ഇ​ന്ന​ത്തെ ഹാ​ർ​മ​ണി​യി​ൽ എ​ത്തു​ന്ന​ത്
ഒ​രു അ​തി​ഥി എ​ഴു​ത്തു​കാ​ര​നാ​ണ്. മ​ഹാ​നാ​യ
ഗു​രു​നാ​ഥ​ന് ജന്മ​ദി​ന​വേ​ള​യി​ൽ ആ​ശം​സ​ക​ൾ നേ​ർ​ന്ന്
ശി​ഷ്യ​ൻ എ​ഴു​തു​ന്നു. ഗു​രു​നാ​ഥ​ൻ മ​റ്റാ​രു​മ​ല്ല,
ഗാ​ന​ഗ​ന്ധ​ർ​വ​ൻ യേ​ശു​ദാ​സാ​ണ്. ശി​ഷ്യ​ൻ "പാ​ടും​പാ​തി​രി' എ​ന്ന പേ​രി​ൽ പ്ര​ശ​സ്ത​നാ​യ
റ​വ.​ഡോ. പോ​ൾ പൂ​വ​ത്തി​ങ്ക​ൽ സി​എം​ഐ.
സം​ഗീ​ത​ജ്ഞ​നും തൃ​ശൂ​രി​ലെ ചേ​ത​ന മ്യൂ​സി​ക് കോ​ള​ജ് പ്രി​ൻ​സി​പ്പ​ലു​മാ​ണ് അ​ദ്ദേ​ഹം. ഗു​രു​വി​നും ശി​ഷ്യ​നും ഹാ​ർ​മ​ണി​യു​ടെ ആ​ശം​സ​ക​ൾ...

1996 ഡി​സം​ബ​ർ 18ന് ​മ​ദ്രാ​സി​ലെ മ്യൂ​സി​ക് അ​ക്കാ​ഡ​മി​യി​ൽ ദാ​സേ​ട്ട​ന്‍റെ സം​ഗീ​ത​ക്ക​ച്ചേ​രി. ഞാ​ൻ മ​ദ്രാ​സ് സ​ർ​വ​ക​ലാ​ശാ​ല​യി​ൽ എം​ഫി​ൽ സം​ഗീ​ത​പ​ഠ​ന​ത്തി​നു ചേ​ർ​ന്ന സ​മ​യം. ക​ച്ചേ​രി കേ​ൾ​ക്കാ​ൻ അ​തി​യാ​യ ആ​ഗ്ര​ഹ​മു​ണ്ട്. ഒ​രു ടി​ക്ക​റ്റി​നാ​യി അ​വി​ടെ​ച്ചെ​ന്ന​പ്പോ​ൾ എ​ല്ലാം വി​റ്റു​തീ​ർ​ന്നി​രി​ക്കു​ന്നു. നി​രാ​ശ​യോ​ടെ മ​ട​ങ്ങി.

ര​ണ്ടു​ദി​വ​സം ക​ഴി​ഞ്ഞ് അ​ദ്ദേ​ഹ​ത്തെ കാ​ണാ​ൻ തി​രു​വാ​ണ്മിയൂ​രി​ലെ വീ​ട്ടി​ൽ​ ചെ​ന്നു. ക​ണ്ട​യു​ട​നെ ചോ​ദി​ച്ച​തി​ങ്ങ​നെ: അ​ച്ച​ൻ മ്യൂ​സി​ക് അ​ക്കാ​ഡ​മി​യി​ലെ ക​ച്ചേ​രി​ക്കു വ​ന്നി​രു​ന്നോ? ഞാ​ൻ പ​റ​ഞ്ഞു: വ​ന്നി​രു​ന്നു, പ​ക്ഷേ ടി​ക്ക​റ്റ് കി​ട്ടി​യി​ല്ല. മ​റു​പ​ടി വി​സ്മ​യി​പ്പി​ക്കു​ന്ന​താ​യി​രു​ന്നു- നാ​ളെ നാ​ര​ദ ഗാ​ന​സ​ഭ​യി​ൽ ക​ച്ചേ​രി​യു​ണ്ട്. അ​ച്ച​ൻ അ​വി​ടെ വ​ന്നാ​ൽ മ​തി. ഞാ​ൻ എ​ല്ലാം നോ​ക്കി​ക്കൊ​ള്ളാം.
ദി​വ​സം​തോ​റും ക​ച്ചേ​രി​ക​ൾ കേ​ൾ​ക്കാ​ൻ മ​ദ്രാ​സി​ൽ അ​ല​ഞ്ഞു​ന​ട​ന്നി​രു​ന്ന എ​നി​ക്ക് അ​തു കേ​ട്ട​പ്പോ​ൾ അ​തി​യാ​യ സ​ന്തോ​ഷ​മു​ണ്ടാ​യി. പി​റ്റേ​ദി​വ​സം നേ​ര​ത്തേ​ത​ന്നെ വേ​ദി​ക്കു സ​മീ​പ​മെ​ത്തി കാ​ത്തു​നി​ന്നു.

അ​താ, ദാ​സേ​ട്ട​ൻ വ​രു​ന്നു. എ​ല്ലാ​വ​രും ഓ​ടി​ക്കൂ​ടി. അ​ക​ലെ ഒ​രു ജൂ​ബ്ബ​യും ധ​രി​ച്ച് നി​ൽ​ക്കു​ന്ന എ​ന്നെ എ​ങ്ങ​നെ​യോ ക​ണ്ടു. അ​ടു​ത്തേ​ക്കു​വ​ന്ന് തോ​ളി​ൽ കൈ​വ​ച്ച് ഓ​ഡി​റ്റോ​റി​യ​ത്തി​ൽ മു​ൻ​നി​ര​യി​ലെ സീ​റ്റി​ൽ കൊ​ണ്ടി​രു​ത്തി.

ര​ണ്ടു​ദി​വ​സ​ത്തി​നു​ശേ​ഷം ടി ​ന​ഗ​റി​ലെ വാ​ണി മ​ഹ​ലി​ലാ​യി​രു​ന്നു ക​ച്ചേ​രി. സ​ദ​സ്സി​ൽ ഞാ​ൻ നേ​ര​ത്തേ ഇ​ടം​പി​ടി​ച്ചി​രു​ന്നു. സ​മ​യ​മാ​യി​ട്ടും ക​ർ​ട്ട​ൻ പൊ​ങ്ങു​ന്നി​ല്ല. പെ​ട്ടെ​ന്ന് ദാ​സേ​ട്ട​ന്‍റെ സെ​ക്ര​ട്ട​റി വ​ന്നു പ​റ​യു​ന്നു- ദാ​സേ​ട്ട​ൻ അ​ച്ച​നെ വി​ളി​ക്കു​ന്നു.

ഗ്രീ​ൻ റൂ​മി​ലേ​ക്കു ചെ​ന്ന​പ്പോ​ൾ ദാ​സേ​ട്ട​ന്‍റെ ചോ​ദ്യം- അ​ച്ച​നു തം​ബു​രു മീ​ട്ടാ​ൻ അ​റി​യാ​മോ? കു​റ​ച്ച​റി​യാം എ​ന്ന് എ​ന്‍റെ മ​റു​പ​ടി. ക​ച്ചേ​രി​ക്ക് തം​ബു​രു മീ​ട്ട​ണ​മെ​ന്ന് ദാ​സേ​ട്ട​ന്‍റെ നി​ർ​ദേ​ശം. എ​നി​ക്ക് ആ​കെ​ക്കൂ​ടി അദ്ഭുത​വും ഭ​യ​വും തോ​ന്നി.

ക​ച്ചേ​രി തു​ട​ങ്ങി. ഒ​ന്ന​ര മ​ണി​ക്കൂ​ർ പി​ന്നി​ട്ട​തോ​ടെ എ​ന്‍റെ കാ​ൽ​മു​ട്ടു​ക​ൾ വേ​ദ​നി​ക്കാ​ൻ തു​ട​ങ്ങി. മ​ന​സി​ൽ ഒ​രേ​യൊ​രു പ്രാ​ർ​ഥ​ന​യേ ഉ​ണ്ടാ​യി​ന്നു​ള്ളൂ- ശ്ര​ദ്ധ തെ​റ്റാ​തെ വാ​ദ​നം പൂ​ർ​ത്തി​യാ​ക്ക​ണം. മൂ​ന്നേ​കാ​ൽ മ​ണി​ക്കൂ​ർ നീ​ണ്ട ആ ​ക​ച്ചേ​രി​ക്ക് വ​ള​രെ ക്ലേ​ശി​ച്ചാ​ണെ​ങ്കി​ലും അ​ദ്ഭുത​ക​ര​മാ​യി ഞാ​ൻ തം​ബു​രു മീ​ട്ടി!

അ​ത് വ​ലി​യൊ​ര​ഗ്നി​പ​രീ​ക്ഷ​ണ​വും തു​ട​ക്ക​വു​മാ​യി​രു​ന്നു. തു​ട​ർ​ന്ന് ഒ​ട്ടേ​റെ ക​ച്ചേ​രി​ക​ൾ​ക്ക് അ​ദ്ദേ​ഹ​ത്തോ​ടൊ​പ്പം തം​ബു​രുവുമായി ചേ​ർ​ന്നി​രു​ന്നു. ക​ഴി​ഞ്ഞ ഇ​രു​പ​ത്ത​ഞ്ചു വ​ർ​ഷ​മാ​യി മു​ട​ങ്ങാ​തെ മ​ദ്രാ​സി​ലെ മാ​ർ​ഗ​ഴി​മാ​സ ക​ച്ചേ​രി​ക്ക് തം​ബു​രു മീ​ട്ടു​ന്നു. ഓ​രോ ക​ച്ചേ​രി​യും എ​ത്ര​യോ പ​ഠ​ന ക്ലാ​സു​ക​ൾ​ക്കു തു​ല്യ​മാ​ണ്.

നേ​ര​ത്തേ ബാം​ഗ​ളൂ​ർ ധ​ർ​മാ​രാം കോ​ള​ജി​ലും ക്രൈ​സ്റ്റ് കോ​ള​ജി​ലും പ​ഠി​ക്കു​ന്ന വേ​ള​ക​ളി​ൽ യേ​ശു​ദാ​സി​ന്‍റെ ക​ച്ചേ​രി​ക​ളും ഗാ​ന​മേ​ള​ക​ളും നേരിട്ടു കേൾക്കാൻ ഭാ​ഗ്യ​മു​ണ്ടാ​യി​ട്ടു​ണ്ട്. അ​ന്നൊ​ന്നും ജ​ന​ത്തി​ര​ക്കു​മൂ​ലം നേ​രി​ട്ടു​ക​ണ്ടു സം​സാ​രി​ക്കാ​ൻ ക​ഴി​ഞ്ഞി​രു​ന്നി​ല്ല. പാ​ട്ടു​ക​ൾ​ക്ക് ഈ​ണ​മി​ടു​ന്ന​തി​ൽ ചെ​റു​പ്പ​കാ​ലം മു​ത​ൽ​ക്കേ താ​ത്പ​ര്യ​മു​ണ്ട്. ത​രം​ഗി​ണി​യു​ടെ ലേ​ബ​ലി​ൽ ഒ​രു ഭ​ക്തി​ഗാ​ന ആ​ൽ​ബം ചെ​യ്യ​ണ​മെ​ന്നൊ​ക്കെ അ​ന്നേ മോ​ഹി​ച്ചി​രു​ന്നു.

പു​രോ​ഹി​ത​നാ​യ​ശേ​ഷം ഡ​ൽ​ഹി സ​ർ​വ​ക​ലാ​ശാ​ല​യി​ൽ സം​ഗീ​തം പ​ഠി​ക്കു​ന്ന വേ​ള​യി​ലാ​ണ് ദാ​സേ​ട്ട​നെ നേ​രി​ൽ​ക്ക​ണ്ടു സം​സാ​രി​ക്കാ​ൻ ക​ഴി​ഞ്ഞ​ത്. സി​രി ഫോ​ർ​ട്ട് ഓ​ഡി​റ്റോ​റി​യ​ത്തി​ൽ ക​ച്ചേ​രി​ക്കു വ​ന്ന​താ​ണ് അ​ദ്ദേ​ഹം. മ​ന​സി​ൽ തി​ങ്ങി​നി​ന്ന ആ​ഗ്ര​ഹം പ​റ​ഞ്ഞ​പ്പോ​ൾ മ​ദ്രാ​സി​ലേ​ക്കു വ​രാ​നാ​യി​രു​ന്നു നി​ർ​ദേ​ശം. സ്നേ​ഹ​സ​രോ​വ​രം, സ്നേ​ഹാ​ർ​ച്ച​ന എ​ന്നി​ങ്ങ​നെ​യു​ള്ള ഭ​ക്തി​ഗാ​ന ആ​ൽ​ബ​ങ്ങ​ളി​ലേ​ക്ക് വ​ഴി​തു​റ​ന്ന​ത് അ​ങ്ങ​നെ​യാ​യി​രു​ന്നു. പാ​ട്ടു​ക​ൾ ഹി​റ്റു​ക​ളാ​യി. ആ ​സ്നേ​ഹ​ബ​ന്ധം പി​ന്നീ​ട് ഗു​രു​ശി​ഷ്യ​ബ​ന്ധ​മാ​യി.

സം​ഗീ​ത​ത്തി​ൽ ഒ​ട്ടും പാ​ര​ന്പ​ര്യ​മി​ല്ലാ​തി​രു​ന്ന ഞാ​ൻ അ​ദ്ദേ​ഹ​ത്തി​ന്‍റെ ശി​ഷ്യ​നാ​ക​ണം എ​ന്ന ആ​ഗ്ര​ഹം മ​ന​സി​ൽ​നി​ന്നു ക​ള​യാ​ൻ പ​ല​വ​ട്ടം ശ്ര​മി​ച്ചു. ഇ​ത്ര​യും വ​ലി​യൊ​രു പ്ര​തി​ഭ​യു​ടെ ശി​ഷ്യ​നാ​കാ​ൻ എ​നി​ക്കെ​ന്തു യോ​ഗ്യ​ത എ​ന്ന ചി​ന്ത വേ​ട്ട​യാ​ടി​യി​രു​ന്നു. എ​ന്നാ​ൽ അ​ക​ലാ​ൻ ശ്ര​മി​ക്കു​ന്പോ​ൾ ദാ​സേ​ട്ട​ൻ എ​ന്നെ കൂ​ടു​ത​ൽ സ്നേ​ഹി​ച്ചു. സം​ഗീ​ത​ത്തി​ൽ എ​ന്‍റെ ഓ​രോ പി​ഴ​വു​ക​ളും മ​ന​സി​ലാ​ക്കി എ​ന്നെ തി​രു​ത്തി​ക്കൊ​ണ്ടി​രു​ന്ന​ത് ഒ​രു സ്വ​ർ​ഗീ​യാ​നു​ഭ​വ​മാ​യി​രു​ന്നു.

ചെ​ന്നൈ​യി​ലും അ​മേ​രി​ക്ക​യി​ലും ദു​ബാ​യി​യി​ലും അ​ദ്ദേ​ഹ​ത്തോ​ടൊ​പ്പം താ​മ​സി​ച്ച് പ​ഠി​ക്കാ​നാ​യി. അ​തോ​ടെ ഗു​രു​കു​ല​വാ​സ​ത്തി​ന്‍റെ ആ​ഴ​വും, നാ​ദോ​പാ​സ​ന​യു​ടെ ഒൗ​ന്ന​ത്യ​വും എ​നി​ക്കു കൂ​ടു​ത​ൽ മ​ന​സി​ലാ​യി. അ​ദ്ദേ​ഹ​ത്തി​ന്‍റെ നി​ര​ന്ത​ര​മാ​യ നി​ർ​ബ​ന്ധ​ങ്ങ​ൾ എ​ന്‍റെ ആ​ലാ​പ​ന​ത്തി​ൽ ഗു​ണ​പ​ര​മാ​യ മാ​റ്റ​ങ്ങ​ൾ വ​രു​ത്തി.

ഞാ​ൻ നേ​രി​ൽ​ക്ക​ണ്ട ഏ​റ്റ​വും വ​ലി​യ താ​പ​സ​നാ​ണ് അ​ദ്ദേ​ഹം. ചി​ട്ട​യാ​ണ് അ​ദ്ദേ​ഹ​ത്തി​ന്‍റെ സം​ഗീ​ത​ത്തെ ഉ​ന്ന​ത​ശ്രേ​ണി​യി​ൽ എ​ത്തി​ച്ച​ത്. അ​പൂ​ർ​വ​സു​ന്ദ​ര​മാ​യ ആ​ലാ​പ​ന​ശൈ​ലി സി​നി​മാ സം​ഗീ​ത​ത്തി​ലും ശാ​സ്ത്രീ​യ സം​ഗീ​ത​ത്തി​ലും കെ​ട്ടി​പ്പ​ടു​ത്ത മ​റ്റൊ​രു ഗാ​യ​ക​ൻ ഉ​ണ്ടോ​യെ​ന്ന് സം​ശ​യി​ക്കേ​ണ്ടി​യി​രി​ക്കു​ന്നു. ആ ​ഗു​രു​മു​ഖ​ത്തു​നി​ന്ന് അ​ല്പം സം​ഗീ​തം പ​ഠി​ക്കാ​നാ​യ​ത് മ​ഹാ​ഭാ​ഗ്യം.
അ​ന​ന്ത​മാ​യ ആ ​സം​ഗീ​ത​ധാ​ര ഇ​നി​യു​മൊ​ഴു​കി ധാ​രാ​ളം മ​നു​ഷ്യ​ർ​ക്ക് സ​മാ​ധാ​ന​സ്നാ​ന​വും ആ​ന​ന്ദ​സ്നാ​ന​വും ന​ൽ​ക​ട്ടെ എ​ന്നു പ്രാ​ർ​ഥി​ച്ചു​കൊ​ണ്ട് ഗു​രു​നാ​ഥ​ന് അ​ശീ​തി പ്ര​ണാ​മം അ​ർ​പ്പി​ക്കു​ന്നു.