പെസഹാ പാൽ
ചേരുവകൾ: തേങ്ങ-2 എണ്ണം, ശർക്കര-അര കിലോ, ജീരകം-ആവശ്യത്തിന്, ചുക്ക്-1 കഷണം, ഏലയ്ക്കാ-ആവശ്യത്തിന്, കുത്തരി-100 ഗ്രാം.
പാകം ചെയ്യുന്ന വിധം: പുതിയ പാത്രത്തിൽ തേങ്ങാപ്പാലും അരിച്ചെടുത്ത ശർക്കരപ്പാനിയും തിളപ്പിക്കുക. വറുത്തു പൊടിച്ചുവച്ച അരിപ്പൊടിയിൽ തീയിലിരിക്കുന്ന ലായനി അല്പമെടുത്ത് കട്ടിപിടിക്കാതെ കലക്കി പാലിൽ ഒഴിക്കുക. ജീരകം, ഏലയ്ക്ക പൊടിച്ചത് എന്നിവയും ചേർത്ത് അടുപ്പിൽ വച്ച് പുത്തൻ തവികൊണ്ട് ഇളക്കിക്കൊണ്ടിരിക്കുക.
പെസഹാ അപ്പം
ചേരുവകൾ: പച്ചരിപ്പൊടി വറുത്തത് 1 കിലോ, ഉഴുന്ന്-കാൽകിലോ, തേങ്ങ-2 എണ്ണം, ജീരകം-പാകത്തിന്, ചുവന്നുള്ളി-ആവശ്യത്തിന്, ഉപ്പ്-പാകത്തിന്, വെളുത്തുള്ളി-ആവശ്യത്തിന്.
പാകം ചെയ്യുന്ന വിധം: തേങ്ങ, ഉള്ളി, ജീരകം എന്നിവ ഒന്നിച്ച് നന്നായി അരയ്ക്കുക, ഉഴുന്ന് ചീനച്ചട്ടിയിൽ വെറുതെ വറുത്തെടുത്തു കുതിർത്ത് അരച്ചെടുക്കുക. വറുത്ത അരിപ്പൊടിയിൽ അരച്ച ഉഴുന്നും തേങ്ങയും പാകത്തിന് ഉപ്പും ആവശ്യത്തിന് വെള്ളവും ചേർത്ത് കുഴയ്ക്കുക. ഒരു മണിക്കൂർ വയ്ക്കുക. പാത്രത്തിലാക്കിയ ശേഷം അപ്പച്ചെന്പിൽ വെള്ളം ഒഴിച്ച് തട്ടിനുമുകളിൽ വച്ച് ആവിയിൽ വേവിക്കുക.
(ഇന്നത്തെ സാഹചര്യത്തിൽ കഴിഞ്ഞ വർഷത്തെ കുരുത്തോല വൃത്തിയാക്കി കുരിശുണ്ടാക്കുകയോ അല്ലെങ്കിൽ കുരിശപ്പത്തിന്മേൽ കൈകൊണ്ട് കുരിശു വരയ്ക്കുകയോ ചെയ്താൽ മതിയെന്ന് പല രൂപതാദ്ധ്യക്ഷൻമാരും നിർദേശം നൽകിയിട്ടുണ്ട്.)