പാ​ട്ടു​വ​ര​യ്ക്കു​ന്ന ചി​ത്ര​ങ്ങ​ൾ!
മ​ന​സു ചേ​ർ​ത്തു​വ​ച്ച് പാ​ട്ടു​കേ​ൾ​ക്കു​ന്പോ​ൾ ഉ​ള്ളി​ൽ ചി​ല ചി​ത്ര​ങ്ങ​ൾ തെ​ളി​യാ​റി​ല്ലേ? ഉ​വ്വ്. പ​ക്ഷേ, അ​തു മി​ക്ക​വാ​റും സി​നി​മ​യി​ലെ ഗാ​ന​രം​ഗ​ങ്ങ​ളാ​വാ​റി​ല്ല. പാ​ട്ടു​മാ​യി താ​ര​ത​മ്യം ചെ​യ്യാ​ൻ ക​ഴി​യു​ന്ന, നി​ങ്ങ​ൾ മു​ന്പു​ക​ണ്ട ഇ​ട​ങ്ങ​ൾ, സ​ന്ദ​ർ​ഭ​ങ്ങ​ൾ, മു​ഖ​ങ്ങ​ൾ, സ്വ​പ്ന​ങ്ങ​ൾ, ബിം​ബ​ങ്ങ​ൾ.. എ​ന്തു​മാ​വാം അ​ത്. വി​കാ​ര​ങ്ങ​ളാ​വ​ണം ആ ​ദൃ​ശ്യ​ങ്ങ​ൾ​ക്കു പി​ന്നി​ലെ ക​ലാ​കാ​ര​ൻ. ക​വി​യും സം​ഗീ​ത സം​വി​ധാ​യ​ക​നും ശ​ബ്ദം​ന​ൽ​കി​യ​വ​രും ചേ​ർ​ന്ന് കേ​ൾ​ക്കു​ന്ന​യാ​ളി​ന്‍റെ മ​ന​സി​നെ അ​ന​ന്ത​ത​യി​ൽ അ​ല​യാ​ൻ​വി​ട്ട് വ​ര​പ്പി​ക്കു​ന്ന ചി​ത്ര​ങ്ങ​ൾ... അ​ങ്ങ​നെ ഉ​ള്ളി​ൽ തെ​ളി​യു​ന്ന ചി​ത്ര​ങ്ങ​ൾ ക​ട​ലാ​സി​ലേ​ക്കു പ​ക​ർ​ത്തു​ക​യാ​ണ് കാ​യം​കു​ളം​കാ​രി​യാ​യ എം.​ആ​ർ. ദേ​വി എ​ന്ന അ​ധ്യാ​പി​ക., അ​തും മ​ല​യാ​ള​ത്തി​നു കാ​ത​ങ്ങ​ൾ​ക്ക​പ്പു​റ​മി​രു​ന്ന്!

ചി​ത്രം, ദി​വ​സേ​ന ഒ​ന്ന്

ഇ​ക്ക​ഴി​ഞ്ഞ പു​തു​വ​ർ​ഷ​ദി​ന​ത്തി​ൽ ദേ​വി ഒ​രു സ​ര​സ്വ​തീ​ദേ​വി​യു​ടെ ചി​ത്രം വ​ര​ച്ചു. അ​ത് ഫേ​സ്ബു​ക്കി​ൽ പോ​സ്റ്റ് ചെ​യ്തു. ഫേ​സ്ബു​ക്കി​ലെ പൊ​തു​വേ​യു​ള്ള ച​ർ​ച്ചാ​വി​ഷ​യ​ങ്ങ​ളോ​ടും അ​തി​ന്‍റെ രീ​തി​ക​ളോ​ടും നേ​രി​യൊ​രി​ഷ്ട​ക്കു​റ​വു തോ​ന്നി​യ​പ്പോ​ൾ പു​തി​യ​തെ​ന്തെ​ങ്കി​ലും ചെ​യ്യാ​ൻ വേ​ണ്ടി വ​ര​ച്ച​താ​ണ്. അ​വ​രു​ടെ ഭാ​ഷ​യി​ൽ പ​റ​ഞ്ഞാ​ൽ പെ​ട്ടെ​ന്നു​ണ്ടാ​യ ഒ​രു ബോ​ധോ​ദ​യം! അതു​ക​ണ്ട് ചി​ത്ര​ക​ല​യി​ലെ ഗു​രു​വാ​യ ജോ​സ​ഫ് മാ​ർ​ട്ടി​ൻ മാ​ഷ് ദേ​വി​യോ​ടു പ​റ​ഞ്ഞു- മോ​ളേ, അ​ങ്ങ​നെ​യാ​ണെ​ങ്കി​ൽ നീ ​ദി​വ​സ​വും എ​ന്തെ​ങ്കി​ലും വ​ര​ച്ചി​ടൂ!

ആ ​ഉ​പ​ദേ​ശം സ്വീ​ക​രി​ച്ച് പി​ന്നീ​ടു ര​ണ്ടു​ദി​വ​സം ഓ​രോ പാ​ട്ടു​ക​ൾ മ​ന​സി​ൽ​വ​ച്ച് വ​ര​ച്ചു. അ​തു​ക​ണ്ട് വ​യ​ലാ​റി​ന്‍റെ മ​ക​ൾ ലേ​ഖ​യെ​ത്തി. അ​ച്ഛ​ന്‍റെ പാ​ട്ടു​ക​ൾ വ​ര​യ്ക്കൂ എ​ന്നാ​യി​രു​ന്നു ബ​ന്ധു​കൂ​ടി​യാ​യ ലേ​ഖ​യു​ടെ നി​ർ​ദേ​ശം. അ​ങ്ങ​നെ​യാ​വ​ട്ടെ എ​ന്നു ദേ​വി​യും ക​രു​തി. മൂ​ന്നോ നാ​ലോ എ​ണ്ണ​മൊ​ഴി​കെ, ജ​നു​വ​രി​യു​ടെ മു​ഴു​വ​ൻ നാ​ളു​ക​ളി​ലും വ​യ​ലാ​റി​ന്‍റെ സു​ന്ദ​ര​ഗാ​ന​ങ്ങ​ളു​ടെ ആ​ത്മാ​വി​നെ മാ​ർ​ക്ക​റി​ന്‍റെ ക​റു​പ്പു​നി​റം​കൊ​ണ്ട് വെ​ളി​ച്ച​ത്തി​ലേ​ക്കു നി​ർ​ത്തി. എ4 ​താ​ളു​ക​ളി​ൽ അ​ങ്ങ​നെ പാ​ട്ടി​ന്‍റെ ഈ​ണ​വും ഭാ​വ​വും നി​റ​ഞ്ഞു.

തെ​ല​ങ്കാ​ന​യി​ൽ ഒ​രു ഗ്രാ​മീ​ണ​വി​ദ്യാ​ല​യ​ത്തി​ൽ പ്ര​ധാ​നാ​ധ്യാ​പി​ക​യാ​ണ് ദേ​വി. പ​തി​നേ​ഴു വ​ർ​ഷ​മാ​യി ജോ​ലി​യി​ൽ പ്ര​വേ​ശി​ച്ചി​ട്ട്. മ​ക​ൻ അ​വി​ടെ ഐ​ടി വി​ദ്യാ​ർ​ഥി. പാ​ട്ടും വ​ര​യും പ​ണ്ടു​മു​ത​ൽ​ക്കേ ദേ​വി​യു​ടെ കൂ​ട്ടി​നു​ണ്ട്. ഒ​ന്നി​ലേ​റെ ബി​രു​ദാ​ന​ന്ത​ര ബി​രു​ദ​ങ്ങ​ൾ നേ​ടി​യ​തി​നൊ​പ്പം വ​ര​യും വാ​യ്പ്പാ​ട്ടും വ​യ​ലി​നും പ​ത്ര​പ്ര​വ​ർ​ത്ത​ന​വും പ​ഠി​ച്ചു. ഇ​ട​ക്കാ​ല​ത്ത് വ​ല​തു​കൈ​യ്ക്കു വ​ന്ന സ്വാ​ധീ​ന​ക്കു​റ​വി​നെ വെ​ല്ലു​വി​ളി​ച്ചാ​ണ് വീ​ണ്ടും വ​ര​യു​ടെ ലോ​ക​ത്ത് സ​ജീ​വ​മാ​യ​ത്. ര​ണ്ടു​വി​ര​ലു​ക​ൾ​ക്ക് ഇ​പ്പോ​ഴും പ്ര​യാ​സ​മു​ണ്ട്. അ​സു​ഖം വീ​ഴ്ത്തി​യ ദേ​വി​യോ​ട് ഡോ​ക്ട​ർ പ​റ​ഞ്ഞ​ത് ഇ​നി എ​ഴു​നേ​ൽ​ക്കി​ല്ല എ​ന്നാ​ണ്. അ​തി​നു മ​റു​പ​ടി​യാ​യി അ​വ​ർ സ്വ​യം ഉ​ള്ളി​ലു​റ​പ്പി​ച്ച​ത് അ​തു നി​ങ്ങ​ള​ല്ല തീ​രു​മാ​നി​ക്കേ​ണ്ട​ത് എ​ന്നാ​യി​രു​ന്നു!

പാ​ട്ടി​ന്‍റെ ജീ​വ​ൻ

പാ​ട്ടു​ക​ളെ അ​ടി​സ്ഥാ​ന​മാ​ക്കി​യു​ള്ള ചി​ത്രം​വ​ര അ​ത്ര പ​രി​ചി​ത​മാ​യ ഒ​ന്ന​ല്ല. ദേ​വി വ​ര​യ്ക്കു​ന്ന ശൈ​ലി​യും അ​ന​ന്യം. ചി​ത്ര​ങ്ങ​ൾ കാ​ണു​ന്പോ​ൾ ല​ളി​ത​മാ​ണ്. എ​ന്നാ​ൽ അ​വ​യു​ടെ സൂ​ക്ഷ്മ​ത, ഭാ​വ​വി​ന്യാ​സം, അ​വ യാ​ഥാ​ർ​ഥ്യ​മാ​ക്കു​ന്ന സം​വേ​ദ​നം- ഇ​വ​യെ​ല്ലാം അ​ദ്ഭു​ത​പ്പെ​ടു​ത്തും. പെ​ൻ​സി​ൽ കൊ​ണ്ടു വ​ര​ച്ച്, വീ​ണ്ടും മാ​യ്ച്ച് തി​രു​ത്തി തെ​ളി​യി​ക്കു​ന്ന രീ​തി​യി​ല​ല്ല ദേ​വി​യു​ടെ ര​ച​ന. നേ​രി​ട്ട് മാ​ർ​ക്ക​ർ പേ​ന​കൊ​ണ്ടാ​ണ് വ​ര. അ​തും വീ​ട്ടു​ജോ​ലി​ക​ൾ​ക്കി​ട​യ്ക്ക്. ദോ​ശ​യു​ണ്ടാ​ക്കു​ന്ന ഇ​ട​വേ​ള​ക​ളി​ൽ എ​ന്നാ​ണ് ദേ​വി വി​ശേ​ഷി​പ്പി​ക്കു​ന്ന​ത്.

നാ​ളെ ഏ​തു പാ​ട്ടി​നെ​ക്കു​റി​ച്ച് വ​ര​യ്ക്ക​ണം എ​ന്നാ​ണ് ആ​ദ്യ​ത്തെ ചി​ന്ത. അ​തു​റ​പ്പി​ച്ചു​ക​ഴി​ഞ്ഞാ​ൽ സ്കൂ​ളി​ലേ​ക്കു​ള്ള യാ​ത്ര​യി​ലൊ​ക്കെ മ​ന​സി​ൽ പ്ലാ​ൻ ചെ​യ്യും- എ​ന്തൊ​ക്കെ വ​ര​യ്ക്ക​ണ​മെ​ന്ന്. ചി​ത്ര​ര​ച​ന ജന്മസി​ദ്ധ​മാ​യ ഒ​രു ക​ഴി​വാ​ണ്. അ​തു പ​ഠി​പ്പി​ക്കാ​നാ​വി​ല്ല. കൈ ​ത​നി​യേ എ​ത്ത​ണം. പ​ക്ഷേ അ​തി​ന്‍റെ സാ​ങ്കേ​തി​ക​ത്വം ക​ണ്ടു​പ​ഠി​ക്കാ​നാ​വും- ദേ​വി പ​റ​യു​ന്നു.

ആ​ത്മാ​വു​ള്ള പാ​ട്ടു​ക​ൾ ആ​സ്പ​ദ​മാ​ക്കി വ​ര​യ്ക്കു​ന്പോ​ൾ ഗാ​ന​രം​ഗ​ത്തെ ന​ടീ​ന​ടന്മാ​രെ വ​ര​ച്ചി​ല്ലെ​ങ്കി​ലും തി​രി​ച്ച​റി​യാ​ൻ എ​ളു​പ്പ​മാ​ണ്. പാ​ട്ടു​പാ​ടി ഉ​റ​ക്കാം ഞാ​ൻ താ​മ​ര​പ്പൂം​പൈ​ത​ലേ, ഉ​ത്ത​രാ​സ്വ​യം​വ​രം ക​ഥ​ക​ളി കാ​ണു​വാ​ൻ, പ്ര​ള​യ​പ​യോ​ധി​യി​ൽ തു​ട​ങ്ങി​യ​വ​യു​ടെ ചി​ത്ര​ങ്ങ​ൾ ക​ണ്ടാ​ൽ ഒ​റ്റ​നോ​ട്ട​ത്തി​ൽ പാ​ട്ടേ​തെ​ന്ന് തി​രി​ച്ച​റി​യാം. എ​ന്നാ​ൽ ക​ട​ലി​ന​ക്ക​രെ പോ​ണോ​രെ വ​ര​യ്ക്കാ​ൻ നോ​ക്കി​യ​പ്പോ​ൾ ചെ​റി​യ പ്ര​തി​സ​ന്ധി​വ​ന്നു. വെ​റു​തെ ക​ട​ലും തോ​ണി​യും വ​ര​ച്ചാ​ൽ പാ​ട്ടേ​തെ​ന്നു പ​റ​യാ​നാ​വി​ല്ല. അ​പ്പോ​ൾ അ​തി​ലേ​ക്ക് മ​ധു​വി​നെ​യും ഷീ​ല​യെ​യും കൊ​ണ്ടു​വ​ന്നു. എ​ന്നാ​ൽ അ​ങ്ങ​നെ വ​ര​യ്ക്കു​ന്ന​ത് കൂ​ടു​ത​ൽ ശ്ര​മ​ക​ര​മാ​ണ്, സ​മ​യ​വു​മെ​ടു​ക്കും.

കേ​ൾ​ക്കാ​ൻ ഇ​ന്പ​മു​ള്ള ചി​ല പാ​ട്ടു​ക​ൾ​ക്ക് ആ​ത്മാ​വു​ണ്ടാ​കി​ല്ല. അ​തു​കൊ​ണ്ടു​ത​ന്നെ അ​ങ്ങ​നെ​യു​ള്ള​വ​യെ ചി​ത്രീ​ക​രി​ക്കാ​നും ക​ഴി​യി​ല്ല. പു​തി​യ പാ​ട്ടു​ക​ളി​ലേ​റെ​യും ആ ​ഗ​ണ​ത്തി​ൽ പെ​ടും. എ​ന്തെ​ങ്കി​ലും വ​ര​ച്ചാ​ൽ​ത്ത​ന്നെ അ​തു നെ​ഗ​റ്റീ​വ് ആ​കും. അ​ത്ത​ര​മൊ​ന്നു വ​ര​ച്ച് താ​ര​ത​മ്യം ചെ​യ്തു​കൊ​ണ്ടാ​വും വ​ര​യു​ടെ ഒ​രു വ​ർ​ഷം പൂ​ർ​ത്തി​യാ​ക്കു​ന്ന​ത്- ദേ​വി പ​റ​ഞ്ഞു.

വ​യ​ലാ​റി​ന്‍റെ 100 പാ​ട്ടു​ക​ൾ തെ​ര​ഞ്ഞെ​ടു​ത്തു​വ​ച്ചി​ട്ടു​ണ്ട് വ​ര​യ്ക്കാ​ൻ. അ​തി​നു​ശേ​ഷം ശ്രീ​കു​മാ​ര​ൻ ത​ന്പി, പി. ​ഭാ​സ്ക​ര​ൻ എ​ന്നി​വ​രു​ടെ പാ​ട്ടു​ക​ൾ അ​ടി​സ്ഥാ​ന​മാ​ക്കി​യു​ള്ള​വ വ​ര​യ്ക്കാ​നാ​ണ് ദേ​വി​യു​ടെ ശ്ര​മം. എ​ല്ലാം ചേ​ർ​ത്ത് ഒ​രു ആ​ൽ​ബ​മാ​ക്കാ​നും ഉ​ദ്ദേ​ശി​ക്കു​ന്നു. സം​ഗീ​ത​ത്തി​നു മാ​ത്ര​മാ​യു​ള്ള ഗ്രൂ​പ്പു​ക​ളി​ൽ​നി​ന്നെ​ല്ലാം മി​ക​ച്ച പ്ര​തി​ക​ര​ണ​മാ​ണ് ചി​ത്ര​ങ്ങ​ൾ​ക്കു ല​ഭി​ക്കു​ന്ന​ത്.

പ്ര​ള​യ​പ​യോ​ധി​യി​ൽ...

അ​ധ്യാ​പ​ന​വും ചി​ത്ര​ര​ച​ന​യും മാ​ത്ര​മ​ല്ല ദേ​വി​യു​ടെ ജീ​വി​തം. അ​തു​ര​ണ്ടും സ​മൂ​ഹ​ത്തി​ന് എ​ങ്ങ​നെ ഉ​പ​യോ​ഗ​പ്പെ​ടു​ത്താം എ​ന്നു​കൂ​ടി നി​ര​ന്ത​രം ആ​ലോ​ചി​ക്കു​ന്നു അ​വ​ർ. തെ​ല​ങ്കാ​ന​യി​ലും നാ​ട്ടി​ലെ വി​വി​ധ​യി​ട​ങ്ങ​ളി​ലും സ​ന്ന​ദ്ധ​പ്ര​വ​ർ​ത്ത​ന​ങ്ങ​ൾ​ക്കു​കൂ​ടി സ​മ​യം​ക​ണ്ടെ​ത്തു​ന്നു​ണ്ട് അ​വ​ർ. സ്കൂ​ൾ കു​ട്ടി​ക​ൾ​ക്കും സാ​ന്പ​ത്തി​ക​മാ​യി പി​ന്നോക്കം നി​ൽ​ക്കു​ന്ന​വ​ർ​ക്കും പ​തി​വാ​യി സ​ഹാ​യം ന​ൽ​കി​വ​രു​ന്നു. സ്വ​ന്തം വ​രു​മാ​ന​ത്തി​ന്‍റെ ഒ​രു ഭാ​ഗം മാ​റ്റി​വ​ച്ചാ​ണ് ഇ​തെ​ല്ലാം ചെ​യ്യു​ന്ന​ത്.

മു​ന്പു വ​ര​ച്ച ചി​ത്ര​ങ്ങ​ൾ വി​ല്പ​ന​ന​ട​ത്തി കി​ട്ടി​യ പ​ണം അ​ട്ട​പ്പാ​ടി​യി​ലെ പാ​വ​ങ്ങ​ൾ​ക്കു​വേ​ണ്ടി​യാ​ണ് വി​നി​യോ​ഗി​ച്ച​ത്. പ്ര​ള​യ​കാ​ല​ത്ത് ദു​രി​ത​ബാ​ധി​ത​ർ​ക്ക് ക​ഴി​യു​ന്ന​ത്ര സ​ഹാ​യ​ങ്ങ​ളെ​ത്തി​ച്ചു. വ​ര​യി​ലൂ​ടെ ല​ഭി​ക്കു​ന്ന പ്ര​തി​ഫ​ലം ചേ​ർ​ത്തു​വ​ച്ച് ഇ​നി​യും സേ​വ​ന​പ്ര​വ​ർ​ത്ത​ന​ങ്ങ​ൾ​ക്കി​റ​ങ്ങാ​നാ​ണ് ദേ​വി​യു​ടെ ല​ക്ഷ്യം. അ​തു​കൊ​ണ്ടു​ത​ന്നെ അ​വ​ർ ഉ​റ​പ്പി​ച്ചു പ​റ​യു​ന്നു- ആ​രും സൗ​ജ​ന്യ​മാ​യി പ​ടം​വ​ര​ച്ചു​ത​രാ​ൻ പ​റ​യ​രു​തേ..