ച്ചു. അ​യാ​ൾ ഉ​ണ​ർ​ന്നു. ക​ട​ൽ ശാ​ന്ത​മാ​യി. അ​വ​ർ ക​ര​യി​ലേ​ക്ക് തു​ഴ​ഞ്ഞു. അ​തൊ​രു വി​ശ്വാ​സ​മാ​ണ്.

ഏ​ത് കാ​റ്റി​ലും​കോ​ളി​ലും അ​ർ​ജ​ന്‍റീ​ന​യ്ക്കൊ​രു ര​ക്ഷ​ക​നു​ണ്ടെ​ന്ന്. അ​വ​ന്‍റെ ഇ​ടം​കാ​ലി​ന്‍റെ ശ​ക്തി അ​വ​രെ ര​ക്ഷി​ക്കു​മെ​ന്ന്. അ​യാ​ളൊ​രു പ്ര​ത്യാ​ശ​യാ​ണ്. ജീ​വി​ത​ത്തി​ന്‍റെ അ​വ​സാ​ന നി​മി​ഷം​വ​രെ പൊ​രു​താ​നു​ള്ള ഊ​ർ​ജം ന​ൽ​കു​ന്ന പ്ര​ത്യാ​ശ. ഡി ​പോ​ൾ, മ​ക് അ​ല്ലി​സ്റ്റ​ർ, റൊ​മേ​രോ, എ​ൻ​സോ, ലൗ​താ​രോ എ​ല്ലാ​വ​രും ശ​രാ​ശ​രി​ക്കാ​ർ, വെ​റും സാ​ധാ​ര​ണ​ക്കാ​ർ. മു​ങ്ങി​ത്താ​ഴു​മെ​ന്നു​റ​ച്ച എ​ത്ര​യെ​ത്ര നി​മി​ഷ​ങ്ങ​ളാ​ണു​ണ്ടാ​യ​ത്. അ​വ​ർ അ​വ​രു​ടെ പ​ട​ത്ത​ല​വ​നി​ൽ വി​ശ്വ​സി​ച്ചു. ല​യ​ണ​ൽ ആ​ന്ദ്ര​സ് മെ​സി എ​ന്ന അ​യാ​ൾ അ​വ​രു​ടെ വി​ശ്വാ​സം കാ​ത്തു.

ഏ​തു ക​ട​ലും ആ​ൽ​ബി​സെ​ല​സ്റ്റ​ക​ൾ​ക്ക് കൈ​ലേ​സാ​യി. കേ​പ് വെ​ർ​ദെ, സ്വി​റ്റ്സ​ർ​ല​ൻ​ഡ്, ഈ​ജി​പ്ത് ഒ​ടു​വി​ൽ ഇം​ഗ്ല​ണ്ട്. തീ​ച്ചൂ​ള​യി​ലൂ​ടെ​യാ​ണ് ക​ട​ന്നു​പോ​യ​ത്. എ​ന്നി​ട്ടും വെ​ന്തു​പോ​യി​ല്ല, ഒ​ന്നു പൊ​ള്ളി​യ​തു​മി​ല്ല... ഒ​റ്റ​യ​ടി​യി​ൽ തീ​ർ​ത്തു​ക​ള​യാ​മെ​ന്ന തോ​മ​സ് ടൂ​ഹെ​ലി​ന്‍റെ ക​ണ​ക്കു​കൂ​ട്ട​ലാ​ണ് മെ​സി​യെ​ന്ന കു​റി​യ മ​നു​ഷ്യ​ൻ സെ​മി ഫൈ​ന​ലി​ൽ പൊ​ളി​ച്ച​ട‌ു​ക്കി​യ​ത്. അ​തോ​ടെ "ടു ​ഹെ​ൽ' എ​ന്നാ​യി ഇം​ഗ്ല​ണ്ടി​ന്‍റെ അ​വ​സ്ഥ.

ബോ​ക്സി​ൽ ക​യ​റ്റാ​തെ അ​യാ​ളെ പൂ​ട്ടി​യെ​ന്ന​ത് നേ​ര്. എ​ന്നാ​ൽ, ഗോ​ള​ടി​ക്കാ​ത്ത മെ​സി​യാ​ണ് കൂ​ടു​ത​ൽ അ​പ​ക​ട​കാ​രി​യെ​ന്ന് ത്രീ ​ല​യ​ൺ​സ് മ​റ​ന്നു. 85-ാം മി​നി​റ്റി​ൽ ബോ​ക്സി​ന്‍റെ വെ​ളി​യി​ൽ മ​ധ്യ​ഭാ​ഗ​ത്തേ​ക്ക് എ​ൻ​സോ​യ്ക്കൊ​രു പാ​സ്. ഇ​ഞ്ചു​റി ടൈ​മി​ൽ ബോ​ക്സി​ന്‍റെ വ​ല​തു പാ​ർ​ശ്വ​ത്തി​ൽ​നി​ന്നും ലൗ​താ​രോ​യ്ക്കൊ​രു ഏ​രി​യ​ൽ ക്രോ​സ്. ക​ളി നി​ശ്ചി​ത സ​മ​യ​ത്ത് തീ​ർ​ത്ത് ഫൈ​ന​ലി​ലേ​ക്ക്.

ഇ​നി സ്പെ​യി​ൻ. ലാ ​റോ​ജ​യു​ടെ തോ​ട്ട​ങ്ങ​ളു​ടെ കാ​വ​ൽ​ക്കാ​രാ, നി​ങ്ങ​ളു​ടെ തോ​ട്ട​ത്തി​ലെ മു​ള്ളു​ക​ൾ​ക്കി​ട​യി​ൽ അ​വ​ർ വി​ത്തു​ക​ളെ​പ്പോ​ലെ മ​യ​ങ്ങി​ക്കി​ട​ക്കു​ക​യാ​വും. തൃ​ണ​ങ്ങ​ളാ​യെ​ണ്ണി അ​വ​രെ പി​ഴു​തു​ക​ളെ​ഞ്ഞെ​ന്ന അ​മി​താ​ഹ്ലാ​ദ​ത്തി​ൽ​പ്പെ​ട്ടു​പോ​ക​രു​ത്. ക​ളി​മു​റു​കി അ​ന്ത​രീ​ക്ഷം ത​പി​ക്കു​മ്പോ​ൾ, ചൂ​ട് കൂ​ടു​മ്പോ​ൾ. മ​ണ്ണ​ട്ടി​ക​ൾ പി​ള​ർ​ന്ന് അ​വ​ർ സൂ​ര്യ​കാ​ന്തി വി​ത്തു​ക​ളെ​പ്പോ​ലെ ക​രു​ത്തോ​ടെ മു​ക​ളി​ലേ​ക്ക് കു​തി​ച്ചു​യ​രും. നി​ങ്ങ​ളു​ടെ പൂ​ന്തോ​ട്ട​ങ്ങ​ൾ​ക്കു മേ​ലെ പ​ല​നി​റ​മ​ഞ്ഞ​യി​ൽ അ​വ​ർ സൂ​ര്യ​കാ​ന്തി​ക​ളാ​വും.
അ​ല്ല​യോ, ലാ ​റോ​ജ​യു​ടെ തോ​ട്ട​ക്കാ​രാ... ക​പ്പ് അ​ർ​ജ​ൻ​സി​യു​മാ​യി അ​ർ​ജ​ന്‍റീ​ന​യാ​ണ് ഫൈ​ന​ലി​ൽ നി​ങ്ങ​ളു​ടെ എ​തി​രാ​ളി. ഗോ​ൾ വ​ഴ​ങ്ങി​യ​ശേ​ഷം സ​ട​കു​ട​ഞ്ഞെ​ണീ​ക്കു​ന്ന സ്ക​ലോ​ണി​യു​ടെ ന​വ ഗ​ർ​ജ​ന സം​ഘം... സൂ​ക്ഷി​ച്ചു​കൊ​ൾ​ക... 

Tags : FifaWorldCup Football Sports SundayDeepika