രോ​ഗം തോ​ൽ​ക്കും, സം​ഗീ​തം കൂ​ട്ടു​നി​ന്നാ​ൽ
എ​ഴു​പ​താം വ​യ​സി​ൽ പി​യാ​നോ​യു​ടെ ബാ​ല​പാ​ഠ​ങ്ങ​ൾ അ​ഭ്യ​സി​ക്കു​ന്ന ഒ​രു ഡോ​ക്ട​റു​ണ്ട് തൃ​ശൂ​രി​ൽ. ഒ​രു നി​മി​ഷം​പോ​ലും പാ​ഴാ​ക്കാ​ൻ ഇ​ല്ലാ​ത്ത​ത്ര തി​ര​ക്കു​ള്ള സ്പെ​ഷ​ലി​സ്റ്റ്. ചെ​റു​പ്പ​ക്കാ​ര​നാ​യ അ​ധ്യാ​പ​ക​നു​മു​ന്നി​ൽ അ​ദ്ദേ​ഹം കൊ​ച്ചു​കു​ട്ടി​യെ​പ്പോ​ലെ വി​ര​ൽ​ത്തു​ന്പി​ലെ സ്വ​ര​ങ്ങ​ൾ പ​രി​ശീ​ലി​ക്കു​ന്നു. ക​ണ്‍​സ​ൾ​ട്ടേ​ഷ​ൻ തി​ര​ക്കു​ക​ൾ എ​ല്ലാം ആ​ഴ്ച​യി​ൽ ര​ണ്ടു മ​ണി​ക്കൂ​ർ മാ​റ്റി​വ​യ്ക്കു​ക​യാ​ണ്.

ചോ​ദി​ച്ചാ​ൽ അ​ദ്ദേ​ഹം പ​റ​യും- എ​ന്‍റെ വ​ള​രെ​ക്കാ​ല​മാ​യു​ള്ള ഒ​രാ​ഗ്ര​ഹ​മാ​ണ്. ഇ​പ്പോ​ഴാ​ണ് സ​മ​യം ഒ​ത്തു​വ​ന്ന​ത്!. മ​ന​സു മു​ന്നോ​ട്ടു​വ​യ്ക്കു​ന്ന പാ​ഷ​നു​ക​ൾ​ക്ക് സ​മ​യം ക​ണ്ടെ​ത്തു​ക എ​ന്ന​ത് ജീ​വി​ത​ത്തി​ൽ പു​ഞ്ചി​രി വി​ട​ർ​ത്തും. അ​തി​നു പ്രാ​യം ഒ​രി​ക്ക​ലും ത​ട​സ​വു​മ​ല്ല.

മ​യ​ങ്ങാ​തെ വ​യ​ലി​ൻ

വ​യ​ലി​ൻ​വാ​യ​ന​കേ​ട്ട് മ​യ​ങ്ങി​പ്പോ​കു​ന്ന​വ​രു​ണ്ട്. അ​ത് ക​ലാ​കാ​ര​ന്‍റെ മി​ടു​ക്കാ​ണ്. ഇ​വി​ടെ പ​റ​യു​ന്ന​ത് മ​റ്റൊ​രു ഡോ​ക്ട​റു​ടെ മി​ടു​ക്കി​നെ​ക്കു​റി​ച്ചാ​ണ്. മു​ന്പു ക​ണ്ട​തു​പോ​ലു​ള്ള ഒ​രു പാ​ഷ​നെ നെ​ഞ്ചി​ൽ​ച്ചേ​ർ​ത്തു​നി​ർ​ത്താ​ൻ രോ​ഗി​യെ സ​ഹാ​യി​ക്കു​ക​യാ​യി​രു​ന്നു ആ ​ഡോ​ക്ട​ർ. അ​ല്പം സ​ങ്കീ​ർ​ണ​മാ​യ സ​ഹാ​യം. ത​ന്‍റെ ത​ല​ച്ചോ​റി​ലെ മു​ഴ ഡോ​ക്ട​ർ​മാ​രു​ടെ സം​ഘം ശ​സ്ത്ര​ക്രി​യ ചെ​യ്തു നീ​ക്കു​ന്പോ​ൾ ഓ​പ്പ​റേ​ഷ​ൻ തി​യേ​റ്റ​റി​ൽ വ​യ​ലി​ൻ വാ​യി​ക്കു​ക​യാ​യി​രു​ന്നു രോ​ഗി! ഗു​സ്താ​വ് മാ​ലെ​റി​ന്‍റെ​യും ജോ​ർ​ജ് ഗെ​ർ​ഷ്വി​ന്‍റെ​യും ജൂ​ലി​യോ ഇ​ഗ്ലേ​ഷ്യ​സി​ന്‍റെ​യും സം​ഗീ​ത​ശ​ക​ല​ങ്ങ​ളാ​ണ് രോ​ഗി ത​ന്‍റെ ത​ല​യോ​ട്ടി തു​റ​ന്നു​ള്ള ശ​സ്ത്ര​ക്രി​യ​യ്ക്കി​ടെ വ​യ​ലി​നി​ൽ വാ​യി​ച്ച​ത്.

അ​ത്യ​ന്തം ഗൗ​ര​വ​മു​ള്ള ഒ​രു ശ​സ്ത്ര​ക്രി​യ​യ്ക്കി​ടെ എ​ന്തി​നാ​വും രോ​ഗി​യെ ഇ​ത്ത​ര​മൊ​രു കാ​ര്യം​ചെ​യ്യാ​ൻ ഡോ​ക്ട​ർ​മാ​ർ സ​മ്മ​തി​ച്ച​ത്?

സം​ഭ​വം ബ്രി​ട്ട​നി​ലാ​ണ്. ദാ​ങ്മ​ർ ടേ​ണർ എ​ന്ന 53കാ​രി​യാ​യി​രു​ന്നു രോ​ഗി. മാ​നേ​ജ്മെ​ന്‍റ് ക​ണ്‍​സ​ൾ​ട്ട​ന്‍റാ​യി പ്ര​വ​ർ​ത്തി​ച്ചി​രു​ന്ന അ​വ​ർ​ക്ക് നാ​ലു പ​തി​റ്റാ​ണ്ടി​ലേ​റെ​യാ​യു​ള്ള ഇ​ഷ്ട​മാ​ണ് വ​യ​ലി​നോ​ട്. ക്ലാ​സി​ക്ക​ൽ വ​യ​ലി​നി​സ്റ്റാ​യി പ്ര​വ​ർ​ത്തി​ക്കു​ക​യാ​യി​രു​ന്നു അ​വ​ർ. ജോ​ലി​യും സം​ഗീ​ത​വും ഹൃ​ദ​യ​പൂ​ർ​വം ആ​സ്വ​ദി​ക്കു​ന്ന​തി​നി​ടെ​യാ​ണ് ത​ല​ച്ചോ​റി​ൽ ട്യൂ​മ​റി​ന്‍റെ തി​ര​നോ​ട്ടം. അ​തും വ​ല​തു മു​ൻ​വ​ശ​ത്ത്. ആ ​ഭാ​ഗ​ത്തി​നൊ​രു പ്ര​ത്യേ​ക​ത​യു​ണ്ട്. ഇ​ട​തു കൈ​യി​ന്‍റെ സൂ​ക്ഷ്മ​ച​ല​ന​ങ്ങ​ളു​ടെ നി​യ​ന്ത്ര​ണം ത​ല​ച്ചോ​റി​ൽ അ​തി​നോ​ടു ചേ​ർ​ന്നു​ള്ള​യി​ട​ത്താ​ണ്. വ​യ​ലി​ൻ വാ​യി​ക്കാ​ൻ ഇ​ട​തു​കൈ എ​ത്ര​ത്തോ​ളം പ്ര​ധാ​ന​മാ​ണെ​ന്ന് പ്ര​ത്യേ​കം പ​റ​യേ​ണ്ട​തി​ല്ല​ല്ലോ. ഫിം​ഗ​ർ​ബോ​ർ​ഡി​ൽ ഒ​ഴു​കി​ന​ട​ക്കു​ന്ന ഇ​ട​തു കൈ​വി​ര​ലു​ക​ൾ കാ​ണു​ന്ന​തു​പോ​ലും എ​ന്തൊ​ര​ഴ​കാ​ണ്!

നി​ല​യ്ക്ക​രു​ത്, സം​ഗീ​തം

ട്യൂ​മ​ർ നീ​ക്കാ​ൻ തീ​രു​മാ​നി​ച്ച​പ്പോ​ൾ ഒ​പ്പം ഒ​ന്നു​കൂ​ടി ഡോ​ക്ട​ർ​മാ​ർ ഉ​റ​പ്പി​ച്ചു- ടേ​ണ​റു​ടെ വ​യ​ലി​ൻ വാ​യ​ന ഇ​ല്ലാ​താ​ക​രു​ത്. ഇ​താ​ദ്യ​മാ​യാ​ണ് ഒ​രു സം​ഗീ​തോ​പ​ക​ര​ണ​വു​മാ​യി എ​ന്‍റെ രോ​ഗി ഓ​പ്പ​റേ​ഷ​ൻ തി​യേ​റ്റ​റി​ലെ​ത്തു​ന്ന​ത്- കിം​ഗ്സ് കോ​ള​ജ് ഹോ​സ്പി​റ്റ​ലി​ലെ ക​ണ്‍​സ​ൾ​ട്ട​ന്‍റ് ന്യൂ​റോ​സ​ർ​ജ​ൻ പ്ര​ഫ. കേ​മാ​ഴ്സ് അ​ഷ്ക​ൻ പ​റ​യു​ന്നു. ത​ല​യോ​ട്ടി തു​റ​ന്നു​ള്ള ശ​സ്ത്ര​ക്രി​യ​യ്ക്കി​ടെ ടേ​ണ​ർ വ​യ​ലി​ൻ വാ​യി​ക്ക​ട്ടെ എ​ന്ന പ​ദ്ധ​തി അ​ദ്ദേ​ഹ​മാ​ണ് മു​ന്നോ​ട്ടു​വ​ച്ച​ത്.

ഓ​പ്പ​റേ​ഷ​ന്‍റെ ഒ​രു ഘ​ട്ട​ത്തി​ലും ഇ​ട​തു​കൈ​യി​ന്‍റെ ച​ല​ന​ത്തെ ബാ​ധി​ക്കു​ന്ന മ​സ്തി​ഷ്ക ഭാ​ഗ​ത്തി​ന് കേ​ടു​സം​ഭ​വി​ക്കാ​തെ നോ​ക്കു​ക എ​ന്ന​താ​യി​രു​ന്നു ഡോ​ക്ട​ർ​മാ​രു​ടെ ല​ക്ഷ്യം. അ​ങ്ങ​നെ തി​യേ​റ്റ​റി​ൽ ടേ​ണ​ർ ലോ​ക​പ്ര​ശ​സ്ത​രാ​യ കം​പോ​സ​ർ​മാ​രു​ടെ സം​ഗീ​ത​ശ​ക​ല​ങ്ങ​ൾ വാ​യി​ച്ചു​കൊ​ണ്ടി​രു​ന്നു.

ട്യൂ​മ​റി​ന്‍റെ 90 ശ​ത​മാ​ന​വും ഞ​ങ്ങ​ൾ നീ​ക്കി., അ​ഗ്ര​സീ​വ് ആ​ക്ടി​വി​റ്റി സം​ശ​യി​ക്കു​ന്ന ഭാ​ഗ​ങ്ങ​ളും. ഇ​ട​തു കൈ​യി​ന്‍റെ ശേ​ഷി പ​രി​പൂ​ർ​ണ​മാ​യി സം​ര​ക്ഷി​ച്ചു​കൊ​ണ്ടാ​യി​രു​ന്നു ഞ​ങ്ങ​ളു​ടെ പ്ര​വൃ​ത്തി- പ്ര​ഫ. അ​ഷ്ക​ൻ പ​റ​ഞ്ഞു.

ശ​സ്ത്ര​ക്രി​യ ക​ഴി​ഞ്ഞ് ടേ​ണ​ർ സു​ഖ​മാ​യി​രി​ക്കു​ന്നു. ഡോ​ക്ട​ർ​മാ​ർ​ക്ക് ന​ന്ദി പ​റ​ഞ്ഞു​കൊ​ണ്ട് അ​വ​രു​ടെ വാ​ക്കു​ക​ൾ ഇ​ങ്ങ​നെ: വ​യ​ലി​ന്‍റെ എ​ന്‍റെ ജീ​വി​താ​ഭി​ലാ​ഷ​മാ​ണ്. പ​ത്തു​വ​യ​സു​മു​ത​ൽ ഞാ​ന​ത് വാ​യി​ക്കു​ന്നു. അ​തി​നു പ​റ്റാ​താ​വു​ക എ​ന്ന​ത് ഹൃ​ദ​യ​ഭേ​ദ​ക​മാ​യ കാ​ര്യ​മ​ല്ലേ..
അതെ, ഹൃദയങ്ങൾക്കൊപ്പം നിൽക്കാനാണ് ദൈവം സംഗീതത്തെ സൃഷ്ടിച്ചത്!

ഹരിപ്രസാദ്


Copyright @ 2022 , Rashtra Deepika Ltd.