ഫ്രാ​ൻ​സി​സ് എ​ന്ന പാ​ഠ​പു​സ്ത​കം
അ​പ്പ​നു ക​രു​ത​ലാ​കാ​നും പ​ഠ​ന​ച്ചെ​ല​വ് ക​ണ്ടെ​ത്താ​നും പ​ശ്ചി​മ​കൊ​ച്ചി​യി​ലു​ട​നീ​ളം വാ​ട​ക സൈ​ക്കി​ളി​ൽ മീ​ൻ വി​റ്റു​ന​ട​ന്ന ആ ​കാ​ലം ഫ്രാ​ൻ​സി​സ് മ​റ​ന്നി​ട്ടി​ല്ല. വി​ശ​പ്പി​ന്‍റെ വി​ളി​യ​റി​ഞ്ഞ്, ഇ​ല്ലാ​യ്മ​ക​ളു​ടെ ക​ന​ൽ​വ​ഴി​ക​ൾ താ​ണ്ടി, ക​ഠി​നാ​ധ്വാ​ന​ത്തി​ലൂ​ടെ ജീ​വി​തം ക​രു​പ്പി​ടി​പ്പി​ച്ച ഡോ. ​എം.​സി. ഫ്രാ​ൻ​സി​സ്

‘അ​പ്പ​ൻ വീ​ടി​നു​വേ​ണ്ടി ഉ​രു​കു​ന്ന​ത് മ​ക്ക​ൾ ക​ണ്ടു വ​ള​ര​ണം. എ​ങ്കി​ൽ മാ​ത്ര​മേ അ​വ​ർ ന​ല്ല മ​ക്ക​ളാ​യി തീ​രൂ. ദി​വ​സം പ​തി​നാ​ല് മ​ണി​ക്കൂ​ർ​വ​രെ മീ​ൻ​ത​ട്ടി​നു മു​ന്നി​ൽ നി​ന്ന​യാ​ളാ​ണ് എ​ന്‍റെ അ​പ്പ​ൻ. അ​ദ്ദേ​ഹം ഞ​ങ്ങ​ളെ പോ​റ്റി​വ​ള​ർ​ത്താ​ൻ നി​ശ​ബ്ദം സ​ഹി​ച്ചു. എ​നി​ക്ക് ആ ​സ​ങ്ക​ട​ക്ക​ട​ൽ കാ​ണാ​തി​രി​ക്കാ​നാ​വി​ല്ല. ഞാ​ൻ ഏ​ഴാം ക്ലാ​സി​ൽ പ​ഠി​ക്കു​ന്പോ​ൾ അ​പ്പ​നെ സ​ഹാ​യി​ക്കാ​ൻ മീ​ൻ​കു​ട്ട​യെ​ടു​ത്ത​വ​നാ​ണ്. യാ​ത​ന​ക​ളു​ടെ ആ ​വ​ഴി​യി​ൽ ഞാ​ൻ അ​പ്പ​നു ത​ണ​ലാ​യി​നി​ന്നു. ആ ​ന​ര​ച്ച ക​ണ്ണു​ക​ൾ അ​ന്നൊ​ക്ക ക​ന്യ​കാ​മ​റി​യ​ത്തി​നു മു​ന്നി​ൽ എ​നി​ക്കാ​യി പ്രാ​ർ​ഥി​ച്ചി​ട്ടു​ണ്ടാ​കും. ക​ണ്ണീ​രി​ന്‍റെ ന​ന​വു​ള്ള ആ ​പ്രാ​ർ​ഥ​ന​ക​ൾ ഇ​ന്നും എ​നി​ക്കു ക​രു​ത​ലാ​യു​ണ്ട്’.

എ​റ​ണാ​കു​ളം സെ​ന്‍റ് ആ​ൽ​ബ​ർ​ട്സ് കോ​ള​ജി​ലെ ഇ​ക്ക​ണോ​മി​ക്സ് സ്റ്റാ​ഫ് റൂ​മി​ലി​രു​ന്ന് ഇ​തു പ​റ​യു​ന്പോ​ൾ ഡോ. ​എം.​സി. ഫ്രാ​ൻ​സി​സി​ന്‍റെ ക​ണ്ണു​ക​ൾ നി​റ​ഞ്ഞൊ​ഴു​കി, വാ​ക്കു​ക​ൾ മു​റി​ഞ്ഞു.

അ​പ്പ​നു ക​രു​ത​ലാ​കാ​നും പ​ഠ​ന​ച്ചെ​ല​വു ക​ണ്ടെ​ത്താ​നും പ​ശ്ചി​മ​കൊ​ച്ചി​യി​ലു​ട​നീ​ളം വാ​ട​ക​സൈ​ക്കി​ളി​ൽ മീ​ൻ വി​റ്റു​ന​ട​ന്ന ചെ​റു​പ്പ​കാ​ലം ഫ്രാ​ൻ​സി​സ് മ​റ​ന്നി​ട്ടി​ല്ല.​വി​ശ​പ്പി​ന്‍റെ വി​ളി​യ​റി​ഞ്ഞ്, ഇ​ല്ലാ​യ്മ​ക​ളു​ടെ ക​ന​ൽ​വ​ഴി​ക​ൾ താ​ണ്ടി, ക​ഠി​നാ​ധ്വാ​ന​ത്തി​ലൂ​ടെ ജീ​വി​തം ക​രു​പ്പി​ടി​പ്പി​ച്ച ഫ്രാ​ൻ​സി​സ് സെ​ന്‍റ് ആ​ൽ​ബ​ർ​ട്സ് കോ​ള​ജി​ൽ സാ​ന്പ​ത്തി​ക​ശാ​സ്ത്ര വി​ഭാ​ഗം അ​സി​സ്റ്റ​ന്‍റ് പ്ര​ഫ​സ​റാ​ണ്. യാ​ത​ന​യു​ടെ​യും യാ​ച​ന​യു​ടെ​യും ആ ​വ​റു​തി​വ​ഴി​ക​ൾ ഫ്രാ​ൻ​സി​സി​ന്‍റെ വാ​ക്കു​ക​ളി​ലൂ​ടെ ....

അ​തി​ജീ​വ​ന​പോ​രാ​ട്ടം

തോ​പ്പും​പ​ടി സൗ​ദി​യി​ൽ മു​ക്ക​ത്ത് പ​രേ​ത​നാ​യ ചാ​ക്കോ​യു​ടെ​യും മേ​യ്ബി​ളി​ന്‍റെ​യും നാ​ലാ​മ​ത്തെ മ​ക​നാ​ണ് ഞാ​ൻ. ഞ​ങ്ങ​ൾ അ​ഞ്ചു മ​ക്ക​ൾ. നാ​ലാ​ണും ഒ​രു സ​ഹോ​ദ​രി​യും. അ​പ്പ​ൻ ചെ​റു​പ്പ​കാ​ല​ത്ത് വീ​ട്ടി​ൽ പീ​ലിം​ഗ് ഷെ​ഡ്ഡ് ന​ട​ത്തി​യി​രു​ന്നു. ചെ​മ്മീ​ൻ കി​ള​ളി​ക്കൊ​ടു​ക്കു​ന്ന ജോ​ലി. അ​വി​ടെ കു​റെ സ്ത്രീ​ക​ൾ​ക്കും തൊ​ഴി​ൽ ല​ഭി​ച്ചി​രു​ന്നു. നാ​ൽ​പ​ത്ത​ഞ്ചാം വ​യ​സി​ൽ ആ ​സം​രം​ഭം ത​ക​ർ​ന്നു ക​ടം ക​യ​റി.

അ​ഭി​മാ​നി​യാ​യി​രു​ന്ന അ​പ്പ​ൻ ആ​വു​ന്ന​തെ​ല്ലാം വി​റ്റ് ക​ടം വീ​ട്ടി. പ​ഠി​പ്പ് ഒ​ട്ടും​ത​ന്നെ​യി​ല്ലാ​ത്ത അ​ദ്ദേ​ഹ​ത്തി​ന് മ​റ്റു കൈ​ത്തൊ​ഴി​ലു​ക​ളൊ​ന്നും അ​റി​യി​ല്ലാ​യി​രു​ന്നു. ജീ​വി​തം വ​ഴി​മു​ട്ടി ഇ​നി എ​ന്ത് എ​ങ്ങോ​ട്ട് എ​ന്ന് വ​ല്ലാ​ത്ത ആ​ശ​ങ്ക​യി​ലാ​യി​രു​ന്നു. ആ​കെ​യു​ള്ള​ത് ചെ​റി​യൊ​രു വീ​ടും കാ​ൽ​കു​ത്തി നി​ൽ​ക്കാ​നോ​ളം മു​റ്റ​വും. ബാ​ധ്യ​ത​ക​ളി​ൽ ഉ​ള്ളു​രു​കു​ന്പോ​ഴും കി​ട​പ്പാ​ടം വി​ൽ​ക്കാ​ൻ അ​ദ്ദേ​ഹം ത​യാ​റാ​യി​രു​ന്നി​ല്ല.

അ​ങ്ങ​നെ​യാ​ണ് മീ​ൻ ക​ച്ച​വ​ടം തു​ട​ങ്ങി​യാ​ൽ ഒ​രു​വി​ധം ജീ​വി​ച്ചു​പോ​കാ​മെ​ന്ന തോ​ന്ന​ലു​ണ്ടാ​യ​ത്. മീ​ൻ​കു​ട്ട ചു​മ​ന്ന് വീ​ടു​വീ​ടാ​ന്ത​രം ക​യ​റി വി​ൽ​ക്കാ​നു​ള്ള ആ​രോ​ഗ്യം അ​പ്പ​നി​ല്ല. ആ ​സാ​ഹ​ച​ര്യ​ത്തി​ൽ നാ​ൽ​പ​ത്ത​ഞ്ചാം വ​യ​സി​ൽ സൈ​ക്കി​ൾ ച​വി​ട്ടാ​നു​ള്ള പ​രി​ശീ​ല​ന​ത്തി​ന് അ​ദ്ദേ​ഹം നി​ർ​ബ​ന്ധി​ത​നാ​യി. ആ​ദ്യ​മൊ​ക്കെ പ​ല​പ്പോ​ഴും വീ​ണി​ട്ടു​ണ്ട്. വീ​ഴ്ച​യി​ൽ കൈ​കാ​ലു​ക​ൾ പൊ​ട്ടി​യി​ട്ടു​ണ്ട്. ഞ​ങ്ങ​ളു​ടെ വി​ശ​പ്പി​ന്‍റെ വി​ളി​ക്കു​മു​ന്നി​ൽ എ​ന്തു സ​ഹ​ന​വും സാ​ഹ​സ​വും കാ​ണി​ക്കാ​ൻ അ​പ്പ​നു മ​ടി​യു​ണ്ടാ​യി​രു​ന്നി​ല്ല.

മു​ണ്ടം​വേ​ലി ക​ട​പ്പു​റ​ത്ത് മ​ണ​ൽ​ച്ചാ​ക്കു​ക​ൾ നി​ര​ത്തി അ​തി​നു​മു​ക​ളി​ലൂ​ടെ അ​ദ്ദേ​ഹം വാ​ട​ക സൈ​ക്കി​ളി​ൽ ച​വി​ട്ട് പ​രി​ശീ​ലി​ച്ചു. അ​ടു​ക്ക​ള പു​ക​യ​ണം, ഞ​ങ്ങ​ൾ വി​ശ​ന്നു​റ​ങ്ങാ​ൻ ഇ​ട​യാ​വ​രു​തെ​ന്ന ചി​ന്ത മാ​ത്ര​മാ​യി​രു​ന്നു ആ ​യ​ജ്ഞ​ത്തി​നു പി​ന്നി​ൽ. അ​തി​ജീ​വ​ന​മ​ല്ലേ വ​ലു​ത്, വീ​ണും വി​യ​ർ​ത്തും അ​പ്പ​ൻ ഒ​രു വി​ധം സൈ​ക്കി​ൾ ച​വി​ട്ടാ​ൻ പ​ഠി​ച്ചു. വെ​റു​തെ സൈ​ക്കി​ൾ ച​വി​ട്ടി പോ​കാ​നാ​യി​രു​ന്നി​ല്ല അ​ത്. ഹാ​ർ​ബ​റി​ൽ​നി​ന്ന് കു​ട്ട​യി​ൽ നൂ​റു കി​ലോ​യോ​ളം മീ​ൻ വാ​ങ്ങി അ​ത്തി​പ്പൊ​ഴി മാ​ർ​ക്ക​റ്റി​ലെ​ത്തി​ച്ചു വി​ൽ​ക്കു​ക​യെ​ന്ന​ത് സ​ഹ​ന​വും സാ​ഹ​സ​വു​മാ​യി​രു​ന്നു.

അ​പ്പ​ന്‍റെ ത​ണ​ൽ​പ​റ്റി

സ്കൂ​ൾ വി​ട്ടു​വ​രു​ന്പോ​ൾ നോ​ട്ട്ബു​ക്കും പേ​ന​യും പെ​ൻ​സി​ലും വാ​ങ്ങാ​ൻ പ​ണം ചോ​ദി​ച്ച് ഞാ​ൻ അ​പ്പ​ന്‍റെ മു​ന്നി​ലെ​ത്തു​മാ​യി​രു​ന്നു. അ​ത്തി​പ്പൊ​ഴി​യി​ലെ മീ​ൻ​ത​ട്ടി​നു മു​ന്നി​ൽ ഒ​രു പ​ക​ൽ പി​ന്നി​ട്ടി​ട്ടു​ണ്ടാ​കും അ​പ്പ​ൻ ഒ​രേ നി​ൽ​പു തു​ട​ങ്ങി​യി​ട്ട്. ഞാ​ൻ ചെ​ല്ലു​ന്പോ​ഴേ മീ​ൻ​മ​ണ​മു​ള്ള നെ​ഞ്ചി​ലേ​ക്ക് ചെ​തു​ന്പ​ൽ ഉ​ണ​ങ്ങി​പ്പ​റ്റി​യ കൈ​ക​ൾ​ക്കൊ​ണ്ടെ​ന്നെ ചേ​ർ​ത്തു​നി​ർ​ത്തും.

അ​പ്പ​ന്‍റെ വ​യ​റ്റി​ലെ പൊ​ള്ളു​ന്ന ചൂ​ടി​ൽ എ​ന്‍റെ നെ​ഞ്ചു പൊ​ള്ളി​യി​ട്ടു​ണ്ട്. ആ ​സ്നേ​ഹ​ത്ത​ണ​ലി​ൽ എ​ന്നെ ചേ​ർ​ത്ത് ഉ​മ്മ​വ​യ്ക്കു​ന്ന അ​പ്പ​ൻ. ആ ​നെ​റ്റി​യി​ലെ വി​യ​ർ​പ്പി​ലേ​ക്കും കാ​ലി മ​ടി​ശീ​ല​യി​ലേ​ക്കും നോ​ക്കു​ന്പോ​ൾ അ​പ്പാ എ​നി​ക്കൊ​രു ഉ​ടു​പ്പ് വാ​ങ്ങി​ത്ത​രു​മോ എ​ന്നു ചോ​ദി​ക്കാ​ൻ മ​ന​സ് അ​നു​വ​ദി​ക്കു​മാ​യി​രു​ന്നി​ല്ല.

മു​ന്നേ പ​ഠി​ച്ചു​പോ​യ​വ​രോ​ടൊ​ക്കെ ക​ടം വാ​ങ്ങി​യ പ​ഴ​യ പു​സ്ത​ക​ങ്ങ​ളാ​യി​രു​ന്നു എ​ന്‍റെ കൈ​യി​ലു​ണ്ടാ​യി​രു​ന്ന​ത്. നി​റം​മ​ങ്ങി വി​യ​ർ​പ്പു​നാ​റു​ന്ന താ​ൾ​പ്പു​റ​ങ്ങ​ൾ. പേ​ന തൊ​ട്ടാ​ൽ മ​ഷി പ​ട​രു​ന്ന പ​ഴ​ക്കം. പു​സ്ത​ക​ക്കെ​ട്ട് മീ​ൻ​കു​ട്ട​യു​ടെ ത​ണ​ലി​ൽ ചാ​രി​വ​ച്ച് ബാ​ല്യം മു​ത​ൽ ഞാ​ൻ അ​പ്പ​നെ സ​ഹാ​യി​ച്ചു തു​ട​ങ്ങി. കു​ട്ട​യി​ലെ മീ​ൻ തി​രി​ഞ്ഞു​കൊ​ടു​ക്കും, വാ​ങ്ങാ​ൻ വ​രു​ന്ന​വ​ർ​ക്ക് പൊ​തി​ഞ്ഞു​കൊ​ടു​ക്കും, കാ​ശ് വാ​ങ്ങി അ​പ്പ​നെ ഏ​ൽ​പ്പി​ക്കും.

പ​ച്ച​മീ​ൻ അ​പ്പാ​ടെ വി​റ്റ് പോ​ക​രു​തേ എ​ന്നാ​ഗ്ര​ഹി​ച്ച ദി​വ​സ​ങ്ങ​ളു​ണ്ട്. കു​ട്ട​യി​ൽ ബാ​ക്കി വ​ന്നാ​ൽ അ​ൽ​പം മീ​ൻ​ക​റി കൂ​ട്ടാം. അ​ത​ല്ലെ​ങ്കി​ൽ ഉ​ണ​ക്കാം. ആ ​ഉ​ണ​ക്ക​മീ​ൻ വി​റ്റ് പ​ഠ​ന​ത്തി​നു​ള്ള പ​ണ​മു​ണ്ടാ​ക്കാ​ൻ അ​പ്പ​ൻ ന​ല്ല മ​ന​സു​കാ​ണി​ക്കും. അ​ങ്ങ​നെ പ​ന്ത്ര​ണ്ടാം പി​റ​ന്നാ​ളി​നു മു​ന്നേ ഞാ​ൻ ഉ​ണ​ക്ക​മീ​ൻ വി​ൽ​ക്കാ​ൻ വ​ഴി​യോ​ര​ങ്ങ​ളി​ലൂ​ടെ ന​ട​ന്നു. ചി​ല്ല​റ​ത്തു​ട്ടു​ക​ൾ മാ​ത്ര​മേ മി​ച്ചം കി​ട്ടൂ എ​ങ്കി​ലും അ​ക്കാ​ല​ത്ത​തു ക​രു​ത​ലാ​യി​രു​ന്നു, ആ​ശ്വാ​സ​മാ​യി​രു​ന്നു.

ഞാ​ൻ ഏ​ഴാം ക്ലാ​സി​ൽ പ​ഠി​ക്കു​ന്പോ​ൾ അ​പ്പ​ന് ക​ണ്ണി​ന് ശ​സ്ത്ര​ക്രി​യ വേ​ണ്ടി​വ​ന്നു. മൂ​ന്നു മാ​സ​ത്തെ വി​ശ്ര​മം വേ​ണം. വീ​ട്ടി​ൽ മ​റ്റു വ​രു​മാ​ന​മൊ​ന്നു​മി​ല്ല. സ​ഹാ​യി​ക്കാ​ൻ ആ​രു​മി​ല്ല. ആ ​സാ​ഹ​ച​ര്യ​ത്തി​ൽ പ​ഠ​നം മു​ട​ങ്ങാ​തി​രി​ക്കാ​ൻ ഞാ​ൻ ക​പ്പ​ല​ണ്ടി​വി​ൽ​പ​ന തു​ട​ങ്ങി. ന​സ്ര​ത്തു​നി​ന്ന് ക​പ്പ​ല​ണ്ടി വാ​ങ്ങി വ​റു​ത്ത് വാ​ട​ക സൈ​ക്കി​ളി​ൽ കൊ​ണ്ടു​ന​ട​ന്നു വി​ൽ​ക്കും. ക​പ്പ​ല​ണ്ടി വി​റ്റാ​ൽ ദി​വ​സം ര​ണ്ടു രൂ​പ ലാ​ഭം കി​ട്ടും.

സ്കൂ​ൾ വ​ലി​യ​വ​ധി​ക്കാ​ലം വ​രെ അ​തു തു​ട​ർ​ന്നു. അ​തി​ൽ​നി​ന്നു കി​ട്ടി​യ പ​ണം സ്വ​രൂ​പി​ച്ചു​വ​ച്ചാ​യി​രു​ന്നു അ​ടു​ത്ത ക്ലാ​സി​ലെ പ​ഠ​നം. മു​ണ്ടം​വേ​ലി സെ​ന്‍റ് ലൂ​യി​സ് ഹൈ​സ്കൂ​ളി​ൽ നി​ന്ന് പ​ത്താം​ക്ലാ​സ് പാ​സാ​യ​തോ​ടെ തു​ട​ർ​പ​ഠ​നം എ​നി​ക്ക് അ​ട​യു​ന്ന അ​ധ്യാ​യ​മാ​യി. പ​ഠി​ക്കാ​ൻ ആ​ഗ്ര​ഹ​മു​ണ്ട്, പ​ണ​മി​ല്ല. അ​ക്കാ​ല​ത്ത് സ​ഹോ​ദ​ര​ന്മാ​രി​ൽ ര​ണ്ടു​പേ​ർ മ​ര​പ്പ​ണി​യും മ​റ്റൊ​രാ​ൾ വെ​ൽ​ഡിം​ഗും പ​ഠി​ച്ചു​കൊ​ണ്ടി​രി​ക്കു​ന്നു. അ​വ​ർ​ക്ക് കാ​ര്യ​മാ​യ വ​രു​മാ​ന​മൊ​ന്നു​മി​ല്ല. പ്രാ​യ​മേ​റും​തോ​റും അ​പ്പ​ന് അ​വ​ശ​ത​ക​ൾ കൂ​ടി​വ​രു​ന്നു.

നി​റ​ക​ണ്ണു​ക​ളോ​ടെ അ​പ്പ​ൻ

ശ​നി, ഞാ​യ​ർ ദി​വ​സ​ങ്ങ​ളി​ൽ ഞാ​ൻ വ​സ്ത്ര​ങ്ങ​ൾ ഇ​സ്തി​രി​യി​ട്ടു​കൊ​ടു​ക്കാ​ൻ പോ​കും. ഒ​രു വ​സ്ത്രം ഇ​സ്തി​രി​യി​ട്ടാ​ൽ 50 പൈ​സ കി​ട്ടും. ആ​ഴ്ച മു​ഴു​വ​ൻ വീ​ടു​ക​ൾ ക​യ​റി​യി​റ​ങ്ങി തു​ണി തേ​ച്ചു​കൊ​ടു​ക്കും. അ​ത്ത​ര​ത്തി​ൽ കു​റെ പ​ണം സ്വ​രൂ​പി​ച്ച് 1987 ൽ ​കൊ​ച്ചി​ൻ കോ​ള​ജി​ൽ പ്രീ​ഡി​ഗ്രി തേ​ർ​ഡ് ഗ്രൂ​പ്പി​ന് ചേ​ർ​ന്നു. ക്ലാ​സി​ൽ സാ​മാ​ന്യം പ​ഠി​ക്കു​മാ​യി​രു​ന്ന​തു​കൊ​ണ്ട് സ​ഹ​പാ​ഠി​ക​ളും അ​ധ്യാ​പ​ക​രു​മൊ​ന്നും എ​ന്‍റെ ക​ഷ്ട​പ്പാ​ടു​ക​ക​ൾ അ​റി​ഞ്ഞി​രു​ന്നി​ല്ല.

പ്രീ​ഡി​ഗ്രി ഒ​ന്നാം വ​ർ​ഷം ഇം​ഗ്ലീ​ഷി​നു തോ​റ്റു. ട്യൂ​ഷ​നു പോ​കാ​ൻ പ​ണ​മി​ല്ല. ഞാ​ൻ ഇ​സ്തി​രി​യി​ട്ടു കൊ​ടു​ത്തി​രു​ന്ന ഒ​രു വീ​ട്ടി​ൽ​നി​ന്ന് നൂ​റു രൂ​പ ക​ടം​വാ​ങ്ങി തോ​പ്പും​പ​ടി​യി​ലു​ള്ള റോ​ബി​ൻ​സാ​റി​ന്‍റെ ട്യൂ​ഷ​ൻ സെ​ന്‍റ​റി​ൽ ഇം​ഗ്ലീ​ഷ് പ​ഠി​ക്കാ​ൻ ചേ​ർ​ന്നു.

ക​ടം വീ​ട്ടാ​നാ​യി ര​ണ്ടു മാ​സം ആ ​വീ​ട്ടി​ൽ സൗ​ജ​ന്യ​മാ​യി വ​സ്ത്ര​ങ്ങ​ൾ ഇ​സ്തി​രി​യി​ട്ടു കൊ​ടു​ത്തു. ആ ​ക​ഠി​നാ​ധ്വാ​ന​ത്തി​ൽ പ്രീ​ഡി​ഗ്രി പാ​സാ​യി കൊ​ച്ചി​ൻ കോ​ള​ജി​ൽ​ത​ന്നെ ഡി​ഗ്രി​ക്ക് ചേ​രാ​ൻ ആ​ഗ്ര​ഹി​ച്ചു. അ​വി​ടെ​യും സാ​ന്പ​ത്തി​ക​മാ​ണ് പ​രി​മി​തി​യാ​യ​ത്. ഇ​സ്തി​രി​യി​ട്ടു കി​ട്ടി​യ പ​ത്തു രൂ​പ എ​ന്‍റെ കൈ​വ​ശ​മു​ണ്ട്.

ഒ​രു ദി​വ​സം അ​പ്പ​ന്‍റെ അ​ടു​ത്തു ചെ​ന്നു പ​റ​ഞ്ഞു. ‘ എ​നി​ക്കു പ​ഠി​ക്ക​ണം. കൈ​യി​ൽ ആ​കെ പ​ത്തു രൂ​പ​യേ​യു​ള്ളു. അ​പ്പ​ന്‍റെ പ​ഴ​യ സൈ​ക്കി​ൾ എ​നി​ക്ക് ത​രാ​മോ? ഞാ​ൻ മീ​ൻ വി​റ്റു​കി​ട്ടു​ന്ന പ​ണം​കൊ​ണ്ട് പ​ഠി​ച്ചോ​ളാം. അ​പ്പ​ന് ബാ​ധ്യ​ത​യാ​വി​ല്ല’. അ​ന്ന് അ​റു​പ​തു പി​ന്നി​ട്ട അ​പ്പ​ൻ അ​തു​കേ​ട്ട് വ​ല്ലാ​തെ നെ​ടു​വീ​ർ​പ്പി​ട്ടു. മു​ഖം മ​റ​ച്ച് ക​ണ്ണീ​ർ​പൊ​ഴി​ച്ചു.

‘നീ ​സൈ​ക്കി​ൾ എ​ടു​ത്തോ​ളൂ’. കോ​ള​ജി​ൽ പ​ഠി​ക്കു​ന്ന​തി​നി​ടെ ഞാ​ൻ മീ​ൻ​സൈ​ക്കി​ളു​മാ​യി ഊ​രു​ചു​റ്റു​ന്ന​തു കാ​ണാ​നോ ചി​ന്തി​ക്കാ​നോ അ​ദ്ദേ​ഹ​ത്തി​ന്‍റെ മാ​നം അ​നു​വ​ദി​ച്ചി​രു​ന്നി​ല്ല.

അ​ങ്ങ​നെ കൊ​ച്ചി​ൻ കോ​ള​ജി​ൽ ബി​എ ഇ​ക്ക​ണോ​മി​ക്സി​നു ചേ​ർ​ന്നു. കോ​ള​ജി​ൽ ഷി​ഫ്റ്റ് ആ​യി​രു​ന്ന​തി​നാ​ൽ ക്ലാ​സ് ക​ഴി​ഞ്ഞാ​ലു​ട​ൻ തോ​പ്പും​പ​ടി ഫി​ഷിം​ഗ് ഹാ​ർ​ബ​റി​ൽ സൈ​ക്കി​ളി​ൽ പോ​യി മീ​ൻ വാ​ങ്ങി വീ​ടു​ക​ളി​ൽ വി​ൽ​ക്കും. മി​ച്ചം​വ​രു​ന്ന മീ​ൻ വെ​ട്ടി ഉ​ണ​ക്കി ക​ട​ക​ളി​ൽ വി​ൽ​ക്കും. രാ​ത്രി വൈ​കും വ​രെ പ​ഠി​ക്കും.

അ​ത്ത​ര​ത്തി​ൽ സെ​ക്ക​ൻ​ഡ് ക്ലാ​സോ​ടെ ഡി​ഗ്രി പ​ഠ​നം പൂ​ർ​ത്തി​യാ​ക്കി. ഹാ​ർ​ബ​റി​ൽ മീ​ൻ എ​ടു​ക്കാ​ൻ പോ​കു​ന്പോ​ഴൊ​ക്കെ മീ​ൻ ക​ച്ച​വ​ടം ന​ട​ത്തു​ന്ന അ​മ്മ​മാ​രെ ഞാ​ൻ ശ്ര​ദ്ധി​ക്കു​മാ​യി​രു​ന്നു. മീ​ൻ വി​റ്റ് വീ​ടു​പു​ല​ർ​ത്തു​ന്ന ആ ​സ്ത്രീ​ക​ളോ​ട് അ​വ​രു​ടെ മ​ക്ക​ൾ​ക്കു​ള്ള മ​നോ​ഭാ​വ​ത്തെ​ക്കു​റി​ച്ച് എ​പ്പോ​ഴും ചി​ന്തി​ച്ചി​ട്ടു​ണ്ട്.

സ​ങ്ക​ട​ക്ക​ട​ൽ താ​ണ്ടി

ഡി​ഗ്രി പ​ഠ​ന​ത്തി​നു​ശേ​ഷം ക​ട​വ​ന്ത്ര ഗി​രി​ന​ഗ​റി​ൽ എം.​സി. കു​രു​വി​ള ആ​ൻ​ഡ് ക​ന്പ​നി​യി​ൽ എ​നി​ക്കു ക്ല​റി​ക്ക​ൽ ജോ​ലി കി​ട്ടി. 600 രൂ​പ​യാ​യി​രു​ന്നു ശ​ന്പ​ളം. ഏ​റെ വൈ​കാ​തെ ആ ​ജോ​ലി വേ​ണ്ടെ​ന്നു​വ​ച്ചു. പ​ഠി​ക്കാ​നാ​യി എ​നി​ക്കു നേ​രി​ടേ​ണ്ടി​വ​ന്ന ക​ഷ്ട​പ്പാ​ടു​ക​ൾ നേ​രി​ൽ അ​റി​യാ​മാ​യി​രു​ന്ന സൗ​ദി ആ​രോ​ഗ്യ​മാ​താ പ​ള്ളി​വി​കാ​രി ഫാ. ​സ്റ്റീ​ഫ​ൻ പ​ഴ​ന്പാ​ശേ​രി​യെ ചെ​ന്നു​ക​ണ്ടു. തീ​ര​ദേ​ശ​ങ്ങ​ളി​ലെ കു​ട്ടി​ക​ൾ​ക്ക് ട്യൂ​ഷ​നെ​ടു​ക്കാ​നു​ള്ള സൗ​ക​ര്യം ചെ​യ്തു​ത​ര​ണ​മെ​ന്ന് അ​ദ്ദേ​ഹ​ത്തോ​ട് പ​റ​ഞ്ഞു.

അ​ച്ച​ൻ പാ​രി​ഷ്ഹാ​ൾ സൗ​ജ​ന്യ​മാ​യി വി​ട്ടു​ത​ന്നു. അ​വി​ടെ അ​ഞ്ചു​വ​ർ​ഷം അ​ധ്യാ​പ​ക​നാ​യി. തു​ട​ർ​ന്ന് പ്രാ​രാ​ബ്ദ​ങ്ങ​ൾ​ക്കി​ട​യി​ൽ പ​ഠ​നം തു​ട​ർ​ന്ന് ഒ​രു വി​ധം എം​എ​യും ബി​എ​ഡും എ​ടു​ത്തു. അ​ക്കാ​ല​ത്തും ട്യൂ​ഷ​ൻ മു​ട​ക്കി​യി​രു​ന്നി​ല്ല. പി​ന്നീ​ട് തോ​പ്പും​പ​ടി സെ​ന്‍റ് ജോ​സ​ഫ് വി​മ​ൻ​സ് കോ​ള​ജി​ൽ ആ​റു​കൊ​ല്ലം അ​ധ്യാ​പ​ക​നാ​യി. അ​ക്കാ​ല​ത്താ​ണ് 2000ൽ ​അ​പ്പ​ൻ ഞ​ങ്ങ​ളെ എ​ന്നേ​ക്കു​മാ​യി വി​ട്ടു​പോ​യ​ത്. ജീ​വി​ത​ത്തി​ൽ ഞാ​ൻ ഏ​റ്റ​വു​മ​ധി​കം ക​ര​ഞ്ഞ ദി​വ​സ​മാ​യി​രു​ന്നു അ​ന്ന്.

അ​രൂ​ർ സെ​ന്‍റ് അ​ഗ​സ്റ്റി​ൻ​സ് സ്കൂ​ളി​ൽ അ​ധ്യാ​പ​ക​ജോ​ലി കി​ട്ടി​യെ​ങ്കി​ലും ഡി​വി​ഷ​ൻ ഫാ​ൾ വ​ന്ന​തി​നെ​ത്തു​ട​ർ​ന്ന് ഒ​രു വ​ർ​ഷ​ത്തി​നു​ശേ​ഷം മ​ട​ങ്ങേ​ണ്ടി​വ​ന്നു. പി​ന്നെ ഫ്രീ​ലാ​ൻ​സ് ട്യൂ​ഷ​ൻ ടീ​ച്ച​റാ​യി. 2013ൽ ​എ​റ​ണാ​കു​ളം സെ​ന്‍റ് ആ​ൽ​ബ​ർ​ട്സ് കോ​ള​ജി​ൽ ഗ​സ്റ്റ് ല​ക്ച​റ​റാ​യി ചേ​ർ​ന്നു. 2014ൽ ​അ​വി​ടെ​ത്ത​ന്നെ അ​സി​സ്റ്റ​ന്‍റ് പ്ര​ഫ​സ​റാ​യി നി​യ​മ​നം കി​ട്ടി.

അ​ധ്യാ​പ​നം ഹ​ര​മാ​യ​തോ​ടെ​യാ​ണ് ഡോ​ക്ട​റേ​റ്റ് നേ​ട​ണ​മെ​ന്ന വ​ലി​യ ആ​ഗ്ര​ഹ​മു​ണ്ടാ​യ​ത്. ഫി​ഷിം​ഗ് ഹാ​ർ​ബ​റി​ൽ മ​ത്സ്യ​ത്തി​ന് കാ​ത്തു​നി​ൽ​ക്കു​ന്ന മീ​ൻ​ക​ച്ച​വ​ട​ക്കാ​രാ​യ അ​മ്മ​മാ​രു​ടെ ജീ​വി​ത​വും ക​ഠി​നാ​ധ്വാ​ന​വു​മാ​യി​രു​ന്നു അ​ന്നും എ​ന്‍റെ മ​ന​സി​ൽ. പു​തു​ത​ല​മു​റ​യി​ൽ വ​നി​താ സം​രം​ഭ​ക​രു​ടെ സ്വാ​ധീ​ന​മാ​ണ് ഗ​വേ​ഷ​ണ വി​ഷ​യ​മാ​യി എ​ടു​ത്ത​ത്. കൊ​ച്ചി​ൻ കോ​ള​ജി​ൽ എ​ന്‍റെ അ​ധ്യാ​പ​ക​നാ​യി​രു​ന്ന ഡോ. ​എ​ൻ. അ​ജി​ത്കു​മാ​റാ​യി​രു​ന്നു ഗൈ​ഡ്. 2022ൽ ​പി​എ​ച്ച്ഡി പൂ​ർ​ത്തി​യാ​ക്കി.

ഫ്രാ​ൻ​സി​സി​ന്‍റെ ഭാ​ര്യ സി​ൻ​സി സ്പെ​ഷ​ൽ സ്കൂ​ൾ അ​ധ്യാ​പി​ക​യാ​ണ്. പ​ത്താം ക്ലാ​സ് വി​ദ്യാ​ർ​ഥി എ​ൽ​നി​നോ​യും ഏ​ഴാം ക്ലാ​സു​കാ​ര​ൻ എ​ൽ​വി​നു​മാ​ണ് മ​ക്ക​ൾ.‘​ന​മ്മു​ടെ ജീ​വി​തം മ​റ്റൊ​രാ​ൾ​ക്ക് പ്ര​ചോ​ദ​ന​മാ​യാ​ൽ അ​തി​ൽ​പ​രം മ​റ്റൊ​ന്നി​ല്ല.’ ക​ന​ൽ​വ​ഴി​ക​ൾ താ​ണ്ടി കോ​ള​ജ് പ്ര​ഫ​സ​ർ​ത​ലം വ​രെ ഉ​യ​ർ​ന്ന ഫ്രാ​ൻ​സി​സ് സ്വ​ന്തം ജീ​വി​തം ലോ​ക​ത്തോ​ടു പ​റ​യു​ന്ന​ത് ഒ​രു സ​ന്ദേ​ശ​മാ​യാ​ണ്.

സീ​മ മോ​ഹ​ൻ​ലാ​ൽ


Copyright @ 2022 , Rashtra Deepika Ltd.