x
ad
Sun, 22 November 2026
Facebook X Instagram Youtube
Deepika
Deepika
E-Paper
ad

ADVERTISEMENT

ഷവോമി ഇത്തവണ കളി മാറ്റി! പിന്നിലും ഒരു ഫോൺ കൂടി!

വെബ് ഡെസ്ക്
Published: November 21, 2026 09:29 AM IST | Updated: November 21, 2026 09:29 AM IST

പ്രതീകാത്മക ചിത്രം

 

ഷവോമി എന്ന് കേൾക്കുമ്പോൾ നമ്മുടെ മനസ്സിൽ വരുന്നത് എന്താണ്? കുറഞ്ഞ വില, നല്ല ഫീച്ചറുകൾ, ബജറ്റ് ഫോൺ...എന്നാൽ ഇനി അത് മറന്നേക്കൂ!കാരണം ഷവോമി ഇത്തവണ ഇറക്കിയിരിക്കുന്നത്, സാംസങ്ങിനെയും ആപ്പിളിനെയും പോലും ഞെട്ടിക്കാൻ പോന്ന ഒരു ഫോണാണ് - Xiaomi 18 Pro.

ഫോണിന്‍റെ പിന്നിൽ ഒരു ഫോൺ?

ഈ ഫോൺ കണ്ടാൽ ആദ്യം എല്ലാവരും ചോദിക്കുന്ന ചോദ്യം ഇതാണ്.കാരണം, മുൻവശത്ത് ഒരു വലിയ ഡിസ്പ്ലേ മാത്രമല്ല, പിൻവശത്തും ഒരു ചെറിയ ഡിസ്പ്ലേ കൂടിയുണ്ട്!മുന്നിൽ 6.4 ഇഞ്ച് 1.5K OLED ഡിസ്പ്ലേ, 120Hz റിഫ്രഷ് റേറ്റ്. കണ്ണിന് ഒരു സുഖം തന്നെ.

പിന്നിൽ 2.66 ഇഞ്ച് രണ്ടാമത്തെ ഡിസ്പ്ലേ. ഫോൺ തിരിച്ച് വെച്ചാൽ പോലും, പാട്ട് മാറ്റാം, മാപ്പ് നോക്കാം, നോട്ടിഫിക്കേഷൻ കാണാം. ഇനി ഫോൺ എടുത്ത് തിരിച്ച് നോക്കേണ്ട!

ഇതാണ് ഷവോമിയുടെ പുതിയ സ്റ്റൈൽ. ഫോൺ വെറുമൊരു ഫോൺ അല്ല, ഒരു സ്റ്റൈൽ സ്റ്റേറ്റ്മെന്‍റ് ആണ്.

ക്യാമറ കണ്ടാൽ കണ്ണ് തള്ളും!

ഫോട്ടോ എടുക്കാൻ ഇഷ്ടമുള്ളവർക്ക് ഇത് ഒരു സ്വപ്നം പോലെയാണ്.
200MP മെയിൻ ക്യാമറ + 200MP ടെലിഫോട്ടോ + 50MP അൾട്രാവൈഡ്.

അതായത്, ദൂരെ ഉള്ളത് പോലും അടുത്ത് നിന്ന് എടുത്ത പോലെ വ്യക്തമായി കിട്ടും. രാത്രിയിൽ പോലും ഫോട്ടോകൾ അത്രയും ക്ലിയർ ആയിരിക്കും.
സെൽഫിക്ക് 50MP ക്യാമറ വേറെ.

ഇൻസ്റ്റഗ്രാമിൽ ഫോട്ടോ ഇടുന്നവർക്ക്, ഇനി DSLR വേണോ എന്ന് പോലും ചിന്തിക്കേണ്ടി വരും!

പവർ എന്നാൽ പവർ തന്നെ!

ഈ ഫോണിനുള്ളിൽ ഇരിക്കുന്നത് ലോകത്തിലെ ഏറ്റവും പവർഫുൾ ചിപ്പുകളിൽ ഒന്നായ Snapdragon 8 Elite Gen 6 ആണ്.
ഗെയിം കളിക്കുമ്പോൾ ലാഗ് ഇല്ല. 10 ആപ്പ് ഒരുമിച്ച് തുറന്നാലും ഹാങ്ങ് ആകില്ല. എഡിറ്റിംഗ് ചെയ്താലും ഫോൺ ചൂടാകില്ല.
കൂടാതെ 7000mAh ന്‍റെ ഭീമൻ ബാറ്ററി. രാവിലെ ചാർജ് ചെയ്താൽ, പിറ്റേന്ന് രാവിലെ വരെ ചാർജ് തീരില്ല എന്ന് പറഞ്ഞാൽ അതിശയോക്തിയല്ല. 100W ഫാസ്റ്റ് ചാർജിംഗ് ഉള്ളതിനാൽ, ചായ കുടിക്കുന്ന സമയം കൊണ്ട് ഫോൺ പകുതിയിലേറെ ചാർജ് ആകും.
വില
ഇവിടെയാണ് എല്ലാവരും ഒന്ന് നിൽക്കുന്നത്.
ഇന്ത്യയിൽ ഈ ഫോണിന് പ്രതീക്ഷിക്കുന്ന വില 1.6 ലക്ഷം മുതൽ 1.7 ലക്ഷം രൂപ വരെ ആണ്. ജനുവരി ആദ്യവാരം ഇന്ത്യയിൽ ലോഞ്ച് ചെയ്യുമെന്നാണ് റിപ്പോർട്ട്."
ഷവോമിക്ക് ഇത്രയും വിലയോ?" എന്ന് ചോദിക്കുന്നവരുണ്ടാകും. ശരിയാണ്, ഇത് ഷവോമിയുടെ പതിവ് വിലയല്ല. പക്ഷേ ഇത് പതിവ് ഷവോമി ഫോണും അല്ല.
വാങ്ങണോ?

നിങ്ങൾ ഒരു സാധാരണ ഫോൺ ഉപയോഗിക്കുന്ന ആളാണെങ്കിൽ, ഈ ഫോൺ നിങ്ങൾക്ക് വേണ്ടി വന്നതല്ല.പക്ഷേ, നിങ്ങൾക്ക് ബെസ്റ്റ് ക്യാമറ വേണം, ബെസ്റ്റ് പെർഫോമൻസ് വേണം, ആളുകളുടെ ഇടയിൽ വ്യത്യസ്തമായി നിൽക്കണം എന്നുണ്ടെങ്കിൽ - Xiaomi 18 Pro നിങ്ങളെ നിരാശപ്പെടുത്തില്ല.

ഷവോമി ഇത്തവണ വെറുമൊരു ഫോൺ ഇറക്കിയതല്ല, ഒരു വെല്ലുവിളി ആണ് ഇറക്കിയത്. "ഞങ്ങളും പ്രീമിയം ആണ്" എന്ന വെല്ലുവിളി.

Tags : Tec story

Recent News

Corehub Up