മ​ണി​യ​ടി​ക്കു​ന്ന പാ​റ! കാറ്റാടിമലയിലെ അദ്ഭുത കാഴ്ച
പ്ര​കൃ​തി​യി​ലു​ള്ള ചി​ല കാ​ഴ്ച​ക​ൾ ന​മ്മെ അ​ദ്ഭു​ത​പ്പെ​ടു​ത്തി​ക്ക​ള​യും. ഇ​തെ​ങ്ങ​നെ​യാ​ണ് ഇ​ങ്ങ​നെ സം​ഭ​വി​ക്കു​ന്ന​തെ​ന്നോ​ർ​ത്ത് നാം ​അ​ദ്ഭു​തം​കൂ​റി നി​ൽ​ക്കും. ചി​ല വി​സ്മ​യ​ങ്ങ​ൾ​ക്കു മു​ന്നി​ൽ ശാ​സ്ത്രം പോ​ലും ചി​ല​പ്പോ​ൾ ഉ​ത്ത​ര​മി​ല്ലാ​തെ നി​ൽ​ക്കും. പ​ല​പ്പോ​ഴും വി​ശ്വാ​സ​ങ്ങ​ളും പാ​ര​ന്പ​ര്യ​ങ്ങ​ളു​മാ​ണ് ഇ​ങ്ങ​നെ പ​ല​തി​നും ഉ​ത്ത​രം ന​ൽ​കു​ന്ന​ത്.

അ​ങ്ങ​നെ​യൊ​രു കാ​ഴ്ച ത​മി​ഴ്നാ​ട്ടി​ലെ ത​ക്ക​ല​യ്ക്കു സ​മീ​പം കാ​റ്റാ​ടി മ​ല​യി​ലെ മ​ണി​യ​ടി​ച്ചാ​ൻ പാ​റ എ​ന്ന തീ​ർ​ഥാ​ട​ന കേ​ന്ദ്ര​ത്തി​ൽ എ​ത്തി​യാ​ൽ കാ​ണാം. ആ​ര​ൽ​വാ​യ്മൊ​ഴി ജം​ഗ്ഷ​നി​ൽ​നി​ന്നു ഏ​റെ ദൂ​രെ​യ​ല്ലാ​തെ സ്ഥി​തി ചെ​യ്യു​ന്ന പ്ര​ദേ​ശ​മാ​ണ് കാ​റ്റാ​ടി​മ​ല. കാ​റ്റാ​ടി മ​ല​യി​ൽ​നി​ന്നു താ​ഴേ​ക്കു നോ​ക്കി​യാ​ൽ ക​ണ്ണെ​ത്താ ദൂ​ര​ത്തോ​ളം നീ​ളു​ന്ന, കൂ​റ്റ​ൻ കാ​റ്റാ​ടി​ക​ൾ ചി​റ​കു വി​രി​ച്ചു​നി​ൽ​ക്കു​ന്ന കാ​റ്റാ​ടി​പ്പാ​ടം ആ​രു​ടെ​യും മ​നം​ക​വ​രും.

വാ​ഴ്ത്ത​പ്പെ​ട്ട ദേ​വ​സ​ഹാ​യം പി​ള്ള ര​ക്ത​സാ​ക്ഷി​ത്വം വ​രി​ച്ച മ​ല​യാ​ണി​ത്. ഇ​ന്നു ദി​നം​പ്ര​തി നൂ​റു​ക​ണ​ക്കി​നു പേ​ർ തീ​ർ​ഥാ​ട​ന​ത്തി​നെ​ത്തു​ന്ന പു​ണ്യ​ഭൂ​മി. വ​ൻ​മ​ര​ങ്ങ​ളും പാ​റ​ക്കെ​ട്ടു​ക​ളു​മൊ​ക്കെ​യാ​യി ഏ​തൊ​രു സ​ന്ദ​ർ​ശ​കന്‍റെ​യും ഒാ​ർ​മ​യി​ൽ​നി​ന്നു മാ​യി​ല്ല മ​ണി​യ​ടി​ച്ചാ​ൻ പാ​റ​യും പ​രി​സ​ര​വും. ക്രി​സ്തു​വി​ലു​ള്ള വി​ശ്വാ​സം ഉ​പേ​ക്ഷി​ക്കാ​ൻ ത​യാ​റ​ല്ല എ​ന്നു പ്ര​ഖ്യാ​പി​ച്ച​തി​ന്‍റെ പേ​രി​ലാ​ണ് മ​ണി​യ​ടി​ച്ചാ​ൻപാ​റ​യി​ലെ മ​ല​യി​ൽ വ​ച്ചു രാ​ജ​കി​ങ്ക​ര​ൻ​മാ​ർ ദേ​വ​സ​ഹാ​യം പി​ള്ള​യെ വെ​ടി​യു​തി​ർ​ത്തു വ​ധി​ച്ച​ത്. ‌അ​തി​നു മു​ന്പ് നി​ര​വ​ധി പീ​ഡ​ന​ങ്ങ​ൾ​ക്കും ദേ​വ​സ​ഹാ​യം പി​ള്ള​യെ ഇ​ര​യാ​ക്കി​യെ​ന്നു ച​രി​ത്രം പ​റ​യു​ന്നു.

മണിയടിച്ചാൻ പാറ

വെ​ടി​യു​തി​ർ​ക്കാ​നാ​യി ദേ​വ​സ​ഹാ​യം പി​ള്ള​യെ ക​യ​റ്റി​നി​ർ​ത്തി​യ പാ​റ​ക്കെ​ട്ടും അ​വി​ടെ​നി​ന്ന് അ​ദ്ദേ​ഹം താ​ഴേ​യ്ക്കു പ​തി​ച്ച സ്ഥ​ല​വും ആ​ൽ​മ​ര​വു​മൊ​ക്കെ ഇ​വി​ടെ ത​നി​മ ചോ​രാ​തെ കാ​ത്തു​പ​രി​പാ​ലി​ക്കു​ന്നു​ണ്ട്. അ​തി​നു തൊ​ട്ടു​ചേ​ർ​ന്നാ​ണ് സ​ന്ദ​ർ​ശ​ക​രെ വി​സ്മ​യി​പ്പി​ക്കു​ന്ന അ​ദ്ഭു​തം കാ​ത്തി​രി​ക്കു​ന്ന​ത്. മ​ണി​യ​ടി​ക്കു​ന്ന ഒ​രു പാ​റ! കേ​ൾ​ക്കു​ന്പോ​ൾ​ത്ത​ന്നെ ന​മു​ക്കു കൗ​തു​കം തോ​ന്നും. മ​ണി​നാ​ദം പൊ​ഴി​ക്കു​ന്ന പാ​റ​യോ? ഈ ​പ്ര​ദേ​ശ​ത്തി​നു മ​ണി​യ​ടി​ച്ചാ​ൻ പാ​റ എ​ന്നു പേ​രു കി​ട്ടാ​ൻ ത​ന്നെ കാ​ര​ണം ഈ ​അ​ദ്ഭു​ത ക​രി​ങ്ക​ല്ലാ​ണ്. ക​ന്പി​വേ​ലി കെ​ട്ടി സൂ​ക്ഷി​ച്ചി​രി​ക്കു​ന്ന ഒ​രു പ​ര​ന്ന പാ​റ​ക്ക​ഷ​ണ​മാ​ണ് അ​ദ്ഭു​ത​മൊ​രു​ക്കു​ന്ന​ത്.

ത​ട്ടു​ന്പോ​ൾ മ​ണി​നാ​ദം പൊ​ഴി​ക്കാ​നു​ള്ള ക​ഴി​വാ​ണ് ഈ ​ക​ല്ലി​നെ വ്യ​ത്യ​സ്ത​മാ​ക്കു​ന്ന​ത്. ക​രി​ങ്ക​ൽ ക​ഷ​ണ​മോ ഇ​രു​ന്പു ക​ഷ​ണ​മോ ഈ ​അ​ദ്ഭു​ത​പ്പാ​റ​യി​ൽ മു​ട്ടി​യാ​ൽ ക​രി​ങ്കല്ലിൽ ത​ട്ടു​ന്ന ശ​ബ്ദ​മ​ല്ല കേ​ൾ​ക്കു​ന്ന​ത്, മ​റി​ച്ച് ഒ​രു മ​ണി​യ​ടി​ക്കു​ന്ന​തു പോ​ലെ​യു​ള്ള നാ​ദം... ഇ​വി​ടെ ഈ​യൊ​രു പാ​റ മാ​ത്ര​മാ​ണ് മ​ണി​നാ​ദം പു​റ​പ്പെ​ടു​വി​ക്കു​ന്ന​ത്. ചു​റ്റു​പാ​ടു​മുള്ള മ​റ്റു​ പാ​റ​ക​ളി​ൽ ത​ട്ടി​യാ​ൽ സാ​ധാ​ര​ണ സ്വ​രം​ത​ന്നെ.

ആ പാറക്കഷണം

എ​ന്താ​ണ് ഇ​തി​ന്‍റെ ര​ഹ​സ്യം? ഈ ​മ​ണി​നാ​ദം മു​ഴ​ക്കു​ന്ന പാ​റ​യെ​ക്കു​റി​ച്ച് ഇ​വി​ടെ പ​ര​ന്പ​രാ​ഗ​ത​മാ​യി കൈ​മാ​റി​വ​രു​ന്ന വി​ശ്വാ​സ​മു​ണ്ട്, അ​തി​ങ്ങ​നെ: മാ​ർ​ത്താ​ണ്ഡ​വ​ർ​മ മ​ഹാ​രാ​ജാ​വി​ന്‍റെ അ​പ്രീ​തി​ക്കു പാ​ത്ര​മാ​യ ദേ​വ​സ​ഹാ​യം പി​ള്ള​യെ വ​ധി​ക്കാ​ൻ ഒ​ടു​വി​ൽ രാ​ജ​കി​ങ്ക​ര​ൻ​മാ​ർ കാ​റ്റാ​ടി മ​ല​യി​ലേ​ക്കു കൊ​ണ്ടു​വ​ന്നു. കാ​റ്റാ​ടി​മ​ല പാ​റ​ക്കൂ​ട്ട​ങ്ങ​ളും മ​ര​ങ്ങ​ളും നി​റ​ഞ്ഞ വി​ജ​ന​പ്ര​ദേ​ശ​മാ​ണ്. കൈ​കാ​ലു​ക​ൾ കൂ​ട്ടി​ക്കെ​ട്ടി ബ​ല​മു​ള്ള ക​ന്പി​ൽ കോ​ർ​ത്ത് ഭ​ട​ന്മാ​ർ ചു​മ​ന്നാ​ണ് ദേ​വ​സ​ഹാ​യം പി​ള്ള​യെ കാ​റ്റാ​ടി​മ​ല മു​ക​ളി​ൽ എ​ത്തി​ച്ച​ത്. അ​വി​ടെ ഒ​രു പാ​റ​യി​ൽ ക​യ​റ്റി​നി​ർ​ത്തി ഭ​ട​ന്മാ​ർ അ​ദ്ദേ​ഹ​ത്തി​നു നേ​രേ പ​ല​വ​ട്ടം വെ​ടി​യു​തി​ർ​ത്തു.

വെ​ടി​യേ​റ്റ് ര​ക്ത​സാ​ക്ഷി​ത്വം വ​രി​ച്ച പി​ള്ള​യു​ടെ ശ​രീ​രം താ​ഴേ​ക്കു വീ​ണു. അ​തേ​സ​മ​യം, ത​ന്നെ മു​ക​ളി​ൽ​നി​ന്ന് ഒ​രു വ​ലി​യ പാ​റ​ക്ക​ഷ​ണം മ​ണി​യ​ടി​ക്കു​ന്ന ശ​ബ്ദ​ത്തോ​ടെ താ​ഴേ​ക്കു പ​തി​ച്ച​ത്രേ. കൂ​ട്ട​മ​ണി മു​ഴ​ങ്ങു​ന്ന സ്വ​രം പോ​ലെ​യാ​ണ് അ​തു താ​ഴ്‌​വാ​ര​ത്ത് അ​നു​ഭ​വ​പ്പെ​ട്ട​തെ​ന്നും പ​റയു​ന്നു. അ​ന്നു താ​ഴേ​യ്ക്കു പ​തി​ച്ച പാ​റ​ക്ക​ഷ​ണ​ത്തി​ന്‍റെ ഒ​രു ഭാ​ഗ​മാ​ണ് ഇ​ന്നും മ​ണി​നാ​ദം മു​ഴ​ക്കു​ന്ന മ​ണി​യ​ടി​ച്ചാ​ൻ പാ​റ. മ​ണി​യ​ടി​ച്ചാ​ൻ പാ​റ​യി​ലെ​ത്തു​ന്ന ആ​യി​ര​ക്ക​ണ​ക്കി​നു തീ​ർ​ഥാ​ട​ക​രി​ൽ ഒ​രാ​ളും ഒ​രു​വ​ട്ട​മെ​ങ്കി​ലും ഈ ​പാ​റ​യി​ൽ കൊ​ട്ടി മ​ണി​നാ​ദം കേ​ൾ​ക്കാ​തെ മ​ട​ങ്ങാ​റി​ല്ല.

ജോ​ൺ​സ​ൺ പൂ​വ​ന്തു​രു​ത്ത്