പ്രതീകാത്മക ചിത്രം
കഷ്ടപ്പെട്ട് ഒരു സ്റ്റോറി ഉണ്ടാക്കി. നല്ല ഫോട്ടോ, നല്ല പാട്ട്, നല്ല ക്യാപ്ഷൻ. പോസ്റ്റ് ചെയ്തു. രണ്ട് മിനിറ്റ് കഴിഞ്ഞപ്പോൾ നോക്കുമ്പോൾ..."അയ്യോ! ടൈപ്പ് തെറ്റിയല്ലോ!"അല്ലെങ്കിൽ പാട്ട് തെറ്റിപ്പോയി. അല്ലെങ്കിൽ സ്റ്റിക്കർ തെറ്റായ സ്ഥലത്ത് വെച്ചുപോയി.പിന്നെ എന്ത് ചെയ്യും? വന്ന ലൈക്കും വ്യൂവും എല്ലാം കളഞ്ഞ്, സ്റ്റോറി ഡിലീറ്റ് ചെയ്ത്, വീണ്ടും അതേപടി ഉണ്ടാക്കി വീണ്ടും പോസ്റ്റ് ചെയ്യും. എന്തൊരു മടുപ്പാണ് അല്ലേ?ആ മടുപ്പിന് ഇനി അവസാനം!
ഇൻസ്റ്റാഗ്രാം പുതിയ ഫീച്ചർ കൊണ്ടുവന്നു Edit Story!
ഇനി മുതൽ സ്റ്റോറി പോസ്റ്റ് ചെയ്തതിന് ശേഷവും അത് എഡിറ്റ് ചെയ്യാം.പോസ്റ്റ് ചെയ്ത് 15 മിനിറ്റിനുള്ളിൽ നിങ്ങൾക്ക് സ്റ്റോറിയിലെ ടെക്സ്റ്റ് മാറ്റാം
മ്യൂസിക് മാറ്റാം
സ്റ്റിക്കർ മാറ്റാം / ഡിലീറ്റ് ചെയ്യാം
ഡ്രോയിംഗ് / വര മാറ്റാം
ഏറ്റവും വലിയ സന്തോഷം എന്താണെന്നറിയാമോ? നിങ്ങളുടെ വ്യൂസ്, ലൈക്ക്, റിപ്ലൈ ഒന്നും പോകില്ല! അതെല്ലാം അതേപടി തന്നെ നിൽക്കും.
എങ്ങനെ ചെയ്യാം?
1. നിങ്ങൾ ഇപ്പോൾ പോസ്റ്റ് ചെയ്ത സ്റ്റോറി തുറക്കുക
2. താഴെ വലത് ഭാഗത്ത് കാണുന്ന മൂന്ന് ഡോട്ട് ( ... ) ക്ലിക്ക് ചെയ്യുക
3. അവിടെ കാണുന്ന Edit Story എന്ന ഓപ്ഷൻ ക്ലിക്ക് ചെയ്യുക
4. വേണ്ട മാറ്റങ്ങൾ വരുത്തി Save ചെയ്യുക അത്രയേ ഉള്ളൂ!
നിങ്ങളുടെ സ്റ്റോറി പുതിയ രൂപത്തിൽ ആയി.ഒരു ചെറിയ കാര്യം ഓർക്കണം .എഡിറ്റ് ചെയ്ത സ്റ്റോറിയുടെ മുകളിൽ "Edited" എന്ന് ചെറുതായി എഴുതി കാണിക്കും. അതായത് ഈ സ്റ്റോറി പിന്നീട് എഡിറ്റ് ചെയ്തതാണ് എന്ന് കാണുന്നവർക്ക് മനസിലാകും. ഇത് വാട്സാപിൽ മെസേജ് എഡിറ്റ് ചെയ്യുമ്പോൾ കാണിക്കുന്നത് പോലെ തന്നെ.
ആർക്കാണ് ഇത് ഏറ്റവും ഉപകാരം?
1. കണ്ടന്റ് ക്രിയേറ്റേഴ്സിന്: ഒരു ചെറിയ ടൈപ്പ് തെറ്റിന് വേണ്ടി മുഴുവൻ റീച്ച് കളയേണ്ടി വരില്ല.
2. ബിസിനസ് പേജുകൾക്ക്: വില, ഓഫർ എന്നിവയിൽ തെറ്റ് വന്നാൽ പെട്ടെന്ന് തിരുത്താം.
3. നമ്മൾ സാധാരണക്കാർക്ക്: കൂട്ടുകാർ കളിയാക്കുന്നതിന് മുമ്പ്, ടൈപ്പ് തെറ്റ് പെട്ടെന്ന് മാറ്റാം!
മറ്റൊരു സർപ്രൈസ് കൂടി!
ഈ അപ്ഡേറ്റിനൊപ്പം ഇൻസ്റ്റാഗ്രാം വേറെയും ചില മാറ്റങ്ങൾ കൊണ്ടുവന്നിട്ടുണ്ട്.പാട്ട് കേൾക്കുമ്പോൾ തന്നെ Apple Music ലേക്ക് Save ചെയ്യാം. പുതിയ സ്റ്റിക്കർ ഡിസൈനുകൾ, ഒന്നിലധികം ഫോട്ടോ ഒരുമിച്ച് സെലക്ട് ചെയ്യാൻ എളുപ്പവഴി, ഫോട്ടോയ്ക്ക് പിന്നിൽ ബാക്ക്ഗ്രൗണ്ട് ഇടാൻ പുതിയ ഓപ്ഷൻ എന്നിവയെല്ലാം വന്നിട്ടുണ്ട്.പക്ഷേ ഒരു Catch ഉണ്ട്!ഈ എഡിറ്റ് ഓപ്ഷൻ 15 മിനിറ്റ് മാത്രമേ കിട്ടൂ. 15 മിനിറ്റ് കഴിഞ്ഞാൽ പിന്നെ സ്റ്റോറി ലോക്ക് ആകും. പിന്നെ എഡിറ്റ് ചെയ്യാൻ പറ്റില്ല. ഫേസ്ബുക്കിലേക്ക് കൂടി ഷെയർ ചെയ്ത സ്റ്റോറിയിലും, ചില പ്രത്യേക സ്റ്റിക്കറുകൾ ഉള്ള സ്റ്റോറിയിലും ഈ ഓപ്ഷൻ കിട്ടില്ല.അതുകൊണ്ട് സ്റ്റോറി ഇട്ട ഉടൻ ഒന്ന് കൂടി നോക്കുക, തെറ്റുണ്ടെങ്കിൽ പെട്ടെന്ന് തിരുത്തുക!